თავიანთ მომხრეებს მოდელირებულ ცხოვრებას თავაზობენ მოცემულობით – “ელექტრონულ არჩევნებში 300 ათასი ხმა გაყალბდა” და თავგანწირული სლოგანით “მაიმუნს არასდროს ერქმევა ობეზიანა” – მამუკა მდინარაძე

კახელებმა თავისი სათქმელი 26 ოქტომბერს საკმარისზე ხმამაღლა თქვეს და არავინ იფიქროს, რომ ვინმე, 105 831 ამომრჩევლისთვის თვალის არიდებას შეძლებს, - წერს საქართველოს პარლამენტის თავმჯდომარე შალვა პაპუაშვილი სოციალურ ქსელში. როგორც პაპუაშვილი აღნიშნავს, "ეს იყო ჩვენი მარშიც, ბრძოლაც და გამარჯვებაც. ქედმაღალი სიტყვები ვერ შეცვლის სინამდვილეს, აღქმების დრო დასრულდა". "რაც შეგვეხება კახელებს. კახელებმა თავისი სათქმელი 26 ოქტომბერს საკმარისზე ხმამაღლა თქვეს და არავინ იფიქროს, რომ ვინმე, 105 831 ამომრჩევლისთვის თვალის არიდებას შეძლებს. საგარეჯო - 66% სიღნაღი - 63% დედოფლისწყარო - 66% თელავი - 55% გურჯაანი - 62% ახმეტა - 56% ყვარელი - 57% ლაგოდეხი - 62% ეს იყო ჩვენი მარშიც, ბრძოლაც და გამარჯვებაც. ქედმაღალი სიტყვები ვერ შეცვლის სინამდვილეს, აღქმების დრო დასრულდა,” - წერს შალვა პაპუაშვილი.

საქართველოს ხელისუფლების ქმედებები უპასუხოდ არ დარჩება, – ამის შესახებ ესტონეთის საგარეო საქმეთა მინისტრმა, მარგუს ცაჰკნამ განაცხადა. როგორც ცაჰკნამ აღნიშნა, დასავლეთის ყურადღების ქვეშ რჩება ანტისახელისუფლებო მასშტაბური საპროტესტო აქციები. მისი თქმით, საქართველოს ხელისუფლება ვერ შეძლებს, ჩაახშოს სიტყვის თავისუფლება და ადამიანის უფლებები ისე, რომ ამას შედეგები არ მოჰყვეს. ესტონეთის საგარეო საქმეთა მინისტრის განცხადებით, ქართველი ხალხი განაგრძობს ქუჩაში გამოსვლას და უარს ამბობს, შეეგუოს ხელისუფლების გადაწყვეტილებას ევროპასა და დემოკრატიაზე უარის თქმასთან დაკავშირებით. „პროტესტის მონაწილეთა სასტიკი დარბევა დაუშვებელია და საბედნიეროდ, ბოლო დღეებში ჩვენ ვხედავთ მრავალ გადაწყვეტილებას, რომელიც ადასტურებს, რომ საქართველოს ხელისუფლების ქმედებები შეუმჩნეველი და უპასუხოდ არ დარჩება“, – განაცხადა ცაჰკნამ. მისი თქმით, ბალტიის ქვეყნებმა პირველებმა დააწესეს საქართველოს ხელისუფლების წარმომადგენელთა მიმართ სანქციები ადამიანის უფლებათა დარღვევის გამო. „სასიამოვნოა იმის ხილვა, თუ როგორ უჭერენ ამ ინიციატივას მხარს სხვა ქვეყნები. ამ კვირაში ასეთივე ზომები მიიღო დიდმა ბრიტანეთმა და შეერთებულმა შტატებმა, რომლებმაც სანქციები რიგი ქართველი მაღალჩისნოსნების მიმართ შემოიღეს“, – განაცხადა ცაჰკნამ. ამასთან ცაჰკნა აღნიშნავს, რომ ევროკავშირმა მიიღო გადაწყვეტილება დიპლომატიური და სამსახურებრივი პასპორტის მფლობელთათვის უვიზო რეჟიმის შეჩერებაზე.

„თუ საყოველთაო გაფიცვა იქნება 2-3 დღეში ყველაფერი დამთავრდება,“ – ამის შესახებ გიორგი უშიკიშვილი აცხადებს.   როგორც მუსიკოსი აღნიშნავს, მხოლოდ მომღერლებისა და მსახიობების გაფიცვა შედეგს ვერ მოიტანს. „ძალიან სასიამოვნოა, რომ მომღერლები და მსახიობები გაიფიცნენ, მაგრამ აქ გამოსავალი არის ერთი რაღაც, ჩემი აზრით, რამდენ ხანს უნდა გაიფიცონ მარტო მომღერლები და მსახიობები? თუ საყოველთაო გაფიცვა იქნება 2-3 დღეში ყველაფერი დამთავრდება. თუ საყოველთაო გაფიცვა არ იქნება არაფერი არ გამოვა. რამდენ ხანს უნდა გავიფიცოთ? ყველას ვალდებულებები აქვს, შვილები ჰყავთ და ა.შ. სხვამ იმუშაოს და ჩვენ გავიფიცოთ?“ – აღნიშნავს უშიკიშვილი „ტვ პირველის“ ეთერში.

ფარეხასთან, ახალციხე–ადიგენის დამაკავშირებელ  გზაზე, მომხდარ ავტოსაგზაო შემთხვევას მსხვერპლი მოჰყვა. ერთი პირი ადგილზე, ხოლო მეორე - კლინიკაში გარდაიცვალა. ინფორმაციას „ტვ 9“ ავრცელებს. კლინიკა „იმედში“ განმარტავენ, რომ დაშავებული ქალი მათთან პოლიტრამვებით შევიდა და ექიმების მცდელობის მიუხედავად, გული მალევე გაუჩერდა. ავტოსაგზაო შემთხვევა რამდენიმე წუთის წინ მოხდა. ერთმანეთს ორი მსუბუქი ავტომობილი შეეჯახა, მომხდარის შედეგად ერთი პირი ადგილზე გარდაიცვალა, ორი კი სასწრაფო სამედიცინო დახმარების ჯგუფმა კლინიკაში გადაიყვანა. შსს-ს ინფორმაციით, გამოძიება სისხლის სამართლის საქმეზე 276-ე მუხლით მიმდინარეობს.

ექსპერტი ნინო ფოჩხუა დღეს გამართულ აქციაზე სალომე ზურაბიშვილის სიტყვით გამოსვლას გამოეხმაურა. როგორც ექსპერტმა აღნიშნა, სალომე ზურაბიშვილმა მასხრად აიგდო ის ადამიანები, ვინც მის მოსასმენად მივიდა, რადგან სათქმელი არაფერი ჰქონდა. მისივე შეფასებით ზურაბიშვილი რადიკალური ოპოზიციის „ლიდერია!” „დახარჯეს დიდი ფული, დაიქირავეს სამარშრუტო ტაქსები, რეგიონი არ დატოვეს, საიდანაც ხალხი არ ჩამოიყვანეს (მიშამაც კი დაადასტურა ჩამოყვანილი ხალხი) და ამ ქალმა მასხრად აიგდო, გაამაიმუნა ის ადამიანები, ვინც ყინვაში მის მოსასმენად მივიდა, მთავარია, რომ არც სათქმელი ჰქონდა არაფერი. აი ეს არის რადიკალური ოპოზიციის რესურსი! აი ეს ქალი არის რადიკალური ოპოზიციის "ლიდერი!"- წერს ნინო ფოჩხუა.