თბილისის სახელმწიფო კონსერვატორია სამწუხარო ინფორმაციას ავრცელებს

ტყიბულის მუნიციპალიტეტი მერმა, დავით კუბლაშვილმა თანამშრომლებთან სამუშაო შეხვედრა გამართა.შეხვედრაზე მერმა სტრუქტურული ერთეულების ხელმძღვანელებს და თანამშრომლებს სოფელ კურსებში სტიქიის ზონაში ამ დროისთვის არსებული ვითარება გააცნო და დაზარალებული მოსახლეობის დასახმარებლად გასატარებელ ღონისძიებებზე ისაუბრა.„მეწყრული პროცესების გამო სიტუაციის შეფასება ჯერ კვლავ შეუძლებელია. გეოლოგები სისტემატურად მუშაობენ ადგილზე და სწავლობენ მიმდინარე პროცესს. შექმნილი მდგომარეობიდან გამომდინარე, მუნიციპალიტეტი საგანგებო რეჟიმში მუშაობს და უაღრესად მნიშვნელოვანია დაზარალებული მოსახლეობის დახმარების პროცესში თითოეული თქვენგანის როლი, გამოჩენილი მაღალი პასუხისმგებლობა და მათ საჭიროებებზე დროული რეაგირება“, – აღნიშნა დავით კუბლაშვილმა.ტყიბულის მუნიციპალიტეტის მერიის ცნობით, მეწყრის შედეგად დაზარალებული 45 ოჯახი ამ დრომდე ტყიბულისა და ქუთაისის სასტუმროებში რჩება. ამასთან, საგანგებო შტაბი 24-საათიან რეჟიმში აგრძელებს მუშაობას.

ისრაელმა ირანის წინააღმდეგ დარტყმების ახალი ტალღა დაიწყო.ისრაელის თავდაცვის ძალების ინფორმაციით, ისრაელის საჰაერო ძალებმა თეირანში, შირაზსა და თავრიზში „ფართომასშტაბიანი“ საჰაერო დარტყმების ახალი ტალღა დაიწყეს.ისრაელის სამხედრო ძალების თქმით, დარტყმები ირანის რეჟიმის ინფრასტრუქტურული ობიექტების წინააღმდეგ ხორციელდება. პარალელურად, ისრაელის თავდაცვის ძალები აცხადებენ, რომ ირანიდან ბალისტიკური რაკეტის ახალი გაშვება შენიშნეს.ირანის ბალისტიკური რაკეტის გაშვების ფონზე, ჩრდილოეთ ისრაელში განგაშის სიგნალები ხმა ისმის. მოგვიანებით გავრცელდა ინფორმაცია ირანიდან კიდევ ერთი რაკეტის გაშვების შესახებ, რის გამოც იერუსალიმის ტერიტორიაზე ადრეული გაფრთხილების სისტემა ჩაირთო.

ირანი არ იყოყმანებს აგრესორებთან დაპირისპირების დროს, – ამის შესახებ ირანის პრეზიდენტმა, მასუდ ფეზეშქიანმა საფრანგეთის პრეზიდენტთან, ემანუელ მაკრონთან სატელეფონო საუბრის დროს განაცხადა.ირანული მედიის თანახმად, სატელეფონო საუბარში ფეზეშქიანმა დეტალურად ისაუბრა ირანის წინააღმდეგ მიმდინარე აშშ-ისა და ისრაელის ოპერაციის მასშტაბებზე და აღნიშნა, რომ აგრესორები აგრძელებენ თავდასხმებს სხვადასხვა სამიზნეზე, მათ შორის სამოქალაქო ცენტრებზე.ირანის პრეზიდენტმა კონკრეტულად მოიხსენია ირანის ორ კუნძულზე, ხარგსა და აბუ მუსაზე ბოლო დროს განხორციელებული დარტყმები და აღნიშნა, რომ ეს თავდასხმები სპარსეთის ყურის გარკვეული ქვეყნების ტერიტორიიდან განხორციელდა.„ირანის წინააღმდეგ სასტიკი თავდასხმებისთვის ამერიკის განკარგულებაში მიწისა და ობიექტების განთავსება ეწინააღმდეგება საერთაშორისო სამართალს და კეთილმეზობლობის პრინციპს“, – განაცხადა ირანის პრეზიდენტმა.მასუდ ფეზეშქიანმა გააკრიტიკა გარკვეული ევროპული ქვეყნების დესტრუქციული მიდგომა ისრაელისა და შეერთებული შტატების მხარდაჭერის მიმართ და მოუწოდა მათ, დაიცვან საერთაშორისო სამართალი და კანონის უზენაესობა გლობალურად.

ჩინეთის საგარეო საქმეთა სამინისტრო ჰორმუზის სრუტეში გემების გაგზავნასთან დაკავშირებით განცხადების გაკეთებას თავს არიდებს.„სიენენის“ ცნობით, ჩინეთის საგარეო საქმეთა სამინისტრომ კვლავ გამოთქვა შეშფოთება ჰორმუზის სრუტესა და ახლო აღმოსავლეთში მიმდინარე კონფლიქტის გამო, თუმცა არაფერი უთქვამს სასიცოცხლოდ მნიშვნელოვანი ადგილის უსაფრთხოების უზრუნველსაყოფად გემების გაგზავნის შესახებ.ჩინეთის საგარეო საქმეთა სამინისტროს პრესსპიკერმა, ლინ ძიანმა ვითარებას „დაძაბული“ უწოდა, რომელიც, მისი თქმით, ძირს უთხრის გლობალურ სტაბილურობას.„ჩინეთი კიდევ ერთხელ მოუწოდებს ყველა მხარეს, დაუყოვნებლივ შეწყვიტონ სამხედრო მოქმედებები, თავიდან აიცილონ დაძაბულობის შემდგომი ესკალაცია და არ დაუშვან რეგიონული ტურბულენტობის მიერ გლობალურ ეკონომიკურ განვითარებაზე უფრო დიდი ზეგავლენის მოხდენა“, – აღნიშნა ჩინეთის საგარეო უწყების წარმომადგენელმა.

დონალდ ტუსკი აცხადებს, რომ პოლონეთის ევროკავშირიდან გასვლის რეალური საფრთხე არსებობს.როგორც პოლონეთის პრემიერ-მინისტრმა აღნიშნა, ევროკავშირიდან პოლონეთის გასვლა დღეს რეალურ საფრთხეს წარმოადგენს, რადგან ამას მხარს უჭერს როგორც პარტია „კონფედერაცია“, ასევე პარტია „კანონისა და სამართლიანობის“ წევრების უმრავლესობა.ტუსკმა ევროკავშირიდან პოლონეთის გასვლის მსურველი პარტიების მფარველობაში პოლონეთის პრეზიდენტი კაროლ ნავროცკი დაადანაშაულა.„ნავროცკი მათი მფარველია. რუსეთს, ამერიკულ მოძრაობა MAGA-ს და ევროპელ მემარჯვენეებს, ორბანის ხელმძღვანელობით, ევროკავშირის განადგურება სურთ“, – წერს ტუსკი სოციალურ ქსელში.როგორც ტუსკმა აღნიშნა, პოლონეთისთვის ევროკავშირიდან გასვლა კატასტროფული შედეგების მომტანი იქნება და განაცხადა, რომ მათ შესაჩერებლად ყველაფერს გააკეთებს.