ირაკლი კობახიძე – მინდა, კიდევ ერთხელ შევთავაზო ყველა გულწრფელ ადამიანს, რომელსაც ჯერ კიდევ აქვს პროტესტის განცდა, შევხვდე ნებისმიერ ფორმატში, იქნება ეს საჯარო, თუ არასაჯარო დისკუსია

მოქალაქეებმა საკონსტიტუციო სასამართლოში დაარეგისტრირეს საკონსტიტუციო სარჩელი, რითაც ისინი ასაჩივრებენ კანონის ნორმას, რომელიც პატიმრობას ითვალისწინებს შეკრებისა და მანიფესტაციის მონაწილეების მიერ „ხალხის ან ტრანსპორტის გადაადგილებისთვის განზრახ დაბრკოლებების შექმნისთვის”.საკონსტიტუციო სარჩელის ავტორები არიან: ანა ბდეიანი, ლიზი უბილავა და ლაშა სონგულია საქართველოს პარლამენტის წინააღმდეგ.კერძოდ, დავის საგანს წარმოადგენს: საქართველოს კანონი - საქართველოს ადმინისტრაციულ სამართალდარღვევათა კოდექსი; საქართველოს კანონი - საქართველოს სისხლის სამართლის კოდექსი; საქართველოს კანონი შეკრებებისა და მანიფესტაციების შესახებ.კონკრეტულად კი - შეკრებისა და მანიფესტაციის შესახებ საქართველოს კანონის მე-11 მუხლის მეორე პუნქტის ე) ქვეპუნტი: 2. შეკრების ან მანიფესტაციის მონაწილეებს ეკრძალებათ: ე) განზრახ შექმნან დაბრკოლებები ხალხის ან ტრანსპორტის გადაადგილებისთვის, მათ შორის, დაარღვიონ ამ კანონის 111 მუხლის მოთხოვნები;“მოქალაქეები დავობენ, რომ მოქმედი ნორმის გამო დაერღვათ: საქართველოს კონსტიტუციის 21-ე მუხლით გათვალისწინებული - წინასწარი ნებართვის გარეშე საჯაროდ და უიარაღოდ შეკრების უფლება; ასევე, ისინი უთითებენ კონსტიტუციის მეცხრე მუხლს - ადამიანის ღირსება ხელშეუვალია და იცავს სახელმწიფო. ასევე, სარჩელში მითითებულია კონსტიტუციის 31-ე მუხლის მე-9 პუნქტი: არავინ აგებს პასუხს ქმედებისათვის, რომელიც მისი ჩადენის დროს სამართალდარღვევად არ ითვლებოდა. კანონს, თუ იგი არ ამსუბუქებს ან არ აუქმებს პასუხისმგებლობას, უკუძალა არა აქვს.

ავტოპარკის განახლებისა და ძველი ავტომობილების იმპორტის შეზღუდვასთან დაკავშირებით ინიციატივა გააკრიტიკა საპარლამენტო პოლიტიკური ჯგუფის "ხალხის ძალის" თავმჯდომარემ დიმიტრი ხუნდაძემ და აღნიშნა, რომ საკითხი კომპლექსურია და დამატებით განხილვას საჭიროებს."საქართველოში ავტოპარკის განახლება და შესაბამისად, ძველი ავტომობილების მიერ ჰერის დაბინძურების შემცირება რომ არის საჭირო, ამაზე არავინ დაობს",— განაცხადა ხუნდაძემ და აღნიშნა, რომ მიუხედავად იმისა, რომ ჰაერის დაბინძურება ჯანმრთელობაზე სერიოზულ გავლენას ახდენს, რეგულაციები ისე უნდა იქნას მიღებული, რომ სხვა მიმართულებები არ დაზიანდეს და პროცესი იყოს გონივრული და უმტკივნეულო.„საქართველოში ავტოპარკის განახლება და შესაბამისად, ძველი ავტომობილების მიერ ჰერის დაბინძურების შემცირება რომ არის საჭირო, ამაზე არავინ დაობს. საჭიროა მეტი დაფიქრება, კონსულტაციები და გონივრული გადაწყვეტილებების მიღება. კარგად მესმის ეს საკითხი, რადგან ჩემი ძირითადი პროფესია ექიმობაა და კარგად ვიცი რა გავლენა შეიძლება იქონიოს დაბინძურებულმა ჰაერმა ადამიანის ჯანმრთელობაზე, მაგრამ შეიძლება რეგულაციები ისე მივიღოთ, რომ არ დავაზიანოთ სხვა მიმართულებები და დავიცვათ ადამიანების ჯანმრთელობა. საკითხი ეხება იმას, თუ როგორ გავაკეთოთ ეს, რომ გონივრული და უმტკივნეულო იყოს ეს პროცესი.ეს არის კომპლექსური საკითხი და უნდა შევეხოთ რამდენიმე ასპექტს. მაგალითად, ითქვა, რომ 6 წელზე დიდი ასაკის ავტომობილების შემოყვანის აკრძალვა ხელს შეუწყობს მოძველებული ავტომობილების შემცირებას — ეს ასე არ არის. ეს იქნება პირუკუ ეფექტი და შესაძლოა დიდი ხნის განმავლობაში ექსპლუატაციაში დარჩეს ის მოძველებული ავტოპარკი, რომელიც დღეს არის ქვეყანაში. მოძველებული ავტომობილები, მაგალითად 13-14 წლის მანქანები, უფრო დიდხანს დარჩება მიმოქცევაში და მეტად დააბინძურებს გარემოს, რადგან მფლობელები სხვადასხვა მეთოდით შეეცდებიან მათი სიცოცხლისუნარიანობის გახანგრძლივებას. შედეგად მივიღებთ კიდევ უფრო მეტად მოძველებულ ავტოპარკს და არა მის განახლებას.გასათვალისწინებელია, რომ მოსახლეობის უმეტესობას არ აქვს მაღალი ანაზღაურება და ისინი ახალი ავტომობილების შეძენას ვერ შეძლებენ სესხების გარეშე. ამ სესხებთან წვდომა მოსახლეობის ნაწილს საერთოდ არ აქვს და ეს მათ სოციალურ-ეკონომიკურ მდგომარეობას დაამძიმებს. რა თქმა უნდა, მხოლოდ ასაკი ვერ იქნება რისკფაქტორის განმსაზღვრელი, რადგან სხვადასხვა ავტომობილს სხვადასხვა რესურსი და გამძლეობა გააჩნია და ეს საკითხი უნდა დარეგულირდეს ტექდათვალიერების მექანიზმით.რეგულაციაში საუბარია M1 კატეგორიის ავტომობილებზე, რაც მოიცავს მსუბუქ ავტომობილებს, მაშინ როცა სპეციალური ტექნიკა რეგულაციის მიღმა რჩება, მიუხედავად იმისა, რომ მათი ცვეთა უფრო მაღალია და დაძველება სწრაფი ტემპით ხდება.თუ ამ რეგულაციისკენ გვიბიძგა ქალაქის მასშტაბმა, სადაც ავტომობილების რაოდენობა ჭარბია და საცობებიც ხშირია, უნდა გავითვალისწინოთ, რომ თბილისის მაგალითით მიღებული მკაცრი რეგულაცია ვერ გავრცელდება რეგიონებზე. შესაძლოა დედაქალაქში ადამიანმა, რომელსაც 6 წელზე ნაკლები ასაკის ავტომობილის შეძენა არ შეუძლია, საზოგადოებრივი ტრანსპორტით გადაადგილება შეძლოს, მაგრამ ეს არ ვრცელდება რეგიონებზე, სადაც მუნიციპალური ტრანსპორტი პრაქტიკულად არ არსებობს, და ადამიანები იძულებულნი არიან საკუთარი ავტომობილით გადაადგილდნენ.ასევე, ეს რეგულაცია, რომელიც 6 წელზე მეტი ასაკის ავტომობილების შემოყვანას შეზღუდავს, გამოიწვევს ქვეყანაში არსებული ძველი და მათ შორის შედარებით ახალი ავტომობილების გაძვირებასაც. გასათვალისწინებელია, რომ მოსახლეობის დიდი ნაწილი არ არის მაღალი შემოსავლის მქონე და მხოლოდ დაახლოებით 5%-ს შეუძლია ახალი მანქანის შეძენა, რაც დანარჩენი მოსახლეობისთვის მძიმე ტვირთი იქნება,“ - განაცხადა ხუნდაძემ.

ნიკო ფალიანთან ერთად დაიწყო ფრირაიდის თანამედროვე ისტორია საქართველოში და ის ერთ-ერთია, ვისმა ძალისხმევამაც ქვეყანა ფრირაიდის მსოფლიო ტურის (FWT) მასპინძელ ადგილად აქცია.ფრირაიდის მსოფლიო ტურის (FWT) დამფუძნებლის, ნიკოლას ჰეილ-ვუდსის ინიციატივითა და ღონისძიების ადგილობრივი საორგანიზაციო გუნდის მხარდაჭერით, FWT Georgia pro-ს ამ და მომდევნო ღონისძიებებზე, ნიკო ფალიანის სახელობის ჯილდო გადაეცემათ გამარჯვებულებს თხილამურსა და სნოუბორდში, როგორც კაცების, ისე ქალების კატეგორიაში, მისი ხსოვნისა და შეუპოვრობის პატივსაცემად.ეს ჯილდო გამარჯვების, სიმამაცისა და მთის სიყვარულის სიმბოლოა, რის მაგალითადაც იქცა ნიკო მშობლიურ მესტიაში თუ მის გარეთ.ნიკო ფალიანი – მესტიელი ალპინისტი, ფრირაიდერი და საერთაშორისო სამთო გამყოლი, ქართული ფრირაიდის ისტორიის გაუყოფელი ნაწილია.

საფრანგეთი „მშვიდობის საბჭოს“ შეხვედრაში ევროკომისიის მონაწილეობით გაოცებულია, – ამის შესახებ საფრანგეთის საგარეო საქმეთა სამინისტროს პრესსპიკერმა, პასკალ კონფავრომ განაცხადა., ინფორმაციას „როიტერი“ ავრცელებს.კონფავრომ ჟურნალისტებთან საუბრისას აღნიშნა, რომ გაოცებულია ევროკომისიის გადაწყვეტილებით, რადგან კომისიას არ გააჩნია წევრი სახელმწიფოების წარმომადგენლობის მანდატი. კონფავროს თქმით, პარიზის პოზიციაა, რომ „მშვიდობის საბჭომ“ ყურადღება უნდა გაამახვილოს ღაზაზე, გაერო-ს უშიშროების საბჭოს რეზოლუციის შესაბამისად, და ვიდრე ეს გაურკვევლობა არ აღმოიფხვრება, საფრანგეთი მონაწილეობას არ მიიღებს.„ევროკომისიასთან და მის მონაწილეობასთან დაკავშირებით, სინამდვილეში გაოცებულები ვართ, რადგან მას არ გააჩნია საბჭოსგან მანდატი, რათა იქ წარდგეს”, – განაცხადა საფრანგეთის საგარეო საქმეთა სამინისტროს პრესსპიკერმა.ამასთან, როგორც „როიტერი“ წერს, ზოგიერთი დიპლომატი ასევე კითხვის ნიშნის ქვეშ აყენებს, ჰქონდა თუ არა ევროკომისიას უფლება, ეს გადაწყვეტილება წევრი ქვეყნების თანხმობის გარეშე მიეღო.„გაოცებული ვართ, რომ ევროკომისიამ გადაწყვიტა ღონისძიებაზე წარდგომა, იმის გათვალისწინებით, რომ ბევრმა ქვეყანამ ეჭვქვეშ დააყენა ინიციატივის სანდოობა, რომელიც, როგორც ჩანს, მიზნად ისახავს გაერო-ს ჩანაცვლებას”,- განაცხადა ბელგიელმა დიპლომატმა.ცნობისთვის, ევროკავშირმა დონალდ ტრამპის „მშვიდობის საბჭოს“ სადამფუძნებლო სხდომაზე ხმელთაშუა ზღვისპირეთის საკითხებში ევროკომისარი, დუბრავკა შუიცა გაგზავნა.

აიათოლები შეცდომას თუ დაუშვებენ და თავს დაგვესხმებიან, მათ ისეთი პასუხი ელოდებათ, როგორის წარმოდგენაც კი არ შეუძლიათ, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.„ჩვენ მზად ვართ ნებისმიერი სცენარისთვის. და ერთი რამ ცხადია – თუ აიათოლები შეცდომას დაუშვებენ და თავს დაგვესხმებიან, მათ ისეთი პასუხი ელოდებათ, როგორის წარმოდგენაც კი არ შეუძლიათ. ისრაელი ჩვენს მთავარ მოკავშირესთან, შეერთებულ შტატებთან ერთად მოქმედებს”,- განაცხადა ნეთანიაჰუმ.ამასთან, ღაზასთან დაკავშირებით საუბრისას ისრაელის პრემიერ-მინისტრმა აღნიშნა, რომ „ჰამასი“ აუცილებლად განიარაღდება, ღაზა დემილიტარიზებული იქნება.„ძალიან მალე „ჰამასი“ დილემის წინაშე აღმოჩნდება – დათმოს იარაღი მარტივი გზით თუ რთული გზით”,- განაცხადა ნეთანიაჰუმ.ნეთანიაჰუს თქმით, რომ მტრის ტერიტორიაზე დემილიტარიზებული ზონები ან უსაფრთხოების ზონები „სახმელეთო შეჭრის საფრთხის შემცირებისთვის სასიცოცხლოდ მნიშვნელოვანია“.„ჩვენ მივაღწიეთ შეთანხმებას ჩვენს მეგობრებთან შეერთებულ შტატებში: ღაზის სექტორის აღდგენა მის დემილიტარიზაციამდე არ მოხდება“, – განაცხადა ნეთანიაჰუმ.