ეკა მურვანიძეს საზოგადოების მხარდაჭერა სჭირდება

დღეს ჩვენ ზუგდიდში ვხსნით სპორტულ კომპლექსს, რაც ნიშნავს ახალი შესაძლებლობების შექმნას ზუგდიდისთვის, ამ რეგიონისთვის და, რაც მთავარია, ჩვენი მომავალი თაობებისთვის, ახალგაზრდებისთვის, – ამის შესახებ პრემიერ-მინისტრმა ირაკლი კობახიძემ ზუგდიდში, მრავალფუნქციური სპორტული კომპლექსის გახსნის ღონისძიებაზე სიტყვით გამოსვლისას განაცხადა.ირაკლი კობახიძემ აღნიშნა, რომ სამეგრელომ საქართველოს და მსოფლიოს არაერთი ლეგენდარული სპორტსმენი აჩუქა – ნონა გაფრინდაშვილიდან ხვიჩა კვარაცხელიამდე და ხელისუფლების ვალია, ამ უდიდეს პოტენციალს განვითარების ღირსეული პირობები შეუქმნას.პრემიერმა იმ ინფრასტრუქტურულ პროექტებზე ისაუბრა, რომელსაც მთავრობა კომპლექსურად, მთელი ქვეყნის მასშტაბით ახორციელებს.„სამეგრელომ საქართველოს და მსოფლიოს არაერთი ლეგენდარული სპორტსმენი აჩუქა – ნონა გაფრინდაშვილიდან ხვიჩა კვარაცხელიამდე. ამ კუთხის შვილებმა ჩვენს ქვეყანას მსოფლიო მასშტაბით გაუთქვეს სახელი. სპორტი უნივერსალური ენაა, რომლითაც მსოფლიო გვიცნობს, ჩვენი ჩემპიონები კი ჩვენი ქვეყნის საუკეთესო ელჩები არიან. ჩვენი ვალია, ამ უდიდეს პოტენციალს განვითარების ღირსეული პირობები შევუქმნათ. ახალი, მრავალფუნქციური სპორტული კომპლექსის გახსნა სწორედ ამ მიზანს ემსახურება.ამ თანამედროვე, ევროპული დონის სივრცეში ნებისმიერი ასაკის ადამიანს – პროფესიონალ სპორტსმენს თუ მოყვარულს – შეეძლება, ივარჯიშოს, განვითარდეს და მიაღწიოს წარმატებას. დიდი და მცირე საცურაო აუზები, რომლებიც წყალბურთის საერთაშორისო სტანდარტებს აკმაყოფილებს, ფიტნესისა და ძალოსნობის დარბაზები – ეს ყველაფერი ჩვენს ახალგაზრდებს სტიმულს მისცემს, აირჩიონ ჯანსაღი ცხოვრების წესი, რაც ასე მნიშვნელოვანია ჩვენი ქვეყნისთვის. სპორტი უნდა იყოს ხელმისაწვდომი ყველასთვის და ამ კუთხით განსაკუთრებით მნიშვნელოვანია, რომ ეს სპორტკომპლექსი იქნება ხელმისაწვდომი შეზღუდული შესაძლებლობების მქონე პირებისთვისაც. სპორტკომპლექსის გვერდით ასევე აშენდება კალათბურთის დარბაზი, პადელის მოედანი და ჩოგბურთის კორტები, ამ პროექტის განხორციელებას დავიწყებთ უახლოეს მომავალში. ყველა ეს ნაბიჯი ემსახურება ჩვენს ქვეყანაში სპორტის განვითარებას და ეს არის ჩვენი თანმიმდევრული პოლიტიკის კიდევ ერთი გამოხატულება. მასობრივი თუ მაღალი მიღწევების სპორტის განვითარება, ჩვენი საამაყო სპორტსმენების სათანადოდ დაფასება ჩვენთვის ერთ-ერთი უმთავრესი პრიორიტეტია. სწორედ ამიტომ გავზარდეთ სპორტის ბიუჯეტი, რომელიც მუდმივად მზარდია, შევქმენით ცალკე სამინისტრო, რომელიც უზრუნველყოფს სპორტის განვითარებას ქვეყანაში, აქტიურად ვზრუნავთ მსგავსი ტიპის ინფრასტრუქტურის განვითარებაზე.ჩვენ გვაქვს ერთიანი პროგრამა, რომლის საფუძველზეც ყველა მუნიციპალიტეტში უნდა შეიქმნას მულტიფუნქციური სპორტული კომპლექსები. 63-ვე რეგიონულ მუნიციპალიტეტში გვინდა ასეთი მულტიფუნქციური სპორტული კომპლექსის შექმნა, რაც უზრუნველყოფს როგორც მაღალი მიღწევების სპორტის, ისე მასობრივი სპორტის განვითარებას. სპორტის განვითარება ნიშნავს არა მარტო სპორტულ მიღწევებს, არამედ ჯანსაღი ცხოვრების წესის პოპულარიზაციას, უფრო ჯანმრთელ მომავალ თაობებს და მომავალშიც ეს ყველაფერი ინება ჩვენი პრიორიტეტი“, – განაცხადა პრემიერმა.მისივე თქმით, საქართველო უნდა იქცეს ახალ ხორვატიად, უნდა იყოს პატარა ქვეყანა უმაღლესი სპორტული მიღწევებით და ზუგდიდის სპორტკომპლექსის მსგავსი ინფრასტრუქტურის შექმნა ამ მიზნის მიღწევას ემსახურება.„უნდა აღინიშნოს განსაკუთრებული მიღწევები, რომელიც აქვს ჩვენს ქვეყანას სპორტის სფეროში – გასულ წელს საერთაშორისო ასპარეზზე ქართველმა სპორტსმენებმა მოიგეს 1 259 მედალი, რაც არის რეკორდული მაჩვენებელი. ჩვენ ვართ ნიჭიერი ხალხი სპორტის თვალსაზრისით და ეს რეგიონი გამოირჩევა სპორტული ნიჭით და ტალანტით, შესაბამისად, მას სჭირდება ხელშეწყობა. ჩვენ საქართველო უნდა ვაქციოთ ახალ ხორვატიად. საქართველო დღეს არის პატარა ქვეყანა დიდი სპორტული მიღწევებით და საქართველო უნდა იქცეს პატარა ქვეყნად უმაღლესი სპორტული მიღწევებით, მათ შორის, სპორტის გუნდურ სახეობებშიც და ამას სჭირდება გრძელვადიანი ხედვა, ინვესტიციები. ასეთი ტიპის ინფრასტრუქტურის შექმნა, ბუნებრივია, უზრუნველყოფს ამ მიზნის მიღწევას“, – განაცხადა ირაკლი კობახიძემ.

რუსები თუ ტერიტორიით გვემუქრებიან, უცხოეთი ან ევროკავშირი - ვიზებს ჩამოგართმევთ და მერე წამოსვლის პროცესს გაგირთულებთო - თქვე დალოცვილებო, ვერ გაგვიცანით, ვინ ვართ ქართველები? არც რუსის გვეშინია, არც თქვენი გვეშინია და არც არავის გვეშინია! - ამის შესახებ ბოდბელმა მთავარეპისკოპოსმა, მეუფე იაკობმა ფერისცვალების დღესასწაულზე ქადაგებისას განაცხადა.„ხან რომელი დამპყრობელი დაგვიპყრობს ხოლმე, ხან რომელი გვიტევს, ხან რა ჩამოვარდება და ახლაც თუ შევხედავთ, მაგალითად, ჩვენი ტერიტორიის 20% რუსებს დაპყრობილი აქვთ, თითქოს მიწები არ ჰყოფნიდეთ, ცოტა ჰქონდეთ. 20% იმათ აქვთ დაპყრობილი და რა მდგომარეობაში ვართ - ელოდებიან, რაღაც ნაბიჯი გადადგა, რომ უფრო მეტზე წამოიწიონ, თუ მთლიანად არა, კიდევ მეტზე წამოიწიონ.მეორე ალტერნატივა, რა გვაქვს - ნატო და ევროპისკენ მივდიოდით, გაცხადებული იყო, კონსტიტუციაშიც ჩაიწერა და სანაცვლოდ, რას ვიღებთ? რუსები თუ ტერიტორიით გვემუქრებიან, უცხოეთი ან ევროკავშირი - ვიზებს ჩამოგართმევთ და მერე წამოსვლის პროცესს გაგირთულებთ, რომ შემოიტანთ ან მოგცემთ, ან არაო. იქეთ მიწები, აქეთ უვიზო მიმოსვლა. არც მიწებს დავთმობთ, კარგად იცოდნენ, და აუცილებლად დავიბრუნებთ მიწებს!ოჯახური ღირებულებები რად გინდაო, მარტივად რომ ვთქვათ, მაგის პრობლემა არ გიდგათ ქართველებსო. უმცირესობის პროპაგანდა იყოს, მაგაში საშიშროება არ არისო, მაგაზე დაგვიჯერეთ და ვიზებს არ წაგართმევთ, ვიზები გექნებათო. დამეხმარება მაგით ღმერთისკენ სიარულში? აი, მაგაზე დავფიქრდეთ. ჩვენი ერისთვის სიკეთე გვინდა და ხალხისთვის რაც უფრო იოლი იქნება ცხოვრება, ოღონდ არა იმის ხარჯზე რომ ღმერთს უღალატო... თქვე დალოცვილებო, ვერ გაგვიცანით, ვინ ვართ ქართველები? არც რუსის გვეშინია, არც თქვენი გვეშინია და არც არავის გვეშინია!თუ უარს ვიტყვით ოჯახურ ღირებულებებზე, ბავშვების დაცვაზე პროპაგანდისგან, ქრისტეს და ღმერთის მცნებების წინააღმდეგ წავალთ, ხომ?! კონკრეტულ შემთხვევაში „არა იმრუშოთ“ მცნების წინააღმდეგ წავალთ“. ჩვენ ხომ არავის ვეუბნებით, „ასე იცხოვრე, ისე იცხოვრე“, შენც ნუ მახვევ თავზე, ვიღაც იმას. მე თუ უნდა მოვუსმინო უმცირესობას, ქართველი ერი უმცირესობაშია მსოფლიოში, ერთადერთი ერი ვართ, რომელიც ამას ვიცავთ, კბილებით გაგვაქვს და არ დავთმობთ. ჩვენი ისტორია ამას უყურებს, ამიტომ კეთილი ინებეთ და თუ გინდათ ჩვენთან, ნაღდი, ჭეშმარიტი ურთიერთობები გქონდეთ, ჩვენც გვექნება, ჩვენც ვიცით ადამიანების დაფასება. რაც კარგია თქვენთან, მივიღებთ. რაც ჩვენთან კარგია, გაგიზიარებთ, ცუდს არ მივიღებთ არც თქვენგან და არც არცერთი დამპყრობლისგან ვიღებდით, საერთოდ“, - განაცხადა მეუფე იაკობმა.მისი თქმით, ყველას ერთმანეთი სჭირდება მსოფლიოში.„ჩვენ არ გვინდა ან ავღანელებივით სასტიკ პირობებში მოვხვდეთ, ან უკრაინელებივით. „ჩვენი თავი ჩვენადვე გვეყუდვნის“ და არ გვინდა ვიღაცებმა გვიწყვიტონ საქმე. ღმერთმა ყველა ერი დალოცოს, მშვიდობა იყოს მსოფლიოში და ერთს კიდევ ერთხელ ვაფრთხილებ - ვინც ჩვენ წინააღმდეგ წავიდა, გადახედოს, როგორ არიან ის ქვეყნები. გადახედონ და არავის არ ვურჩევ! ჩვენ არ ვართ შურისმაძიებელი, ღმერთს უფრთხოდნენ, შეეშვან ღმერთის ერს, ახალ ისრაელს შეეშვან!“-განაცხადა მეუფე იაკობმა.მისი თქმით, ყველგან ომია და „წესიერად რომ მოვიქეცით, დაგვიცვა, “.„ყველგან ომია და მაინც დაგვიცვა, როგორადაც აურიონ, მაინც ვერ ურევენ. საწყალი, ჩვენთანაც, ვინც თანამოაზრეები ჰყავთ, სანამ ყველას, ალბათ, ან ციხეში არ ჩააჯენენ... ჩვენც, რა ვიცი, ჩვენც რას გვიპირებენ ახლა, ვერ გავიგე და მაინც ყველაფერი კარგად იქნება ღვთის შეწევნით. მე ვფიქრობ, უნდა მივხვდეთ ქართველები, რომ ერთმანეთთან დაპირისპირება არ შეიძლება, სულელების როლში ნუ გამოვალთ და ვიღაცების სათამაშოები ნუ გავხდებით“, - განაცხადა მეუფე იაკობმა და დასძინა, რომ „ძველად, თუ რუსების მონობა უნდოდათ, დღეს კიდევ ჩვენ, არავის მონობა არ გვინდა“.მისივე თქმით, ქართველები არავის სათამაშოები არ გახდებიან.„ძლიერ იმპერიებთან რატომ მინდა ურთიერთობა? იმიტომ, რომ ჩემი თვითმყოფადობა დავიცვა და დამეხმაროს და დანარჩენი, რაც ზოგადსაკაცობრიოა, ერთად ვიშრომოთ. მშვიდობისთვის ერთად ვიზრუნოთ, მაგრამ თქვენი, არავის სათამაშო არ გავხდებით ქართველები. ვინც სათამაშოები არიან, პოლიტიკოსები თუ ახალგაზრდობა, მე ვთხოვ, რომ დაუფიქრდნენ“, - განაცხადა მეუფე იაკობმა.

ყველა ადამიანის მოწოდებაა, ფერი იცვალოს. ჩვენი ქრისტიანული ცხოვრების აზრიც ხომ სწორედ ეს არის, რომ ღვთისმშობლის მეოხებით ჩვენშიც გამობრწყინდეს მარადიული საღვთო ნათელი...ვეცადოთ, ისე ვიცხოვროთ, რომ ჩვენც მოგვმადლოს უფალმა საღვთო შუქის ხილვა, რათა ჩვენს გულებშიც იყოს ნათელი თაბორისა, სიმდაბლე, სიწმინდე, სიმშვიდე, მშვიდობა, სიხარული და სიყვარული, - ამ სიტყვებით მიმართა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიო მუჯირმა ფერისცვალების დღესასწაულზე მოქალაქეებს.მისივე თქმით, ტკბილი და სასიხარულოა უფალთან ყოფნა.„ძვირფასო მამებო, ძმებო და დებო, გილოცავთ ფერისცვალების დიდებულ დღესასწაულს. გადმოგცემთ სრულიად საქართველოს კათოლიკოს-პატრიარქ ილია II-ის ლოცვა-კურთხევას.ეს დიდებული მოვლენა აღწერილია წმინდა სახარებაში. ერთხელ უფალმა იესო ქრისტემ თავისი სამი მოწაფე: პეტრე, იაკობი და იოანე წაიყვანა თაბორის მთაზე სალოცავად და მათ წინაშე ფერი იცვალა, მისი სახე მზესავით გაბრწყინდა, მისი სამოსელი თოვლივით სპეტაკი და ელვარე გახდა. მოციქულებმა იხილეს ასევე, რომ უფალ იესო ქრისტეს ესაუბრებოდა ორი კაცი. ესენი იყვნენ ძველი აღთქმის წინასწარმეტყველები: მოსე და ილია. ისინი ლაპარაკობდნენ იესო ქრისტეს გასვლის შესახებ, რომელიც უნდა მომხდარიყო იერუსალიმში. გასვლაში იგულისხმება მისი მიწიური ცხოვრებიდან გასვლა ჯვარცმის, სიკვდილის, მკვდრეთით აღდგომისა და ამაღლების მეშვეობით. ისინი ამაზე ლაპარაკობდნენ, რათა მოციქულები არ დაბრკოლებულიყვნენ, როცა იხილავდნენ ჯვარზე გაკრულ მაცხოვარს და მის სიკვდილს, არამედ სცოდნოდათ, რომ ეს ყველაფერი იესო ქრისტემ თავისი ნებით მიიღო, რაც გათვალისწინებული იყო ჯერ კიდევ მის მიწიურ სიცოცხლეში.ამის ხილვისას მოწაფეებს გამოუთქმელი ნეტარება დაეუფლათ, მოინდომეს, ეს ნეტარება სამუდამოდ გაგრძელებულიყო და ძალიან მიამიტად გამოხატეს ეს თავიანთი სიტყვებით, რაც უთხრეს უფალ იესო ქრისტეს. ამ დროს ღრუბლიდან, რომელიც მათ ჩრდილავდა, გაისმა ხმა: „ეს არის ძე ჩემი საყვარელი, ამისი ისმინეთ!“ (მთ. 17, 5).რა იყო მიზეზი ამ დიდი ნეტარებისა და სიხარულის, რაც მოციქულებმა განიცადეს?დღესასწაულის ტროპარი გვაუწყებს, რომ უფალმა ფერისცვალებით მათ უჩვენა თავისი საღვთო დიდება. შუქი, რომელიც მათ იხილეს თაბორის მთაზე, არ იყო მატერიალური ბუნების. ამდენად, ეს არ იყო მხოლოდ მათი მხედველობითი აღქმა, არამედ იყო ღვთაების რეალური, ნამდვილი გამოვლინება. ეს იყო საღვთო ბუნების გამოცხადება და ამ ბუნების მარადიული, უხრწნელი, უქმნელი შუქის ბრწყინვალება.რა თქმა უნდა, ტკბილი და სასიხარულოა უფალთან ყოფნა. განა ჩვენ მოკლებულნი ვართ ამ შესაძლებლობას? რა თქმა უნდა, არა. იმავე დღესასწაულის ტროპარში შევთხოვთ უფალს, რომ ჩვენც გვაზიაროს ამ დიდებას. შეგახსენებთ ამ სიტყვებს: „გამოგვიბრწყინვე ჩვენცა, ცოდვილთა, ნათელი შენი მიუაჩრდილებელი, მეოხებითა ღვთისმშობელისათა, უფალო, დიდება შენდა“.მაშასადამე, მოციქულთა მსგავსად, ჩვენც შეიძლება ვიგრძნოთ ეს გამოუთქმელი სიხარული და ვიხილოთ თაბორის საღვთო შუქის ბრწყინვალება. ყველა ადამიანს შეუძლია ფერი იცვალოს და მეტიც, ყველა ადამიანის მოწოდებაა, ფერი იცვალოს. ჩვენი ქრისტიანული ცხოვრების აზრიც ხომ სწორედ ეს არის, რომ ღვთისმშობლის მეოხებით ჩვენშიც გამობრწყინდეს მარადიული საღვთო ნათელი.ამრიგად, ეს ჩვენება გაქრა თაბორის მთაზე, მაგრამ თაბორის შუქი და საღვთო ნათელი დარჩა დედამიწაზე, არ წასულა დედამიწიდან და ის უნდა ვეძიოთ, ის უნდა მოვიპოვოთ. ნეტარია ის, ვინც მას მოიპოვებს, ძვირფასო ძმებო და დებო. ამისთვის შეიძლება შევზღუდოთ ჩვენი თავი ბევრ რამეში, დავთმოთ ბევრი რამ ამ მიწიურ ცხოვრებაში, რაც ხელს უშლის ამ ნათლის მოპოვებას და აბნელებს ჩვენს ცხოვრებას.კიდევ ერთხელ გილოცავთ, ძვირფასო ძმებო და დებო, ფერისცვალების დიდებულ დღესასწაულს. ღმერთმა დაგლოცოთ, ღმერთმა გაგახაროთ და გაგაძლიეროთ. ვეცადოთ, ისე ვიცხოვროთ, რომ ჩვენც მოგვმადლოს უფალმა საღვთო შუქის ხილვა, რათა ჩვენს გულებშიც იყოს ეს ნათელი თაბორისა, სიმდაბლე, სიწმინდე, სიმშვიდე, მშვიდობა, სიხარული და სიყვარული.ამისთვის ჩავიხედოთ ჩვენს თავში და ვკითხოთ ჩვენს თავს, გვეხება თუ არა იესო ქრისტეს სიტყვები: „ნათელი, რომელიც შენშია, ბნელი ხომ არ არის?“ (ლკ. 11, 35). და თუ ჩვენს თავში ცოტა მაინც შევნიშნავთ ამ სიბნელეს, სინანულის შუქით უნდა გავფანტოთ ის და მაშინ ვიხილავთ ქრისტეს ჭეშმარიტ, მარადიულ ნათელს, რისი ღირსიც გაგვხადოს უფალმა ჩვენმა იესო ქრისტემ თავისი მადლითა და კაცთმოყვარებით, რომელსაც შვენის ყოველი დიდება, პატივი და თაყვანისცემა, თანა მამით და სულიწმინდითურთ, აწ და მარადის და უკუნითი უკუნისამდე. ამინ“, - აღნიშნა მეუფე შიომ.

აშშ-ის პრეზიდენტი დონალდ ტრამპი უკრაინისა და რუსეთის ლიდერების ორმხრივ შეხვედრას ელოდება, – ამის შესახებ თეთრი სახლის პრესსპიკერმა, კეროლაინ ლევიტმა განაცხადა.ჟურნალისტის კითხვაზე, ვისი იდეა იყო ვლადიმერ პუტინსა და ვოლოდიმირ ზელენსკის შორის ორმხრივი შეხვედრის ჩატარება, ნაცვლად ტრამპის მონაწილეობით სამმხრივი შეხვედრისა, ლევიტმა უპასუხა, რომ ეს გადაწყვეტილება პუტინთან, ზელენსკისა და ევროპელ ლიდერებთან საუბრის შემდეგ მიიღეს.„ყველა თანხმდებოდა, რომ კარგი იქნებოდა, თუ ორი ლიდერი ერთად დასხდებოდა და პრეზიდენტი ამას ელოდება“, – განაცხადა ლევიტმა.მისი თქმით, ტრამპის ადმინისტრაცია მუშაობს ამ შეხვედრის ჩასატარებლად.ამასთან, ლევიტმა თავი შეიკავა შეხვედრის ადგილმდებარეობის შესაძლო ვარიანტების დასახელებისგან.ჟურნალისტის კითხვაზე, რატომ დაურეკა ტრამპმა პუტინს ევროპელ ლიდერებთან შეხვედრის დროს, ლევიტმა აღნიშნა, რომ ლიდერები მადლიერები იყვნენ, რომ ტრამპს პუტინთან საუბარი ჰქონდა.ლევიტის თქმით, პუტინთან „რამდენიმე სატელეფონო საუბრის“ და ზელენსკისთან „ათობით შეხვედრის“ შემდეგ, ტრამპს ახლა „ესმის, რა სურს და რისი დათმობა მოუწევს ორივე მხარეს“. როგორც თეთრი სახლის პრესსპიკერმა აღნიშნა, ორივე მხარეს მოუწევს, „ცოტათი უკმაყოფილო იყოს“ ომის დასასრულებლად მიღწეული სამშვიდობო შეთანხმებით.

NASA-ს ყოფილმა ასტრონავტმა, რონ გარანმა, 178 დღე კოსმოსში  გაატარა და ეს იყო მომენტი, როდესაც ის დედამიწას უყურებდა საერთაშორისო კოსმოსური სადგურიდან.კოსმოსში გატარებულმა დღეებმა ასტრონავტში გამოიწვია „მიმოხილვის ეფექტი“.„მიმოხილვის ეფექტი" ხშირად ხდება მაშინ, როდესაც ასტრონავტები მიდიან კოსმოსში და ქვემოდან იყურებიან. ამ დროს პირველად ხედავენ დედამიწას ამ პერსპექტივიდან. გამოცდილება „ცვლის ასტრონავტების შეხედულებას და აზროვნებას ჩვენს პლანეტაზე და თავად სიცოცხლეზე“,- განმარტავს NASA .Big Think-თან ინტერვიუში ასტრონავტმა განმარტა: „ჩვენ ვცდილობთ გავუმკლავდეთ ისეთ საკითხებს, როგორიცაა გლობალური დათბობა, ტყეების განადგურება, ბიომრავალფეროვნების დაკარგვა, როგორც ცალკეული საკითხები, როდესაც სინამდვილეში ისინი მხოლოდ ძირითადი პრობლემის სიმპტომებია. პრობლემა ისაა, რომ ჩვენ თავს არ ვთვლით როგორც პლანეტატორებად.როდესაც საერთაშორისო კოსმოსური სადგურის ფანჯრიდან გავიხედე, დავინახე პაპარაცები, როგორც ელვისებური შტორმის ციმციმები, დავინახე ავრორას მოცეკვავე ფარდები, რომლებიც ისე ახლოს ჩანდნენ, თითქოს შეგვეძლო ხელით შევხებოდით. დავინახე დაუჯერებელი რამ - ჩვენი პლანეტის ატმოსფეროს სიმკვრივე“.გარანმა გააცნობიერა, რომ ჩვენი პლანეტა და მასზე არსებული ყველა ცოცხალი არსება „ქაღალდის თხელი ფენით" ინარჩუნებს სიცოცხლეს.მისიიდან დაბრუნების შემდეგ გარანი „აგრძელებს მუშაობას უფრო სუფთა, უსაფრთხო და მშვიდობიანი პლანეტისკენ“.