ვინ მიიღებს მონაწილეობას თვითმმართველობის არჩევნებში – “ქართულ ოცნებას” ოპოზიციის პოზიციის არ სჯერა

აშშ-ის სახელმწიფო მდივანი მარკო რუბიო აცხადებს, რომ აშშ-ის პრეზიდენტის სპეციალური წარმომადგენლის, სტივ უიტკოფისა და რუსეთის პრეზიდენტ ვლადიმერ პუტინის შეხვედრა პერსპექტიული იყო. ამის შესახებ მან „სიბიეს ნიუსთან“ ინტერვიუში ისაუბრა.სახელმწიფო მდივანს ჟურნალისტმა შეახსენა მისი განცხადება, რომ უიტკოფისა და პუტინის შეხვედრა პასუხს გასცემდა ფუნდამენტურ შეკითხვას, მოძრაობენ თუ არა ისინი ცეცხლის შეწყვეტისკენ და არის თუ არა ეს გაჭიანურების ტაქტიკა, რაზეც რუბიომ აღნიშნა, რომ მას არაერთხელ განუცხადებია, რომ მოლაპარაკებების საჯაროდ განხილვას არ აპირებს.„არსებობს გარკვეული გამოწვევები. ეს არის რთული, სამწლიანი ომი, რომელიც მიმდინარეობს ძალიან გრძელ სამხედრო ფრონტზე, მრავალი სირთულით. ასე რომ, არავინ ამბობს, რომ ეს ადვილია“, – თქვა სახელმწიფო მდივანმა.მან ასევე აღნიშნა, რომ პირველი გეგმა არის ცეცხლის შეწყვეტა, ხოლო მეორე გულისხმობს ყველა მხარის მაგიდასთან დაჯდომას, რათა ეს ომი საბოლოოდ დასრულდეს.„არავინ ამბობს, რომ ეს მეორე ნაწილი ადვილია, მაგრამ ჩვენ ვერ მივალთ ამ მეორე ნაწილამდე, ვიდრე არ გავცდებით პირველ ნაწილს. რთულია მოლაპარაკებების წარმოება ომის ხანგრძლივი დასრულების შესახებ, როდესაც ისინი ერთმანეთს ესვრიან და ამიტომ პრეზიდენტს სურს ცეცხლის შეწყვეტა. ეს არის ის, რაზეც ვმუშაობთ. ეს თავისთავად არ იქნება ადვილი. მეორე ფაზა, რაც გულისხმობს უფრო გამძლე და მუდმივი რამის შესახებ მოლაპარაკებას. ეს იქნება რთული. ის მოიცავს ბევრ მძიმე შრომას, დათმობებს ორივე მხრიდან, მაგრამ ეს უნდა მოხდეს. ეს ომი ვერ გაგრძელდება. პრეზიდენტი ნათლად საუბრობს ამის შესახებ და აკეთებს ყველაფერს, რაც შეუძლია, მის დასასრულებლად“, – აღნიშნა რუბიომ.

ნესლიჰან ათაგიული და ქადირ დოღულუ 8-წლიანი ლოდინის შემდეგ მშობლები გახდნენ.როგორც ცნობილია, წყვილს ვაჟი ეყოლა.ერთადერთი ინფორმაცია რაც ვრცელდება არის ის რომ ნესლიჰანის და მისი ვაჟის ჯანმრთელობის მდგომარეობა კარგია და მშობლები მალე გააკეთებენ განცხადებას შვილის დაბადების შესახებ.ჯერ-ჯერობით უცნობია რა დაარქვეს ბიჭს.

არავინ იფიქროს, რომ ბრიუსელში ან ვაშინგტონში ამათ განიხილავენ, როგორც ინტელექტუალურ რესურსს, რომელსაც შეუძლია ქვეყანა მართოს. ესენი სჭირდებათ მხოლოდ იმისთვის, რომ რაღაც ეტაპზე გადადგან ისეთი ნაბიჯი, რასაც ეტყვიან, - განაცხადა გადაცემაში „იმედის კვირა“, პარლამენტის პირველმა ვიცე-სპიკერმა გიორგი ვოლსკიმ ოპოზიციაზე საუბრისას.„მაგალითად სატრანზიტო დერეფანი აკონტროლოს არა მათ, ვინ საქართველოს ხელისუფლებაშია, არამედ მათ, ვინც ამ ხელისუფლებას შეცვლის და მოიყვანს მაგალითად, ალეკო ელისაშვილს, როდესაც რასაც ეტყვი იმას გააკეთებს. ვის აინტერესებს, საქართველო იქნება თუ არ იქნება დედამიწაზე.ახალა მიდის მცდელობა, რომ როგორმე მთელი საზოგადოება, ვინც ხელისუფლებას დაუჭირა მხარი, წარმოაჩინონ როგორც ცხვრის ფარა საერთაშორისო თანამეგობრობის, პოლიტიკოსების, არა პოლიტიკოსების თუ საზოგადოებების თვალში. დღეს თუ ვინმე გადმოხედავს საქართველოს ნებისმიერი ქვეყნიდან, რომელიც მოშორებულია ჩვენს ქვეყანას, წარმოიდგენს, რომ საქართველოში არის ადამიანთა დიდი ჯგუფი, რომლებსაც თუ მიუტან ორ კილოგრამ კარტოფილს და მოგცემენ ხმას, - აღნიშნა გიორგი ვოლსკიმ.

რა არის, ბიჭო, რას ჩაებღაუჭეთ ამ თანამდებობებს, რა ლიდერები, რა პარტიები, რა ბანერები აგიტყდათ. წარმოუდგენელია, ეგოს გამო პოლიტიკოსი პოლიტიკოსს არ ელაპარაკებოდეს და ეს უცხოელებიც გვიყურებენ, შიგნით ერთმანეთს თუ არ დაველაპარაკებით, აბა მაშინ კოალიციური ხელისუფლება როგორ უნდა ყოფილიყო? , – ამის შესახებ „ნაციონალური მოძრაობის“ წევრმა, ლევან ხაბეიშვილმა განაცხადა.ხაბეიშვილის თქმით, საზოგადოება დაიღალა და საჭიროა მეტი კოორდინაცია. ლევან ხაბეიშვილის განმარტებით, ლიდერობა საქმით უნდა დამტკიცდეს და მთავარი ამოცანაა, სწორედ ხალხთან იყოს ყველაზე მეტი კოორდინირება.„მართლა დაიღალა საზოგადოება. ერთიანობა, ერთიანობა ვიძახით, მათ შორის პოლიტიკური ლიდერები, რაღაც ეგოები ვერ დაიკმაყოფილა ვერავინ – მე უფრო მაგარი ვარ, მე ლიდერი ვარ, ჩემი ბანერი მინდა, ჩემი ნომერი მინდა. დავკარგეთ ქვეყანა, რუსული ხელისუფლება, კაგებეს აგენტურაა დღეს ხელისუფლებაში, ხალხს თავპირს ალეწავენ, უამრავი ადამიანი ციხეშია და ვიღაცების ეგოს უნდა გადაყვეს ეს ქვეყანა. მათ შორის მე მილიონჯერ თავს ვიკავებდი სალომე ზურაბიშვილთან დაკავშირებით, რადგან ერთობა მნიშვნელოვანია, არ დავაზიანოთ. ახლა გამოვიდა და ერთიანობა ყოფილა ცუდი, თურმე დაქსაქსულობა ყოფილა კარგი. თურმე ერთიანობა ყოფილა „შემოგდებული“ თემა, დაქსაქსულობა ყოფილა ქვეყნის, ხალხის მოთხოვნა. მართლა რა სისულელეა, ყველაფერს ხომ აქვს საზღვარი. ამიტომ არ მაინტერესებს, სალომე იქნება, გრიშა იქნება, თუ ანზორი იქნება, არავიზე არ ვაპირებ თავდასხმას, მაგრამ ხალხი მართლა დაიღალა. პარტიის თავმჯდომარეობა, რაღაცა ლიდერობა –  ბიჭო, რით ვერ გამოვიდნენ, მიუღებელია, გულწრფელად ვამბობ, მიუხედავად იმისა, რომ პარტიაში 25 000 ხმა ავიღე, თანამდებობა როცა საჭირო იყო პირობითად და ვფიქრობდი, საქმეს, ერთიანობასაც, რაღაცას ასე გამოადგებოდა, რა არის, ბიჭო, რას ჩაებღაუჭეთ ამ თანამდებობებს, რა ლიდერები, რა პარტიები, რა ბანერები აგიტყდათ და ათასი სისულელე. მერე ერთმანეთთან ვერ ლაპარაკობენ. წარმოუდგენელია, ეგოს გამო პოლიტიკოსი პოლიტიკოსს არ ელაპარაკებოდეს და ეს უცხოელებიც გვიყურებენ, შიგნით ერთმანეთს თუ არ დაველაპარაკებით პირობითად, აბა, მაშინ კოალიციური ხელისუფლება როგორ უნდა ყოფილიყო? უფრო მეტი კოორდინაციაა საჭირო, ყველა ლაპარაკობს ერთიანობა საჭიროაო, საქმე საქმეზე რომ მიდგება, ერთმანეთს არ ელაპარაკებიან. გამოდიან შემდეგ და აი, „ნაციონალური მოძრაობა“ და „ოცნება“, ტოლობის ნიშანს სვამენ, აი „ნაცი“ და აი „ქოცი“ – მართლა არაფერი არ შეგეშალოთ, ბიჭო, „ნაციონალს“ რომ გეუბნებიან, ეგ არის თქვენთვის დიდი თაყვანისცემა მართლა. ვიღაცებს რომ „ნაციონალებს“ გეძახიან, ორი დღეა, ოპოზიციაში მოხვედი და იმის მეასედი არ გაგივლიათ, რაც „ნაციონალურ მოძრაობას“ გაუვლია. ხო, „ნაციონალური მოძრაობა“ ვარ მე, კი, „ნაციონალური მოძრაობის“ წევრიც ვარ, მხარდამჭერიც ვარ, რადგან ევროპული პარტიაა, ქართული, პატრიოტული პარტიაა, იმიტომ, რომ ქრისტიან-დემოკრატიული ღირებულებები გვაქვს, იმიტომ, რომ კონსერვატიული მიდგომები გვაქვს, იმიტომ, რომ ჩვენი ქვეყანა გვიყვარს. რა სიგიჟეა მართლა და აუ, იცი რა, მე „ნაციონალი“ არ ვარ და მერე სტატუსებს წერენ, მიშას თურმე ვიღაც უნდა მივუსვათ გვერდზე. გახარიამ თვალები დაგგვლიჯა და ის ბავშვები სადმე კიარ წასულან, თვალი არ აქვს ადამიანს და პასუხისმგებლობა არ უნდა, პოლიტიკური ამნისტია გამოიცხადეს პარლამენტში, წინასწარ მოიმთავრა გახარიამ და ვიღაცებმა საქმე. ეგრე არ არის, ძმებო რა, ჩვენ რომ რაღაცებზე გავჩუმდით, რადგან „ნაციონალური მოძრაობა“ არის ყველაზე ეროვნული პარტია.ყველა დღე ვრწმუნდები ამაში. ყველაზე ნაკლებს ვლანძღავთ სხვას, სულ ვლაპარაკობთ ერთიანობაზე და შემდეგ ესენი იპრანჭებიან, რომ იცი, რა „ნაცებთან“ არა. რა „ნაცებთან“ არა, ბიჭო, 2013 წლის შემდეგ ჩვენ რომ გავიარეთ, ჩემმა პარტიის წევრებმა რომ გაიარეს, 10 000 კაცი რომ დაიბარეს პროკურატურაში, დევნა, ოფისები დაურბიეს ლანჩხუთში, ქუთაისში, ზესტაფონში, თბილისში. ჩვენი ხალხი არის ყველაზე მებრძოლი ხალხი, ყველაზე თავმდაბალი ხალხი და ვიღაცები დგანან, ორი დღის ოპოზიციაში მოსულები, სალომე ზურაბიშვილის გულისთვის ია კერზაია არ მოკლეს ზუგდიდში? თუ დაგვავიწყდა და არაფერზე უნდა ვილაპარაკოთ? ყველაფერს აქვს საზღვარი. ქვეყანას ვკარგავთ, თქვენი ბანერები, ბრენდები და ლიდერი ვარ – თუ ლიდერები ხართ, მაშინ საქმით გვანახეთ, ჩემთვის მთავარი ამოცანაა, ხალხთან იყოს ყველაზე მეტი კოორდინირება“, – განაცხადა ლევან ხაბეიშვილმა „ფორმულას“ ეთერში.

არგენტინა, ბუენოს-აირესი - ამ ქალაქში, სადაც ყველგან ფეხბურთის სუნია, ახლა ყველა ლეგენდარული ფეხბურთელის, მათი ღმერთის გარდაცვალების საქმეზე სასამართლოს გადაწყვეტილებას ელოდება.2020 წლის 25 ნოემბერს დიეგო არმანდო მარადონა გულის შეტევით საკუთარ სახლში გარდაიცვალა. არგენტინის პრეზიდენტმა ქვეყანაში სამდღიანი გლოვა გამოაცხადა.მარადონას გარდაცვალების მიზეზი დღემდე ბურუსით არის მოცული.სიკვდილამდე ორი კვირით ადრე 60 წლის მარადონას კანქვეშა ჰემატომის გამო ოპერაცია ჩაუტარდა. გამოძიება მას შემდეგ დაიწყო, რაც მარადონას ქალიშვილებმა ეჭვი შეიტანეს მამისთვის გაწეულ სამედიცინო დახმარებასა და ექიმის კვალიფიკაციაში. ლეოპოლდო ლუკეს კერძო კლინიკასა და საცხოვრებელ სახლში ჩხრეკა ჩატარდა. თავად ექიმმა განაცხადა, რომ დიეგო მარადონას გადასარჩენად ყველაფერი გააკეთა.დიეგო მარადონამ კლინიკა 12 ნოემბერს დატოვა და მკურნალობას სახლში განაგრძობდა. ექიმის ინფორმაციით, მარადონას რეაბილიტაციის ცენტრში გადაყვანა სჭირდებოდა, რაზეც მან კატეგორიული უარი თქვა.ფეხბურთის ლეგენდის გარდაცვალების საქმეზე სასამართლო პროცესი გასულ კვირას დაიწყო. სამედიცინო სფეროს 7 წარმომადგენელს ბრალად ედება დაუდევრობა, რამაც, შესაძლოა, ფეხბურთელის სიკვდილი გამოიწვია.პროკურორი პატრისიო ფერარი დიეგო მარადონას გარდაცვალების საქმესთან დაკავშირებით სასამართლოზე სიტყვით გამოვიდა. სხდომა ბუენოს აირესის გარეუბან სან-ისიდროში გაიმართა. ისაუბრა მტკიცებულებებზეც. ჩატარებულმა სისხლისა და შარდის ტესტებმა აჩვენა, რომ მარადონას აძლევდნენ რეცეპტით გამოწერილი წამლების კოქტეილს, რომლებიც გამოიყენება დეპრესიის, პანიკის შეტევებისა და ეპილეფსიის სამკურნალოდ. გავრცელდა ინფორმაციაც, რომ WhatsApp-ში იპოვეს შეტყობინება, სადაც მისი მკურნალი ექიმი ლეოპოლდო ლუკე წერდა: "ეს მსუქანი კაცი მალე მოკვდება."ბრალდებულთა შორის არიან მარადონას ნეიროქირურგი და პირადი ექიმი, ლეოპოლდო ლუკე, ფსიქიატრი და ფსიქოლოგი, ორი ექიმი, ორი ექთანი და მათი უფროსი. ყველა მათგანმა უარყო პასუხისმგებლობა ფეხბურთელის გარდაცვალებაზე. პროცესზე მარადონას ქალიშვილებმა ისიც თქვეს, რომ ექიმები ფეხბურთელს ცხოველებივით ეპყრობოდნენ. თუ ფეხბურთელი მკურნალი ექიმები დამნაშავედ ცნეს, მათ 25-წლამდე პატიმრობა ემუქრებათ. სასამართლო პროცესი, სავარაუდოდ, ივლისამდე გაგრძელდება.პროცესების პარალელურად, არეულობა იყო არგენტინაში. ლეგენდის თაყვანისმცემლები ქუჩებში გავიდნენ და დამნაშავეების დასჯას ითხოვენ.მანამდე კი იყო მთელი ეპოქა, რომელიც დიეგო მარადონამ შექმნა - ბიჭი ბურთით, რომელიც ბუენოს-აირესის ერთ-ერთ სტადიონზე ვარჯიშობს, წლების მერე თავს მთელ მსოფლიოს გააცნობს და ლეგენდარული ფეხბურთელი გახდება. ამ არგენტინელ ბიჭთან ერთად დაიბადება ფეხბურთი და ფეხბურთის ღმერთიც, რომელიც სამყაროს ბურთს შეაყვარებს.8 წლის ასაკში ბავშვთა მწვრთნელმა აღმოაჩინა, როდესაც თავისი უბნის გუნდში, "ესტრელა როხაში" თამაშობდა. მალევე "ლოს სებოლიტასში" ჩაირიცხა, "არხენტინოს ჯუნიორსის" ბავშვთა გუნდში. იმდენად კარგად თამაშობდა, რომ მწვრთნელებმა მისი ასაკი ვერ დაიჯერეს. უკვე 12 წლის ასაკში მაყურებელს თავისი ოსტატობით აოცებდა. თამაშობდა თავდამსხმელის პოზიციაზე.დიეგო არმანდო მარადონა ბუენოს-აირესის გარეუბანში დაიბადა. იზრდებოდა ღარიბ ოჯახში, რომელიც ჯერ კიდევ მის დაბადებამდე კორიენტესის პროვინციიდან ჩამოვიდა. ოჯახში მეოთხე შვილი და პირველი ვაჟიშვილი იყო.1971 წელს მისი გვარი გაზეთის ფურცლებზე პირველად მოხვდა. პირველი ოფიციალური შეხვედრა 16 წლისამ ჩაატარა. არხენტინო ხუნიორსის რიგებში მან ორი გოლი გაიტანა, ამ შეხვედრამ კი მთელი არგენტინა პატარა ფენომენზე აალაპარაკა.1978 წელს არგენტინამ მსოფლიო ჩემპიონატს უმასპინძლა, თუმცა იმ დროს მარადონა ნაკრებს მიღმა დარჩა. ეს გადაწყვეტილება ახალგაზრდა ფეხბურთელმა ძალიან განიცადა. არგენტინამ მსოფლიო ჩემპიონატი მოიგო.პირველი კლუბი "ბარსელონა" იყო, თუმცა დიეგოს კატალონიურ კარიერას წერტილი დაპირისპირების შემდეგ დაესვა.მერე იყო "ბოკა ხუნიორსი," მისი საყვარელი კლუბი.მარადონას საფეხბურთო თავგადასავალი "ნეაპოლში" გაგრძელდა, სადაც დიეგო არმანდო მარადონა 80-იან წლებში ჩადის. მარადონას ვარსკვლავური ერა აქედან იწყება.დიეგო მარადონამ ბოლოს "ნაპოლის" იტალიის ჩემპიონობა 1990 წელს მოაგებინა, 33 წლის შემდეგ კი ეს მხოლოდ ქართველმა ხვიჩა კვარაცხელიამ, როგორც მას ნეაპოლში ეძახიან- კვარადონამ შეძლო.1986 წელს მექსიკაში რიგით მე-13 მსოფლიო ჩემპიონატი გაიმართა. ინგლისის ნაკრებისთვის ხელით გატანილ ამ გოლს, რომელიც მსაჯს გამორჩა, თავად უწოდა ღმერთის ხელით გატანილი გოლი. ამ შეხვედრაში გატანილი მისი მეორე ბურთი მეოცე საუკუნის საუკეთესო გოლად ჩაითვალა. არგენტინამ მსოფლიო თასი მოიპოვა და დიეგოც სამშობლოში ფეხბურთის ღმერთად გადაიქცა.1991 წლის მარტში იტალიის ჩემპიონატის დროს მარადონამ დოპინგ ტესტი ვერ გაიარა. მას სისხლში აკრძალული ნივთიერება აღმოუჩინეს. ფეხბურთის ფედერაციამ მცირე ხნით მას მინდორზე გასვლაც აუკრძალა. დისკვალიფიკაციის შემდეგ, მარადონა ნეაპოლში აღარ გაჩერდა. ის ესპანურ "სევილიაში" გადავიდა. ბოლოს ისევ არგენტინას დაუბრუნდა. 1997 წელს კი საფეხბურთო კარიერა დაასრულა, ისევ თავის საყვარელ გუნდში.ფეხბურთთან სამუდამო განშორება გაუჭირდა და მწვრთნელი გახდა.დაწერა ავტობიოგრაფიული წიგნი - მე დიეგო. მარადონა არაორდინალური პიროვნება იყო.მეგობრობდა კუბის კომუნისტ ლიდერთან ფიდელ კასტროსთან და ვენესუელის მმართველთან უგო ჩავესთან, მოხიბლული იყო სოციალიზმის იდეებით. მისი ცხოვრება ქაოსით იყო მოცული და ხშირად სკანდალურ ამებებშიც ეხვეოდა. მას ალკოჰოლსა და ნარკოტიკებზე დამოკიდებულების გამოც მკურნალობდნენ.მარადონა რელიგიადაც გადაიქცა. მას აქ, არგენტინაში ამ დრომდე უამრავი თაყვანისმცემელი ჰყავს. ქალაქ როსარიოში მარადონას ეკლესიაც კი გაუხსნეს.არგენტინაში ახლა დიდიც და პატარაც ხმაურიანი სასამართლო პროცესების დასრულების მოლოდინშია. მარადონას სამშობლოშიც და მის ფარგლებს გარეთაც ყველა ელოდება, რომ გაიგოს ემსხვერპლა თუ არა ექიმების დაუდევრობას კაცი, რომელიც მსოფლიომ სამუდამოდ შეიყვარა.