ეკა სეფაშვილი – 12 რეკომენდაცია პოლიტიკური გადაწყვეტილება იყო, უკრაინასა და მოლდოვას მიეცათ ანალოგიური რეკომენდაციები სტატუსის მინიჭების შემდეგ, ჩვენ კი წინასწარ, სტატუსის მისაღებად

ჩვენ ხშირად არასწორი სიხარული გვაქვს უფრო მიწიური მოვლენების გამო, რაც ჩვენ სულიერ მდგომარეობაზე მიუთითებს, რომ ვერ ვგრძნობთ ნამდვილ სულიერ სიხარულს, იმიტომ, რომ ჩვენი სიხარულის მიზეზები ხშირად არის ხოლმე ქრისტიანული ცხოვრებისთვის უღირსი. უფრო მიწიური ღირებულებების გამო ვხარობთ და თუ ღვთისმშობლის შობა, მიზეზი დედაღვთისმშობლის მოვლინებისა არის ჩვენი სიხარულიც, მაშინ ეს არის რისკენაც მოგვიწოდებს უფალი, - ამის შესახებ უწმინდესმა და უნეტარესმა, სრულიად საქართველოს კათოლიკოს-პატრიარქმა, შიო III-მ ბათუმის საკათედრო ტაძარში, ყოვლადწმინდა ღვთისმშობლის შობის დღესასწაულთან დაკავშირებული წირვის შემდეგ, ქადაგებისას განაცხადა.ამასთან, პატრიარქის თქმით, “როდესაც ადამიანი მისი ცოდვებისგან გამოწვეულ სულიერ ტკივილს ვეღარ გრძნობს, ეს ძალიან მძიმე მდგომარეობაა და ჩვენ ამაზე უნდა დავფიქრდეთ”.“გილოცავთ ღვთისმშობლის შობის დიდებულ დღესასწაულს. ჩვენ საქართველოში განსაკუთრებული სიხარულით აღვნიშნავთ ყოველთვის ყოვლადწმინდა ღვთისმშობლის დღესასწაულებს, მათ შორის შობასაც, რადგან ჩვენი ერი არის წილხვედრი დედა ღვთისმშობლის. ჩვენ მას ვადიდებთ, ვამბობთ და თაყვანს ვცემთ ამისთვის, რადგან ინება, რომ მისი წილმხვდომელი ყოფილიყო ჩვენი სამშობლო, ჩვენი ერი. დიდება და მადლობა უფალს, რომ მთელი ჩვენი ისტორიის განმავლობაში დედა ღვთისმშობელი გვმფარველობს ჩვენ და მისი მფარველობა დღესაც გრძელდება. ის მფარველობს ჩვენ ეკლესიას, ჩვენ ერს და ყოველ ჩვენგანს. დღეს ხარობს ცა და მიწა და ამ სიხარულზე გალობს წმინდა ეკლესია.ყოვლად წმინდა ღვთისმშობლის შობის ტროპარში წერია, „შობამან შენმა ღვთისმშობელო ქალწულო სიხარული აუწყა ყოველსა სოფელსა“- მთელ მსოფლიოს ეუწყება ეს სიხარული. სიხარული იმისა, რომ უფალმა მოავლინა დედა ღვთისმშობელი ამა ქვეყანას, რომელიც გახდა დედა განკაცებული ძე ღმერთისა სოფლის მხსნელისა. ჩვენ ძვირფასო დებო და ძმებო, როდესაც გვესმის ასეთი სიხარულის უწყება საეკლესიო დღესასწაულებზე, საეკლესიო ლოცვებში, ყოველთვის უნდა შევამოწმოთ ჩვენი თავი, რა გვიხარია, რა გვწყინს ვხარობთ თუ არა ჩვენ სულიერი სიხარულით, იმიტომ, რომ ჩვენი სიხარულის მიზეზები ხშირად არის ხოლმე ქრისტიანული ცხოვრებისთვის უღირსი. უფრო მიწიური ღირებულებების გამო ჩვენ ხშირად ვხარობთ და თუ ღვთისმშობლის შობა, მიზეზი დედაღვთისმშობლის მოვლინებისა არის ჩვენი სიხარულიც, მაშინ ეს არის რისკენაც მოგვიწოდებს უფალი. ვიმეორებ: ჩვენ ხშირად არასწორი სიხარული გვაქვს უფრო მიწიური მოვლენების გამო, რაც ჩვენ სულიერ მდგომარეობაზე მიუთითებს, რომ ვერ ვგრძნობთ ნამდვილ სულიერ სიხარულს.თქვენ, ალბათ, შეგიმჩნევიათ, საკმარისია გავიელვოთ გულში, უმართებულო სირცხვილი ჩვენი რწმენის გამო ან რაღაც გულცივობა და გულგრილობა გამომავლინოთ, ეს სიხარული შენში იკარგება, თითქოს მადლი გშორდება. მოძღვრები დამეთანხმებიან, ზოგჯერ ადამიანები მოდიან აღსარებაზე, ისე ამბობენ აღსარებას გულგრილად და გულცივად ძალიან შორს არის ეს ნამდვილი სინანულისაგან და ქრისტიანული განწყობისგან. ანდა ხშირად გვსმენია, რომ ადამიანები ამბობენ, ”არ მახსოვს ჩემი ცოდვები ან არაფერს ვცოდავ ისეთს“ - ვერ გრძნობენ თავის ცოდვებს.წმინდა მამები გვასწავლიან, რომ ეს უგრძნობელობა ძალიან მძიმე მდგომარეობა ყოფილა. მაგალითად, ღირსი ეფრემ ასურელი წერს, „ერიდეთ ამ გაქვავებულ უგრძნობლობას“ იმიტომ, რომ ეს არის უკიდურესი დაცემა, როდესაც ადამიანი ვეღარ გრძნობს ტკივილს თავისი ცოდვებისა და კარგავს ღვთის შიშს. ადამიანს როდესაც ფიზიკურად სტკივა, ჩვენ ყოველთვის გვახსოვს ეს ტკივილი და ვცდილობთ განვიკურნოთ მალე, როდესაც ადამიანი სულიერ ტკივილს ვეღარ გრძნობს, მისი ცოდვებისგან გამოწვეულს, ეს ძალიან მძიმე მდგომარეობაა და ჩვენ ამაზე უნდა დავფიქრდეთ, გვაქვს თუ არა ასეთი უგრძნობლობა. ამრიგად დღევანდელ დღეს ამაზე ვიფიქროთ.თუ ჩვენთვის ღვთისმშობლის შობის დღესასწაული არის პირადი სიხარული ჩვენ ვართ სწორ გზაზე და თუ ასეთი მდგომარეობა არ გვაქვს, ჩვენ და ვერ ვგრძნობთ სულიერ სიხარულს. გონს უნდა მოვიდეთ, გამოვსწორდეთ და ვევედროთ უფალს, გვიხსნას ამ გაქვავებული უგრძნობლობისგან და გვასწავლოს, როგორ გვიხაროდეს და გვწყინდეს ისე, როგორც შეეფერება ქრისტიანულ ცხოვრებას“, - აღნიშნა პატრიარქმა.

რუსეთის ცენტრალური საარჩევნო კომისიის თავმჯდომარის ელა პამფილოვას განცხადებით, საპარლამენტო არჩევნების წინასწარი შედეგებით, პარტია „ედინაია რასიას“ სახელმწიფო დუმაში 355 ადგილი ექნება.როგორც „ბიბისი“ აღნიშნავს, ეს იმაზე მეტი ადგილია, ვიდრე რუსეთის მიერ უკრაინის წინააღმდეგ ომის დაწყებამდე იყო. 2021 წელს „ედინაია რასიამ“ 324 მანდატი მიიღო.რუსეთის ცენტრალური საარჩევნო კომისიის ინფორმაციით, საარჩევნო ოქმების 95.18%-ის დათვლის შემდეგ, ვლადიმერ პუტინის პარტიამ, „ედინაია რასიამ“ ხმების 57.83% მიიღო. 13.81%-ით მეორე ადგილზე გავიდა რუსეთის ფედერაციის კომუნისტური პარტია (КПРФ), 8.98%-ით მას მოჰყვება „ლიბერალ-დემოკრატიული პარტია“ (ЛДПР), შემდეგ კი „ახალი ხალხი“ 7.96%-ით.პარტია „იაბლოკო“, რომელიც უკრაინაში ომის დასრულებას ემხრობა და ამ პოზიციით ერთადერთი პარტიაა, რუსეთის უზენაესმა სასამართლომ არჩევნებიდან მოხსნა.ელა პამფილოვას განცხადებით, სახელმწიფო დუმის არჩევნებზე ამომრჩეველთა აქტივობამ 59.32% შეადგინა.

მთავარი, რაც აფხაზებს აწუხებთ – ეს არის იზოლაცია. მათ არ უყვართ ქართველები და გულწრფელები ვიყოთ, არც ჩვენ არ გვიყვარს აფხაზები და ეს ბუნებრივია, – ამის შესახებ კოალიცია „ცვლილებისთვის“ ერთ-ერთმა ლიდერმა, ნიკა გვარამიამ ერთ-ერთ იუთუბ გადაცემაში განაცხადა.წამყვანის შეკითხვაზე, „სოხუმიდან ხართ და ვიცი თქვენი პოზიცია, რომ აფხაზეთის დაბრუნების გზად ხედავთ საქართველოს ევროკავშირში გაწევრიანებას, ეკონომიკურ ზრდას და გაუმჯობესებულ პირობებს. რატომ ხართ დარწმუნებული, რომ ეს გზა მოიყვანს აფხაზებს ჩვენამდე. რა განწყობები აქვთ, თუ გაქვთ კონტაქტი?“, გვარამიამ აღნიშნა, რომ აფხაზები და ქართველები არიან მტრები და მტრობა ვერ შეიცვლება სიყვარულით.„დარწმუნებული როგორ უნდა ვიყო, მაგრამ ვფიქრობ, რომ ყველაზე მაღალი ალბათობით, ეს გზა არის სწორი. ამ განწყობებს საჯაროდ ჩვენ ვერასდროს ვნახავთ, მაგრამ მე გეტყვით, მთავარი, რაც აწუხებთ აფხაზებს – ეს არის იზოლაცია. მათ არ უყვართ ქართველები და გულწრფელები ვიყოთ, არც ჩვენ არ გვიყვარს აფხაზები და ეს ბუნებრივია. არ მოვიტყუოთ თავი და ერთმანეთსაც ნუ ვატყუებთ, რომ რაღაცა ძმები და ასე შემდეგ, არ ვფიქრობთ ჩვენ ასე და არც არის ეს ასე. ჩვენ ამ წუთში ვართ მტრები. მტრობა ვერ შეიცვლება სიყვარულით, ეს არ ხდება, არსად არ მომხდარა. მამაჩემისგან ვისწავლე, რომ მთავარი სიქველე არის ზომიერება. ნულიდან 100 გრადუსზე ახტომაზე ვლაპარაკობთ ისევ, ამ შემთხვევაში უკვე მინუს გამყინვარების ტემპერატურიდან ღუღილის ტემპერატურამდე ასვლაზე. არ ხდება ეს ასე. მტრების თანაცხოვრება შეიძლება, საერთო ინტერესით იყოს განპირობებული. დროთა განმავლობაში შეიძლება, ეს გადაიქცეს კარგ ურთიერთობად და მერე უკვე სიყვარულად, ოღონდ თაობები რომ წავა, იქაც რომ ახალი თაობები იქნება და აქაც. რა არის ერთიანი ინტერესი, ერთიანი ინტერესი არის – საქართველოს ინტერესი გასაგებია, ყველაფერთან ერთად ტერიტორიული მთლიანობა, ეს მუდმივად იარსებებს, მაგრამ მინდა, ფურცელზე არ დარჩეს ეს ინტერესი.ისტორიული მეხსიერების პრობლემა როცა დგება – ძაან ვერაგი რამ არის. ისტორიული მეხსიერებიდან რაღაც რომ გადის, მერე უკვე ძალიან ცოტაა შანსი, რაიმე პოზიტიური მოხდეს. ჩვენ ახლა ვერ ვგრძნობთ ამას, მაგრამ 20 წელიწადში ძალიან სერიოზული კრიზისის წინაშე ვიდგებით ამ თვალსაზრისით. 10 წლის ბავშვებს ვკითხოთ და ა.შ. მივხვდებით, რა საშიშროების წინაშე ვდგავართ. ნუ ვიტყუებთ თავს, არ არის ეს კარგი. ნურც იმით ვიტყუებთ თავს, რომ როგორც კი ყველაფერი დასრულდება, რუსეთი დაიშლება, უკრაინა ომში გაიმარჯვებს და აფხაზები გაიქცევიან, არ მოხდება ეს ასე. სპეცოპერაციას დავარქმევთ, თუ რას დავარქმევთ, ყველაფერი, სადაც იარაღი ჟღარუნებს, ქართველი ხალხის შეფასებით, არის ომი. თუ ვამბობთ, რომ ეს გზა მისაღებია, უნდა ვთქვათ ღიად, რომ „შეიარაღებული გზა არის ჩემი აზრით სწორი“. შეიარაღებული გზა ყოველთვის მსხვერპლია, ეს უნდა ვთქვათ. ხალხს თუ ვეუბნებით ასეთ მნიშვნელოვან თემაზე ასეთ მნიშვნელოვან გადაწყვეტილებაზე, მათი ჩართულობა ხომ უნდა იყოს ამგვარ გადაწყვეტილებაში, თანხმობა ხომ უნდა მოგვცენ ამ გადაწყვეტილებაზე. ეს თანხმობა იმას კი არ ნიშნავს, შენ წადი და იომე. ნიშნავს, რომ ყველას შეიძლება, ეს მოუწიოს. ეს არის საზოგადოება, რომელსაც ომი ნანახი აქვს, გადმოცემით ხომ არ ვიცით.მგონია, რომ ევროკავშირი, რომელსაც ამბიცია აქვს ახლა და იმ დროისთვის უფრო მეტი ექნება, რომ მთავარ პოლიტიკურ ძალად ჩამოყალიბდეს მსოფლიოში, მათ შორის კონფლიქტთა მოგვარების ნაწილში, რომელიც ახლა აახლებს კვიპროსის თემას. ეს გაცილებით ჩვენზე მძიმე დაპირისპირება იყო თავის დროზე. გაცილებით თუ არა, მაინც ჩვენზე მძიმე დაპირისპირება, ბერძნული და თურქული მხარის დაპირისპირება, მათ შორის ეთნიკური. არ იყო მხოლოდ ეთნიკური დაპირისპირება, იქაც თურქეთი იყო ჩარეული და აქეთ საბერძნეთი. არ იყო მხოლოდ კვიპროსის ორი მხარე.იმის უარყოფაც არ შეიძლება, რომ ჩვენ და აფხაზებიც ვომობდით. გასაგებია, რომ რუსეთის ომია ეს, ბუნებრივია, ყველგან რუსეთის ომია, მაგრამ აფხაზებიც ომობდნენ, მარტო რუსები და ჩეჩნები არ იყვნენ. აფხაზები პრაქტიკულად მთელი ერი იბრძოდა ხო, ამიტომ გვაქვს ჩვენ ეს ურთიერთზიზღი და ურთიერთშუღლი ბუნებრივად განპირობებული. აი, ამ ყველაფრით განპირობებული, მაგრამ, მე მგონია, რომ ევროკავშირი ძალიან ამბიციურად ჩაერთვება ამაში ყველაფერში და საქართველოს გაწევრებაც გამარტივდება ამ გზით და კონფლიქტის მოგვარებაც გამარტივდება გაწევრებით. ეს ურთიერთდამხმარე ორი პროცესი იქნება“, – განაცხადა ნიკა გვარამიამ.

მართლმადიდებელი ეკლესია ღვთისმშობლობის დღესასწაულს აღნიშნავს.21 სექტემბერს, ღვთისმშობლის შობის დღესასწაულზე, საქართველოს ეკლესიებში საზეიმო წირვა ჩატარდება.ყოვლადწმინდა ღვთისმშობლის შობის დღესასწაულზე უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი შიო III წირვას აღავლენს ბათუმის საკათედრო ტაძარში. ღვთისმსახურება 10:00 საათზე დაიწყება.

იტალია სკოლებში სახის დამფარავი სამოსის ტარების აკრძალვასა და კლასებში უცხოელი მოსწავლეების რაოდენობის შეზღუდვას გეგმავს,- Reuters-ის ინფორმაციით, ამის შესახებ იტალიის პრემიერ-მინისტრმა ჯორჯია მელონიმ განაცხადა."მალე მინისტრთა კაბინეტს წარედგინება ზომა, რომელიც ლეგალურად განსაზღვრავს კლასში უცხოელი სტუდენტების მაქსიმალურ რაოდენობას. ის ასევე მოითხოვს, რომ იმ უცხოელი სტუდენტების მშობლებმა, რომლებსაც სერიოზული სირთულეები აქვთ სასკოლო სისტემაში ინტეგრაციის კუთხით, იტალიური ენა ისწავლონ და კრძალავს სკოლებში ბურქასა და ნიქაბს“, - განაცხადა მელონიმ თავისი პარტიის “იტალიის ძმების” ახალგაზრდული ფრთის ყოველწლიურ შეკრებაზე.მისი თქმით, თუ კლასში მხოლოდ ერთი ბავშვია, რომელმაც იტალიური არ იცის, ის შეძლებს ენის შესწავლას და სწრაფ ინტეგრაციას თანაკლასელებისა და მასწავლებლების დახმარებით. თუმცა, თუ იმ ბავშვების რაოდენობა, რომლებსაც ენა არ ესმით, დიდია, ან თუნდაც უმრავლესობას შეადგენს - “ეს უკვე აღარ არის ინტეგრაცია; ეს დაუდევრობაა“.მელონის არ დაუკონკრეტებია, თუ რა იქნება უცხოელი მოსწავლეების მაქსიმალური რაოდენობა კლასში. ამასან, მისი თქმით, ახალგაზრდა ქალები სკოლაში სახის დაუფარავად უნდა დადიოდნენ.„სკოლაში სახის დაუფარავად უნდა იაროთ; იტალიაში კი ვერავინ, რაიმე რეალური თუ შესაძლო ტრადიციის სახელით, ვერ გადაწყვეტს, რომ ახალგაზრდა ქალმა საკუთარი თავი უნდა დამალოს“, - განაცხადა მელონიმ.ცნობისთვის, კვლევითი ორგანიზაცია Fondazione ISMU-ს მონაცემებით, მოსწავლეები, რომლებიც იტალიის მოქალაქეები არ არიან, იტალიურ სკოლებში ჩარიცხულთა 11.6%-ს შეადგენენ.