ირაკლი კობახიძე – ჩვენი გზავნილია, რომ დღეს სასამართლო არის დამოუკიდებელი და ყველაფერს გავაკეთებთ სასამართლოს დამოუკიდებლობის დასაცავად

ყაზახეთში იშვიათ მიწათა ლითონების უდიდესი საბადო აღმოაჩინეს, რომელშიც მომავლის ეკონომიკისთვის სასიცოცხლოდ მნიშვნელოვანი ელემენტების დაახლოებით მილიონი ტონა მარაგია.იშვიათ მიწათა ლითონები მოიცავს 17 ნედლეულს, რომლებიც უმნიშვნელოვანესია მწვანე ენერგიაზე გადასასვლელად. მათზე მოთხოვნა ძალიან დიდია ჩინეთში, აშშ-ში, ევროპაში, რუსეთში.„დღეისათვის, ეს გახლავთ იშვიათ მიწათა ლითონების უდიდესი საბადო ყაზახეთში“, – ამბობს ქვეყნის მრეწველობის მინისტრი.საბადო ქვეყნის ცენტრალურ ნაწილში, ყარაღანდის ოლქში მდებარეობს და შეიცავს ცერიუმს, ლანთანს, ნეოდიმს და იტრიუმს.აღმოჩენის შესახებ უზბეკეთში გამართულ ევროკავშირი-ცენტრალური აზიის პირველ სამიტზე განაცხადეს.რესურსებით მდიდარ რეგიონზე გავლენის მოპოვებას ცდილობენ ევროკავშირი, რუსეთი, ჩინეთი და თურქეთი.სამიტში მონაწილეობენ ცენტრალური აზიის ხუთი ქვეყნის — ყაზახეთის, ყირგიზეთის, ტაჯიკეთის, თურქმენეთისა და უზბეკეთის ლიდერები ევროკომისიის პრეზიდენტ ურსულა ფონ დერ ლაიენთან და ევროპული საბჭოს პრეზიდენტ ანტონიუ კოშტასთან ერთად.ახალ საბადოს „ახალი ყაზახეთი“ უწოდეს და მრეწველობის მინისტრის პროგნოზით, რესურსების სავარაუდო მარაგი შეიძლება 20 მილიონ ტონამდე გაიზარდოს, რისთვისაც დამატებითი კვლევებია საჭირო.მისივე თქმით, ამით ყაზახეთი შეიძლება შეიძლება მსოფლიოს მოწინავე ქვეყნების სიაში მოექცეს იშვიათ მიწათა ლითონების მარაგის მხრივ.რეგიონის იშვიათ მიწათა ლითონებით დაინტერესებულია ევროკავშირი, რომელსაც 2050 წლისთვის ნახშირბად-ნეიტრალურობის მიზანი აქვს დასახული.ყაზახეთს ამ დეპოზიტების მოპოვებისათვის საჭირო ტექნოლოგიები არ აქვს და ამისათვის უცხოურ ინვესტიციებს ეძებს.მომზადებულია Agence France-Presse-ის მიხედვით.

ქართულმა საზოგადოებამ უნდა გაითავისოს, რომ ჩვენ არანაირი მეგობრები არსად არ გვყავს, ჩვენ გვყავს პარტნიორები. დღეს ჩვენი ინტერესები თანხვედრაშია და ჩვენ ერთად ვართ, ხვალ ჩვენი ინტერესები თანხვედრაში არ იქნება და საპირისპირო ბანაკებში აღმოვჩნდებით, – ამის შესახებ კინორეჟისორმა გოგა ხაინდრავამ პრესკონფერენციაზე განაცხადა.გოგა ხაინდრავას ამის მაგალითად მოჰყავს ამერიკის მიერ დიდი ბრიტანეთისთვის დაწესებული ტარიფები.„ამის ნათელი მაგალითია, რომ ამერიკამ დაუწესა ტარიფები დიდ ბრიტანეთს, რომელიც არის მისი დედა, ხომ? ბრიტანეთმა შექმნა ამერიკა. ევროკავშირს დაუწესა სანქციები, რადგან ასე აწყობს დღეს, ყოველ შემთხვევაში, ეგრე ფიქრობს. ამიტომ ამას ყველაფერს ხაზი გადაუსვეს. ჩვენც რაც გვაწყობს, რაც გვჭირდება, იქიდან გამომდინარე უნდა ვიმოქმედოთ. ამას წერს ზაზა შათირიშვილი, სხვას კი არაფერს, რომ მივხვდეთ, ჩვენი თავი ჩვენ უნდა გვეყუდნოდეს“, – განაცხადა გოგა ხაინდრავამ.გოგა ხაინდრავას განცხადებით, საინტერესოა, ვინ გადაწყვიტა, მთელ მსოფლიოს ეკონომიკური ომი გამოუცხადოს, რომელიც, ხაინდრავას თქმით, პრაქტიკულად, წინაპირობაა ბირთვული ომის.„თქვენ ფიქრობთ, რომ ტრამპმა თვითონ გადაწყვიტა, მთელ მსოფლიოს ეკონომიკური ომი გამოუცხადოს? დილით გაიღვიძა მარტომ და რამდენიმე ქვეყანას დაარტყა? თან როგორ დაარტყა, შეხედეთ. ნახეთ პასუხები, რას ამბობს კანადა, გერმანიის ეკონომიკის მინისტრმა რა პასუხი გასცა, კომენტარები ნახეთ, მსოფლიოში რა ხდება, ჩინეთზე აღარ ვლაპარაკობ, ინდოეთი. აბა, შეხედეთ, ვის არ დაუწესეს ტარიფები? რუსეთს. ძალიან საინტერესოა, რატომ? სანქციებით ხომ უნდა დაგვეხრჩო ჩვენ რუსეთი, წელში გაწყდებოდა უბედური რუსეთი, ჩვენ რომ სანქციებს დავუწესებდით. აბა, იკითხეთ, რატომ არ დაუწესეს რუსეთს ტარიფები? ამაშია საქმე. კანადა ჩემი შტატი გახდება და გუბერნატორს დავნიშნავო, იქ გრენლანდია ჩემიაო, პანამის არხს ავიღებო, „ბლექროკს“ უნდოდა პანამის არხის ყიდვა და ჩინეთმა დაადო ვეტო, ვერაფერიც ვერ იყიდა, ვერაფერსაც ვერ წაიღებს, რადგან ეგრე არ არის, მსოფლიოში ასე არ ხდება. მაინტერესებს, ვინ გადაწყვიტა, რომ მთელ მსოფლიოს ეკონომიკური ომი გამოუცხადოს, რომელიც, პრაქტიკულად, წინაპირობაა ბირთვული ომის, რადგან ცხელი ომი მიდის, ამას ეკონომიკური ომი დაემატა და რაღა დარჩა, ერთი ნაბიჯია, დაარტყამს ხვალ ირანს, ირანის ობიექტებს და პასუხს მიიღებს უეჭველი. ირანი არის აგერ, ყურის ძირში, ჩვენგან ერთი ხელის გაწვდომაზე“, – განაცხადა გოგა ხაინდრავამ.ამასთან, პრესკონფერენციაზე ხაინდრავა გამოეხმაურა  „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებით საგამოძიებო კომისიას“, რომელიც პარლამენტში შეიქმნა.ხაინდრავას თქმით, „ის, რაც ქართულ ციხეებში იკადრეს სააკაშვილმა, ბოკერიამ, მერაბიშვილმა, ადეიშვილმა და ოქრუაშვილმა, არც ნაცისტებს უკადრიათ და არც ბოლშევიკებს“.„ოცი წელიწადი ველოდებოდი ამ ნიურნბერგის პროცესს, რომელიც დაიწყო ახლა. გერმანიამ გადარჩენა შეძლო მხოლოდ იმიტომ, რომ შედგა ნიურნბერგის პროცესი, შემდეგ მთელ გერმანიაში დადიოდნენ, ყველა სოფელსა და ქალაქში აჩვენებდნენ გერმანელ მოსახლეობას, ოსვენციმში რა ხდებოდა. ეს ცნობილი ფაქტია. დადიოდნენ და აჩვენებდნენ ფილმებს, როგორ წვავდნენ ღუმელში ცოცხალ ადამიანებს, მხოლოდ ამის შედეგად შეძლო გერმანიამ იმის გადატანა, რისი მონაწილეც იყვნენ, ნაციზმის. იგივე, ჩვენთან იყო ნაციზმი. ის, რაც ქართულ ციხეებში გაბედეს და იკადრეს სააკაშვილმა, ბოკერიამ, მერაბიშვილმა, ადეიშვილმა და ოქრუაშვილმა, როდესაც ქართველ კაცებს აუპატიურებდნენ, არც ნაცისტებს უკადრიათ და არც ბოლშევიკებს. ამასთან გვაქვს საქმე და ქართული საზოგადოება მალე უნდა მიხვდეს, რომ ეს აილაგმოს, რუსთაველიდან ავი სულები აილაგმონ, ისევე როგორც უნდა აილაგმოს ეს პოლიტიკური ბანდა, რომელიც ცდილობს, ოპოზიციის მანტია მოირგოს, და მათი მხარდამჭერები ევროპასა და ამერიკაში. ჩეხეთის ელჩი გამოდის და შეურაცხყოფას გვაყენებს, გვეუბნება, დემოკრატიის შუქურა იყო საქართველოო. სადიზმის, წამების, არაადამიანობის შუქურა იყო საქართველოში, „მაკკეინებმა“ და „თორნტონებმა“ შეარქვეს სააკაშვილის რეჟიმს „დემოკრატიის შუქურა“. როგორი შუქურა იყო, ყოველდღე გვაქვს შესაძლებლობა, ვუყუროთ, ვისაც თვალი, ყური აქვს და სინდისის, ქართველობის, ღირსების, წარმომავლობის ნასახი აქვს. რასაც ჩვენ ვუყურებთ საგამოძიებო კომისიაზე, რასაც გუშინ ვუყურებდით, იმ გაუბედურებული კაცის ცხოვრებას, რა უქნეს ერთს, მეორეს, მესამეს, მეათეს, მეასეს, ლეგიონია მაგათი სახელი. ეს მხოლოდ ზედაპირია, რასაც ვხედავთ. 300 ათასი პრობაციონერი ჰყავდა ამ „დემოკრატიის შუქურას“, საქართველოს მოსახლეობის ათმა პროცენტმა ციხე გამოიარა“, – განაცხადა გოგა ხაინდრავამ.როგორც გოგა ხაინდრავამ „ჟურნალისტთა ფედერაციის“ პრესკლუბში გამართულ პრესკონფერენციაზე აღნიშნა, „ამ გამძვინვარებულ მსოფლიოში საქართველომ შეძლო ისეთი ხელისუფლების შექმნა, რომელიც მის ინტერესებს ემსახურება“.„რა დღეში ჩააგდო ფსევდოლიბერალიზმა და ფსევდო შიგევროპელობამ ეს ადამიანები. რას უშვრებიან ჩვენს შვილებს. ეს უნდა დამთავრდეს. ავი სულები თბილისის ქუჩებს უნდა მოვაშოროთ, მათი ხელით ხდება ამ ქვეყნის დანგრევის მცდელობა. არც ამ ბოროტ დედაბერს, პრეზიდენტს რომ ეძახის თავის თავს, არც მამუკა ხაზარაძეს, არც ლიაკა ხოშტარიას, არც თინა ბოკუჩავას არანაირი სხვა დავალება არ აქვთ, ესენი არიან უცხო ინტერესების განმხორციელებლები საქართველოში, იმ დავალებების, რასაც „დიფ სთეითი“ აძლევს. არ გამოვა ეგ ამბავი. მაგას ვერ გვპატიობენ ზუსტად. ვერ გვპატიობენ ღირსებას, ვერ გვპატიობენ დამოუკიდებლობას, ვერ გვპატიობენ იმას, რომ ამ ქვეყანამ და საზოგადოებამ გადალახა თავისი თავი. საბჭოთა კავშირის დანგრევის შემდეგ 30 წელი უდაბნოში ვიარეთ და გავედით სამშვიდობოს. ეს არის სუვერენული ქვეყანა, რომელიც საკუთარი ინტერესებით ცხოვრობს. ეს არის საზოგადოება, რომელიც იმდენად მომწიფდა, რომ საკუთარი ინტერესების გატარება შეძლო მსოფლიოში. ამ გამძვინვარებულ მსოფლიოში საქართველომ შეძლო ისეთი ხელისუფლების გაჩენა თუ შექმნა, რომელიც მის ინტერესებს ემსახურება. ქართული სახელმწიფო ისეთი დამოუკიდებელი, სუვერენული, როგორიც დღეს არის, საუკუნეების მანძილზე არ ყოფილა და არაფრის ფასად ამას არ დავთმობთ“, – განაცხადა გოგა ხაინდრავამ.

დღევანდელი რეპრესიული რეჟიმი ოპონენტებზე ანგარიშსწორებისთვის პროკურატურას, სასამართლოს იყენებს, – ამის შესახებ „ძლიერი საქართველოს“ ერთ-ერთმა ლიდერმა, ბადრი ჯაფარიძემ პროკურატურიდან გამოსვლის დროს ჟურნალისტებს განუცხადა.მისი თქმით, ვინმეს თუ რაიმე პრეტენზია აქვს, ეს თეა წულუკიანის შეთხზულია და ამისთვის სასამართლო არსებობს.„ბრალის წარდგენა ეხება ე.წ. საგამოძიებო კომისიაზე ჩემს არმისვლას. არ ვიცი, რა იქნება პროკურატურის შემდეგი ნაბიჯები, დაველოდოთ. ცხადია, დღევანდელი რეპრესიული რეჟიმი ოპონენტების მიმართ ანგარიშსწორებისთვის პროკურატურას, სასამართლოს იყენებს. თუ რაიმე პრეტენზია აქვს ვინმეს, წულუკიანის შეთხზულია, არსებობს სასამართლო“, – განაცხადა ბადრი ჯაფარიძემ.მისი შეფასებით, პარლამენტში შექმნილი საგამოძიებო კომისია 30-იანი წლების მსგავსი ე.წ. ტროიკის ტიპის ჯგუფია.„ცილისწამებით ვინც დაკავდება, ყველა იქნება პასუხსაგები, მაგრამ ჩვენ არავისგან, ამ 18 წლის განმავლობაში, არ მიგვიღია არც სასამართლოს განაცხადი, არც სარჩელი, რადგან საფუძველი არ არსებობს. 30-იანი წლების ე.წ. ტროიკის ტიპის ჯგუფია. ამ საგამოძიებო კომისიამ გააცოცხლა ის კომიტეტები, ის „ტროიკები“, რომლებიც 30-იან წლებში მოქმედებდნენ“, – განაცხადა ბადრი ჯაფარიძემ.

16 წლის მარიამ კორხეიძეზე დანტესი ახალი ინფორმაციას ავრცელებს.დღეს მარიამის საქართველოში რეაბილიტაციის მესამე დღეა.გოგონა თავს კარგად გრძნობს და ფიზიოთერაპიის კურსებიც დაიწყო.ნახეთ ვიდეო ⇓ 

აშშ-ის სახელმწიფო მდივანმა, მარკო რუბიომ განაცხადა, რომ აშშ-ის ადმინისტრაცია მალე დაადგენს, რამდენად სერიოზულად არის რუსეთი განწყობილი უკრაინასთან მშვიდობის მისაღწევად.„მალე – არა ექვსი თვის შემდეგ – რუსებს და პუტინს მოუწევთ გადაწყვეტილების მიღება, სერიოზულად უნდათ თუ არა მშვიდობა, და იმედი მაქვს, რომ ისინი სერიოზულად არიან განწყობილი. კარგი იქნებოდა მსოფლიოსთვის, თუ ეს ომი დასრულდებოდა“, – განაცხადა რუბიომ.მარკო რუბიომ აღნიშნა, რომ პრეზიდენტ ტრამპის ადმინისტრაციამ თავიდანვე გამოხატა სურვილი, უკრაინაში ომის დასრულებასთან დაკავშირებით.„ისინი თუ არ არიან დაინტერესებული მშვიდობით, მალე გავიგებთ და გადაწყვეტილებებს ამის საფუძველზე მივიღებთ“, – აღნიშნა სახელმწიფო მდივანმა.აშშ-ის სახელმწიფო მდივნის თქმით, უკრაინაც და რუსეთიც დათმობაზე უნდა წავიდნენ.მარკო რუბიომ ასევე აღნიშნა, რომ ამერიკულმა მხარემ შეხვედრა გამართა რუსეთის წარმომადგენელთან, კირილ დიმიტრიევთან. როგორც რუბიომ აღნიშნა, მას გადასცეს გზავნილი.„გზავნილი კი ასეთია: შეერთებულმა შტატებმა უნდა იცოდეს, არიან თუ არა სერიოზულად განწყობილი მშვიდობის მიმართ. საბოლოოდ, პუტინს მოუწევს ამ გადაწყვეტილების მიღება. რუსეთის ფედერაციას მოუწევს ამ გადაწყვეტილების მიღება. ვფიქრობ, უკრაინელებმა აჩვენეს მზადყოფნა სრულ ცეცხლის შეწყვეტაში, რათა სივრცე შექმნან მოლაპარაკებისთვის“, – განაცხადა აშშ-ის სახელმწიფო მდივანმა.მარკო რუბიოს ასევე კითხვა დაუსვეს დიმიტრიევის განცხადების შესახებ, რომლის თანახმადაც აშშ-სა და რუსეთს შორის პირდაპირი ფრენები შეიძლება აღდგეს.სახელმწიფო მდივანმა უპასუხა, რომ „არაფერი გაუგია პირდაპირი ფრენების შესახებ“ და დასძინა: „არ ვიცი, ვინ იფრენს, რადგან ყველა ეს ადამიანი სანქცირებულია.“აშშ-ს სახელმწიფო მდივანმა აღნიშნა ისიც, რომ რუსეთი უკრაინასთან სამშვიდობო მოლაპარაკებებში პროგრესს თუ არ აჩვენებს, კონგრესის მხრიდან ახალი სანქციები გარდაუვალი იქნება.„როგორც უკვე ვნახეთ, კონგრესის წევრებმა დაიწყეს კანონპროექტების წარდგენა სანქციების გასამკაცრებლად. ასე რომ, კაპიტოლიუმის მხრიდან იქნება მზარდი ზეწოლა იმ სანქციების დასაწესებლად, რომლებსაც ჩვენ, ადმინისტრაცია, ვერ შევაჩერებთ, თუ, რა თქმა უნდა, მშვიდობისკენ პროგრესს ვერ მივაღწევთ,“ – აღნიშნა რუბიომ.მარკო რუბიომ ასევე უპასუხა კითხვას რუსეთის მხრიდან უკრაინის ენერგეტიკულ ობიექტებზე თავდასხმების შესახებ.„მე ვაღიარებ, რომ ეს ნიშნავს ცეცხლის შეწყვეტის დარღვევას. ეს არ არის კარგი ნიშანი. უცებ თუ გავიღვიძებთ ხვალ და რუსები წამოიწყებენ მასობრივ შეტევას, მაშინ ეს არის საკმაოდ ნათელი ნიშანი, რომ ისინი არ არიან დაინტერესებულები მშვიდობით“, – დასძინა აშშ-ის სახელმწიფო მდივანმა.