ირაკლი კობახიძე – საქართველო და აზერბაიჯანი რჩებიან მტკიცე მოკავშირეებად და თანამშრომლობას აგრძელებენ რეგიონული მშვიდობისა და სტაბილურობის მხარდასაჭერად

ცნობილი დიზაინერი დათუნა სულიკაშვილი დააკავეს.უწყების ცნობით, დიზაინერს ბრალი სისხლის სამართლის კოდექსის 260-ე მუხლის მესამე ნაწილის ა ქვეპუნქტით აქვს წარდგენილი, რაც განსაკუთრებით დიდი ოდენობით ნარკოტიკების შეძენა-შენახვას გულისხმობს.

თბილისში, დიდ დიღომში ახალგაზრდა კაცი გარდაცვლილი იპოვეს.„ქართლის ამბების“ ინფორმაციით, 29 წლის კაცი ხაშურის მუნიციპალიტეტიდან იყო. ახალგაზრდას ახლობლები სამი დღის განმავლობაში ეძებდნენ.

გერმანიის კანცლერმა, ფრიდრიხ მერცმა დონალდ ტრამპთან ევროპელი ლიდერების სატელეფონო საუბარს კონსტრუქციული უწოდა.როგორც მერცი აცხადებს, მოლაპარაკებების დროს მხარეებმა ერთმანეთის მიმართ პატივისცემა გამოხატეს.გერმანიის მთავრობის მეთაურის თქმით, ტრამპთან საუბარი იყო დეტალური და განხილული იყო ის ტერიტორიული დათმობები, რომლებზეც უკრაინა მზადაა.„ეს არის კითხვა, რომელსაც პასუხი უკრაინის პრეზიდენტმა და უკრაინელმა ხალხმა უნდა გასცენ“, – თქვა გერმანიის კანცლერმა.მისივე თქმით, მოლაპარაკებები თუ ისე წარიმართება, როგორც ვარაუდობს, მაშინ უქმე დღეებში ამერიკელ მაღალჩინოსნებთან საუბარი კიდევ ერთხელ გაიმართება და შესაძლოა, მომდევნო კვირის დასაწყისში ბერლინში შეხვედრაც შედგეს, რომელშიც შეიძლება, აშშ-მაც მიიღოს მონაწილეობა.მერცის თქმით, საერთო ჯამში შეიქმნა შთაბეჭდილება, რომ ტრამპი მზადაა, ამ გზაზე ევროპასთან ერთად იაროს.მისივე განცხადებით, აშშ-ის პრეზიდენტი აცნობიერებს, რომ საჭიროა ევროპელების მოსმენა.როგორც გერმანიის კანცლერის პრესსამსახურში განაცხადეს, ევროპელი ლიდერებისა და დონალდ ტრამპის საუბრის შემდეგ მხარეები თანხმდებიან, რომ საუბარია გადამაწყვეტ მომენტზე უკრაინისთვის და ევროატლანტიკური სივრცის საერთო უსაფრთხოებისთვის.

არ მგონია, პუტინისა და მადუროს სატელეფონო საუბარი საერთოდ შემაშფოთებელი იყოს პრეზიდენტი ტრამპისთვის, – ამის შესახებ აშშ-ის პრეზიდენტის ადმინისტრაციის პრესსპიკერმა, ქეროლაინ ლევიტმა თეთრ სახლში გამართულ ბრიფინგზე განაცხადა.ჟურნალისტმა ლევიტს ჰკითხა, თუ რას ფიქრობს დონალდ ტრამპი რუსეთისა და ვენესეულის პრეზიდენტების სატელეფონო ზარზე, რა დროსაც პუტინმა მადუროს მხარდაჭერა გამოუცხადა.საპასუხოდ, ლევიტმა აღნიშნა, რომ ტრამპი სატელეფონო საუბრით შეშფოთებული არ არის.ქეროლაინ ლევიტმა აშშ-ის ადმინისტრაციის პოლიტიკა ვენესუელას მიმართ შეაფასა, როგორც აშშ-ში „არალეგალური ნარკოტიკების შემოდინების შეჩერება“ და სანქციების დარღვევის შეჩერების მცდელობა. მისიე თქმით, გემს, რომელიც აშშ-ის იუსტიციის დეპარტამენტმა კარიბის ზღვაში დააკავა სამართლებრივი პროცესის შემდეგ მის ბორტზე არსებულ ნავთობს ჩამოართმევენ, თავად ტანკერს კი აშშ-ის პორტში გადაიყვანენ.„ტრამპმა ეს ძალიან ნათლად თქვა. მას მშვიდობა სურს. მას ასევე სურს, რომ შეერთებულ შტატებში უკანონო ნარკოტიკებით ვაჭრობისა და მთელი ქვეყნის მასშტაბით ასობით ათასი ამერიკელის სიცოცხლის შეწირვა დასრულდეს. აშშ აპირებს ნავთობის ჩამორთმევას, თუმცა ამ ნავთობის ჩამორთმევის სამართლებრივი პროცესი არსებობს“, – აღნიშნა ლევიტმა.ცნობისთვის, დღეს კრემლმა გაავრცელა ინფორმაცია, რომლის მიხედვითაც, სატელეფონო საუბრისას რუსეთის პრეზიდენტმა, ვლადიმერ პუტინმა ვენესუელის პრეზიდენტს, ნიკოლას მადუროს მხარდაჭერა კიდევ ერთხელ გამოუცხადა და აღნიშნა, რომ მზარდი გარე ზეწოლის ფონზე მოსკოვი კარაკასის გვერდში დგომას გააგრძელებს.

„ნაციონალური მოძრაობის“ ინფორმაციით, პარტიის ლიდერები ამერიკის შეერთებულ შტატებში კონგრესმენ ჯო უილსონს, ასევე კონგრესის წევრებს, კიტ სელფს და იანგ კიმის შეხვდნენ.როგორც პარტიის ფეისბუქგვერდზეა აღნიშნული, შტატებში ვიზიტად იმყოფებიან პარტიის თავმჯდომარე თინა ბოკუჩავა, ასევე წევრები – ზურაბ ჭიაბერაშვილი და ლევან სანიკიძე.როგორც თინა ბოკუჩავამ განაცხადა, ამერიკის შეერთებული შტატები ყოველთვის იდგება მოწოდების სიმაღლეზე და დაიცავს ქართველი ხალხის არჩევანს, იცხოვრონ პროდასავლურ საქართველოში.„ვასრულებთ ძალიან მნიშვნელოვან ვიზიტს აშშ-ში, სადაც გვქონდა შეხვედრები თეთრი სახლის, სახელმწიფო დეპარტამენტის წარმომადგენლებთან, კონგრესმენებთან, სენატორებთან. მათ შორის, შევხვდით რესპუბლიკური უმრავლესობის სენატის ლიდერს, სენატორ ჯონ ტუნს. მაშინ როდესაც ივანიშვილის რეჟიმი საკუთარ ხალხს ქიმიური იარაღით წამლავს, ჩვენ აქ საქართველოს მთავარ სტრატეგიულ პარტნიორთან ვიცავთ ჩვენი ქვეყნის ეროვნულ ინტერესებს. ამ ვიზიტის დასასრულს დარწმუნებით შემიძლია ვთქვა, რომ ამერიკის შეერთებული შტატები ყოველთვის იდგება მოწოდების სიმაღლეზე და დაიცავს ქართველი ხალხის არჩევანს, იცხოვრონ თავისუფალ, დემოკრატიულ, პროდასავლურ საქართველოში“, – განაცხადა თინა ბოკუჩავამ.