„თქვენი მხარდაჭერის და გამხნევების იმედი მაქვს… როგორი რთულიც არ უნდა იყოს, ცხოვრება გრძელდება…“ – სალომე ბაკურაძე ეთერს დაუბრუნდა

„თუ ქმედება ის არის, რომ ვამბობთ, რომ სალომე ზურაბიშვილი არის ლეგიტიმური პრეზიდენტი, ეგრე მაშინ რომელიმე მთავარი ოპოზიციური პარტიის ლიდერი არის ლეგიტიმური პრემიერი. ან მაშინ სალომე ზურაბიშვილი გამოვიდეს და შეიწყალოს პოლიტიკური პატიმრები, ან პოლიტიკურ-სამართლებრივი აქტი გამოსცეს“- ამის შესახებ „ნაციონალური მოძრაობის“ ყოფილმა წევრმა, ნიკა ობოლაძემ გადაცემაში „გიორგი თარგამაძის ფორმულა“ ისაუბრა.მისივე განცხადებით ოპოზიცია ძალიან რთულ სიტუაციაშია და რეალობის აღქმა უჭირს. „ჩვენ გადავეშვით იქ, საიდანაც უბრალოდ გვიჭირს შემოტრიალება. ჩვენ ვართ ძალიან რთულ სიტუაციაში და რეალობის აღქმა გვიჭირს. და რეალობა არის ის, რომ საქართველოს ჰყავს ხელისუფლება, რომელიც არის ქმედითი, ფაქტობრივი და ქმედითი ხელისუფლება. ერთი მხრივ ოპოზიცია აკრიტიკებდეს ერთმანეთს და ამბობდეს, რომ შეუძლებელია ამათ მოიგონ და მაგალითად, ერთ-ერთი ოპოზიციური პარტიის ლიდერი ამბობდა, რომ შეუძლებელია ხაზარაძემ მოიგოს და ის სათამაშო პარლამენტს გვთავაზობდა. რატომ იყო ის სათამაშო პარლამენტი, თუ არჩევნები 2024 წელს ოპოზიციამ მოიგო. მაშინ ის იყო ლეგიტიმური პარლამენტი. რატომ ვაკრიტიკებთ ოპოზიციის ლიდერებს ან პოლიტიკურ პარტიებს, ამ ხალხმა თუ მოიგო 2024 წლის არჩევნები, მაშინ არიან ქმედითები, მაშინ ყველაფერი ისე უნდა იყოს იმიტომ, რომ ეს ხალხი არის ლეგიტიმური და არჩევნებს იგებს, ან რაღაც სხვანაირად არის“-განაცხადა ობოლაძემ.

ევროპარლამენტში ურსულა ფონ დერ ლაიენის მხარდამჭერმა მთავარმა პოლიტიკურმა ძალებმა ევროპის კოლეჯსა და ევროკავშირის დიპლომატიურ სამსახურში კორუფციული სკანდალის შესახებ დებატების მოთხოვნა დაბლოკეს. ამის შესახებ ინფორმაციას „ეურაქტივი“ ავრცელებს.გამოცემის ინფორმაციით, დახურულ კარს მიღმა გამართულ შეხვედრაზე, ულტრამემარჯვენეების მცდელობა, კორუფციული სკანდალის თემა მომავალ კვირას სტრასბურგში პლენარული სხდომის დღის წესრიგში შეეტანა, ჩაიშალა.გამოცემა წყაროებზე დაყრდნობით იუწყება, რომ ევროპარლამენტის პოლიტიკური ჯგუფის „პატრიოტები ევროპისთვის“ ინიციატივას მხარი ულტრამემარჯვენე „სუვერენული ერების ევროპის ჯგუფმა“ დაუჭირა. თუმცა, გავრცელებული ინფორმაციით, ეს საკმარისი არ აღმოჩნდა იმისთვის, რომ ევროკავშირის ინსტიტუტების გამჭვირვალობისა და ანგარიშვალდებულების გამოძიების შესახებ დებატები დღის წესრიგში დაეყენებინათ.„ევროპელები იმსახურებენ, იცოდნენ სიმართლე ევროკავშირის ინსტიტუტებში კორუფციული სკანდალების შესახებ და იმის შესახებ, თუ როგორ გამოიყენება ევროკავშირის სახსრები პოლიტიკური ან იდეოლოგიური ინტერესებისთვის“, – აცხადებს უნგრელი ევროპარლამენტარი კინგა გალი, რომელიც შეხვედრაზე „პატრიოტებს“ წარმოადგენდა.

სახელმწიფო სწორ გზაზე დგას და ვინც ამას ხედავს, ის აუცილებლად ჩადგება ამ პროცესში, – ამის შესახებ საქართველოს პრეზიდენტმა, მიხეილ ყაველაშვილმა გადაცემაში „პოსტ ანალიტიკა“ განაცხადა.როგორც მან აღნიშნა, საქართველო ვითარდება, ეს რეალობაა და ამას ვერავინ უარყოფს.„სახელმწიფო სწორ გზაზე დგას და ვინც ამას ხედავს, ის აუცილებლად ჩადგება ამ პროცესში. ჩამდგარიც არის, ხორციელდება ეს პროცესი და ვითარდება ქვეყანა. კვირა და თვე არ გავა შეფასებები არ ხდებოდეს სხვადასხვა მიმართულებებით: კორუფციასთან ბრძოლა იქნება, გამჭვირვალობის თემა, ადამიანის უფლებები, სასამართლო სისტემა, ეკონომიკური საკითხი. ეს ხომ ფაქტებია, ამას ვინ უარყოფს, ვერავინ! ქვეყანა ვითარდება, ეს არის რეალობა და ის არარეალობა, რაშიც მათ აცხოვრებენ და ყოველდღე რაღაც დღეებს რომ ითვლიან და რას აპროტესტებენ? – სად არიან ეს პროდასავლელები? ტრამპისკენ არიან თუ ევრობიუროკრატიისკენ?“, – განაცხადა  მიხეილ ყაველაშვილმა.

ბოლო პერიოდის ყველაზე რეზონანსული საკითხია ამერიკის შეერთებული შტატების ეროვნული უსაფრთხოების სტრატეგია, რომელმაც სხვადასხვა მიმართულებით აბსოლუტურად განსხვავებული ხედვები წარმოადგინა, და ჩვენთვის მნიშვნელოვანი, იმიტომ, რომ იმაზე, რასაც ამ ბოლო წლების მანძილზე ჩვენ მივუთითებდით, ვთხოვდით ევროპულ ბიუროკრატიას, უფრო მკაცრად არის მოწოდება ევროკავშირისკენ, რომ ის თუ ასე გააგრძელებს – პირდაპირ არის ეს სიტყვები – ევროპას ემუქრება გაქრობა, ევროპულ ღირებულებებს, – ამის შესახებ საქართველოს პრეზიდენტმა, მიხეილ ყაველაშვილმა გადაცემაში „პოსტ ანალიტიკა“ განაცხადა.როგორც პრეზიდენტმა აღნიშნა, დოკუმენტში წარმოდგენილია ის თემები, რომელთან დაკავშირებითაც საქართველოსა და აშშ-ის ინტერესები თანხვედრაშია.„ევროპულ ბიუროკრატიას საკმაოდ რთული პერიოდი უდგას. ჩამოთვლილია საკითხები: პოლიტიკური კრიზისი, მიგრაციის თემა, იდენტობის საკითხი, ეროვნული ინტერესები, რაც მთავარია, ეკონომიკა, რომელიც 90-იანი წლების შემდეგ 25%-დან 14%-ზე  ჩამოვიდა, მთავრობის კრიზისები, ხალხის მიერ პოლიტიკოსების ლეგიტიმაცია და ბევრი კომპონენტი, რომელიც საკმაოდ საგანგაშოა. აბსოლუტურად განსხვავებული ხედვით არის წარმოდგენილი რუსეთი, ჩინეთთან ურთიერთობაც განსხვავებულადაა. რამდენიმე წლის წინ ჩვენ დავიწყეთ ეროვნულ ინტერესზე, საკუთარ უსაფრთხოებაზე, ეკონომიკაზე დაფუძნებული პოლიტიკის წარმოება – ზუსტად იგივე მოცემულობებია ამერიკის თვალსაზრისით. შიდა პოლიტიკის თემები, ინდუსტრიალიზაცია, კრიმინალთან ბრძოლა, ეროვნული ინტერესი, ეკონომიკის საკითხები – ეს ის თემებია, რაშიც ჩვენ თანხვედრაში ვართ“, –  განაცხადა საქართველოს პრეზიდენტმა.მისივე თქმით,  აშშ-ის ეროვნული უსაფრთხოების სტრატეგიის დოკუმენტი არ არის სპონტანური მიმართვა ევროკავშირის მიმართ, არამედ დოკუმენტში წარმოდგენილია ის, თუ რა პრობლემის წინაშეა, ამერიკის დღევანდელი შეხედულებით, ევროკავშირი.„ჩვენთვის ევროპა დღევანდელი ევროკავშირის ბიუროკრატია არ არის. ევროპა განსხვავებულია, ევროპა სხვა ღირებულებაა და სწორედ ამის დაკარგვის საშიშროებაზე საუბრობს ამ დოკუმენტში აშშ. ასეთი მკაცრები ჩვენ არ ვყოფილვართ“, – განაცხადა მიხეილ ყაველაშვილმა.

ამერიკის შეერთებული შტატების პრეზიდენტი ტრამპი პირდაპირ ამბობს, რომ მე რომ ვყოფილიყავი ამას არ დავუშვებდი, ომი არ მოხდებოდა, ეს იყო დანაშაული რომ დაუშვით, – განაცხადა საქართველოს პრეზიდენტმა, მიხეილ ყაველაშვილმა რუსეთ-უკრაინის ომზე საუბრისას, გადაცემაში „პოსტ ანალიტიკა“.პრეზიდენტის თქმით, საქართველოს პოლიტიკა, რომელსაც ომის დაწყების შემდგომ აწარმოებდა, სწორია და ეს აშშ-ის ეროვნული უსაფრთხოების სტრატეგიის დოკუმენტითაც გამოჩნდა.„ჩვენი მაშინდელი პოზიცია, რასაც ჩვენ გავუძელით, იყო ერთადერთი სწორი გადაწყვეტილება, რომელმაც დღეს დაგვანახა შედეგები. დღეს ამ პოზიციას ეტრფის ყველა, ამ პოზიციაზე ხდება მობილიზება ყველა ქვეყნის. ვინც კი შორდება ევროპულ ბიუროკრატიას და ვისაც უნდა, რომ გაემიჯნოს საომარ ვითარებას, ყველას უნდა იმ პოზიციაში იყოს, რაც მაშინ საქართველომ აირჩია და გაუძლო.  ჩვენ ამაზე ვსაუბრობდით, რომ ჩვენ მისაბაძი გავხდებით ამ პოზიციით, რომელიც დავიცავით და გამოჩნდა კიდეც. პირდაპირ პარალელია ახლა, რაზეც უსაფრთხოების დოკუმენტშია საუბარი, იმ ღირებულებებზე, იმ პოლიტიკაზე, რა პოლიტიკაც აწარმოვა საქართველომ ამ ბოლო წლების მანძილზე, მით უმეტეს ომის დაწყების შემდეგ“, – განაცხადა მიხეილ ყაველაშვილმა.როგორც პრეზიდენტი აღნიშნავს, ზოგიერთი პოლიტიკოსი ნატრულობს, რომ საქართველო უკრაინის მდგომარეობაში იყოს.„ზოგს პრეტენზია აქვს პოლიტიკოსობის და ექსპერტობის და ისეთ ჩაკეტილ წრეში არიან შესული, რომ მათი თვალსაზრისით საქართველოსაც კი შესწირავდნენ, რომ რუსეთი დამარცხებულიყო. მისტირიან, რომ რატომ არ არიან დღეს უკრაინის მდგომარეობაში. პირდაპირ შესწირავდნენ საქართველოს და ამას გამარჯვებას დაარქმევდნენ“, – აღნიშნა საქართველოს პრეზიდენტმა.