თეა წულუკიანი – ჩვენს კომისიას უკვე 17 სხდომა აქვს ჩატარებული, გამოკითხულია 55 პირი, აქედან 30-მდე ადამიანი იყო დაზარალებული – ამ რიცხვში არ იგულისხმებიან ის პირები, ვინც უარი თქვა გამოცხადებაზე

„საქართველოს ტექნიკური უნივერსიტეტის მაღალი საერთაშორისო რეპუტაციის, ევროპულ უნივერსიტეტებთან მჭიდრო თანამშრომლობისა და გლობალური აღიარების საშუალებით, თამამად შემიძლია ვთქვა, რომ უნივერსიტეტმა ფუნდამენტური როლი შეასრულა ჩემი კარიერის ფორმირებაში. მან მომცა მყარი აკადემიური საფუძველი მევენახეობა-მეღვინეობაში და გამიხსნა გზა ფასდაუდებელი საერთაშორისო გამოცდილებებისკენ“,- ამის შესახებ საქართველოს ტექნიკური უნივერსიტეტის კურსდამთავრებული ნიკოლოზ კირვალიძე განაცხადა.საქართველოს ტექნიკური უნივერსიტეტის მიერ გავრცელებული ინფორმაციით, ნიკოლოზ კირვალიძემ 2024 წელს აგრარული მეცნიერებებისა და ბიოსისტემების ინჟინერინგის ფაკულტეტის, მევენახეობისა და ენოლოგიის ინგლისურენოვანი მაგისტრატურა დაამთავრა.როგორც ნიკოლოზ კირვალიძე აცხადებს, საქართველოს ტექნიკურ უნივერსიტეტში მაგისტრატურაზე სწავლის გაგრძელების მოტივაცია, მევენახეობისა და ენოლოგიის ინგლისურენოვანი პროგრამის უნიკალურობის გარდა, იყო უდიდესი სურვილი, მიეღო საერთაშორისო გამოცდილება, იმ უამრავი შესაძლებლობებისა და პროგრამების საშუალებით, რომლებსაც საქართველოს ტექნიკური უნივერსიტეტი სტუდენტს სთავაზობს.„საქართველოს ტექნიკური უნივერსიტეტის მხარდაჭერით, ERASMUS+ პროგრამის ფარგლებში, პროფესიული მიმართულებით ვიმყოფებოდი იტალიაში, მილანის უნივერსიტეტში. იტალიიდან დაბრუნების შემდეგ კი საშუალება მომეცა მონაწილეობა მიმეღო Vinifera EuroMaster-ის ორდიპლომიან პროგრამაში, რომლის ფარგლებშიც მეორე კურსის პირველი სემესტრი გავიარე გერმანიაში, გაიზენჰაიმის უნივერსიტეტში, სადაც კიდევ უფრო გავიღრმავე ცოდნა, ჩემი მიმართულებით და მივიღე მყარი ფუნდამენტი მეორე, დამამთავრებელი სემესტრისთვის, რომელიც საფრანგეთში, ბორდოს ვაზისა და ღვინის სამეცნიერო ინსტიტუტში გავატარე სამაგისტრო ნაშრომზე სამუშაოდ.გარდა ამისა, პროგრამის ფარგლებში საშუალება მომეცა მონაწილეობა მიმეღო თანამედროვე კვლევებში და ისეთ მნიშვნელოვან პროექტებში, რომლებიც გლობალურ გამოწვევებს, მათ შორის კლიმატის ცვლილებას ეხება. ასევე, შესაძლებლობა მქონდა მემუშავა მევენახეობა-მეღვინეობის წამყვანი რეგიონების ექსპერტებთან, რაც უდიდესი პროფესიული გამოცდილება იყო ჩემთვის.გავიღრმავე ცოდნა ვაზის ფიზიოლოგიაში, ვენახის მართვაში, მეღვინეობის განსხვავებულ ტექნიკებში, ღვინის სენსორულ შეფასებასა და ვაზის მოვლა-მოყვანის თანამედროვე ტექნოლოგიებში. ასევე, საშუალება მომეცა გავცნობოდი სხვადასხვა ქვეყნის ინოვაციურ მიდგომებსა და გლობალურ პრაქტიკებს მევენახეობა-მეღვინეობაში.ვფიქრობ, რომ საქართველოს ტექნიკური უნივერსიტეტი საუკეთესო არჩევანია მათთვის, ვინც მევენახეობა-მეღვინეობაში მაღალი დონის განათლებას ეძებს, ამასთან ერთად, სურს მიიღოს საერთაშორისო გამოცდილება და შექმნას მტკიცე პროფესიული კავშირები მსოფლიოში აღიარებულ სპეციალისტებთან.უნივერსიტეტში სტუდენტებს ეძლევათ პრაქტიკული და კვლევითი შესაძლებლობები, რაც მათ საერთაშორისო ასპარეზზე კონკურენტუნარიან სპეციალისტებად აყალიბებს”, - განაცხადა ნიკოლოზ კირვალიძემ.ამის შესახებ ინფორმაციას საქართველოს ტექნიკური უნივერსიტეტი ავრცელებს.

ბზინვარე თმისა და სუფთა კანის საიდუმლოს არუნ ხათრი ამხელს. ინდური ხალხური მედიცინის „აიურვედას“ ექსპერტი ამბობს, რომ ამ მეთოდს დედოფლები და ძირითადად, აზიელი ქალები მიმართავდნენ. ეს არის ბრინჯის წყალი.როგორ უნდა მოამზადოთ და როგორ გამოიყენოთ, ამას დეტალურად ვიდეოში ნახავთ ↓

მაღაროელთა ე.წ. საინიციატივო ჯგუფის წევრები წინ გადაუდგნენ შუქრუთის მაღაროს დირექტორის, თენგო კობერიძის ავტომობილს, რომელიც მანქანიდან გადმოიყვანეს და ფიზიკურად გაუსწორდნენ. კობერიძეს სახის ძვლის მოტეხილობა და სისხლჩაქცევები აღენიშნება.საინიციატივო ჯგუფის წევრები ამ დრომდე ადგილზე არიან მობილიზებული და არც მაღაროების ამუშავების ჯგუფს აძლევენ ობიექტზე შესვლის საშუალებას, ისმის შეურაცხმყოფელი შეძახილებიც. არსებული ინფორმაციით, თენგო კობერიძის ცემაში მონაწილე პირები არიან: მერაბ სარალიძე, გიორგი ნეფარიძე (ბეხვა), არჩილ ჭუმბურიძე და თენგო გველესიანი.„ჭიათურა მენეჯმენტ კომპანის“ განცხადებით, მოსახლეობის, დასაქმებულების, პროფესიული კავშირების და სახელმწიფოს ჩართულობით, შეთანხმება მიღწეულია, თუმცა, არსებობს რამდენიმე კაციანი ჯგუფი, რომელშიც შედიან საინიციატივო ჯგუფის წევრები, შუქრუთისა და კოროხნალის მაღაროების პიკეტირების მონაწილეები, რომლებიც ცდილობენ, პროცესი ჩაშალონ.არსებული ინფორმაციით, მიღწეული შეთანხმების ჩასაშლელად, დაახლოებით 10-კაციანი რადიკალურად განწყობილი მაღაროელთა ჯგუფი ადგილობრივების დაშინებითა და აგრესიული ქცევით გამოირჩევა. ცნობილია ისიც, რომ ამ ჯგუფის წევრებს ფულადი კომპენსაციებიც აღებული აქვთ.

საქართველოს თავდაცვის მინისტრის პირველი მოადგილე პაატა პატიაშვილი უნგრეთის თავდაცვის მინისტრის მოადგილეს ტამაშ ვარგას შეხვდა. პაატა პატიაშვილმა უნგრელ კოლეგას საქართველოს სუვერენიტეტისა და ტერიტორიული მთლიანობის მხარდაჭერისთვის მადლობა გადაუხადა.თავდაცვის უწყების ცნობით, ხაზი გაუსვა უნგრეთის მტკიცე მხარდამჭერი პოზიციის მნიშვნელობას საქართველოს ევროინტეგრაციის გზაზე. შეხვედრაზე საუბარი შეეხო რეგიონში არსებულ უსაფრთხოების გამოწვევებს; მხარეებმა ისაუბრეს უნგრეთისა და საქართველოს თავდაცვის უწყებებს შორის თანამშრომლობის პოზიტიურ დინამიკაზე და აღნიშნული თანამშრომლობის კიდევ უფრო გაღრმავების პერსპექტივებზე.„ხაზი გაესვა ორ ქვეყანას შორის გაფორმებული სტრატეგიული პარტნიორობის შესახებ ერთობლივი დეკლარაციისა და თავდაცვის კუთხით არსებული თანამშრომლობის დოკუმენტის მნიშვნელობას, რაც ქვეყნებს შორის თანამშრომლობის განვითარების მყარ საფუძველს წარმოადგენს.პაატა პატიაშვილმა ტამაშ ვარგას ნატო-საქართველოს არსებითი პაკეტით გათვალისწინებული ინიციატივების განხორციელების პროცესი გააცნო, რაც საქართველოს თავდაცვითი შესაძლებლობების გაძლიერებას უწყობს ხელს. მან უნგრული მხარის მიერ არსებითი პაკეტის განხორციელების პროცესში შეტანილი წვლილისა და მხარდაჭერისთვის კოლეგას მადლობა გადაუხადა.უნგრეთის თავდაცვის მინისტრის მოადგილე ქვეყანაში საქართველო- უნგრეთის ბიზნეს-ფორუმის ფარგლებში იმყოფება“,- აღნიშნულია თავდაცვის სამინისტროს ინფორმაციაში.

საქართველოს პრეზიდენტის, მიხეილ ყაველაშვილის ოფიციალური ვიზიტი სომხეთის რესპუბლიკაში დაიწყო.„ზვარტნოცის“ საერთაშორისო აეროპორტში საქართველოს პრეზიდენტის დახვედრის ცერემონია გაიმართა. მიხეილ ყაველაშვილს აეროპორტში სომხეთის რესპუბლიკის ვიცე-პრემიერი ტიგრან ხაჩატურიანი დახვდა.პრეზიდენტის ადმინისტრაციის ცნობით, ვიზიტის ფარგლებში, საქართველოს პრეზიდენტი მაღალი რანგის შეხვედრებს გამართავს სომეხ კოლეგასთან, ვაჰაგნ ხაჩატურიანთან და პრემიერ-მინისტრ ნიკოლ ფაშინიანთან. პრეზიდენტი ასევე, შეხვდება ყოველთა სომეხთა კათალიკოს გარეგინ მეორეს.მიხეილ ყაველაშვილი სომხეთის რესპუბლიკაში დელეგაციასთან ერთად იმყოფება, რომლის შემადგენლობაშიც არიან პრეზიდენტის ადმინისტრაციის უფროსი ქეთევან კვინიკაძე, საგარეო საქმეთა მინისტრის მოადგილე ლაშა დარსალია, საქართველოს პარლამენტის თავმჯდომარის პირველი მოადგილე გიორგი ვოლსკი, დეპუტატები – სამველ მანუკიანი და სუმბატ კიურეღიანი.