თბილისის რკინიგზის სადგური1880-იან წლებში

საუბარი თუ შედგა, ეს ნიშნავს, რომ ორმა მოკავშირემ ის საქმიანი ურთიერთობა აღადგინა, რაც ახასიათებდა, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა,მისივე თქმით, ირაკლი კობახიძესა და მარკო რუბიოს შორის საქმიანი საუბარი შედგა, რომელიც ორივე მხარემ პოზიტიურად შეაფასა.„საზოგადოების დიდ ნაწილს კარგად ესმის, რას ნიშნავს საერთაშორისო ურთიერთობები. ამ პროცესის პოზიტიური ნაწილია ის, რაც მოხდა. ზარიც არ არის ჩვეულებრივი, ყოველდღიური მოვლენა. მარკო რუბიო ამერიკის სახელმწიფო მდივანია, რომელსაც ლაპარაკის უფლებამოსილება სახელმწიფოს მხრიდან აქვს. ეს იყო საქმიანი საუბარი, რომელიც ორივე მხარემ პოზიტიურად შეაფასა. ასეთი პროცესი ოპოზიციას ისტერიკაში აგდებს და სწორედ ამიტომ მიმდინარეობს არასწორი ინტერპრეტაციები, რასაც ვისმენთ.ეს გულდასაწყვეტია, რადგან ხაზს უსვამს, რომ ქვეყნის შიგნით გვყავს უსამშობლოთა ერთი დიდი ბრიგადა, რომელიც ცდილობს, ნებისმიერი საკითხი თავისი ბნელი მიზნების მისაღწევად გამოიყენოს. თუ რაიმე პოზიტიური ხდება, ამას ინტერპრეტირებას უკეთებს, რომელიც რეალობისგან მოწყვეტილია. არც იციან, რაზეა საუბარი. ზოგადად, საუბარია რეგიონზე, მის უსაფრთხოებაზე, შავ ზღვაზე. რასაკვირველია, რეგიონის უსაფრთხოება მოწყვეტილი არ არის ახლოაღმოსავლეთის თემისგან. თუ საუბარი შედგა, ეს ნიშნავს, რომ ორმა მოკავშირემ ის საქმიანი ურთიერთობა აღადგინა, რაც ახასიათებდა.სამწუხაროდ, გარკვეული პერიოდის განმავლობაში სახელი-სათაური იყო სტრატეგიული პარტნიორობის თაობაზე და იმის იქით, შინაარსი არ იყო. ჩვენთვის საქმიანი ურთიერთობა გასაკვირი არ არის, მისასალმებელია. ჩვენთვის მეტი ტემპია მისაღები, მაგრამ ვიცით, მსოფლიო რა მდგომარეობაშია და ამ შემთხვევაში ამერიკის როლი და პასუხისმგებლობაც გასაგებია“, – განაცხადა ვოლსკიმ.ცნობისთვის, აშშ-ის სახელმწიფო მდივანს, მარკო რუბიოსა და საქართველოს პრემიერ-მინისტრს, ირაკლი კობახიძეს შორის სატელეფონო საუბრის შესახებ ინფორმაცია აშშ-ის სახელმწიფო დეპარტამენტმა გაავრცელა. დეპარტამენტის ცნობით, „სახელმწიფო მდივანი მარკო რუბიო დღეს ესაუბრა საქართველოს პრემიერ-მინისტრ ირაკლი კობახიძეს. მათ განიხილეს ორმხრივი ინტერესის სფეროები, მათ შორის კავკასიისა და შავი ზღვის რეგიონში უსაფრთხოება“.ამასთან, ირაკლი კობახიძემ მარკო რუბიოსთან საუბრის შესახებ აღნიშნა: „მარკო რუბიოსთან პროდუქტიული საუბარი მქონდა, განვიხილეთ პარტნიორობის გადატვირთვისა და სამხრეთ კავკასიაში საქართველოს როლის გაძლიერების მნიშვნელობა“.

ოპოზიცია 26 მაისს აქციას აანონსებს. ოპოზიციის გეგმებზე ზურაბ-გირჩი ჯაფარიძემ ისაუბრა. მმართველი გუნდის შეფასებით, ოპოზიციის მიზანია ქვეყნის დესტაბილიზაცია.მათივე თქმით, თარიღები, რომელიც გამაერთიანებელია ერის უდიდესი ნაწილისთვის, ოპოზიციას სურს დაპირისპირების ასპარეზად აქციოს.

რუსეთის საგარეო დაზვერვის სამსახურის განცხადებით, კონსტანტინოპოლის პატრიარქი ბართლომეოსი „აგრძელებს მართლმადიდებლობაში განხეთქილების მზაკვრული ხაზის შენარჩუნებას და ამჯერად აპირებს ისარგებლოს სრულიად საქართველოს კათოლიკოს-პატრიარქის ილია II-ის გარდაცვალებით და საქართველოს მართლმადიდებლურ ეკლესიაზე თავისი გავლენა გააძლიეროს“.უწყების განცხადებაში აღნიშნულია, რომ მსოფლიო პატრიარქს სურს საქართველოს მართლმადიდებლური ეკლესიის მეთაურის თანამდებობაზე დაწინაურდეს კანდიდატი, რომელსაც დაეყრდნობა.„ფანარიოტს ვაკანტურ თანამდებობაზე საქართველოს მართლმადიდებლური ეკლესიის ისეთი წარმომადგენლის დაწინაურება სურს, რომელზე დაყრდნობასაც შეძლებს. ბართლომეოსი ამ როლისთვის კანდიდატებად განიხილავს დასავლეთ ევროპის მიტროპოლიტ აბრაამს (გარმელია) და ფოთისა და ხობის მიტროპოლიტ გრიგოლს (ბერბიჭაშვილი). ის მათ თავის უახლოეს გარემოცვაში წარმოაჩენს, როგორც მისი ნების ყველაზე შესაფერის შემსრულებლებს“, - აღნიშნულია ინფორმაციაში.

ქნესეთის მიერ მიღებულ კანონს, რომლის მიხედვითაც, ისრაელელის მკვლელობაში ბრალდებულ პალესტინელებს სიკვდილით დასჯიან, დიდი ბრიტანეთის, გერმანიის, საფრანგეთისა და იტალიის საგარეო საქმეთა მინისტრები ეხმაურებიან.მინისტრები ახალ კანონთან დაკავშირებით „ღრმა შეშფოთებას“ გამოთქვამენ და ისრაელს კანონის გაწვევისკენ მოუწოდებენ.მათივე აზრით, ახალი კანონი „მნიშვნელოვნად გააფართოებს“ სასჯელის დაკისრების შესაძლებლობებს. მინისტრებმა სიკვდილით დასჯა შეაფასეს, როგორც „სასჯელის არაადამიანური და დამამცირებელი ფორმა“.„ჩვენ განსაკუთრებით შეშფოთებულები ვართ კანონის ფაქტობრივი დისკრიმინაციული ხასიათით. მისი მიღება დემოკრატიული პრინციპების მიმართ ისრაელის ვალდებულებებს საფრთხეს შეუქმნის. ჩვენ მოვუწოდებთ ისრაელის გადაწყვეტილების მიმღებ პირებს ქნესეთსა და მთავრობაში, უარი თქვან ამ გეგმებზე“, – ნათქვამია განცხადებაში.ცნობისთვის, ქნესეთმა მიიღო კანონი, რომლის მიხედვითაც, ისრაელელის მკვლელობაში ბრალდებულ პალესტინელებს სიკვდილით დასჯიან. კანონს მხარი 62-მა დეპუტატმა დაუჭირა, ხოლო 48 წინააღმდეგი იყო. მიღებული გადაწყვეტილების თანახმად, სიკვდილით დასჯა სავალდებულო იქნება დასავლეთ სანაპიროზე მცხოვრები პალესტინელებისთვის, რომლებიც „ტერორისტულ აქტებში“ დამნაშავედ იქნებიან ცნობილი, ხოლო სავალდებულო სასჯელი ჩამოხრჩობა იქნება.

საპარლამენტო პოლიტიკური ჯგუფის, „ხალხის ძალის“ თავმჯდომარე, დიმიტრი ხუნდაძე პარლამენტის საგაზაფხულო სესიის პლენარულ სხდომაზე სიტყვით გამოვიდა და ყურადღება გაამახვილა დედის ინსტიტუტსა და სახელმწიფოს დემოგრაფიულ გამოწვევებზე. დეპუტატმა ერთმნიშვნელოვნად აღნიშნა, რომ დედის ინსტიტუტის გაძლიერება სტრატეგიული ინვესტიციაა ქვეყნის მომავალში. ხუნდაძის აზრით, ეს უნდა გამოიხატოს დედების ეკონომიკურ და სოციალურ დაცვაში, მრავალშვილიანობა და დედობა უნდა წახალისდეს და დაფასდეს:„დემოგრაფიული პოლიტიკა უნდა ეფუძნებოდეს ისეთი გარემოს შექმნას, სადაც ოჯახის შექმნა არის მხარდაჭერილი, მრავალშვილიანობა — წახალისებული და დედობა — დაფასებული, როგორც სოციალური და ეროვნული მნიშვნელობის ფუნქცია“ - განაცხადა დიმიტრი ხუნდაძემ.დეპუტატმა ხაზი გაუსვა იმასაც, რომ საჭიროა დროული რეაგირება, სხვა შემთხვევაში გაიზრდება შიდა და გარე რისკები.„ოჯახი არის სახელმწიფოს ძირითადი ერთეული. როდესაც ოჯახი სუსტდება, სუსტდება სახელმწიფოც. ამიტომ, დემოგრაფიული პოლიტიკა უნდა ეფუძნებოდეს არა მხოლოდ ფინანსურ სტიმულირებას, არამედ ისეთი გარემოს შექმნას, სადაც ოჯახის შექმნა არის მხარდაჭერილი, მრავალშვილიანობა — წახალისებული და დედობა — დაფასებული, როგორც სოციალური და ეროვნული მნიშვნელობის ფუნქცია. დედის ინსტიტუტის გაძლიერება არ არის მხოლოდ სოციალური პოლიტიკა — ეს არის სტრატეგიული ინვესტიცია ქვეყნის მომავალში.ეს ნიშნავს: დედების ეკონომიკურ და სოციალურ დაცვას, მათი შრომის აღიარებას, და სახელმწიფოს მხრიდან რეალურ მხარდაჭერას, რომელიც მათ აძლევს შესაძლებლობას, არ იდგნენ არჩევანის წინაშე — კარიერასა და ოჯახს შორის. ბიოლოგიური დედის გაზრდილი ბავშვი ფსიქოემოციურად უფრო ჯანსაღი და სტაბილურია, ვიდრე სხვა მოცემულობაში. სწორედ ასეთი მიდგომა ქმნის მდგრად დემოგრაფიულ გარემოს და აძლიერებს სახელმწიფოს გრძელვადიან პერსპექტივაში.საქართველოს წინაშე არსებული გამოწვევა სწორედ ამაში მდგომარეობს — შეძლებს თუ არა ქვეყანა დემოგრაფიული ტენდენციების მართვას ისე, რომ შეინარჩუნოს საკუთარი სტრატეგიული პოზიცია რეგიონში. ეს არის საკითხი, რომელიც მოითხოვს არა მხოლოდ აღიარებას, არამედ დროულ და კოორდინირებულ მოქმედებას.დაგვიანებული რეაგირება ამ შემთხვევაში მნიშვნელოვნად ზრდის როგორც შიდა, ისე გარე რისკებს.ამიტომ, დემოგრაფიული პოლიტიკა უნდა გახდეს ერთ-ერთი ცენტრალური ელემენტი ქვეყნის უსაფრთხოების დღის წესრიგში — შესაბამისი რესურსებით, პასუხისმგებლობითს და პოლიტიკური ნებით“ - განაცხადა დიმიტრი ხუნდაძემ.