პარასკევი, სექტემბერი 19, 2025

თინა ბოკუჩავა: აუცილებელია, რომ საქართველომ წინ წაიწიოს გაწევრიანების გზაზე, რა არის საჭირო ამისთვის? – რუსი ოლიგარქის ხელისუფლებიდან მოშორება

„ახლა, ამ მნიშვნელოვანი გამარჯვების შემდეგ, აუცილებელია, რომ საქართველომ წინ წაიწიოს გაწევრიანების გზაზე და ჩვენთვისაც, ისევე როგორც უკრაინისთვის და მოლდოვისთვის მოხდა ეს გუშინ, გაიხსნას მოლაპარაკებები გაწევრიანებისთვის. რა არის საჭირო ამისთვის? – რუსი ოლიგარქის ხელისუფლებიდან მოშორება და პროდასავლური მთავრობა.“ – ამის შესახებ საპარლამენტო ფრაქციის „ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა.

“უპირველეს ყოვლისა გილოცავთ! გუშინ საქართველომ მოიპოვა ძალიან დიდი გამარჯვება და ეს არის სწორედ ქართველი ხალხის დამსახურება. როგორი სიმბოლურია, რომ გუშინ ეს დიდი გამარჯვება საქართველომ მოიპოვა დიდი ქართველის და დიდი ევროპელის – ილია ჭავჭავაძის დაბადების დღეზე. საბოლოო დეკემბრის გადაწყვეტილება, რომელიც აუცილებლად დადებითი უნდა იყოს, იქნება მნიშვნელოვანწილად, რა თქმა უნდა, განსაზღვრული სწორედ იმ დადებითი გადაწყვეტილებით, რომელიც გუშინ მიიღო ევროკომისიამ, ეს არის ქართველი ხალხის გამარჯვება, ეს არის ქართველი ხალხის მონაპოვარი და ეს არის ქართველი ხალხის დამსახურება. ამას გაუსვა ხაზი გუშინ სწორედ ევროკომისიის პრეზიდენტმა ურსულა ფონ დერ ლაიენმა, რომელმაც თქვა, რომ ქართველი ხალხის დამსახურებით მიიღო საქართველომ კანდიდატის სტატუსი. ჩვენი მოლოდინიც და იმედიც სწორედ ეს იყო, რომ რუსული ხელისუფლების მიზანმიმართული საბოტაჟის მიუხედავად, ქართველი ხალხის ხმა აღმოჩნდებოდა უფრო ხმამაღალი და ძლიერი და სწორედ ამაზე დაყრდნობით მიიღებდა ევროკავშირი დადებით გადაწყვეტილებას. ასევე, მინდა მივულოცო უკრაინასა და მოლდოვას, რომელსაც ევროკავშირმა უკვე ფორმალურად გაუხსნა მოლაპარაკებები გაწევრიანებისთვის. ახლა, ამ მნიშვნელოვანი გამარჯვების შემდეგ, აუცილებელია, რომ საქართველომ წინ წაიწიოს გაწევრიანების გზაზე და ჩვენთვისაც, ისევე როგორც უკრაინისთვის და მოლდოვისთვის მოხდა ეს გუშინ, გაიხსნას მოლაპარაკებები გაწევრიანებისთვის. რა არის საჭირო ამისთვის? ამისთვის საჭიროა იმ 9 პირობის შესრულება, რომელზეც ძალიან მკაფიოდ ისაუბრა გუშინ ევროკავშირმა და მთავარი კითხვა, რომელიც ჩვენ დღეს თითოეულმა საქართველოს მოქალაქემ უნდა დავუსვათ საკუთარ თავს არის შემდეგი – ვინ შეასრულებს ამ პირობებს და შესაბამისად, ვინ მივა შემდეგ ეტაპამდე ევროკავშირში გაწევრიანების? განა ვინმეს სჯერა, რომ რუს აგენტებზე მდგარი რუსი ოლიგარქის ივანიშვილის რუსული რეჟიმი დაუწყებს ბრძოლას რუსულ დეზინფორმაციას? ეს არის უპირველესი მოთხოვნა, ან იმას, რომ ის მოაშორებს სასამართლო კლანს? – არა! „რუსული ოცნება“ ამ პირობებს არ შეასრულებს, ამისთვის აუცილებელია დემოკრატიული, პროდასავლური მთავრობა, მაგრამ ერთი პირობა, რომლის შესრულებაც მოუწევს ივანიშვილს, ეს არის თავისუფალი და სამართლიანი არჩევნები, რომელიც აუცილებლად გახდება საბოლოო დიდი გამარჯვების საწინდარი და შემდეგ უკვე დემოკრატიული მთავრობა განახორციელებს ყველა ამ რეფორმას და საქართველო შევა ევროკავშირში.“ – განაცხადა თინა ბოკუჩავამ

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ზურაბ ზვიადაურს აღკვეთის ღონისძიების სახით პატიმრობა შეეფარდა

ოლიმპიურ ჩემპიონს, ზვიად ზვიადაურს აღკვეთის ღონისძიების სახით პატიმრობა შეეფარდა.გადაწყვეტილება თბილისის საქალაქო სასამართლოს მოსამართლემ, დავით კურტანიძემ მიიღო.საქმის პროკურორის განცხადებით, ბრალდებულის მხრიდან ახალი დანაშაულის ჩადენის მომეტებული საფრთხე არსებობს, რის გამოც პროკურატურა ზვიად ზვიადაურისთვის აღკვეთის ღონისძიების სახით პატიმრობის გამოყენებას ითხოვდა. ასევე, პროკურორი საუბრობდა ზვიადაურის მხრიდან მტკიცებულებების განადგურების, მოწმეებზე ზემოქმედებისა და მიმალვის საფრთხეებზე.დაცვის მხარე ბრალდების შუამდგომლობას არ დაეთანხმა. ადვოკატმა სასამართლოს ზვიადაურის 20 000-ლარიანი გირაოს სანაცვლოდ გათავისუფლების შუამდგომლობით მიმართა, თუმცა მოსამართლემ აღნიშნული შუამდგომლობა არ დააკმაყოფილა.ზურაბ ზვიადაური დუმილის უფლებით სარგებლობს.ოლიმპიურ ჩემპიონი ზურაბ ზვიადაური სამართალდამცველებმა 16 სექტემბერს დააკავეს. მას ბრალდება საქართველოს სისხლის სამართლის კოდექსის 236-ე მუხლის მესამე და მეოთხე ნაწილით წარედგინა, რაც ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარებას გულისხმობს. აღნიშნული ქმედება სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.

ირაკლი კობახიძე – მაქსიმალურად მკაცრები ვიქნებით კანონის აღსრულების კუთხით ნებისმიერი ფორმის ექსტრემიზმის მიმართ, ეს საჭიროა, რათა საზოგადოება და ქვეყანა სწორად განვითარდეს

ორგანიზაცია „ანტიფას“ ტერორისტულ ორგანიზაციად გამოცხადებასთან დაკავშირებით დონალდ ტრამპის გადაწყვეტილება საკმაოდ ხისტი, თუმცა, მგონია, რომ პრაგმატული გადაწყვეტილებაა. არ შეიძლება, ექსტრემიზმს ჰქონდეს ასეთი გასაქანი და ჩვენც მაქსიმალურად მკაცრები ვიქნებით კანონის აღსრულების კუთხით ნებისმიერი ფორმის ექსტრემიზმის მიმართ, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტის კითხვის პასუხად განაცხადა.მისივე თქმით, ამ ნაწილში სიმკაცრე საჭიროა, რათა საზოგადოება და ქვეყანა სწორად განვითარდეს.„ამერიკელი აქტივისტის მკვლელობასთან დაკავშირებით ერთნაირი რეაქციები ჰქონდათ ქართველ და ამერიკელ ე.წ. ლიბერალებს – ზიზღი, ფაქტის მოწონება, სიხარულის გამოხატვა, სიცილი ამასთან დაკავშირებით. ახალგაზრდა, 31 წლის კაცი მოკლეს და ადამიანებს, ქართველ ე.წ. ლიბერალებს, ისევე როგორც ამერიკელ ე.წ. ლიბერალებს, ეს ყველაფერი გაუხარდათ. ეს ძალიან შემაშფოთებელია და საქართველოშიც ეს ყველაფერი ინერგება ზუსტად იმავე ძალების მიერ, რომლებიც მოქმედებენ აშშ-ში. ეს არის ე.წ. დიფ სთეითი. ისინი ხელოვნურად ცდილობენ, ჩანერგონ სიძულვილი ქართულ საზოგადოებაში, თუმცა მათი წარმატება არის ძალიან შეზღუდული. რა წარმატებასაც მიაღწიეს და რა მცირე სიძულვილის კერებიც გააჩინეს, ესეც უკვე შემაშფოთებელია. აქედან გამომდინარე, ყველაფერი უნდა გავაკეთოთ, რომ სიძულვილის კერები მაქსიმალურად ჩავაქროთ ჩვენს საზოგადოებაში. რაც შეეხება პრეზიდენტ ტრამპის გადაწყვეტილებას, ეს საკმაოდ ხისტი, თუმცა, მგონია, რომ პრაგმატული გადაწყვეტილებაა. არ შეიძლება, ექსტრემიზმს ჰქონდეს ასეთი გასაქანი ამა თუ იმ საზოგადოებაში. ჩვენც მაქსიმალურად მკაცრები ვიქნებით კანონის აღსრულების კუთხით ნებისმიერი ფორმის ექსტრემიზმის მიმართ. ეს სიმკაცრე საჭიროა, რათა საზოგადოება და ქვეყანა სწორად განვითარდეს“, – განაცხადა პრემიერმა.

ცვლილება ძალაში 1-ელი ოქტომბრიდან შევა! – სიახლე მათთვის ვინც მართვის მოწმობის აღებას გეგმავს

გაგაცნობთ, სიახლეს, რომელიც 1-ელი ოქტომბრიდან ამოქმედდება. ინფორმაციას შსს მომსახურების სააგენტო ავრცელებს:„საგზაო მოძრაობის შესახებ“ საქართველოს კანონში განხორციელებული ცვლილებების შესაბამისად, 2025 წლის 1-ელი ოქტომბრიდან CE, DE კატეგორიების და C1E, D1E ქვეკატეგორიების სატრანსპორტო საშუალების მართვის უფლების მისაღები გამოცდების პრაქტიკული ნაწილი ორეტაპიანი ხდება.ცვლილების მიხედვით, პრაქტიკული გამოცდის პირველი ეტაპს კანდიდატი დახურულ მოედანზე ჩააბარებს, ხოლო გამოცდის მეორე ეტაპი რეალური საგზაო მოძრაობის პირობებში, საქართველოს შინაგან საქმეთა მინისტრის ბრძანებით დამტკიცებული საგამოცდო მარშრუტების შესაბამისად ჩატარდება.მძღოლობის კანდიდატს უფლება აქვს პრაქტიკული გამოცდის მეორე ეტაპზე გავიდეს პირველი ეტაპის წარმატებით ჩაბარებიდან 365 კალენდარული დღის განმავლობაში.365 დღიანი ვადის ამოწურვის შემთხვევაში, პრაქტიკული გამოცდის პირველ ეტაპზე მიღებული დამაკმაყოფილებელი შედეგი კარგავს იურიდიულ ძალას.აღნიშნული კატეგორიების/ქვეკატეგორიების მართვის უფლების მიღების მსურველები პრაქტიკული გამოცდის ჩაბარებას მომსახურების სააგენტოს რუსთავის და ქუთაისის სტრუქტურულ ერთეულებში შეძლებენ. პრაქტიკული გამოცდის მეორე ეტაპის გამოცდაზე გასასვლელად სავალდებულოა რიგის დაჯავშნა, რაც შესაძლებელია:უშუალოდ, სააგენტოს შესაბამის სტრუქტურულ ერთეულში გამოცხადებით;ვებგვერდის მეშვეობით;მობილური აპლიკაციის საშუალებით.

ხვიჩა კვარაცხელიამ ჩემპიონთა ლიგაზე „ატალანტას“ გაუტანა

ჩემპიონთა ლიგის 2025/2026 წლის სეზონის ძირითადი ეტაპის პირველი ტურის მატჩში ხვიჩა კვარაცხელიამ ბერგამოს „ატალანტას“ კარში გაიტანა და „პარი სენ-ჟერმენის“ უპირატესობა ორამდე გაზარდა.აღნიშნული გოლი ქართველი ფეხბურთელისთვის მეექვსეა ჩემპიონთა ლიგაზე.შეხვედრაში პირველი გოლი მარკინიოსის ანგარიშზეა, კაპიტანმა „პარი სენ-ჟერმენი“ მე-3 წუთზე დააწინაურა.

ანი წითლიძე – მშვიდად და ნარნარად დაემხობა ეს რეჟიმი, „ვარდების რევოლუცია“ იყო მშვიდობიანი ხალხის რევოლუცია, ზუსტად ასეთი იქნება 4 ოქტომბერს

მშვიდად და ნარნარად დაემხობა ეს რეჟიმი, „ვარდების რევოლუცია“ იყო მშვიდობიანი ხალხის რევოლუცია, ზუსტად ასეთი იქნება 4 ოქტომბერს, მშვიდობიანი ქართველი ხალხის რევოლუცია, – ამის შესახებ პარტია „ერთიანობა – ნაციონალური მოძრაობის“ პოლიტიკური საბჭოს წევრმა, ანი წითლიძემ საქართველოს პირველი არხის გადაცემაში „დღის თემა“ განაცხადა.ანი წითლიძის თქმით, ერთადერთი, რაც ქვეყანაში ცვლილებებს მოიტანს, 4 ოქტომბრის მშვიდობიანი რევოლუციაა.„„ქართულმა ოცნებამ“, ლევან ხაბეიშვილის დაჭერით, თავად აღიარა ლევან ხაბეიშვილი რევოლუციის ლიდერად. ჩვენ ამის საწინააღმდეგო არაფერი გვაქვს, მაგრამ რეალობა არის სხვა. რეალობა არის ის, რომ 4 ოქტომბრის ორგანიზატორები არიან პაატა ბურჭულაძე და „რუსთაველის გამზირი“. ცხადია, „ნაციონალური მოძრაობა“ უერთდება 4 ოქტომბერს ამ ხელისუფლების მშვიდობიან დამხობას. მე ჩართული ვარ და ჩავერთვები ნებისმიერ ინიციატივაში, რომელიც რუსული რეჟიმის დამხობაში მიიღებს მონაწილეობას. მე გეგმას ნამდვილად ვერ გეტყვით. გეტყვით, რომ 4 ოქტომბერი არის 70 პროცენტით შემდგარი ფაქტი. ის 30 პროცენტი, რაც საქართველოს მოქალაქეების მშვიდობიან ბრძოლას გულისხმობს რეჟიმის დასამხობად 4 ოქტომბერს, აი, მშვიდად და ნარნარად რომ დაემხობა ეს რეჟიმი, ეს არის ის, რაც უნდა მოხდეს 4 ოქტომბერს“, – განაცხადა ანი წითლიძემ.წითლიძის თქმით, 4 ოქტომბერს იქნება „ვარდების რევოლუციის“ მსგავსი რევოლუცია.„როგორც „ვარდების რევოლუცია“, ისე, რომ არცერთი ადამიანი არ დაშავებულა, მშვიდად და წყნარად. „ვარდების რევოლუცია“ იყო მშვიდობიანი ხალხის რევოლუცია. ზუსტად ასეთი იქნება 4 ოქტომბერს, მშვიდობიანი ქართველი ხალხის რევოლუცია“, – განაცხადა წითლიძემ.ამასთან, როგორც წითლიძემ აღნიშნა, სპეცრაზმი ის სპეცრაზმი აღარ არის, რომელიც არბევდა მოქალაქეებს.„იმიტომ, რომ ხარება აღარ არის და, ხარებასთან ერთად, ის სპეცრაზმიც აღარ არის. შესაბამისად, ეჭვი მეპარება, რომ საერთოდ ბრძანების გამცემი ჰყავდეთ შსს-ში. ამ სპეცრაზმის რაოდენობაც არ არის ამოწურვადი, ოთხი-ათამდე ადამიანზეა რეალურად საუბარი. მათ უნდა იცოდნენ, რომ, ბიჭებო, როგორი ბრძანებაც არ უნდა მიიღოთ და როგორი ბრძანებაც არ უნდა მოგცეთ თქვენ რუსულმა რეჟიმმა, იცოდეთ, რომ, ყველა სხვა აქციებისგან განსხვავებით, სადაც თქვენ უმოწყალოდ არბევდით საქართველოს მოქალაქეებს, საქართველოს მოქალაქეებს აქვთ კონსტიტუციური უფლება, დაიცვან საკუთარი თავი“, – განაცხადა წითლიძემ.შეკითხვაზე, როგორია მათი მოლოდინი 4 ოქტომბერს და რამდენად მასშტაბურ შეკრებას ელოდებიან, რადგან, როგორც პაატა ბურჭულაძემ თქვა, ის ელოდება 200-300 ათას ადამიანს, ანი წითლიძემ აღნიშნა, რომ მისი მოლოდინიც მსგავსია.„ჩემი მოლოდინიც არის მსგავსი. მოვუწოდებ საქართველოს მოქალაქეებს, რომ არანაირი 4 ოქტომბრის არჩევნები არ არსებობს. ამ ქვეყანაში არჩევნები არ არსებობს, ეს არის ფარსი და არის რუსული სპეცოპერაცია. ერთადერთი, რაც ამ ქვეყანაში ცვლილებებს მოიტანს, ეს 4 ოქტომბრის მშვიდობიანი რევოლუციაა. ნურავინ ნუ მივა საარჩევნო უბანთან, ნუ მივლენ და ნუ შეეცდებიან, „გააპრავონ“ რუსული სპეცოპერაცია. რუსთაველზე 16:00 საათზე არის რეალური ცვლილების შანსი. საქართველოს 200 ათასი მოქალაქე რომ იდგა და იცავდა ამ ქვეყნის თავისუფლებას, იმაზე ნაკლები ადამიანი არ უნდა იყოს 4 ოქტომბერს, რათა იმავე დღეს შევძლოთ ამ რეჟიმის დასრულება. დარწმუნებული ვარ, იქნება ეს რაოდენობა. ხელისუფლებას გადაიბარებენ საქართველოს მოქალაქეები მშვიდობიანი რევოლუციით. ამის შემდეგ საქართველოს მოქალაქეები თავისუფალი, სამართლიანი არჩევნებით გადაწყვეტენ, ვის უნდათ, რომ ეს ხელისუფლება ჩააბარონ“, – განაცხადა ანი წითლიძემ.

ბოლო სიახლეები