ვიდეო: დაბადებიდან მესამე დღეს ბავშვი გარდაიცვალა… მერე გაჩნდა ეჭვი იმის შესახებ, რომ ეს ბავშვი არ გარდაცვლილა…“ – მამა საბა ტყუპისცალ შვილზე

"ტურბულენტობა თავისი გზით მიდის, ეკონომიკა მაინც ვითარდება", - ამის შესახებ ეროვნული ბანკის პრეზიდენტის მოვალეობის შემსრულებელმა, ნათია თურნავამ "ტვ იმედთან" ინტერვიუში განაცხადა. თურნავას მტკიცებით, საქართველოს ეკონომიკას ევროპელი ინვესტორები იმედით უყურებენ, ვინაიდან ქვეყნის ეკონომიკა და ფინანსური სექტორი მედეგია კრიზისების მიმართ. "დიდი იმედით უყურებენ ჩვენს ეკონომიკას გარე ინვესტორები, ევროპელი ინვესტორები. ახლახან მქონდა შეხვედრა ვენაში Raiffeisen Bank-ის ბანკის მოწვევით საკმაოდ დიდი საინვესტიციო ფორუმი იყო, 25-მდე სხვადასხვა საინვესტიციო ფონდი ესწრებოდა და ბევრიც ონლაინ იყო... რატომ არის ეს ინტერესი? იმიტომ რომ სჯერათ, რომ საქართველოს ეკონომიკა, საფინანსო სექტორი არის მედეგი კრიზისების მიმართ. მართლაც, ჩვენ გამოვიმუშავეთ იმუნიტეტი ყველანაირი უპასუხისმგებლო მოწოდების, მოლოდინების გაუარესების მცდელობის მიმართ და ტურბულენტობა თავისი გზით მიდის, ეკონომიკა მაინც ვითარდება, ფინანსური სექტორი სტაბილურია", - განაცხადა მან. ცნობისთვის, როგორც სებ-ი იტყობინება, ნათია თურნავამ რამდენიმე დღის წინ, ვენაში ინვესტორებთან შეხვედრაზე ყურადღება გაამახვილა "ქვეყნის მაკროეკონომიკური და ფინანსურ სტაბილურობის განმტკიცებასა და დოლარიზაციის შემცირების წარმატებულ პოლიტიკაზე".

20 იანვარს, საქართველოს მასშტაბით, უმეტესად თოვა და ღრუბლიანი ამინდია ნავარაუდევი. სინოპტიკოსების პროგნოზით, ყველაზე დაბალი ტემპერატურა, -7 გრადუსი გუდაურშია მოსალოდნელი. ამინდის პროგნოზი ქალაქების მიხედვით: გაგრა +7 - უმეტესად ღრუბლიანი სოხუმი +8 - უმეტესად ღრუბლიანი ზუგდიდი +7 - წვიმა მესტია -2 - უმეტესად მზიანი ფოთი +7 - უმეტესად ღრუბლიანი ბათუმი +6 - წვიმა ოზურგეთი +6 - წვიმა ქუთაისი +5 - წვიმა ამბროლაური +3 - თოვლი ახალციხე +1 - თოვლი ბორჯომი -3 - თოვლი ბაკურიანი -6 -თოვლი გორი +2 - უმეტესად ღრუბლიანი ცხინვალი +1 - უმეტესად ღრუბლიანი სტეფანწმინდა -3 - უმეტესად მზიანი გუდაური -7 - მზიანი თელავი +6 -მზიანი რუსთავი +9 - უმეტესად მზიანი თბილისი +6 - უმეტესად მზიანი

ყველამ ჩვენ ჩვენი საქმე ვაკეთოთ, ნუ გავხდებით ყველანი პოლიტიკოსები. მუსიკოსმა აკეთოს მუსიკა, პოლიტიკოსებმა პოლიტიკა. ყველას ვულოცავ დამდეგს და მინდა, რომ გამოფხიზლდნენ და გაახილონ თვალები. ელემენტარულია, ხომ, უფალმა მოგცა გონება. ვინ, როგორც იქცევა, თვითონ ამჟღავნებს თავის თავს“, – თქვა რომა რცხილაძემ “პრაიმ ტაიმთან” საუბრისას. მუსიკოსი რომა რცხილაძე გამოეხმაურა მუსიკოსთა ნაწილის იმ განცხადებებს, რომელთა აზრით მუსიკოსებმა არ უნდა მიიღონ მონაწილეობა საახალწლო კონცერტებში. „ჯანმრთელობის პრობლემების გამო, არა მხოლოდ კონცერტებში, არამედ, საახალწლო გადაღებებშიც ვერ ვიღებ მონაწილეობას. ყველას აზრს და პოზიციას პატივს ვცემ და იმავეს მოვითხოვ. ბულინგი არის მდაბიო ადამიანების, არაფრის გამკეთებელი ადამიანების არასწორი საქციელი. რა მნიშვნელობა აქვს, შენ საით ხარ, ვისი გჯერა და ვისი არ გჯერა. აქ ადამიანობაზე, აქ თავმოყვარეობაზეა საუბარი. კონცერტებზე არ წასვლა, ბულინგი ძალიან პატარა ადამიანებისთვისაა მახასიათებელი საქციელი. მე ვერასდროს გავუგებ და შევურიგდები ამ პოზიციას. ვინც არ უნდა იყოს, სულ რომ ჩემი ნათესავი იყოს, ნათლული იყოს, ძმაკაცი იყოს – თუ ჩემს პოზიციას პატივს არ სცემ, ე.ი. მე არ მცემ პატივს. ამ სიტუაციამ დამანახვა, ვინ ვინ არის. ღვთის წყალობით, ყველაფერი ზემოდან იმართება. მთელი ჩემი ცხოვრება მხარს ვუჭერ იქ, სადაც არის მშვიდობა და სადაც არის წინსვლა. ვინც გაიგებს ჩემს ხმას, მინდა ვუთხრა, რომ მოდით, გადავდოთ გვერდზე ყველამ ეს ბოღმა, პატივი ვცეთ ჩვენს პატრიარქს, ჩვენს ეკლესიას, ჩვენს სარწმუნოებას, ჩვენს ენას. ყველამ ჩვენ ჩვენი საქმე ვაკეთოთ, ნუ გავხდებით ყველანი პოლიტიკოსები. მუსიკოსმა აკეთოს მუსიკა, პოლიტიკოსებმა – პოლიტიკა. ყველას ვულოცავ დამდეგს და მინდა, რომ გამოფხიზლდნენ და გაახილონ თვალები. ელემენტარულია, ხომ, უფალმა მოგცა გონება. ვინ, როგორც იქცევა, თვითონ ამჟღავნებს თავის თავს“, – გვითხრა რომა რცხილაძემ.

აშშ-ში „ტიკ ტოკი“ ბრუნდება. როგორც „სიენენი“ წერს, თითქმის 12 საათის შემდეგ, რაც „ტიკ ტოკმა“ აშშ-ში მუშაობა შეწყვიტა, აპლიკაცია 170  მილიონი მომხმარებელისთვის ისევ ხელმისაწვდომი ხდება. „ტიკ ტოკზე“ შესულ ამერიკელ მომხმარებლებს კი ხვდებათ შეტყობინება, რომ ის აშშ-ის არჩეული პრეზიდენტის, დონალდ ტრამპის ძალისხმევის შედეგად დაბრუნდა. „კეთილი იყოს თქვენი დაბრუნება. მადლობა მოთმინებისა და მხარდაჭერისთვის. პრეზიდენტ ტრამპის ძალისხმევით, „ტიკ ტოკი“ ამერიკაში დაბრუნდა“, – ნათქვამია შეტყობინებაში. 19 იანვარს ტრამპმა განაცხადა, რომ ორშაბათს, ინაუგურაციის შემდეგ გამოსცემს ბრძანებას, რათა გადაავადოს „ტიკ ტოკის“ შესახებ კანონის აღსრულება. განცხადებიდან რამდენიმე საათში აშშ-ის მომხმარებლებისთვის „ტიკ ტოკის“ აპლიკაციასა და ვებგვერდზე წვდომა აღდგა. „ტიკ ტოკის“ მფლობელი კომპანიის მიერ გავრცელებულ განცხადებაში აღნიშნულია, რომ აპლიკაციის გადარჩენის შესახებ ტრამპის დაპირება საშუალებას აძლევს მათ, აღადგინონ აშშ-ის მომხმარებლების წვდომა, მოსალოდნელი აღმასრულებელი ბრძანების ხელმოწერამდეც კი. „ჩვენი სერვისის მომწოდებლებთან შეთანხმებით, „ტიკ ტოკი“ ახორციელებს მომსახურების აღდგენის პროცესს“, – ნათქვამია კომპანიის განცხადებაში. კომპანიაში ასევე მადლობას უხდიან ტრამპს და აცხადებენ, რომ ითანამშრომლებენ ტრამპთან ისეთი გადაწყვეტილების მოსაძებნად, რომ შეძლონ „ტიკ ტოკის“ შენარჩუნება ამერიკაში. „ტიკ ტოკის“ გარდა, გაუქმდა და აღარ იყო ხელმისაწვდომი​ ByteDance-ის სხვა აპლიკაციებიც, მათ შორის, ვიდეოს დამუშავების აპლიკაცია Capcut-ი და სოციალური აპლიკაცია Lemon8. ცნობისთვის, კანონი აპლიკაციის მფლობელ ჩინურ კომპანიას ავალდებულებს, „ტიკ ტოკი“ ან გაყიდოს, ან 19 იანვრიდან დაექვემდებაროს აპლიკაციის აშშ-ში აკრძალვას.

სოფი ლორენი, თეატრისა და კინოს იტალიელი მსახიობი, ამერიკული კინოაკადემიის ჯილდოს მფლობელი და საყოველთაოდ აღიარებული ვარსკვლავია. იგი არა მხოლოდ სილამაზისა და სტილის ეტალონად ითვლება, არამედ მე-20 საუკუნის საკულტო პიროვნებაცაა და დღემდე არ კარგავს აქტუალურობას. მისი გამოჩენის დღიდან მისი სტილი და ჩაცმულობა მთელ მსოფლიოში მილიონობით ქალმა გადაიღო. მსახიობის წარმატება სილამაზის კონკურსით დაიწყო, როცა დედამისმა ქუჩაში განცხადება ნახა: "გინდა, გახდე ზღვის პრინცესა? მიიღე მონაწილეობა კონკურსში!" მან შვილს გამოცხადებულ კონკურსში მონაწილეობა ურჩია, სადაც სოფიმ მეორე ადგილი დაიმსახურა. სწორედ ამის შემდგომ დაიწყო კინოკარიერა. 1950-იანი წლების დასასრულს მან ითამაშა ფილმებში: "ბიჭი დელფინზე" და "სიამაყე და ვნება", სადაც თამაშობდა კერი გრანტთან და ფრენკ სინატრასთან ერთად. ლორენს და გრანტს ჰქონდათ რომანი, რომელიც ჰოლივუდის ისტორიაში ერთ-ერთ ყველაზე რომანტიკულ რომანადაა მიჩნეული.     პირადი ცხოვრება შეიძლება ითქვას, რომ სოფი სამსახიობო კარიერას დედას, რომილდას უნდა უმადლოდეს. დედამისმა თავის დროზე ხელიდან გაუშვა შანსი, ჰოლივუდში გადაეღოთ და სურდა, რომ მისი ოცნება ქალიშვილს ახდენოდა. სწორედ რომილდამ მიიყვანა გოგონა სილამაზის კონკურსზე, სადაც სოფიმ მოიგო პრიზი - ნეაპოლიტანურ სკოლაში სამსახიობო დაოსტატების კურსები და ორი ბილეთი რომში. სწორედ რომილდა სთხოვდა სოფის, წასულიყო კინოსინჯებზე იტალიის დედაქალაქში და ამით ორი კურდღელი დაეჭირა - მიეღო როლი და ეშოვა ფული, რომელიც გადარჩენისთვის ასე ძალიან სჭირდებოდა ოჯახს.   რომილდა დაჟინებით უნერგავდა სოფის მამაკაცების მიმართ სიძულვილს. გოგონას მამამ რომილდა ჯერ კიდევ ორსულობის დროს მიატოვა, თუმცა სინდისის ქენჯნის გამო ქალიშვილს თავისი გვარი - შიკოლონე მისცა.     ჯერ კიდევ ბავშვობაში სოფიამ კეთილგონიერება გამოიჩინა და არ კიცხავდა დედას, რადგან ესმოდა, რომ ქალი დანგრეული ცხოვრების გამო იყო სიძულვილითა და სიბრაზით სავსე. დიდი ხნის განმავლობაში სოფი თანაკლასელებისგან იტანდა დამცირებასა და დაცინვას იმის გამო, რომ მამამ მიატოვა. მაგრამ მან მამას აპატია, თუმცა გულში დარჩა ზრუნვისა და სიყვარულის უკმარისობა, რომელიც შემდეგ ქმართან იპოვა.   თავდაპირველად სთავაზობდნენ მონაწილეობას რეკლამებსა და მსუბუქ ეროტიკაში. უფულობის გამო სოფი იძულებული იყო, მსგავს ფილმებში მიეღო მონაწილეობა, მაგრამ რომილდა კატეგორიული წინააღმდეგი გახლდათ. მოგვიანებით პროდიუსერმა კარლო პონტიმ ყველა ფირი შეისყიდა „სამარცხვინო წარსულით" და სოფი თავის პროფესიონალური მეურვეობის ქვეშ მიიღო. 16 წლის ლამაზმანისა და 38 წლის შემდგარი მამაკაცის შეხვედრამ ორივეს ცხოვრება გადაატრიალა.   "ერთმანეთს რომში, სილამაზის კონკურსზე შევხვდით. 16 წლის ვიყავი. ის კი ჟიურიში იჯდა. მომიახლოვდა, მეგობართან ერთად ვიყავი და მითხრა, რომ სილამაზის კონკურსში მონაწილეობის მისაღებად მიწვევდა. მართლაც მივიღე მონაწილეობა და მეორე ადგილზე გავედი. თავიდან ვმეგობრობდით. 19 წლის რომ გავხდი ყველაფერი შეიცვალა. ერთმანეთი მართლა შეგვიყვარდა..." - იხსენებდა მსახიობი. მაშინ კარლო პონტი დაქორწინებული იყო და 2 შვილი ჰყავდა. 1954 წელს ის და სოფი ლორენი ფილმის "ქალი მდინარესთან" გადასაღებ მოედანზე კვლავ შეხვდნენ ერთმანეთს. ფილმის "სიამაყე და ვნება" გადასაღებ მოედანზე სოფი ლორენი კოლეგას, კერი გრანტს დაუახლოვდა. მაშინ მსახიობი 22 წლის იყო. "კერის ჩემზე დაქორწინება უნდოდა, მაგრამ კარლოს მიტოვება მომიწევდა. საშინლად მეშინოდა მისი რეაქციის, იტალიიდან რომ წავსულიყავი." - გაიხსენა ლორენმა.   წყვილი 1957 წელს მექსიკაში ფარულად დაქორწინდა. თუმცა, მათმა პირველმა ქორწინებამ 5 წელს გასტანა. კარლო პონტი ორჯერ დაქორწინებაში დაადანაშაულეს, რაც იტალიის კანონმდებლობის მიხედვით, ისჯებოდა. ამიტომაც, სოფი ლორენი და კარლო პონტი ერთმანეთს დაშორდნენ. მაშინ მამაკაცი ოფიციალურ ქორწინებაში ჯერ კიდევ პირველ მეუღლესთან იყო. პირველ მეუღლესთან განქორწინებას უამრავი დრო და პროცედურა დასჭირდა. პროცესი საბოლოოდ 1965 წელს დასრულდა. "ერთადერთი, რასაც ცოტა ვნანობ, არის ის, რომ თეთრი კაბა ვერასოდეს მოვირგე. ეს მთელი ჩემი ცხოვრების ოცნება იყო, რომელიც დღემდე ცხოვრობს ჩემში." - აღიარა ლორენმა.