ინფორმაცია მათთვის, ვისაც სიონის საკათედრო ტაძარში ილია მეორის საფლავზე მისვლა სურს

"მე ისევ იმ სიტყვებს დავუბრუნდები - "მე ბოლო პატრიარქი ვარო", რომ თქვა, რა შეიძლებოდა ეგულისხმა - ისევ სახარებიდან უნდა გითხრათ: როდესაც მაცხოვარი ჯვარზე გაეკრა და ამაღლდა ზეცად, სახარებიდან როგორც ვიცით, შემდეგ როცა მოციქულები იკრიბებოდნენ, ერთ ადგილს სუფრაზე ერთ ადგილს ტოვებდნენ, თეფშს დებდნენ და მაცხოვარი ნამდვილად იქ იყო. შემდეგ ყოვლადწმინდა ღვთისმშობლის მიძინება რომ იყო, ღვთისმშობლისთვისაც ტოვებდნენ ერთ თეფშს.მე ასე ვფიქრობ, არ ვიცი, ეს ემოციური ნათქვამია თუ კანონიკური, მაგრამ მე ვფიქრობ, რომ მის ტახტზე არავინ უნდა დაჯდეს. ეს ტახტი უნდა დავუტოვოთ მას, მათ შორის სინოდის სხდომაზე. უნდა იგულისხმებოდეს, რომ მას პატრიარქი ესწრება. დანარჩენი, ვინ წარმართავს ამას, ვფიქრობ, ჩვენი ძმური სიყვარულით, ერთმანეთს შევთავაზებთ ამას და ჩვენი ძმური სიყვარულით მხარს დავუჭერთ. ასე მგონია, რომ ჩვენ ყველანი ვეცდებით, ასე ვხედავ ამას მე დღეს, რომ ჩვენ ყველანი გავაგრძელებთ ეკლესიის ცხოვრებას ისე, რომ პატრიარქი იგულისხმებოდეს. გაუჭირდება თუ ამპარტავნებით მოინდომებს. წარმოუდგენელია. თუ თავმდაბალი იქნება ეს ადამიანი, ვისაც ჩვენ გამოვარჩევთჩვენ მიგვაჩვია პატრიარქმა, ბოლო წლებია ის ფაქტობრივად ყველაფერს იგებდა, ვეკითხებოდით და მისი ერთი კი და ერთი არა წყვეტდა ყველაფერს. ჩვენ ვისწავლეთ, როგორ უნდა გავაგრძელოთ ცხოვრება. მე ასე წარმომიდგენია ჩვენი ეკლესია, ასეთი ერთსულოვანი წმინდა სინოდი. ჩვენ ბევრჯერ ცხარე კამათი გვქონია, მაგრამ ბევრი გადაწყვეტილება მიგვიღია ერთხმად. ასეთი ერთსულოვანი თუ იქნება წმინდა სინოდი, მაშინ... მე მჯერა, რომ იქნება" -თქვა ახალქალაქის, კარისა და კუმურდოს მიტროპოლიტმა მეუფე ნიკოლოზმა TV პირველთან საუბრისას.

,,ღმერთო მაღალო!!! ხვალ დილიდან ახალ ცხოვრებას იწყებს ჩემი პატარა სამშობლო. გთხოვ შეგვეწიო, მოგვცე ძალა შევიცვალოთ, ცოტათი მაინც დავემსგავსოთ იმ ქვეყანას როგორზეც ჩვენი საყვარელი პატრიარქი ოცნებობდა. მოგვეცი ძალა, წესიერი, თავდადებული შრომისთვის, ეთმანეთის სიყვარულისთვის, დანდობისთვის და გაძლიერებისთვის. მოგვეცი ძალა სიყვარულის, ერთმანეთის უსაშველოდ შეყვარებისთვის. გვაკმარე ტკივილი და სიხარული მოგვეცი ქართველებს. ამინ!''-წერს ზურა შევარდნაძე.

საქართველოს ყოფილი პრემიერ-მინისტრის ირაკლი ღარიბაშვილის მეუღლე, ნუნუკა თამაზაშვილი საქართველოს პატრიარქის უწმინდესის და უნეტარესის, ილია მეორეს სამგლივიარო პროცესიას სამების ტაძარში უფროს ვაჟთან, ნიკოლოზ ღარიბაშვილთან ერთად დაესწრო.ნუნუკა თამაზაშვილმა სოციალურ ქსელში შვილთან ერთად გადაღებული ფოტო დაპოსტი გამოაქვეყნა.”გვიყვარხარ პატრიარქო❤️🥹 დიდი გულისტკივილით, სიყვარულითა და მადლიერებით ვემშვიდობებით ჩვენს საყვარელ პატრიარქს❤️🥹” – წერს თამაზაშვილი.

დღეს აქ, ამ დიდებულ ტაძარში, რომელიც ჩვენი სახელმწიფოებრივი აღორძინების, ერის სიმტკიცისა და მარადიულობის სიმბოლოა, საქართველო ქედს იხრის თავისი პატრიარქის, უწმინდესისა და უნეტარესის, ილია მეორის უკვდავი სულის წინაშე, – ამის შესახებ საქართველოს პრეზიდენტმა, მიხეილ ყაველაშვილმა სამების საკათედრო ტაძარში სრულიად საქართველოს კათოლიკოს-პატრიარქის, ილია II-ის დაკრძალვის ცერემონიაზე განაცხადა.როგორც პრეზიდენტმა აღნიშნა, ილია II-მ ასწავლა ქართველებს, რომ ყველაზე დიდი განსაცდელის ჟამსაც კი გამოსავალი უფლის რწმენასა და ერთმანეთის სიყვარულშია.„დღეს ჩვენ თვალს ვუსწორებთ ეპოქას, რომელსაც თამამად შეგვიძლია ვუწოდოთ „პატრიარქის საქართველო“. თქვენო უწმინდესობავ, თქვენმა მოღვაწეობამ ქართველი ადამიანის ერისკაცული მოვალეობა და მისი სულიერი მისია ერთ მთლიანობად შეკრა. სწორედ ამ გზამ განსაზღვრა ჩვენი ეროვნული სახე და დაგვანახა, როგორ უნდა ვეზიაროთ უფალთან მიახლოების მადლს. დამოუკიდებლობის აღდგენის შემდეგ, როდესაც ჩვენი ქვეყანა უმძიმეს ქარტეხილებს გადიოდა, თქვენ იყავით ერის მთავარი საყრდენი. როცა ირგვლივ სასოწარკვეთა ისადგურებდა, თქვენი მშვიდი ხმა გვევლინებოდა ნუგეშად და გადარჩენის იმედად. თქვენ გვასწავლეთ, რომ ყველაზე დიდი განსაცდელის ჟამსაც კი გამოსავალი უფლის რწმენასა და ერთმანეთის სიყვარულშია“, –  განაცხადა საქართველოს პრეზიდენტმა.მიხეილ ყაველაშვილის თქმით, უწმინდესი და უნეტარესი ილია II იყო და კვლავ არის ერის გამაერთიანებელი.„განუზომელია თქვენი ღვაწლი ეროვნული იდენტობისა და კულტურის გადარჩენის საქმეში. თქვენ დაგვაბრუნეთ ჩვენს ისტორიულ ფესვებთან და დაგვარწმუნეთ, რომ ქართველობა არ არის მხოლოდ წარსული დიდება, ის ცოცხალი, მარადიული სულიერი ენერგიაა. თქვენ იყავით და კვალავ ბრძანდებით ერის გამაერთიანებელი, ჩვენი ერთიანობის უდრეკი მცველი. ეს ძალა დღეს, თქვენი გარდაცვალების შემდეგ კიდევ უფრო მძაფრად შევიგრძენით. ამ მდუმარე რიგებში, ამ სევდიან მზერაში კრთის ის უხილავი, ღვთიური ძაფი, რომელიც თქვენმა სიყვარულმა ჩვენ შორის გააბა. „პატრიარქის საქართველო“ – ეს არ არის მხოლოდ ისტორიული ეპოქა, ეს ჩვენი ეროვნული ხასიათის ზეიმია. დღეს ყველამ დაინახა შინ თუ გარეთ, როგორი ზეწოლაც არ უნდა იყოს ჩვენზე, ქართველი კაცი არ შეიცვლება. ჩვენი რეალური სახე სწორედ აქ არის: ამ ტაძარში, ამ საერთო ტკივილსა და მოწიწებაში. თქვენი ამქვეყნიური გზის დასასრულსაც კი უდიდესი გაკვეთილი მოგვეცით: კიდევ ერთხელ გაგვაერთიანეთ და შეგვახსენეთ ჩვენი ნამდვილი ბუნება – სიყვარული, კაცთმოყვარეობა და ის ურყევი ერთობა, რომელსაც ვერანაირი მიწიერი ქარიშხალი ვერ დაანგრევს. თქვენო უწმინდესობავ, ჩვენ ვაგრძელებთ გზას, რომელიც თქვენ გვიანდერძეთ. ღმერთმა დალოცოს თქვენი უკვდავი სული, ღმერთმა დალოცოს საქართველო“, – განაცხადა მიხეილ ყაველაშვილმა.

ვაკის მაცხოვრის ფერისცვალების სახელობის ტაძრის წინამძღვარმა, დეკანოზმა შალვა კეკელიამ გადაცემაში „იმედის კვირა“ 2008 წელს კონფლიქტის ზონაში პატრიარქის ჩასვლის ეპიზოდი გაიხსენა. დეკანოზი იხსენებს, რომ მაშინ საფრთხის მიუხედავად უწმინდესმა და უნეტარესმა დაჯავშნილი მანქანით გამგზავრებაზე უარი განაცხადა.„ეუბნებოდნენ, რომ არ შეიძლებოდა, უწმინდესი იქ წასულიყო იმიტომ, რომ პირდაპირი საფრთხე იყო, არავინ გვაძლევდა გარანტიას, რომ მას იქიდან ჭურვს არ ესროდნენ, არ მოკლავდნენ და ასეთი რამე არ მოხდებოდა. დაჯავშნილი მანქანა დაახვედრეს და მან თქვა, არა, მე რომ მანდ ჩავჯდე, სამღვდელოება მომყვება და იმათთვის ვინ გამოყოფს ამ მანქანებსო, რადგან მათთვის არ გამოიყოფა ეს მანქანები, მეც ჩვეულებრივ, ჩემი მანქანით წავალო. არაფრით არ ჩაჯდა იმ დაჯავშნილ მანქანაში“, - გაიხსენა დეკანოზმა შალვა კეკელიამ.ის ასევე იხსენებს შინდისის ბრძოლის დროს დაღუპული ჯარისკაცების გადმოსვენების ეპიზოდს.„ჩავიდა და როდესაც გაიარეს ის ადგილი, სადაც ჩვენი გმირი ბიჭები, შინდისელი გმირები იყვნენ დაღუპულები, გააჩერებინა მანქანა, თავისი ანაფორა გაიხადა და ძირს დაუფინა ამ ადამიანებს. როცა ახლობელი გარდაგეცვლება, როგორი რთულია, რომ გარდაგეცვალა და წარმოიდგინეთ, როგორი რთულია, მისი ცხედარიც რომ არ გაქვს და პატრიარქმა მათ ეს ცხედრები დაუბრუნა“, - აღნიშნა დეკანოზმა.საქართველომ დღეს კათოლიკოს-პატრიარქი უკანასკნელ გზაზე გააცილა - უწმინდესი და უნეტარესი ილია მეორე სიონის საპატრიარქო ტაძარში დაკრძალეს.საქართველოს კათოლიკოს-პატრიარქი ილია მეორე 2026 წლის 17 მარტს 93 წლის ასაკში გარდაიცვალა.