ვიქტორ ორბანი – დიდი ალბათობით, ირანის ომის გამო „დრუჟბას“ ნავთობსადენის მნიშვნელობა გაორმაგდება

პირველი ივლისიდან თბილისში შინაურ ბინადარ ცხოველთა მოვლა-პატრონობის წესები მკაცრდება. განსაკუთრებული ყურადღება საზოგადოებრივი უსაფრთხოების დაცვას დაეთმობა. გაკონტროლდება ცხოველის გასეირნების წესები. იკრძალება საბელის ან ალიკაპის გარეშე ცხოველის ტარება სკვერებში, ტრანსპორტსა და საგანმანათლებლო დაწესებულებებში, ჯარიმა 150 ლარია. დადგენილება დედაქალაქის საკრებულომ უკვე მიიღო.ცხოველების ქუჩაში მიტოვების პრევენციის მიზნით, მეპატრონეს მკაცრად მოეთხოვება იდენტიფიკაციისა და რეგისტრაციის წესის დაცვა. ეს პროცესი ცხოველისთვის ჩიპის ჩადგმას და ერთიან ბაზაში აღრიცხვას გულისხმობს. წესის დარღვევის შემთხვევაში ფიზიკური პირები 100 ლარით, ხოლო იურიდიული პირები 500 ლარით დაჯარიმდებიან. წესი ვრცელდება მიკედლებულ ცხოველებზეც. რეგისტრაციისთვის მოქალაქეებმა შესაბამის დაწესებულებას უნდა მიმართონ. მნიშვნელოვანია ისიც, რომ ცხოველის რეგისტრაცია ამარტივებს მეპატრონის იდენტიფიცირებას სხვადასხვა შემთხვევაში, მათ შორის ცხოველის მიერ მოქალაქის დაკბენის ან კერძო ქონების დაზიანების დროს.სათანადო კვება, გეგმიური ვაქცინაცია, საჭიროების შემთხვევაში დროული სამედიცინო დახმარება - რეგულაციები მეპატრონეს ცხოველის ჯანმრთელობისა და ჰიგიენის დაცვასაც ავალდებულებს. სიახლეა მრავალბინიანი კორპუსების მცხოვრებთათვისაც - თუ პირი 3-ზე მეტი ცხოველის აყვანას დააპირებს, მას მეზობლების თანხმობა დასჭირდება. მიზანი ხმაურისა და უსიამოვნო სუნის პრობლემების შემცირებაა.თბილისში ცხოველთა მოვლა-პატრონობის წესები 2015 წლიდან მოქმედებს და პერიოდულად იცვლება. რეგულაციების ძირითადი მიზანი მიუსაფარი ცხოველების პოპულაციის მართვა, საზოგადოებრივი უსაფრთხოების დაცვა და მოქალაქეების ცნობიერების ამაღლებაა.

აშშ-ის პრეზიდენტმა, დონალდ ტრამპმა განაცხადა, რომ ირანის წინააღმდეგ მოქმედების რამდენიმე გზა აქვს, მათ შორის ქვეყნის „დაპყრობის“ გრძელვადიანი მცდელობა.„შემიძლია, პროცესი გავახანგრძლივო და ყველაფერი საკუთარი კონტროლის ქვეშ მოვაქციო, ან ეს ორ-სამ დღეში დავასრულო და ირანელებს ვუთხრა: თუ თქვენი ბირთვული და სარაკეტო პროგრამების აღდგენას დაიწყებთ, რამდენიმე წელიწადში ისევ შევხვდებით. ნებისმიერ შემთხვევაში, ამ თავდასხმისგან გამოჯანმრთელებას რამდენიმე წელი დასჭირდება“, – განცხადა ტრამპმა „აქსიოსთან“ სატელეფონო ინტერვიუში.ამასთან, აშშ-ის პრეზიდენტმა ირანის წინააღმდეგ ოპერაციის დაწყების ორი ძირითად მიზეზად აშშ-ირანის მოლაპარაკებებში პროგრესის არარსებობა და ბოლო რამდენიმე ათწლეულის განმავლობაში თეირანის ქმედებები დაასახელა.„ირანელები მიუახლოვდნენ და შემდეგ უკან დაიხიეს, ისევ მიუახლოვდნენ, შემდეგ უკან დაიხიეს. აქედან მივხვდი, რომ მათ სინამდვილეში შეთანხმება არ სურთ. მე ვხედავდი, რომ ყოველთვიურად ისინი რაღაც ცუდს აკეთებდნენ, რაღაცას აფეთქებდნენ ან ვინმეს კლავდნენ“, – აღნიშნა ტრამპმა.ამერიკელ მაღალჩინოსანზე დაყრდნობით, აშშ-ისრაელის ოპერატიული გეგმა მასშტაბური დაბომბვის კამპანიას მინიმუმ ხუთი დღის განმავლობაში ითვალისწინებს. თუმცა, როგორც დონალდ ტრამპმა „აქსიოსთან“ ინტერვიუში განაცხადა, ეს ვადები ადგილზე განვითარებულ მოვლენებზე, მათ შორის მათ შორის უზენაესი ლიდერის, აიათოლა ალი ხამენეის ბედზე იქნება დამოკიდებული.

სრულიად საქართველოს კათოლიკოს-პატრიარქის სამძიმარი დეკანოზ კონსტანტინე გიორგაძის გარდაცვალების გამო სამძიმრის წერილს აქვეყნებს.„63 წლის ასაკში გარდაიცვალა საქართველოს მართლმადიდებელი ეკლესიის გამორჩეული სასულიერო პირი, 7 შვილის მამა, დეკანოზი კონსტანტინე გიორგაძე.ამქვეყნად შედარებით ხანმოკლე მყოფობის მიუხედავად, მან ძალიან ბევრი საქმის გაკეთება მოასწრო და ღრმა კვალი დატოვა ჩვენს ცხოვრებაში. იგი, რა თქმა უნდა, პირველ რიგში, იყო ღვთისმსახური, მაგრამ, ამავე დროს, სამშობლოს ღირსეული მსახურიც. რაც, განსაკუთრებით, მომავალი თაობის აღზრდაზე ზრუნვაში გამოიხატა.სპეციალობით პედიატრი, ბავშვების სულიერ მკურნალადაც იქცა, -ფასდაუდებელია მისი შრომა ზოგადსაგანმანათლებლო სივრცეში იაკობ გოგებაშვილის „დედა ენის“ დაბრუნების საქმეში (როგორც თანამდეროვე, ისე ძველქართული ანბანების გამოყენებით) და აღზრდის თემასთან დაკავშირებულ არაერთ სხვა საქმიანობაში.თბილისში თუ პეტერბურგში, ვისთანაც კი მამა კონსტანტინეს შეხება ჰქონია, ყველა გლოვობს პატიოსან, პატრიოტ, გონიერ და მზრუნველ სულიერ მამასთან განშორებას; დიდია ჩვენი გულისტკივილიც.აღვავლენთ ლოცვებს დეკანოზ კონსტანტინეს უკვდავი სულისათვის, რათა უფალმან სავანესა მართალთასა დააწესოს იგი. ხოლო ოჯახის წევრებს, ახლობლებს, მრევლსა და გულშემატკივართ მომადლოს შინაგანი სიმტკიცე და მისთვის ლოცვის ძალა.“ - წერს ილია მეორე.

გავრცელებული ინფორმაციით, ისრაელის პრემიერ-მინისტრ ბენიამინ ნეთანიაჰუსა და აშშ-ის პრეზიდენტ დონალდ ტრამპს ირანის უზენაესი ლიდერის, ალი ხამენეის ცხედრის ფოტო წარუდგინეს. აღნიშნულ ინფორმაციას ისრაელის Channel 12 ავრცელებს.გამოცემის ცნობით, ცხედარი ირანის ხელისუფლებამ თეირანში, ხამენეის რეზიდენციის ნანგრევებში აღმოაჩინა.ისრაელმა ხამენეის რეზიდენციაზე მძლავრი დარტყმა დღეს დილით, ირანზე განხორციელებული თავდასხმების პირველივე ტალღის დროს მიიტანა.აშშ-ში ისრაელის ელჩმა, იეხიელ ლაიტერმა ამერიკელ მაღალჩინოსნებს უკვე მიაწოდა ინფორმაცია ხამენეის ლიკვიდაციის შესახებ.აღნიშნულ ინფორმაციას გამოცემა The Times of Israel-თან საუბრისას ადასტურებს ინფორმირებული წყარო, რაც ასევე ემთხვევა საინფორმაციო პორტალ Axios-ის მიერ გავრცელებულ ცნობებს.ამ დროისთვის ირანის ოფიციალური მხარე მომხდარზე დამატებით კომენტარს არ აკეთებს, თუმცა გავრცელებული კადრები და დიპლომატიური არხებით მიწოდებული ინფორმაცია ადასტურებს, რომ ისრაელის ოპერაციამ დასახულ მიზანს მიაღწია.

აშშ-ის პრეზიდენტმა დონალდ ტრამპმა ტელეკომპანია ABC News-თან სატელეფონო ინტერვიუში განაცხადა, რომ ამერიკის მიერ განხორციელებულმა დარტყმებმა ირანს უკვე „ძალიან დიდი ზიანი“ მიაყენა.ტრამპის თქმით, ირანის ხელმძღვანელობის „დიდი ნაწილი აღარ არის“, თუმცა აღნიშნა, რომ სრული სურათი ჯერ უცნობია. „ყველაფერი არ ვიცით, მაგრამ მისი დიდი ნაწილი აღარ არსებობს,“ – განაცხადა აშშ-ს პრეზიდენტმა.