ვოლოდიმირ ზელენსკი – ცეცხლის რაც შეიძლება სწრაფად შეწყვეტის საკითხზე მოკავშირეებს ერთიანი პოზიცია აქვთ

ევროპის ანტიკორუფციული კვლევების ცენტრმა (ევროპის ანტიკორუფციული და სახელმწიფო აღმშენებლობის კვლევის ცენტრი) ევროპის ქვეყნებში კორუფციის რისკის მიზეზების და ტენდენციების შესახებ ვრცელი ანგარიში გამოაქვეყნა.კვლევა ევროკავშირის წევრ და კანდიდატ ყველა, 41 ქვეყანას მოიცავს და მომზადებულია ევროკავშირის დაკვეთით ევროკომისიის კვლევისა და ინოვაციების პროგრამის ფარგლებში.ანგარიშში სხვადასხვა თემებთან ერთად გაანალიზებულია ევროპის ქვეყნების ოლიგარქიული ტენდენციები. ანგარიში ყურადღება საქართველოსაც ეთმობა. მკვლევართა შეფასებით საქართველო რისკ ფაქტორის მიხედვით ჩამორჩება მაგალითად შვეიცარიას, კვიპროსს, უნგრეთს და ა.შ. ( გვ. 41). მიუხედავად ანგარიშში რისკად აღქმული იმ მოცემულობისა, რომ საქართველოს უმდიდრესი ადამიანი მმართველი პარტიის მხარდამჭერია, რეალური და მრავალფაქტორიანი მონაცემების ანალიზის საფუძველზე კვლევამ დაადგინა, რომ საქართველო დეოლიგარქიზაციის ხანგრძლივი გაუმჯობესებით ევროპის საუკეთესო სამეულშია (გვ.42) (გვ. 89).ოლიგარქიზაციის და დეოლიგარქიზაციის ხანგრძლივი ტენდენციის შესაფასებლად მკვლევრებმა ევროკავშირის დაფინანსებით 2 ინდიკატორი შეიმუშავეს: ოლიგარქიზაციის ცვლილებების საბაზისო (გვ.42) და კორექტირებული (გვ. 89) მაჩვენებლები. ოლიგარქიზაციის ტენდენციის საბაზისო ინდიკატორი ასახავს 2012 წლის შემდეგ მომხდარ ცვლილებებს 10 წლიანი გაანგარიშებით და ეძღვნება იმის დადგენას, თუ როგორ შეიცვალა ეროვნულ სიმდიდრის ფორმირებაში საზოგადოების უმდიდრესი 1%-ის წვლილი. საბაზისო ინდექსის მიხედვით 2012 წლის შემდეგ დეოლიგარქიზაციის გაუმჯობესებით საქართველო ევროპის საუკეთესო სამეულში მესამე ადგილზეა ირლანდიის და ნიდერლანდების შემდეგ (გვ.42). კვლევის მიხედვით დგინდება, რომ 10 წლიანი გაანგარიშებით საბაზისო მაჩვენებელი ევროპის 41 ქვეყნიდან მხოლოდ 15-ში გაუმჯობესდა, დანარჩენ ქვეყნებში ადგილი აქვს ოლიგარქიზაციის გაღრმავებას. ამასთან ოლიგარქიზაციის საბაზისო ინდიკატორი გაუარესდა ევროკავშირის წევრ და შენგენის ზონის 20 ქვეყანაში . ეს ქვეყნებია: საფრანგეთი, გერმანია, ფინეთი, შვეიცარია, შვედეთი, ისლანდია, დანია, ავსტრია, ესპანეთი, ესტონეთი, ლატვია, ჩეხეთი, პოლონეთი, მალტა, სლოვაკეთი, ხორვატია, უნგრეთი, რუმინეთი, ბულგარეთი, საბერძნეთი.მკვლევრებმა საბაზისო ინდექსის გარდა უფრო სიღრმისეული, მრავალფაქტორიანი ანალიზის საფუძველზე ოლიგარქიზაციის ცვლილების კორექტირებული ინდექსიც შეიმუშავეს (გვ. 89). ოლიგარქიზაციის ტენდენციის კორექტირებული ინდექსი აანალიზებს სიმდიდრის უთანაბრობის გაუმჯობესების და გაუარესების ხანგრძლივ ტენდენციებს, რომელიც სპეციალური ფორმულით შეწონილია საზოგადოების ეკონომიკური კეთილდღეობის ცვლილების ტენდენციებთან 2013-2023 წლებში(გვ. 88-89).შედეგები საქართველოსთვის შთამბეჭდავად გამორჩეული აღმოჩნდა. ირკვევა, რომ ამ კორექტირებული ინდექსის მიხედვით, დეოლიგარქიცაზიის ხანგრძლივი 10 წლიანი გაუმჯობესებით საქართველო მთელს ევროპაში მეორე ადგილზეა ირლანდიის შემდეგ. აღსანიშნავია, რომ ოლიგარქიზაციის ცვლილების შეწონილი მაჩვენებელი ევროპის 41 ქვეყნიდან 17-ში გაუარესდა.ევროპის ქვეყნებში კორუფციის რისკის მიზეზების და ტენდენციების შესახებ ვრცელი ანგარიში ევროკავშირის დაკვეთით ევროკომისიის პროგრამის ფარგლებში ევროპის ანალიზისა და პოლიტიკის ინსტიტუტის ჩართულობით მომზადდა პროექტის მიერ რომლის სახელწოდებაა „ანტიკორუფციული პოლიტიკის მტკიცებულებებში, რეგულაციებსა და გავლენას შორის არსებული ხარვეზის შევსება“.

ფოთში გაჩენილ ხანძარს 60 წლამდე მამაკაცი ემსხვერპლა. ცეცხლი რუხაძის ქუჩაზე მდებარე მაღალსართულიანი კორპუსის ერთ-ერთ საცხოვრებელ ბინაში გვიან ღამით გაჩნდა.მეზობლების ინფორმაციით, გარდაცვლილი მარტო ცხოვრობდა. შემთხვევის ადგილზე რამდენიმე სახანძრო-სამაშველო ბრიგადა მუშაობდა. მობილიზებული იყო პოლიცია.ცეცხლის გაჩენის მიზეზი სავარაუდოდ, სიგარეტის ნამწვი გახდა.

აშშ-ის პრეზიდენტი დონალდ ტრამპი აცხადებს, რომ სხვა ქვეყნებისთვის ტარიფების დაწესებამ აშშ-ს მეტი სიკეთე და შედეგი მოუტანა. როგორც აშშ-ის პრეზიდენტი წერს, მან ასევე დაასრულა რვა ომი ათ თვეში, რაც პრეზიდენტისთვის მინიჭებული უფლებამოსილების საშუალებით გააკეთა.„მიუხედავად იმისა, რომ შეერთებულ შტატებს უცხო ქვეყნების წინააღმდეგ, რომელთაგან ბევრი წლების განმავლობაში ჩვენი ერის უპირატესობებს იყენებდა, ტარიფების დაკისრების სხვა მეთოდებიც აქვს, შეერთებული შტატების უზენაეს სასამართლოში ტარიფების დაკისრების ამჟამინდელი მეთოდი გაცილებით პირდაპირი, ნაკლებად დამაბნეველი და გაცილებით სწრაფია, რაც ყველა ინგრედიენტს ქმნის ეროვნული უსაფრთხოების ძლიერი და გადამწყვეტი შედეგისთვის. სისწრაფე, ძალაუფლება და თავდაჯერება ყოველთვის მნიშვნელოვანი ფაქტორებია სამუშაოს ხანგრძლივი და ტრიუმფალური გზით შესასრულებლად. მე ათ თვეში რვა ომი მოვაგვარე შეერთებული შტატების პრეზიდენტისთვის ნათლად მინიჭებული უფლებების საშუალებით. თუ ქვეყნებს არ ეგონათ, რომ ეს უფლებები არსებობდა, ისინი ამას ხმამაღლა და ნათლად იტყოდნენ!“ – დაწერა დონალდ ტრამპმა Truth Social-ში.

"ყოველგვარი ცვლილება განათლების სისტემაში უნდა ეყრდნობოდეს მეცნიერულ საფუძველს!" - აკადემიკოსმა მზექალა შანიძემ საკუთარი შეფასება 4 დეკემბერს ილიას სახელმწიფო უნივერსიტეტში გამართულ ონლაინ შეხვედრაზე გააჟღერა, რომელიც სწორედ „ქართული ოცნების“ განათლების ახალ ხედვას ეძღვნებოდა. მისი შეფასებით, ხელისუფლებაში მყოფი პარტიის მიერ წარმოდგენილი რეფორმა არ ემყარება მეცნიერულ საფუძველს და არ შეესაბამება „დღევანდელ მოთხოვნებს“. „ის, რასაც ჩვენ გვთავაზობენ, დღეს წმინდა აკადემიური თვალსაზრისით არ არის დამაკმაყოფილებელი, არ შეესაბამება დღევანდელ მოთხოვნილებებს. ჩვენ არ გვაქვს უფლება, არ გავითვალისწინოთ ის ღვაწლი და ტრადიციები, რომლებიც უმაღლესი განათლების ჩამოყალიბების დროს შეიქმნა ჩვენი უფროსი თაობის მიხედვით. ყველაფერი, რაც მის საწინააღმდეგოდ მიდის, ამან შესაძლოა, ძალიან ცუდი შედეგი მოიტანოს. განათლება არის სათუთი და რთული პრობლემა, მასთან არ შეიძლება რაღაცა სხვა მოსაზრებაზე დაყრდნობით ჩხირკედელაობა, რადგან ეს ძალიან დიდი ზიანის მომტანია!“, - თქვა აკადემიკოსმა.  

საქართველოს პრეზიდენტმა, მიხეილ ყაველაშვილმა ტელეკომპანია „იმედის“ ეთერში ალეკო ელისაშვილის მხრიდან ტერორისტული აქტის ჩადენის მცდელობაზე ისაუბრა და აღნიშნა, რომ მსგავსი ქმედებებით ზეწოლა ხდება სახელმწიფოზე, თუმცა საქართველო უფრო და უფრო მომზადებული ხვდება ასეთ გამოწვევებს.როგორც პრეზიდენტმა აღნიშნა, სპეციალურად არჩევენ ალეკო ელისაშვილის მსგავს ადამიანებს და შემდეგ ხდება მათი გაგმირება, როგორც ლაზარე გრიგორიადისისა და მზია ამაღლობელის შემთხვევაში მოხდა.„სპეციალურად ხდება ასეთი ტიპაჟების მოძებნა, როგორიც ალეკო ელისაშვილია – ვინ არის გამკეთებელი, საზოგადოებაში, ასე ვთქვათ, პატრიოტი, სხვა გზას არ უტოვებენ და ეს საქციელი უნდა განახორციელოს – გაგმირება ისეთი პერსონაჟის, როგორიც იყო გრიგორიადისი, როგორც ხდება მზია ამაღლობელზე. მიდის ზეწოლა ჩვენს სახელმწიფოზე. რა თქმა უნდა, ჩვენ ეს პროცესები გვაძლიერებს და უფრო და უფრო მომზადებული ხვდება ჩვენი სახელმწიფო ასეთ გამოწვევებს. ეს არის სპეციალურად განხორციელებული ქმედებები, რომ ნელ-ნელა უფრო დაშვებადი გახდეს ვინმესთვის ასეთი ქმედება“, – განაცხადა მიხეილ ყაველაშვილმა.