ირაკლი კუპრაძე: გვაქვს შეთავაზება, რომ სიების ჩახსნა გაკეთდეს ერთდროულად, ოთხივე პოლიტიკური სუბიექტის მიერ, პრეზიდენტის ჩართულობით

მუდმივად ვიმეორებთ, რომ ვჯდებით კანონის ფარგლებში. რომელი კანონის, რომელიც აღარ არსებობს? უნდა შევწყვიტოთ ბალერინობის თამაში, მოვეშვათ ენის მოჩლექას. ახლა საჭიროა სიმტკიცე, მიწოლა, – ამის შესახებ საქართველოს ყოფილმა პრეზიდენტმა, მიხეილ სააკაშვილმა სასამართლო პროცესზე დისტანციურად ჩართვისას განაცხადა და განმარტა, რომ ეს მთავრობა მთლიანად არალეგიტიმურია. „ახლა ჩვენსა და ჩვენს თავისუფლებას შორის, ჩვენსა და ჩვენს გადარჩენას შორის არის 4 000 რობოკოპი და სპეცრაზმელი. ხალხო, გავიაზროთ, ჩვენსა და ჩვენს მომავალს შორის არის 4 000 რობოკოპი, ჩვენ ხომ ბევრად მეტნი ვართ? ამიტომ, უნდა შევწყვიტოთ ეს ბალერინობის თამაში, „ტროტუარზე, სკამზე არ ავიდეთ“. მუდმივად ვიმეორებთ, რომ ვჯდებით კანონის ფარგლებში. რომელი კანონის ფარგლებში, რომელიც აღარ არსებობს? რომელი კონსტიტუციის ფარგლებში, რომლიდანაც ესენი დიდი ხანია, გავიდნენ? რომელ მთავრობაზე ლაპარაკობთ, რანაირად შეიძლება, მთავრობა იყოს ის, ვინც არჩევნები წააგო. მთლიანად არალეგიტიმურია, მთავრობა კი არ არის, ეს არის თვითმარქვია, თვითგამოცხადებული მთავრობა. ისევე როგორც, სამართალდამცავები კი არ არიან, სინამდვილეში, სამართალდამრღვევები არიან. ამიტომ, მოვეშვათ ენის მოჩლექას. ახლა საჭიროა სიმტკიცე, მიწოლა, რადგან კაცმა, რომელმაც ეს ამბავი ჩაიდინა, ხმები წაგართვათ, არის ყველაფრის მკადრებელი, ყველაფერზე წამსვლელი და თითოეული სიცოცხლე საფრთხეშია. უკან, კედელზე არის გაყალბებული ბიულეტენები, უკან არის ჩემი შვილის, ალისას ნახატი, ფერადი მომავლის. ალისას და მის მომავალს შორის დგანან ეს რობოკოპები. ალისას ამ ქვეყანაში დარჩენას ხელს უშლის თვითმარქვია, თვითგამოცხადებული მაფიოზური კლანი, რომელიც თავს აცხადებს ხელისუფლებად“, – განაცხადა მიხეილს სააკაშვილმა.

შვედეთის ხელისუფლების წარმომადგენელმა პირდაპირ მოუწოდა აქციის მონაწილეებს, მაიდნის სცენარზე გადასულიყვნენ. ვინმეს მაიდანი თუ უნდა, დაიდგას თავის ქვეყანაში, საქართველოში არეულობას შეეშვან, – ამის შესახებ პარლამენტის თავმჯდომარემ, შალვა პაპუაშვილმა განაცხადა. პაპუაშვილის თქმით, „შვედეთის ხელისუფლების წარმომადგენელს თუ უნდა, ასეთი სცენარები განვითარდეს საქართველოში, შემდეგ ნუღარ იტყვიან, რომ ქართველი ხალხის მიმართ რაიმე სიმპათია აქვთ“. „ნიშანდობლივია, რომ იმ დღიდან, როცა რვა ევროპელი დეპუტატი გვესტუმრა, პარლამენტის წინ აქციებს გვიმართავდა და მოუწოდეს ოპოზიციას, მაიდანის სცენარზე გადასულიყვნენ, რადიკალური ჯგუფები გადაიქცნენ ექსტრემისტულ ჯგუფებად. შემდეგ დღეებში დავინახეთ მათი ქმედება, მათ შორის „იმედის“ ჟურნალისტის მიმართ, როგორ იქცეოდნენ, რა ტერმინოლოგიას იყენებდნენ აბსოლუტურად სახედაკარგული, ემოციურად დაზიანებული „ნაცმოძრაობის“ აქტივისტები. ეს არის მაგალითი ლიბერალური ფაშიზმისა. ამ ადამიანებს ერთი გრამი ძალაუფლებაც თუ ჩაუვარდათ ხელში, კედელთან მიაყენებენ ყველას, ვინც მათ არ ეთანხმება. რეალურად, ეს არის გამეორება 100 წლის წინანდელი მოვლენებისა. მაშინაც საქართველოში გარედან იმპლანტირებული ბოლშევიზმი შემოვიდა და კედელთან მიაყენეს ყველა, ვინც მათ არ ეთანხმებოდა. ზუსტად ეს არის დღევანდელი ლიბერალურ-ფაშისტური ბაბლი, რომელიც მათი შექმნილია. ერთი გრამი ძალაუფლება რომ ჩაიგდონ ხელში, კედელთან მიაყენებენ ყველას – ზოგს ფიზიკურად გაანადგურებენ და ზოგს ადამიანურად გაანადგურებენ, წაშლიან. ეს სახე დავინახეთ ჩვენ და ისიც დავინახეთ, რამ უბიძგათ ამ ყველაფრისკენ. იმ რვა ევროპული ქვეყნიდან ჩამოსულმა დეპუტატებმა როდესაც გადახედეს აქციას და ნახეს, ცოტა ხალხია, ტემპერატურა არ აქვს, შვედეთის ხელისუფლების წარმომადგენელმა პირდაპირ მოუწოდა, მაიდნის სცენარზე გადასულიყვნენ. ვინმეს მაიდანი თუ უნდა, დაიდგას თავის ქვეყანაში, საქართველოში არეულობას შეეშვან, რაც ამ შემთხვევაში ევროპელი პოლიტიკოსებისგან ვიხილეთ. ვნახეთ, განსაკუთრებით შვედეთის ხელისუფლების წარმომადგენელი, როგორ მოუწოდებდა მაიდნისკენ. მგონი, ამ მაიდნის რაღაც რომანტიზება აქვთ მათ, ვისაც პირადად არ შეხებია. ადამიანები დაიხოცნენ, სისხლი დაიღვარა და შვედეთის ხელისუფლების წარმომადგენელს თუ უნდა, ასეთი სცენარები განვითარდეს საქართველოში, ნუღარ იტყვიან, რომ მეგობრებს გვიწოდებენ და ქართველი ხალხის მიმართ რაიმე სიმპათია აქვთ“, – განაცხადა პაპუაშვილმა.

პარტია "ქართული ოცნების" აღმასრულებელი მდივანი, საპარლამენტო უმრავლესობის ლიდერი მამუკა მდინარაძე ოპოზიციის მისამართით სოციალურ ქსელში წერს: “ეზიზღებათ” ყველაფერი რუსული და ხოშტარიას პარტიას წარმოადგენენ… ევროპაზე და დემოკრატიაზე ლაპარაკობენ და სააკაშვილის პარტიას წარმოადგენენ… თაღლითებს და მევახშეებს “ებრძვიან” და ხაზარაძის პარტიას წარმოადგენენ… მოღალატეობაში ბრალს დებენ ადამიანებს და გახარიას პარტიას წარმოადგენენ… ვერ ბედავენ მათივე კოლეგაზე უმძიმეს თავდასხმას ამორალური უწოდონ და ჟურნალისტები ქვიათ… ერთიანი საქართველოს იდეის კვალდაკვალ აფხაზს და ოსს მტერს ეძახიან… ევროინტეგრაციის იდეის კვალდაკვალ ოჯახური ღირებულებების კანონი თუ არ გავაუქმეთ, ევროპა არ მიგვიღებსო, პროპაგანდირებენ… ბრიუსელში წერილებს იწერებიან, საქართველო და ქართველები დასაჯეთო… ჯაშუშებს დაუძახებ და “საშინლად სწყინთ”… არჩევნებს აგებენ და 300 ათასი ხმა გაგვიყალბესო…  

გერმანიის „სოციალ-დემოკრატიული პარტია“ კანცლერობის კანდიდატად მოქმედ კანცლერს, ოლაფ შოლცს წარადგენს. ამის შესახებ პარტიის თავმჯდომარემ, ლარს კლინგბაილმა განაცხადა. „ჩვენ გვინდა, მომავალი საარჩევნო კამპანია ოლაფ შოლცთან ერთად დავიწყოთ“, – განაცხადა მან. მანამდე გერმანიის თავდაცვის მინისტრმა, ბორის პისტორიუსმა „სოციალ-დემოკრატიული პარტიის“ ხელმძღვანელობას აცნობა, რომ არ გეგმავს, კენჭი იყაროს კანცლერობის კანდიდატად. პისტორიუსის თქმით, ეს მისი პირადი გადაწყვეტილებაა. მინისტრმა თანაპარტიელებს შიდა უთანხმოებების დასრულებისკენ მოუწოდა. „მე არასდროს დამიწყია ეს დისკუსია, არასდროს მსურდა და არასდროს შევსულვარ ამ საუბარში. ახლა ჩვენი საერთო პასუხისმგებლობაა, დავასრულოთ ეს დისკუსია, რადგან სასწორზე ბევრი რამ დევს“, – განაცხადა პისტორიუსმა. ბორის პისტორიუსმა ოლაფ შოლცს ძლიერი კანცლერი და კანცლერობის სწორი კანდიდატი უწოდა. გერმანიაში ვადამდელი საპარლამენტო არჩევნები 2025 წლის 23 თებერვალს უნდა გაიმართოს. მანამდე, 16 დეკემბერს ბუნდესტაგში კენჭი უნდა უყარონ მთავრობისადმი ნდობის საკითხს. გერმანიის მთავრობაში კრიზისი მას შემდეგ დაიწყო, რაც 6 ნოემბერს კანცლერმა, ოლაფ შოლცმა გადაწყვიტა, თანამდებობიდან გაეთავისუფლებინა ფინანსთა მინისტრი, „თავისუფალი დემოკრატების“ წევრი ქრისტიან ლინდნერი. ამის გამო მმართველი კოალიცია, რომელშიც „სოციალ-დემოკრატები“, „მწვანეები“ და „თავისუფალი დემოკრატები“ შედიოდნენ, ფაქტობრივად, დაიშალა.

22 ნოემბერს ეკლესია "მსწრაფლშემსმენელი" ღვთისმშობლის ხატის დღესასწაულს აღნიშნავს. მისი ასლი ყოვლად წმინდა სამების საკათედრო ტაძარში ბრძანდება. იქ 15 საათზე ჩატარდება ამ ხატისადმი აღვლენილი პარაკლისი. "ქრისტიანებმა მომმართონ მე გასაჭირის ჟამს, და არავის დავტოვებ შეუსმენელს: ყოველთა ჩემდამი სასოებით მოლტოლვილთა ვექმნები შუამდგომელად და მათ თხოვნას ჩემი ოხით შეისმენს ძე და ღმერთი ჩემი. დღეიდან ეს ხატი წოდებულ იქნება „მ ს წ რ ა ფ ლ შ ე მ ს მ ე ნ ე ლ ა დ“, რამეთუ ყოველთა მვედრებელთა მოვუვლენ წყალობას და მათ თხოვნას მსწრაფლ შევისმენ“. - ეს სიტყვები მოესმა ბერს ხატიდან, რომელსაც სასწაულებრივად აეხილა თვალები. ლ ო ც ვ ა ჰოჲ, ყოვლადწმიდაო ღვთისმშობელო “მსწაფლშემსმენელო”, მრავალ სასწაულთა მოქმედო, ათონის მთის სიწმიდეთა საუნჯეო, ყოვლადწმიდა სამების თაყვანისცემისა მასწავლელო, შევრდომით გევედრებით ჩვენ ცოდვილნი და უღირსნი ესე, მეოხ გვეყავ წინაშე ერთარსისა და სამგვამოვანისა ღმრთისა ჩვენისა, რათა შუამდგომელობითა შენითა ყოვლადსახიერმან სამებამან გარდამოგვივლინოს საღმრთო მადლი უძლურთა კურნებისა და ნაკლულევანთა აღვსებისა, სასიცოცხლო ძალთაგან დაშრეტილთა და უღონო ქმნილთა, ბოროტის მანქანებათაგან მრავალ გზის კვეთებულთა და გვემულთა, მართლმადიდებელთა ქრისტიანეთა. ჰოჲ, ყოვლადწმიდაო ღვთისმშობელო, “მსწრაფლშემსმენელად” წოდებულო, ევედრე სამებასა ყოვლადწმიდასა, უცვალებელსა, გამოუკვლეველსა, ერთღმრთეებად ქებულსა, ყოველთა არსებათა წამისყოფით დამბადებელსა, გარეშეუწერელსა, მართლმადიდებელთა მაცხოვნებელსა, რათა შუამდგომელობითა შენითა სამებამან ერთღვთაებამან გარდამოგვივლინოს შეცნობა და სწრაფვაჲ ზეციურისა მოქალაქობისა, სინანული უღმრთოისა ცხოვრებისა, ძლევაჲ საცდურთა სიმრავლისა, ძალი და შეწევნაჲ დაცემათაგან აღდგომისა და აღმართებისა, რამეთუ უკეთუ არა მსწრაფლშემწეობა შენი, ვითარ განვერნეთ ბოლო ჟამის მოძალებულ უსჯულოებათა ნიაღვარსა შინა დანთქმისა და წალეკვისაგან. ჰოჲ, ყოვლადწმიდაო ღვთისმშობელო, “მსწრაფლშემსმენელო”, ნუ უგულებელსჰყოფ ვედრებასა ჩვენსა, შენდამი აღძრულ სასოებასა, შენდამი მოლტოლვილთა აღსარებასა, არამედ შუამავალ გვექმენ წინაშე ყოვლადწმიდისა სამებისა, განუყოფელისა და დაუსრულებელისა, რათა მოიხილოს ჩვენზედა წყალობითა და მოწყალებითა და კაცთმოყვარებითა თვისითა, გარე წარაქციოს რისხვაჲ მარადის ჩვენზედა მომავალი და გვიხსნას ჩვენ სამართლად ჩვენზედა მოწევნულისა რისხვისაგან და შეგვიწყალნეს ჩვენ, რათა ყოველგან და ყოველსა ჟამსა ვადიდებდეთ სახელსა მისსა წმინდასა მამისა და ძისა და წმინდისა სულისა აწ და მარადის და უკუნითი უკუნისამდე, ამინ.