თინა ბოკუჩავა – ევროსაბჭოს საპარლამენტო ასამბლეაში შეშფოთების საგანია ივანიშვილის რეჟიმის მიერ მოსახლეობის წინააღმდეგ შესაძლო ქიმიური იარაღის გამოყენება – აქტიურად ვმუშაობთ, რომ შესაბამისი პირები პასუხისგებაში მიეცნენ

საქართველოს პარლამენტის თავმჯდომარე შალვა პაპუაშვილი აცხადებს, რომ საგაზაფხულო სესიის გახსნისთანავე მოხდება პარლამენტში დროებითი კომისიის შექმნასთან დაკავშირებით დადგენილების განხილვა და კომისიის შექმნა, რომელიც სურსათის, მედიკამენტებისა და და საწვავის ფასებთან დაკავშირებულ საკითხებს შეისწავლის.მისივე თქმით, „ქართული ოცნების“ ფრაქციის მიერ უკვე დაიინიცირებულია დადგენილების პროექტი დროებითი კომისიის შექმნასთან დაკავშირებით.„იცით, რომ მომავალ კვირას იხსნება საგაზაფხულო სესია. პირველივე სხდომებზე მოხდება განხილვა და შექმნა დროებითი კომისიის, რომელიც სამივე საკითხს, როგორც პროდუქტზე, ისე მედიკამენტებსა და საწვავთან დაკავშირებით საკითხებს შეისწავლის და გვექნება შესაძლებლობა, მთელი საზოგადოება იყოს ამაში ჩართული საჯარო სხდომების მეშვეობით, ყველამ ერთად მოვისმინოთ, როგორ ხდება ამ სფეროებში ფასების წარმოქმნა, იქნება ეს მწარმოებელი, დისტრიბუტორი თუ სხვა რგოლი ამ ბიზნესებისა, თავად მათგან მოვისმინოთ. ვხედავთ მათ განცხადებებს, რომ ხედავენ ფასების დაწევის შესაძლებლობას, მიუთითებენ გარკვეულ საკითხებზე, რომლებიც შეიძლება დარეგულირდეს, შეიძლება საკანონმდებლო სახით, შეიძლება პრაქტიკაა შესაცვლელი, შეიძლება მათ შორის ცნობიერების მხრივ, საზოგადოებამაც ამას ყურადღება მიაქციოს. ეს ყველაფერი იქნება საჯარო პროცესი, ჩართული იქნება ყველა დაინტერესებული პირი. შესაბამისად, ჩვენ ერთად, საზოგადოებასთან ერთად შევძლებთ საკითხში გარკვევას და გადაწყვეტილებების მიღებას“, – განაცხადა შალვა პაპუაშვილმა.

ირანის საგარეო საქმეთა მინისტრი აბას არაღჩი აცხადებს, რომ ირანს აშშ-თან მოლაპარაკებები არ მოუთხოვია.მისივე თქმით, ბოლო დღეებში აშშ-ის სპეციალურ წარმომადგენელთან, სტივ უიტკოფთან კონტაქტი არ ჰქონია და არც მოლაპარაკებები მოუთხოვია.ირანის სახელმწიფო მედიის ინფორმაციით, აბას არაღჩიმ აღნიშნა, რომ სხვადასხვა შუამავლები თეირანთან „კონსულტაციებს აწარმოებდნენ“ და კონტაქტში არიან.„ჩვენი პოზიცია ნათელია, მოლაპარაკებები მუქარის ფონზე არ ხდება და მოლაპარაკებები მხოლოდ მაშინ შეიძლება, ჩატარდეს, როდესაც მუქარა და გადაჭარბებული მოთხოვნები აღარ იქნება“, – განუცხადა მან ირანის სახელმწიფო მედიას.ამასთან, „როიტერის“ ინფორმაციით, ირანის პრეზიდენტმა, მასუდ ფეზეშქიანმა საუდის არაბეთის მემკვიდრე პრინც მოჰამედ ბინ სალმანს განუცხადა, რომ თეირანი მიესალმება ნებისმიერ პროცესს, საერთაშორისო სამართლის ფარგლებში, რომელიც ომის თავიდან აცილებას ისახავს მიზნად.

„საერთაშორისო ფარმაცევტული კომპანიების წარმომადგენელთა ასოციაციის“ ხელმძღვანელი ირაკლი მარგველაშვილი აცხადებს, რომ თანამშრომლობის საფუძველზე ყოველთვის არსებობს ფასების შემცირების რესურსი.როგორც მარგველაშვილმა მთავრობის ადმინისტრაციაში ფასებთან დაკავშირებით მიმდინარე შეხვედრის დაწყებამდე ჟურნალისტებს განუცხადა, საუბარია სამართლიან ფასებზე, რომელიც უნდა იყოს.მისივე განმარტებით, ფასთაწარმოქმნის რეგულაციის პროცესი საქართველოში, რამდენიმე წელია, დაწყებულია.„ალბათ საუბარი არის პროცესის უფრო გაუმჯობესებაზე, მეთოდოლოგიის დახვეწასა და მედიკამენტების შემდეგ ჯგუფებში გავრცელებაზე. სწორედ ამაში ვხედავთ ჩვენ რესურსს“, – აღნიშნა ირაკლი მარგველაშვილმა.ირაკლი მარგველაშვილის თქმით, დაახლოებით 7 000 მედიკამენტი საქართველოში უკვე არის რეფერენტული ფასების სიაში, რაც ნიშნავს, რომ მათი ფასი გარე რეფერენტული სისტემით რეგულირდება. მისივე განმარტებით, კიდევ ამდენივე კი, სავარაუდოდ, რეფერენტულ ფასებს გარეთ რჩება.„ალბათ პირველ ეტაპზე უპრიანია, ვისაუბროთ რეცეპტორულ მედიკამენტებზე. მედიკამეტებზე, რომლებიც გამოიყენება ქრონიკული დაავადების სამკურნალოდ. მნიშვნელოვანია მედიკამენტის ფასი, ძალიან მნიშვნელოვანია, ვილაპარაკოთ, მათ შორის, სახელმწიფო პროგრამის განვითარებაზე, რომელიც უზრუნველყოფს მედიკამენტების მიწოდებას პაციენტებისთვის და აქედან გამომდინარე, დავადგინოთ ის სამართლიანი ფასი, რაც სახელმწიფომაც უნდა გადაიხადოს და ყოველმა ჩვენგანმა ჩვენი ჯიბიდან მედიკამენტებში.არ არსებობს კატეგორიები – იაფი და ძვირი, არსებობს სამართლიანი ფასი, რომელიც უნდა შეესაბამებოდეს და შესადარი იყოს საერთაშორისო სტანდარტებთან,  გეოგრაფიული მდებარეობიდან, მოწოდების გზებიდან გამომდინარე და ა.შ. სწორედ ამისთვის ხდება შეხვედრები, რომ დადგინდეს ის ფასი, რომელიც სამართლიანი იქნება კონკრეტულად საქართველოსთვის. მედიკამენტის ფასი, რომელსაც ნახულობთ აფთიაქში, დამოკიდებულია, როგორ არის სისტემა აწყობილი. მაგალითად, მედიკამენტის ფასი ერთ-ერთ ევროპულ ქვეყანაში, შესაძლებელია, იყოს მაღალი ან დაბალი, მაგრამ გააჩნია, როგორ ხდება მისი ანაზღაურება სადაზღვევო სისტემის და სახელმწიფოს მიერ. ანუ, თითოეული ჩვენგანისთვის მნიშვნელობა აქვს, ჩვენ რას ვიხდით მედიკამენტში. მთავარია, რამდენია თითოეული მოქალაქის რეალური დანახარჯი ამ მედიკამენტებზე. ჩვენი წევრია 21 კომპანია. ფასების მნიშვნელოვანი დაწევა მივიღეთ ბოლო სამი წლის განმავლობაში“, – განაცხადა ირაკლი მარგველაშვილმა.

ჩავხედე ვაშინგტონის ამინდის პროგნოზს და მზიანი, უნალექო ამინდია და როგორც ჩანს ვაშინგტონში ალაგ-ალაგ ქარი ქრის და შეიძლება იმ ალაგზე ცუდი ამინდია, - ასე ეხმაურება საქართველოს პარლამენტის თავმჯდომარე შალვა პაპუაშვილი, აშშ-ის ჰელსინკის კომისიის მიერ საქართველოში არსებული ვითარების შესახებ დაგეგმილი ბრიფინგის გადადებას, რომლის მიზეზადაც უამინდობა დასახელდა.შალვა პაპუაშვილის თქმით, ჰელსინკის კომისია საკუთარი თავის დისკრედიტაციას ეწევა, როდესაც მოწმედ იწვევს პრეზიდენტ ტრამპის მტერს - ლორა თორნტონს.„ვერ გეტყვით ან სხდომის მოწვევა რა იყო ან მისი გადადება რა იყო. თუმცა ერთი რამე კი თვალში საცემი იყო, როდესაც პრეზიდენტ ტრამპის მტერს ლორა თორნტონს, რომელიც მას სექსუალურ მოძალადედ მოიხსენიებს ჩვენების მისაცემად იწვევ, პირველ რიგში საკუთარი თავის დისკრედიტაციას აკეთებს ჰელსინკის კომისია. როდესაც პრეზიდენტ ტრამპის მტერს, ჰელსინკის კომისიის ის წევრები, რომლებიც „რესპუბლიკური პარტიას“ მიეკუთვნებიან იწვევენ მოწმედ ეს უკვე მეტყველებს, რომ ვერ ერკვევიან საკითხებში ვისთან აქვთ საქმე და თუ ასეთ ხალხს ეყრდნობიან თავისი აზრის ჩამოსაყალიბებლად, კარგად ყოფილა მათი საქმე“, - განაცხადა შალვა პაპუაშვილმა.

მაია სანდუ რატომღაც ფიქრობს, რომ აქვს რაიმე მორალური, პოლიტიკური, იდეოლოგიური უპირატესობა, რომ ქართველ ხალხს ამ ტონით ესაუბროს, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისივე თქმით, მოლდოვის პრეზიდენტის მხრიდან ანტიქართული რიტორიკის მოსმენა აღმაშფოთებელია.„უპირველეს ყოვლისა, შეგახსენებთ, რომ მაია სანდუ არის ის ადამიანი, რომელმაც ოთხ ოქტომბერს ხელისუფლების დამხობის პროცესს დაუჭირა მხარი. მაშინ, როდესაც პრეზიდენტის სასახლეზე მიდიოდა ძალადობრივი შტურმი, ზუსტად იმ წუთებში, მან საჯარო განცხადებით მხარი დაუჭირა ხელისუფლების დამხობაში მონაწილე ჯგუფს. ეს უკვე თავისთავად აჩვენებს თუ რა ღირებულებით საწყისებზე დგას ეს ადამიანი.დიდი ეჭვია, რომ მაია სანდუ ამას აკეთებს სხვების კარნახით. წელიწადში ერთხელ გავახსენდებით და რატომღაც ფიქრობს, რომ აქვს რაიმე მორალური, პოლიტიკური, იდეოლოგიური უპირატესობა, რომ ქართველ ხალხს ამ ტონით ესაუბროს. როდესაც ვისმენთ ამგვარ ანტიქართულ რიტორიკას მოლდოვის პრეზიდენტის მხრიდან, ეს არის სრულიად აღმაშფოთებელი და მნიშვნელოვანია, რომ ამაზე იყოს რეაქცია. ალბათ, თავის დროზეც უნდა გვქონოდა მკაფიო რეაქცია, გარდა განცხადებებისა, როდესაც მოლდოვის პრეზიდენტმა ღიად მხარი დაუჭირა ხელისუფლების დამხობაში მონაწილე ჯგუფებს.მაია სანდუ არის ადამიანი, რომელიც მხარს უჭერს საკუთარი სახელმწიფოს გაუქმებას. ამიტომ, არ მგონია, რომ რამე სალაპარაკო გვქონდეს სახელმწიფოებრივ ღირებულებებზე. შეგახსენებთ მოტივაციას, მისი დასაბუთება იყო, რომ მოლდოვა არის პატარა სახელმწიფო, პატარა სახელმწიფო ვერ გადარჩება და ამიტომ უნდა შეუერთდეს დიდ სახელმწიფოს, და არა ის, რომ მოლდოველ და რუმინელ ხალხს რაიმე კულტურული ან ეროვნული კავშირი აქვთ.  როდესაც სახელმწიფოს მეთაური ამბობს, იმდენად მცირედ მიაჩნია თავისი ქვეყანა, რომ გადარჩენისთვის უნდა გაუქმდეს, ფაქტია, რომ ღირებულებების მხრივ, სხვადასხვა ორბიტაზე ვართ“, – განაცხადა პაპუაშვილმა.ცნობისთვის, მოლდოვის პრეზიდენტმა, მაია სანდუმ ევროპის საბჭოს საპარლამენტო ასამბლეაში სიტყვით გამოსვლისას განაცხადა, რომ რუსეთმა საქართველო თავის ორბიტაზე დააბრუნა. „რუსეთმა საქართველო თავის ორბიტაზე დააბრუნა ომის შიშის იარაღად გამოყენებით და იმ გზავნილებით, რომ არჩევნებზე არასწორი არჩევანი მშვიდობის ფასად დაუჯდებოდათ“, – განაცხადა სანდუმ.