„ესტონეთი თუ ნებისმიერი სხვა, რომელიც სხვა სახელმწიფოს პოლიტიკაში უხეშად ჩარევას კადრულობს, მსოფლიო დღის წესრიგს უპირისპირდება“ – გურამ მაჭარაშვილი

ბულგარელი ნათელმხილველის, ვანგას ერთ-ერთი პროგნოზით,  კაცობრიობა 5079 წლამდე არ განადგურდება,- წერს New York Post . მისტიური მკურნალი 1996 წელს გარდაიცვალა, მაგრამ მისი მიმდევრები ჯერ კიდევ ელიან სიკვდილამდე მის მიერ გაკეთებულ წინასწარმეტყველებებს. ვანგას პროგნოზები - კაცობრიობის დასასრულის ვადები ნათელმხილველის მიერ გაკეთებული პროგნოზების თანახმად, კაცობრიობა სხვადასხვა წლებში ელის: 2025 წელი - ევროპაში კონფლიქტი გაანადგურებს კონტინენტის მოსახლეობას; 2028 - ადამიანები დაიწყებენ ვენერას შესწავლას, როგორც ენერგიის წყარო; 2033 წელი - პოლარული ყინულის ქუდები დნება, რის გამოც მთელს მსოფლიოში ზღვის დონე ამაღლდება უზარმაზარ სიმაღლეებამდე; 2076 წელი - კომუნიზმი გავრცელდა მსოფლიოს ქვეყნებში; 2130 - ადამიანები დაუკავშირდებიან უცხოპლანეტელებს; 2170 - გვალვა ანადგურებს მსოფლიოს უმეტეს ნაწილს; 3005 წელი - დედამიწა ომში წავა მარსის ცივილიზაციასთან; 3797 - ადამიანებს მოუწევთ დედამიწის დატოვება, რადგან ის საცხოვრებლად აღარ ვარგა; 5079 - სამყარო დასრულდება.

27 იანვარს ქალაქ ხარკოვში მეორე მიწისქვეშა სკოლა გაიხსნა. ახლა აქ 750 ბავშვი სწავლობს, მშენებლობის მეორე ეტაპის დასრულების შემდეგ კი მოსწავლეთა რაოდენობა ათასამდე გაიზრდება. ამის შესახებ ქალაქის მერი, იგორ ტერეხოვი „ტელეგრამ-არხზე“ წერს. მიწისქვეშა სკოლა ქალაქ ხარკოვის ნოვობავარსკის რაიონში. 2025 წლის 27 იანვარი რომან კრივკო / უკრაინის საზოგადოებრივი მაუწყებელი - ხარკოვი (Suspilne Kharkiv) „დღეს ერთმა ბიჭმა თქვა: „აქ უკეთესია, ვიდრე სახლში“. თავიდან ვერ მივხვდი, მისი ნათქვამი როგორ უნდა მიმეღო. მხოლოდ შემდეგ გავაცნობიერე, რომ ეს, ალბათ, უმაღლესი ქებაა. ეს ნიშნავს, რომ ჩვენ შევქმენით ადგილი, სადაც ბავშვები თავს დაცულად და ბედნიერად გრძნობენ. თუმცა, მტკივნეული რეალობაც არსებობს - აქ სწავლობენ ბავშვები, რომლებმაც დაწყებითი სკოლა უკვე დაამთავრეს, მაგრამ უშუალოდ, ცოცხლად პირველად ხედავენ ერთმანეთს. კოვიდმა და ომმა მათ ნორმალური სწავლის შესაძლებლობა წაართვა. ამიტომ არის ეს ამბავი ერთდროულად სასიხარულოც და სევდიანიც... მაგრამ ყველაზე მნიშვნელოვანი ის არის, რომ ისინი ახლა ერთად არიან“, - წერს ხარკოვის მერი. მიწისქვეშა სკოლა ქალაქ ხარკოვის ნოვობავარსკის რაიონში. 2025 წლის 27 იანვარი იგორ ტერეხოვი / „ტელეგრამი“ მიწისქვეშა სკოლა ქალაქ ხარკოვის ნოვობავარსკის რაიონში. 2025 წლის 27 იანვარი იგორ ტერეხოვი / „ტელეგრამი“ „სკოლის მშენებლობა საერთაშორისო პარტნიორებმა და ტაივანის მთავრობამ დააფინანსეს“, - აღნიშნა ტერეხოვმა. მეცადინეობა მიწისქვეშ ხარკოვსა და ხარკოვის ოლქში ხარკოვის მეტროპოლიტენის რამდენიმე სადგურში საბავშვო ბაღი და სკოლა ფუნქციონირებს. ხარკოვის პირველმა მიწისქვეშა სკოლამ ფუნქციონირება 2024 წლის მაისში დაიწყო. სკოლას აქვს 20 კლასი, სადაც 600 ბავშვს შეუძლია სწავლა. „ქალაქის ხელისუფლება ხარკოვში კიდევ ექვსი მიწისქვეშა სკოლის აშენებას გეგმავს“, - ამბობს ხარკოვის მერი. მიწისქვეშა თავშესაფრებში მეცადინეობა ბერესტინის, ბლიზნიუკოვკასა და პეჩენიზკას დასახლებებშიც მიმდინარეობს. 2024 წლის სექტემბერში ხარკოვის ოლქის სამხედრო ადმინისტრაციის უფროსმა, ოლეგ სინეგუბოვმა განაცხადა, რომ რეგიონში კიდევ 16 მიწისქვეშა სკოლის პროექტი მუშავდება.

ეზოტერიკოსი გოგა მანია სოციალურ ქსელში ახალ წინასწარმეტყველებას ავრცელებს. როგორც ეზოტერიკოსი ამბობს, ბათუმში დაკარგულ ალექსანდრე მიქელაძეს იპოვიან.

აშშ-ის პრეზიდენტმა, დონალდ ტრამპმა გამოსცა ახალი აღმასრულებელი განკარგულება, რომელიც ტრანსგენდერი პირებისთვის სამხედრო სამსახურს ზღუდავს. განკარგულების თანახმად, შეიარაღებული ძალების მისიაა ამერიკელი ხალხისა და სამშობლოს დაცვა. განკარგულებაში ნათქვამია, რომ ამ მისიის შესრულება მოითხოვს მკაცრ ფოკუსირებას მეომრის სულისკვეთების განვითარებაზე. განკარგულებაში ასევე აღნიშნულია, რომ „გენდერული იდენტობის“ გამოხატვა, რომელიც განსხვავდება პირის სქესისგან, ვერ აკმაყოფილებს სამხედრო სამსახურისთვის საჭირო მკაცრ სტანდარტებს. „მამაკაცის მტკიცება, რომ ის არის ქალი და მისი მოთხოვნა, რომ სხვებმა პატივი სცენ ამ სიცრუეს, არ შეესაბამება სამხედრო მოსამსახურისგან მოთხოვნილ თავმდაბლობასა და თავგანწირვას“, – ნათქვამია დონალდ ტრამპის ბრძანებაში. ამასთან, ტრამპის აღმასრულებელ ბრძანებაში აღნიშნულია: „ბოლო დროს შეიარაღებულ ძალებზე ზეგავლენას ახდენს რადიკალური გენდერული იდეოლოგია იმ აქტივისტების დასაკმაყოფილებლად, რომელთაც არ აინტერესებთ სამხედრო სამსახურის მოთხოვნები, როგორიცაა ფიზიკური და ფსიქიკური ჯანმრთელობა, თავგანწირვა და ერთიანობა“. განკარგულებაში ასევე ვკითხულობთ: „პიროვნების სქესისგან განსხვავებული ყალბი „გენდერული იდენტობის“ გამოხატვა ვერ დააკმაყოფილებს სამხედრო სამსახურისთვის საჭირო მკაცრ სტანდარტებს. შეიარაღებულმა ძალებმა უნდა დაიცვან ფსიქიკური და ფიზიკური ჯანმრთელობის მაღალი სტანდარტები, რათა უზრუნველყონ, რომ ჩვენს სამხედრო ძალებს შეუძლიათ განლაგება, ბრძოლა და გამარჯვება, მათ შორის მკაცრ პირობებში“. თავდაცვის მდივანს დაევალა, 60 დღის ვადაში განაახლოს სამხედრო სამსახურის სამედიცინო სტანდარტები ამ ბრძანებულების მიზნებისა და პოლიტიკის შესაბამისად. ასევე, უნდა გამოიცეს დირექტივები „გამოგონილი და იდენტიფიკაციაზე დაფუძნებული ნაცვალსახელების“ გამოყენების დასასრულებლად. განკარგულების თანახმად, იკრძალება შეიარაღებულ ძალებში მამრობითი სქესის პირების მიერ ქალებისთვის განკუთვნილი საძინებელის, გამოსაცვლელის, თუ საშხაპე ობიექტების გამოყენება და პირიქით, გარდა განსაკუთრებული ოპერატიული აუცილებლობის შემთხვევებისა.

სამხრეთ კორეის ქალაქ ბუსანის აეროპორტში Airbus-ის თვითმფრინავს ცეცხლი გაუჩნდა, რის გამოც ბორტზე მყოფი 176 ადამიანის ევაკუაცია განხორციელდა. მეხანძრე-მაშველების თქმით, შემთხვევის შედეგად სამი ადამიანი დაშავდა. გავრცელებული ინფორმაციით, ხანძარი აფრენამდე რამდენიმე წუთით ადრე გაჩნდა და თვითმფრინავის კორპუსში სწრაფად გავრცელდა. ხანძრის გამომწვევი მიზეზი, ამ ეტაპზე უცნობია. დაწყებულია გამოძიება.