თბილისში ახალგაზრდა კაცი გარდაცვლილი იპოვეს

ქარელის ერთ-ერთ სოფელში მდებარე საბავშვო ბაღში 3 წლამდე ასაკის ბავშვი ოთახიდან დერეფანში გაიპარა, კარადაზე აძვრა, რის შემდეგაც კარადა გადმოვარდა და ბავშვი მოიყოლა. მცირეწლოვანს სახის არეში ოპერაცია ჩაუტარდა.შემთხვევის შემდეგ აღმზრდელი სამსახურიდან გაათავისუფლეს. აღმზრდელმა გადაწყვეტილება გაასაჩივრა და განაცხადა, რომ გათავისუფლება უკანონოა.პირველ ეტაპზე საქმე ხაშურის სასამართლოში განიხილეს, სადაც მოსამართლის შეფასებით, გათავისუფლება „კანონიერად“ მოხდა. დავა სააპელაციო სასამართლოში გაგრძელდა.სააპელაციო სასამართლოში მოსამართლეთა კოლეგიამ დაასკვნა, რომ აღმზრდელის გათავისუფლება უკანონოდ მოხდა. ის სამსახურში აღადგინეს, ხოლო სააგენტოს განაცდურის ანაზღაურებაც დააკისრეს...უზენაესმა სასამართლომ საბოლოოდ დაადგინა, რომ საბავშვო ბაღში არ იყო შექმნილი ბავშვებისთვის უსაფრთხო გარემო, რაც ადმინისტრაციის პასუხისმგებლობაა.წყარო: „ქართლის ამბები“

ცნობილი დიზაინერი დათუნა სულიკაშვილი დააკავეს.უწყების ცნობით, დიზაინერს ბრალი სისხლის სამართლის კოდექსის 260-ე მუხლის მესამე ნაწილის ა ქვეპუნქტით აქვს წარდგენილი, რაც განსაკუთრებით დიდი ოდენობით ნარკოტიკების შეძენა-შენახვას გულისხმობს.

გერმანიის კანცლერმა, ფრიდრიხ მერცმა დონალდ ტრამპთან ევროპელი ლიდერების სატელეფონო საუბარს კონსტრუქციული უწოდა.როგორც მერცი აცხადებს, მოლაპარაკებების დროს მხარეებმა ერთმანეთის მიმართ პატივისცემა გამოხატეს.გერმანიის მთავრობის მეთაურის თქმით, ტრამპთან საუბარი იყო დეტალური და განხილული იყო ის ტერიტორიული დათმობები, რომლებზეც უკრაინა მზადაა.„ეს არის კითხვა, რომელსაც პასუხი უკრაინის პრეზიდენტმა და უკრაინელმა ხალხმა უნდა გასცენ“, – თქვა გერმანიის კანცლერმა.მისივე თქმით, მოლაპარაკებები თუ ისე წარიმართება, როგორც ვარაუდობს, მაშინ უქმე დღეებში ამერიკელ მაღალჩინოსნებთან საუბარი კიდევ ერთხელ გაიმართება და შესაძლოა, მომდევნო კვირის დასაწყისში ბერლინში შეხვედრაც შედგეს, რომელშიც შეიძლება, აშშ-მაც მიიღოს მონაწილეობა.მერცის თქმით, საერთო ჯამში შეიქმნა შთაბეჭდილება, რომ ტრამპი მზადაა, ამ გზაზე ევროპასთან ერთად იაროს.მისივე განცხადებით, აშშ-ის პრეზიდენტი აცნობიერებს, რომ საჭიროა ევროპელების მოსმენა.როგორც გერმანიის კანცლერის პრესსამსახურში განაცხადეს, ევროპელი ლიდერებისა და დონალდ ტრამპის საუბრის შემდეგ მხარეები თანხმდებიან, რომ საუბარია გადამაწყვეტ მომენტზე უკრაინისთვის და ევროატლანტიკური სივრცის საერთო უსაფრთხოებისთვის.

საქართველო და აზერბაიჯანი რჩებიან მტკიცე მოკავშირეებად და თანამშრომლობას აგრძელებენ რეგიონული მშვიდობისა და სტაბილურობის მხარდასაჭერად, – ამის შესახებ საქართველოს პრემიერ-მინისტრი ირაკლი კობახიძე X-ზე წერს.როგორც პრემიერი აღნიშნავს, საქართველო აზერბაიჯანთან სტრატეგიული პარტნიორობის გაღრმავების იდეის ერთგულია.„აშხაბადში მიმდინარე საერთაშორისო ფორუმის ფარგლებში აზერბაიჯანის პრემიერ-მინისტრს, ალი ასადოვს შევხვდი. საქართველო და აზერბაიჯანი  რჩებიან მტკიცე მოკავშირეებად  და თანამშრომლობას აგრძელებენ  რეგიონული მშვიდობისა და სტაბილურობის მხარდასაჭერად.  ჩვენ სტრატეგიული პარტნიორობის გაღრმავების იდეის ერთგულნი ვართ“, – აღნიშნავს პრემიერი.

არ მგონია, პუტინისა და მადუროს სატელეფონო საუბარი საერთოდ შემაშფოთებელი იყოს პრეზიდენტი ტრამპისთვის, – ამის შესახებ აშშ-ის პრეზიდენტის ადმინისტრაციის პრესსპიკერმა, ქეროლაინ ლევიტმა თეთრ სახლში გამართულ ბრიფინგზე განაცხადა.ჟურნალისტმა ლევიტს ჰკითხა, თუ რას ფიქრობს დონალდ ტრამპი რუსეთისა და ვენესეულის პრეზიდენტების სატელეფონო ზარზე, რა დროსაც პუტინმა მადუროს მხარდაჭერა გამოუცხადა.საპასუხოდ, ლევიტმა აღნიშნა, რომ ტრამპი სატელეფონო საუბრით შეშფოთებული არ არის.ქეროლაინ ლევიტმა აშშ-ის ადმინისტრაციის პოლიტიკა ვენესუელას მიმართ შეაფასა, როგორც აშშ-ში „არალეგალური ნარკოტიკების შემოდინების შეჩერება“ და სანქციების დარღვევის შეჩერების მცდელობა. მისიე თქმით, გემს, რომელიც აშშ-ის იუსტიციის დეპარტამენტმა კარიბის ზღვაში დააკავა სამართლებრივი პროცესის შემდეგ მის ბორტზე არსებულ ნავთობს ჩამოართმევენ, თავად ტანკერს კი აშშ-ის პორტში გადაიყვანენ.„ტრამპმა ეს ძალიან ნათლად თქვა. მას მშვიდობა სურს. მას ასევე სურს, რომ შეერთებულ შტატებში უკანონო ნარკოტიკებით ვაჭრობისა და მთელი ქვეყნის მასშტაბით ასობით ათასი ამერიკელის სიცოცხლის შეწირვა დასრულდეს. აშშ აპირებს ნავთობის ჩამორთმევას, თუმცა ამ ნავთობის ჩამორთმევის სამართლებრივი პროცესი არსებობს“, – აღნიშნა ლევიტმა.ცნობისთვის, დღეს კრემლმა გაავრცელა ინფორმაცია, რომლის მიხედვითაც, სატელეფონო საუბრისას რუსეთის პრეზიდენტმა, ვლადიმერ პუტინმა ვენესუელის პრეზიდენტს, ნიკოლას მადუროს მხარდაჭერა კიდევ ერთხელ გამოუცხადა და აღნიშნა, რომ მზარდი გარე ზეწოლის ფონზე მოსკოვი კარაკასის გვერდში დგომას გააგრძელებს.