ირაკლი ლატარია: გოგი ხოშტარიას შვილი, „მგიმოელი“ ელენე, რომელსაც სერგეი ლავროვის დაწერილი ჰიმნი შიგ სულში უზის, თურმე, გუდკოვის საკითხზე ყოფილა შეშფოთებული
Read Time:42 Second
„ბარემ პუტინი შემოგვეშვა? თუმცა, თქვენ ეგეც გინდათ, ეგ ხომ თქვენი ოცნებაა? კიდევ ომი, კიდევ ჩაბარებული სოფლები და დაღუპული ახალგაზრდები, ხოლო თქვენ – გაქცეულები ბაქოში, სადაც თითქმის ყველას გაქვთ ბინები გაქვთ“, – ასე ეხმიანება ანალიტიკოსი ირაკლი ლატარია ოპოზიციის შეშფოთებას რუსი ოპოზიციონერი პოლიტიკოსის დიმიტრი გუდკოვის საქართველოში არშემოშვებასთან დაკავშირებით.
„გუდკოვი 2007 წელს ითხოვდა ოკუპირებული აფხაზეთის დამოუკიდებლობის აღიარებას და უნდა შემოგვეშვა? რატომ? იმიტომ, რომ თქვენც რუსეთის წარმომადგენლობა ხართ და მაგიტომ? გოგი ხოშტარიას შვილი, „მგიმოელი“ ელენე, რომელსაც სერგეი ლავროვის დაწერილი ჰიმნი შიგ სულში უზის, თურმე, ყოფილა შეშფოთებული გუდკოვის საკითხზე. საზოგადოება გაიზარდა, საზოგადოება დაფიქრდა და ზუსტად იცის ყველამ, რომ თქვენ ხართ რუსული პარტია, რუსეთის ყველაზე წარმატებული აგენტურა!“, – წერს ლატარია Facebook – ზე.
2007 წელს დიმიტრი გუდკოვი, რომელიც მაშინ რუსეთის ახალგაზრდული პალატის თავმჯდომარე და „რუსეთის სახალხო პარტიის“ ახალგაზრდული ფრთის ხელმძღვანელი იყო, პალატის დელეგაციასთან ერთად სოხუმში ჩავიდა, სადაც დე ფაქტო პრეზიდენტ სერგეი ბაღაფშს შეხვდა და დამოუკიდებლობისადმი აფხაზეთის მისწრაფებებს მხარდაჭერა გამოუცხადა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
