ვის მოუსმენენ 15 აპრილს პარლამენტის დროებით საგამოძიებო კომისიაზე?

2022-2025 წლებში უკრაინელი ბავშვებზე განათლების სამინისტროს ხაზით დახარჯულია 20 მილიონამდე ლარი, - წერს პარლამენტის თავმჯდომარის პირველი მოადგილე გიორგი ვოლსკი.როგორც მან აღნიშნა, უკრაინელი მიგრანტი ბავშვების სასკოლო განათლებისათვის სექტორები გახსნილია 4 სკოლაში, თბილისსა და ბათუმში, სისტემა 3000-მდე მოსწავლეს მოემსახურა სამი სასწავლო წლის განმავლობაში, ამჟამად კი საჯარო სკოლებში ირიცხება 2200 მოსწავლე, დასაქმებულია 80-მდე უკრაინელი მასწავლებელი და ბავშვთა ფსიქოლოგი.„ცნობისათვის: უკრაინელი მიგრანტი ბავშვების სასკოლო განათლებისათვის სექტორები გახსნილია 4 სკოლაში, თბილისსა და ბათუმში.სისტემა 3000-მდე მოსწავლეს მოემსახურა სამი სასწავლო წლის განმავლობაში, საიდანაც 800-მდე მოსწავლემ დაასრულა მე-11 კლასი ან დაბრუნდა უკრაინაში. ამჟამად საჯარო სკოლებში ირიცხება 2200 მოსწავლე. ამათგან 1383 მოსწავლე სწავლობს უკრაინულ სექტორზე, ხოლო დანარჩენი - რუსულ სექტორზე. დასაქმებულია 80-მდე უკრაინელი მასწავლებელი და ბავშვთა ფსიქოლოგი.2022-2025 წლებში უკრაინელი ბავშვებზე განათლების სამინისტროს ხაზით დახარჯულია 20 მილიონამდე ლარი“, - წერს გიორგი ვოლსკი.

რუსეთი არასდროს პასუხობდა ულტიმატუმებს, – ასე გამოეხმაურა რუსეთის საგარეო საქმეთა სამინისტროს პრესსპიკერი მარია ზახაროვა ევროკავშირისა და დიდი ბრიტანეთის მიერ მიღებულ ახალ სანქციებს.„მოლაპარაკებების შემდეგ, ზელენსკიმ, ევროპელ თანამოაზრეებთან ერთად, გამოთქვა ანტირუსული სანქციების გაძლიერების მოწოდება: კვლავ იმღერეს ძველი სიმღერა იმის შესახებ, რომ რუსეთს თითქოსდა არ უნდა ენდო და დასაჯო ცეცხლის 30-დღიანი შეწყვეტის ულტიმატუმის დაუმორჩილებლობისთვის, რომელსაც კიევის რეჟიმი და მისი ევროსპონსორები ცდილობდნენ, წარმოეჩინათ როგორც გარკვეული ნაბიჯი მოგვარებისკენ. უბრალოდ, საჭიროა ერთხელ დაიმახსოვროთ: რუსეთი ულტიმატუმებზე არასდროს რეაგირებს“, – განაცხადა რუსეთის საგარეო საქმეთა სამინისტროს პრესსპიკერმა ბრიფინგის დროს.ზახაროვას თქმით, აშკარაა, რომ მშვიდობის მიღწევა დასავლეთ ევროპელ ულტრალიბერალებს არ აინტერესებთ.„მათ სხვა მიზანი აქვთ: ნებისმიერ ფასად უზრუნველყონ შესვენება უკრაინის შეიარაღებული ძალებისთვის სამხედრო პოტენციალის აღსადგენად და ჩვენს ქვეყანასთან დაპირისპირების გასაგრძელებლად“, – აღნიშნა ზახაროვამ.ევროკავშირმა და დიდმა ბრიტანეთმა რუსეთის წინააღმდეგ სანქციების მე-17 პაკეტი დაამტკიცეს.

რუსეთის პრეზიდენტთან, ვლადიმირ პუტინთან სატელეფონო საუბრის შემდეგ ამერიკელმა ლიდერმა დონალდ ტრამპმა ევროპული სახელმწიფოების მეთაურებსა და ვოლოდიმირ ზელენსკის განუცხადა, რომ არ გეგმავს მოსკოვის წინააღმდეგ სანქციების დაწესებას.პორტალ „აქსიოსის“ ინფორმაციით, ტრამპმა თავისი გადაწყვეტილება იმით ახსნა, რომ, მისი აზრით, რუსეთი უკრაინაში კონფლიქტის მოგვარებისადმი სერიოზულ დაინტერესებას ავლენს.„აქსიოსის“ ცნობით, ამერიკელმა ლიდერმა გამოხატა რწმენა, რომ რუსეთი მზადაა, დადოს შეთანხმება და ცეცხლის შეწყვეტის შესახებ პირდაპირი მოლაპარაკებები დაუყოვნებლივ დაიწყოს. ამასთან, ტრამპის საუბრიდან გამომდინარე შეიქმნა შთაბეჭდილება, რომ აშშ მოლაპარაკებების პროცესიდან გასვლასთან ახლოსაა.წყაროები აღნიშნავენ, რომ ევროპელი ლიდერები იყვნენ „გაოცებულები და შოკირებულები“.პორტალის ცნობით, ევროპელი პოლიტიკოსები ელოდებოდნენ, რომ ტრამპი აცნობებდა მათ რუსეთის თანხმობას ცეცხლის შეწყვეტაზე ან აშშ-ის მხრიდან რუსეთის წინააღმდეგ ახალი სანქციების დაწესების შესახებ.გავრცელებული ცნობით, ტრამპმა თქვა, რომ პუტინი დათანხმდა პირდაპირ მოლაპარაკებებს და ცეცხლის დაუყოვნებლივ შეწყვეტას. ამ სიტყვებს რამდენიმეწამიანი სიჩუმე მოჰყვა. შემდეგ ზელენსკიმ თქვა, რომ პუტინი მანამდეც დათანხმდა მოლაპარაკებებს და პირველი რაუნდი ჩატარდა სტამბოლში გასულ კვირას. წყაროების ცნობით, ამავე საუბრისას ზელენსკიმ და ევროპელმა ლიდერებმა ტრამპს შეახსენეს, რომ მოლაპარაკებების დაწყება ცეცხლის დაუყოვნებლივი შეწყვეტით მისი იდეა იყო.„აქსიოსის“ ინფორმაციით, ზელენსკიმ ეს საუბარი უარყოფითად შეაფასა. ზელენსკის გარდა, ამ საუბარში მონაწილეობდნენ საფრანგეთის პრეზიდენტი ემანუელ მაკრონი, გერმანიის კანცლერი ფრიდრიხ მერცი, იტალიის პრემიერ-მინისტრი ჯორჯია მელონი, ფინეთის პრეზიდენტი ალექსანდერ სტუბი და ევროკომისიის პრეზიდენტი ურსულა ფონ დერ ლაიენი.ინტერნეტპორტალის წყაროების თქმით, მელონი ჩაერთო საუბარში და დაინტერესდა, „რატომ არ შეიძლება მოლაპარაკებების დაწყებამდე თუნდაც ორი კვირით გამოცხადდეს ზავი?“ იტალიის პრემიერმა და გერმანიის კანცლერმა მოითხოვეს აშშ-ის და ევროპული ქვეყნების მონაწილეობა რუსეთისა და უკრაინის მოლაპარაკებებში.„ვიღაც ხომ უნდა იყოს მსაჯული“, – მოჰყავს „აქსიოსის“ წყაროს მელონის სიტყვები. გავრცელებული ცნობით, მერცი გამოვიდა ინიციატივით, ყველა დაინტერესებული მხარის მონაწილეობით შეხვედრა ჩატარდეს.საუბრის ერთ-ერთი მონაწილის თქმით, ტრამპმა ხაზი გაუსვა, რომ აშშ არ იქნება ჩართული ამ მოლაპარაკებებში. მან განაცხადა, რომ რუსეთი ამზადებს თავის წინადადებებს ცეცხლის შეწყვეტის პირობებისა და კონფლიქტის დასრულების შესახებ. ტრამპმა ასევე დასძინა, რომ პუტინს სთხოვა, წარმოედგინა „ისეთი ვარიანტი, რომელზეც თანხმობა იქნება შესაძლებელი“ და არა წინადადება, რომელიც „დაუყოვნებლივ იქნება უარყოფილი“, – წერს „აქსიოსი“.ამასთან, ზელენსკიმ თქვა, რომ პუტინთან მოლაპარაკებების წინა რაუნდებმა არ გამოიღო შედეგი და თუ ტრამპი არ მოახდენს ზეწოლას, პუტინი არ გაინძრევა.ცნობისთვის, 19 მაისს რუსეთისა და აშშ-ის პრეზიდენტებმა გამართეს სატელეფონო საუბარი, რომელიც ორ საათზე მეტ ხანს გაგრძელდა.

გარემოს ეროვნული სააგენტოს ცნობით, დღეს დასავლეთ საქართველოში უმეტესად უნალექო ამინდია მოსალოდნელი.აღმოსავლეთ საქართველოში მცირე ხანმოკლე წვიმას ელოდებიან.სინოპტიკოსების პროგნოზით, თბილისშიც ხანმოკლე წვიმა იქნება, ტემპერატურა კი 22 გრადუსამდე მოიმატებს.რაც შეეხება მომდევნო დღეებს, ხვალ, როგორც დასავლეთ, ისე აღმოსავლეთ საქართველოში ხანმოკლე წვიმა და ტემპერატურის კლებაა ნავარაუდევი.

2004-2005 წლებში სააკაშვილმა დაიწყო ტელევიზიების ხელში ჩაგდება, არაფერში სჭირდებოდა გაზეთები, სადაც კრიტიკულ-ანალიტიკური პუბლიკაციები გამოქვეყნდებოდა და მოგვიშორა, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე ჟურნალისტმა ბონდო მძინარაშვილმა განაცხადა.ბონდო მძინარაშვილის თქმით, გამომცემლობა „სამშობლოს“ შენობაში მომუშავე ადამიანებისთვის სააკაშვილის დიქტატის განხორციელება მარტივი არ იქნებოდა.„2004-2005 წლიდან გაზეთების ტირაჟი საშინლად დაეცა, შემდეგ გავრცელების სამსახურს დაუწყეს შეზღუდვები. რაც მთავარია, იმ დროისთვის უკვე სააკაშვილმა დაიწყო ტელევიზიების ხელში ჩაგდება. „რუსთავი 2“ ისედაც მათი იყო. გახსოვთ შემდეგ კიწმარიშვილის ჟვანიასთან დაპირისპირება და ელიავას ბაზრობასთან დაკავშირებით სიუჟეტის გაშვება, რომელმაც დიდი შიდა ომი გამოიწვია ამ ტრიუმვირატში. საბოლოო ჯამში, „რუსთავი 2“ ხელში ჩაიგდო სააკაშვილმა, 2005 წლიდან საზოგადოებრივი მაუწყებელი ისედაც გადაჰყვა სააკაშვილის ხელისუფლებას და მათი იყო. უკვე მიმდინარეობდა ნადირობა სხვა ტელევიზიებზეც. ლიცენზიები, სიხშირეები ჩამოართვეს, მათ შორის „ობიექტივს“, „ევროპას“ და სხვა ტელევიზიებს. სხვათა შორის, 2013 წლის მაისში პარლამენტში შეიქმნა კომუნიკაციების მარეგულირებელი კომისიის შესახებ დროებითი საგამოძიებო კომისია. 30 ივლისს ჰქონდა პირველი შუალედური დასკვნა. 2014 წლის თებერვალში დაიდო დასკვნა. იქ არის დეტალურად, როგორ იწყებოდა ტელევიზიების მიტაცება. ეგრეთ წოდებული ხიდაშელის კომისა ერქვა მას. ყველა დაიკითხა, 50-ზე მეტი ადამიანი, ვინც იმ პერიოდში მარეგულირებელ კომისიაში მუშაობდა, ვისაც ტელევიზიები, სიხშირეები წაართვეს და ასე შემდეგ. მაშინ ვამბობდი, შუქი მოვიდა, ტელევიზიები ჩაირთო და გაზეთების კვდომის პროცესიც დაიწყო-მეთქი. ადამიანებს მატერიალურად არ ჰქონდათ საშუალება, გაზეთი ეყიდა, ტელევიზორი კი უფასო იყო, უფასო ტელევიზორში იყო უფასო შოუ, უფასო შოუს დგამდა სააკაშვილი. ყველა არხზე სააკაშვილი იყო. არაფერში სჭირდებოდა გაზეთები, სადაც კრიტიკულ-ანალიტიკური პუბლიკაციები გამოქვეყნდებოდა. ეს იყო მიზანმიმართულად გაკეთებული, რათა, გარდა იმისა, რომ გამომცემლობა „სამშობლო“, მატერიალური ბაზა ჩაეგდოთ ხელში და შემდეგ გაესხვისებინათ, ამავდროულად, შური ეძია გაზეთებზე, რათა მათი გამოცემა შეწყვეტილიყო. ზოგიერთ გაზეთებთან ჰქონდათ შეთანხმება ცალკეული გრანტების მოპოვებასთან დაკავშირებით, ცალკეულ გრანტებს მისცემდნენ, შესაბამისად, ლოიალობას ასე იყიდდნენ. არ ვამბობ, რომ გამომცემლობა „სამშობლოში“ ვინც იყვნენ, მათ რომ გრანტები მიეღოთ, პრინციპულობას შეინარჩუნებდნენ და ლოიალურები არ იქნებოდნენ, მაგრამ სააკაშვილისთვის ისინი აბსოლუტურად მიუღებელი იყვნენ, რადგან ეს ადამიანები ერთგვარად დაუმორჩილებლებიც იყვნენ. წარმოიდგინეთ, ამ ადამიანებმა 90-იანი წლები გაიარეს და გაუძლეს რედაქციებში შევარდნას, დარბევის მცდელობას და ასე შემდეგ. 1991 წლის 24 დეკემბერს თავად ვიყავი, როცა მხედრიონელები შემოცვივდნენ გაზეთ „საქართველოს რესპუბლიკის“ რედაქციაში. ამის თაობაზეც ღიად მაქვს ნალაპარაკები. ავტომატებით მოითხოვდნენ, გაზეთი მათი ყოფილიყო. ამ ყველაფრის გადამტანი ადამიანები ვიყავით და იმ გამომცემლობის შენობაში მომუშავე ადამიანებისთვის სააკაშვილის დიქტატის განხორციელება ასე ადვილი არ იქნებოდა. ამიტომ, მარტივად გადაწყვიტა და მოგვიშორა. ამ დროისთვის მას უკვე ჰქონდა ტელევიზიები, სადაც მუდმივად იჯდა და საუბრობდა უკრიტიკოდ. დღევანდელ ჟურნალისტებს ალბათ ძალიან კარგად ემახსოვრებათ, როგორ იჯდა ოთხი-ხუთი წამყვანი და ლაპარაკობდა სააკაშვილი, მაგრამ კრიტიკული შეკითხვები საერთოდ არ არსებობდა. კრიტიკული შეკითხვების დამსმელებს პრეზიდენტ სააკაშვილთან არავინ უშვებდა“, – განაცხადა ბონდო მძინარაშვილმა.როგორც კომისიის სხდომაზე ბონდო მძინარაშვილმა აღნიშნა, „ერთი წელი საერთოდ არაფერი იყო გამომცემლობის შენობაში, ხოლო ერთი წლის თავზე, 2008 წლის 9 აგვისტოს ცხინვალის რეგიონის სოფლების, გორის რაიონის სოფლების მცხოვრებლებმა დაიწყეს თავის შეფარება.„მაშინ ჟურნალისტთა ფედერაციაში ერთგვარი კომისია იყო, ჩვენ უნდა მიგვეხედა ამ ადამიანების განთავსებისთვის. სწორედ ამ დროს, ერთი წლის შემდეგ მივედი გამომცემლობის შენობაში და ვნახე ჩვენი მეოთხე სართულიც, სადაც ცხრა წელზე მეტი გავატარე, როგორც პასუხისმგებელმა მდივანმა და მთავარი რედაქტორის მოადგილემ“, – განაცხადა ბონდო მძინარაშვილმა.მძინარაშვილმა ასევე გაიხსენა, როგორ მოხდა გამომცემლობა „სამშობლოს“ შენობის გაყიდვა.„რამდენჯერმე სცადეს შენობის გაყიდვა მანამდეც, ვიდრე ჩვენ გამოგვყრიდნენ და იმ დროისთვის, როდესაც დევნილები იყვნენ იქ, მაგრამ არავინ ყიდულობდა, რადგან, როგორც იტყვიან, შარიანი შენობა იყო. ჯერ ამდენ ჟურნალისტთან დაპირისპირება არავის უნდოდა და მეორე, არავის უნდოდა დევნილებთან დაპირისპირება. საბოლოო ჯამში, 2011 წლის 27 ივლისს დევნილებიც გამოყარეს ასევე პოლიციის დახმარებით. გამოყარეს, ვინც კოსტავას ქუჩაზე, ასევე ჭოველიძის ქუჩაზე არსებულ ფლიგელებში იყვნენ. 15 სექტემბერს გაყიდეს გამომცემლობა „სამშობლოს“ შენობა და ერთი კვირით ადრე, 8 სექტემბერს შექმნილ ფირმას, კომპანიას მიყიდეს. იმის შემდეგ არის გამომცემლობა „სამშობლო“ ისეთი, როგორიც არის“, – განაცხადა ბონდო მძინარაშვილმა.