ირაკლი კობახიძე მსხვილი ბიზნესის წარმომადგენლებს შეხვდა

საქართველოს პრეზიდენტი სალომე ზურაბიშვილი ესაუბრა საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელ კაია კალასს, ჩეხეთის რესპუბლიკის პრეზიდენტ პეტრ პაველს, შვედეთის სამეფოს პრემიერ-მინისტრ ულფ კრისტერსოს, პოლონეთის რესპუბლიკის პრეზიდენტ ანჯეი დუდას და ლატვიის რესპუბლიკის პრეზიდენტ ედგარს რინკევიჩს. ინფორმაციას პრეზიდენტის პრესსამსახური ავრცელებს. „საქართველოს პრეზიდენტმა ევროპელ კოლეგებს გააცნო ბიძინა ივანიშვილისადმი მისი შეთავაზება, რაც არის კრიზისიდან ერთადერთი გამოსავალი. შეთავაზება გულისხმობს შეხვედრას ორ მთავარ საკითხზე შესათანხმებლად, რაც არის ახალი არჩევნების თარიღი და ეუთო/ოდირის დასკვნის საფუძველზე არჩევნებისთვის ახალი პირობების განსაზღვრა“, – ნათქვამია პრეზიდენტის პრესსამსახურის მიერ გავრცელებულ ინფორმაციაში.

„თუნდაც ბოღმისგან გასკდეთ, მაინც გავაკეთებ ჩემს საყვარელ საქმეს და ყველა ქალაქში ჩავალ! ჩავალ ჩემს ბიჭებთან, ჩემს კოლეგებთან და ნინისთან ერთად! ჩავალთ ყველგან, სადაც ჩემს ქვეყანას დასჭირდება და ქვეყნისადმი სიყვარულს არა მხოლოდ სიტყვით, არამედ საქმით დავამტკიცებთ!“, – ამის შესახებ მომღერალი ზურა ხაჩიძე სოციალურ ქსელში წერს. „მიუხედავად ბულინგისა და ღვარძლისა, რომელიც ლიბერალების მხრიდან მოდის, ჩვენ ვიმღერებთ ყველა ქალაქში და შევქმნით ახალი წლის ჯადოსნურ განწყობას, არავის აქვს უფლება ბავშვებს ახალი წელი მოჰპაროს, თქვენგან ნასროლი ტალახი ვერაფერს დაგვაკლებს, რადგან მის საპირწონედ ყოველ ქალაქში სადაც ჩავდივართ, დიდი სითბო და სიყვარული გვხვდება, სიყვარული, რომელსაც ვერ იყიდი! პ.ს. თქვენ მე მასწავლით სამშობლოს სიყვარულს? ღმერთმა არ ქნას, რომ ომი დაიწყოს, მაგრამ იცოდეს, ერთ-ერთი პირველი იქნება, ვინც ხელში იარაღს აიღებს და ქვეყნის დამოუკიდებლობას დაიცავს, მათ შორის, თქვენც დაგიცავთ, იმ ადამიანებს, რომლებიც დღეს ტალახს მესვრით. პ.ს.ს. ცნობისთვის, ეს ვიდეო კონცერტის დაწყებამდეა გადაღებული, სადაც კარგად ჩანს ის გულწრფელი სითბო და ემოცია, რომელსაც თითოეულ ქალაქში ვიღებთ. ამბროლაური“, – წერს ზურა ხაჩიძე სოციალურ ქსელში.

საფრანგეთის პრემიერ-მინისტრ ფრანსუა ბაირუს ახალი კაბინეტის შემადგენლობა დასახელდა. ამის შესახებ „ფრანს 24“ წერს. საფრანგეთის პრეზიდენტ ემანუელ მაკრონის ოფისმა ახალი მთავრობის შემადგენლობა მას შემდეგ გამოაცხადა, რაც წინა კაბინეტს ქვეყნის ბიუჯეტის გარშემო დავის გამო პარლამენტმა ნდობა აღარ გამოუცხადა. ახლად დანიშნული პრემიერ-მინისტრის, ფრანსუა ბაირუს მიერ დაკომპლექტებული მთავრობა მოიცავს როგორც კონსერვატორებს, ასევე ცენტრისტული და მემარცხენე წრეების წარმომადგენლებს. ახალ მინისტრთა კაბინეტში ფინანსთა მინისტრის პოსტს ბანკირი ერიკ ლომბარი დაიკავებს. ხისტი მემარჯვენე ბრუნო რეტაიო რჩება შინაგან საქმეთა მინისტრად. სებასტიან ლეკორნუ, რომელიც უკრაინისთვის საფრანგეთის სამხედრო მხარდაჭერის წინა ხაზზე იყო, თავდაცვის მინისტრად რჩება. საგარეო საქმეთა მინისტრად დარჩება ჟან-ნოელ ბარო, რომელმაც ბოლო კვირებში ახლო აღმოსავლეთში ბევრი იმოგზაურა. ახალ მთაბრობაში არის ორი ყოფილი პრემიერ-მინისტრი. მანუელ ვალსი იქნება ზღვისიქითა ტერიტორიების შინაგან საქმეთა მინისტრი, ხოლო ელიზაბეთ ბორნი განათლების სამინისტროს უხელმძღვანელებს.​​​​​​​​​​​​​​​​ როგორც ფრანგული მედია წერს, ახალ მთავრობას, უპირველეს ყოვლისა, მოუწევს 2025 წლის ბიუჯეტეზე მუშაობა. ცნობისთვის, საფრანგეთის ეროვნულ ასამბლეაში ამჟამად არცერთ პარტიას არ ჰყავს უმრავლესობა. ამის გამო საფრანგეთში პოლიტიკური კრიზისია. ექსპერტების აზრით, საფრანგეთის პრეზიდენტის მიერ პრემიერ-მინისტრად წარდგენილ ბაირუს პოლიტიკურმა გამოცდილებამ უნდა შეუწყოს ხელი ქვეყანაში სტაბილურობის აღდგენას.

ფეხბურთის ისტორიისა და სტატისტიკის საერთაშორისო ფედერაციამ (IFFHS) საქართველოს ნაკრების დამრიგებელი ვილი სანიოლი მსოფლიოს საუკეთესო მწვრთნელების ათეულში დაასახელა. ორგანიზაციამ 2024 წლის მსოფლიოს საუკეთესო მწვრთნელად ესპანეთის ნაკრების მთავარი მევრთნელი ლუის დე ლა ფუენტე დაასახელა, რომლსი ხელმძღვანელობითაც გუნდი ევროპის ჩემპიონი გახდა. ვილი სანიოლი, რომელმაც „ჯვაროსნები“ ევროპის ჩემპიონატზე პირველად გაიყვანა, იქ კი მერვედფინლში ითამაშა, IFFHS-მა მე-9 ადგილზე დაასახელა. ფრანგი სპეციალისტი საქართველოს ნაკრების პირველი მწვრთნელია, რომელიც საუკეთესო სპეციალისტების სიაში მოხვდა. 2024 წლის საუკეთესო მწვრთნელების რეიტინგი: 1. ლუის დე ლა ფუენტე, ესპანეთი – 274 2. ლიონელ სკალონი, არგენტინა – 148 3. დიდიე დეშამი, საფრანგეთი  – 35 4. გარეტ საუთგეიტი, ინგლისი – 26 5. ემერსონ ფაე, კოტ დ’ივუარი – 18 6. იულიან ნაგელსმანი, გერმანია – 17 7. ნესტორ ლორენცო, კოლუმბია – 14 8. ვინჩენცო მონტელა, თურქეთი – 8 9. ვილი სანიოლი, საქართველო – 6 10. მარსელო ბიელსა, ურუგვაი – 5

საქართველოს პარლამენტის ვიცე-სპიკერი სოზარ სუბარი დონალდ ტრამპის გამარჯვებას და მის გეგმებს ეხმაურება. დეპუტატის თქმით, აშშ-ში არაფორმალურ მმართველობას დონალდ ტრამპი პირველი პრეზიდენტობის დროსაც ებრძოდა, თუმცა მან ეს ბრძოლა წააგო. სოზარ სუბარის განცხადებით, ამ გამარჯვებით ტრამპი და მისი გუნდი განსაკუთრებით მიუდგნენ „დიფ სთეითის“ (deep state) საკითხს და ღიად აცხადებენ, რომ მათი მთავარი ამოცანა ამერიკის შეერთებულ შტატებში არაფორმალური მმართველობის დამარცხებაა. „ამერიკის შეერთებულ შტატებში არაფორმალურ მმართველობას დონალდ ტრამპმა ჯერ კიდევ პირველი პრეზიდენტობის დროს გამოუცხადა ბრძოლა, თუმცა მაშინ ის პრაქტიკულად დამარცხდა. მთელი ოთხი წელი მან ისე გაატარა, რომ ერთი იმპიჩმენტის პროცედურიდან მეორე იმპიჩმენტის პროცედურაზე გადადიოდა და ვერ მოიცალა, რომ მიეხედა ამ არარჩეული ადამიანების მმართველობისთვის, რომლებიც გავლენას ახდენდნენ ამერიკის როგორც შიდა, ისე საგარეო პოლიტიკაზე. ახლა, ამ გამარჯვებით, ის განსაკუთრებით მტკიცედ მიუდგა ამ საკითხს და მისი გუნდის წევრებიც ერთხმად აცხადებენ, რომ „დიფ სთეითის“ დამარცხება ანუ არაფორმალური მმართველობის დამარცხება ამერიკის შეერთებულ შტატებში იქნება მათი უმთავრესი ამოცანა“, – განაცხადა სოზარ სუბარმა.