ევროპარლამენტში სხდომის დაწყებამდე ევროპარლამენტარებმა პატიმრობაში მყოფი პირების მხარდამჭერი ბანერები გაშალეს

საქართველოს ტექნიკური უნივერსიტეტის სამშენებლო ფაკულტეტის სტუდენტებმა, საქართველოს ინფრასტრუქტურის სამინისტროსთან შეთანხმებით, პირადად მინისტრ რევაზ სოხაძის უშუალო ჩართულობითა და რექტორის, აკადემიკოს დავით გურგენიძის მხარდაჭერით, სასწავლო პრაქტიკა არაგვის ხეობაში, ქვეშეთი-კობის საავტომობილო გზის მონაკვეთის მშენებლობის პროექტის ფარგლებში, ადგილზე გაიარეს. ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, სასწავლო პრაქტიკაში, რომელსაც ხელმძღვანელობდნენ სამშენებლო ფაკულტეტის პროფესორი, საქართველოს მეცნიერებათა ეროვნული აკადემიის აკადემიკოსი, ინსტიტუტ „საქგზამეცნიერების“ გენერალური დირექტორი თამაზ შილაკაძე და ფაკულტეტის პროფესორები - თამაზ ხმელიძე, ბორის მაისურაძე, მარინა გრძელიშვილი და კონსტანტინე მჭედლიშვილი, სამშენებლო ფაკულტეტის სწავლების სამივე საფეხურის 35 სტუდენტი მონაწილეობდა.როგორც აკადემიკოსი თამაზ შილაკაძე აღნიშნავს, სტუდენტებს პროფესორ-მასწავლებლებთან ერთად, ობიექტზე მეგზურობას უწევდნენ საქართველოს ინფრასტრუქტურის სამინისტროს საავტომობილო გზების დეპარტამენტის დონორი ორგანიზაციების მიერ დაფინანსებული სამშენებლო პროცესების მართვის სამსახურის უფროსი გიორგი ერაგია და მისი მოადგილე ბესიკ დიასამიძე. თამაზ შილაკაძის თქმით, საავტომობილო გზების დეპარტამენტის წარმომადგენლებმა სტუდენტებს გააცნეს როგორც ქვეშეთი-კობის საავტომობილო გზის მშენებლობის სრული პროექტი, ასევე, იმ მონაკვეთის მუშა ნახაზები, რომელსაც სასწავლო პრაქტიკა მოიცავდა.„სტუდენტებს მივაწოდეთ ინფორმაცია, რომ ჩვენი ქვეყნის საგზაო ინფრასტრუქტურის განვითარების ძირითად პროექტებს და მშენებლობა-რეაბილიტაციის ღონისძიებებს, რომლებიც საერთაშორისო და შიდასახელმწიფოებრივი მნიშვნელობის გზებზე ხორციელდება, ინფრასტრუქტურის სამინისტრო უწევს კოორდინაციას, ხოლო აღნიშნული პროექტების უშუალო შემსრულებელი საავტომობილო გზების დეპარტამენტია, რომლის წარმომადგენლებმაც სასწავლო პრაქტიკის მონაწილე სტუდენტებს მეგზურობა გაუწიეს. მათთან შეთანხმებით, ახალგაზრდები, საქართველოს სამხედრო გზის ფასანაური-მლეთის შუა მონაკვეთზე მშენებარე მრუდი მოხაზულობის ხიდის მეშვეობით, გადავიყვანეთ არაგვის მარცხენა სანაპიროზე, საიდანაც 1,5 კმ სიგრძის საავტომობილო სამზოლიანი გვირაბი იწყება. საგზაო დეპარტამენტის წარმომადგენლებთან ერთად, ხიდზე და გვირაბში მიმდინარე სამშენებლო სამუშაოებზე სტუდენტებს ამომწურავი ინფორმაცია მიაწოდეს სამშენებლო ფაკულტეტის პროფესორებმა თამაზ ხმელიძემ და ბორის მაისურაძემ. აღსანიშნავია, რომ სტუდენტები დააკვირდნენ გვირაბის პორტალთან ბეტონ-ტუმბოსა და ავტობეტონსაზიდის სამუშაოებს, რამაც დიდი ინტერესი გამოიწვია ახალგაზრდებში. მათ არაერთი შეკითხვა დასვეს გვირაბის გაყვანის, გამაგრების, მოპირკეთების, ექსპლუატაციის, ვენტილაციისა და ქანობის შესახებ, ასევე, ინტერესი გამოიწვია ხიდის საფეხმავლო ტროტუარების, არმატურისა და მოაჯირების დამონტაჟების პროცესმა. ვფიქრობთ, მსგავსი სასწავლო პრაქტიკები მრავალმხრივ მნიშვნელოვანია სამშენებლო ფაკულტეტის სტუდენტებისთვის“, - აღნიშნავს თამაზ შილაკაძე.სამშენებლო ფაკულტეტის ბაკალავრის, გიორგი კვირიკაშვილის თქმით, ნანახმა მოლოდინს გადააჭარბა, რადგან არაგვის ხეობაში გრანდიოზული სამუშაოები მიმდინარეობს.„ერთია, როდესაც აუდიტორიაში ვისმენთ ლექციებს მშენებლობის ამა თუ იმ საკითხზე, და სულ სხვა ეფექტია, როცა მიმდინარე მშენებლობას ადგილზე აკვირდები და პრაქტიკაში შეგიძლია შეისწავლო. ადრეც ვყოფილვარ არაგვის ხეობაში, მაგრამ აქ თუ ასეთი გრანდიოზული სამშენებლო სამუშაოები მიმდინარეობდა, ვერ წარმოვიდგენდი. აღფრთოვანებული ვართ მეც და ჩემი ჯგუფელებიც. მადლობა ჩემს ფაკულტეტს, პედაგოგებს და ჩემს უნივერსიტეტს“, - ამბობს გიორგი კვირიკაშვილი.როგორც დოქტორანტი მარი თებიძე აღნიშნავს, სასწავლო პრაქტიკამ მისი სამეცნიერო თვალსაწიერი მნიშვნელოვნად გააფართოვა.„აღფრთოვანებული ვარ, რომ შესაძლებლობა მომეცა, სასწავლო პრაქტიკა ასეთ მნიშვნელოვან სამშენებლო ობიექტზე გამეარა. ვფიქრობ, ამით ჩემი სამეცნიერო თვალთახედვა მნიშვნელოვნად გაფართოვდა. უკვე დარწმუნებული ვარ, ნანახიდან ბევრი რამ სადისერტაციო ნაშრომის მომზადებისას გამომადგება“, - აღნიშნავს მარი თებიძე.ქვეშეთი-კობის საავტომობილო გზის მშენებლობაზე ჩატარებულ სასწავლო პრაქტიკას პოზიტიურად აფასებს სტუ-ის სამშენებლო ფაკულტეტის დეკანი, პროფესორი ზურაბ გვიშიანი. მისი განცხადებით, საქართველოს ტექნიკურ უნივერსიტეტში სასწავლო პრაქტიკების კომპონენტს საგანმანათლებლო პროცესში მნიშვნელოვანი ადგილი უჭირავს და ერთ-ერთი გადამწყვეტი ფაქტორია სტუდენტთა პროფესიული მომზადების მიმართულებით.„საქართველოს ტექნიკური უნივერსიტეტისთვის სასწავლო პრაქტიკების კომპონენტი წარმოადგენს განათლების პროცესის ერთ-ერთ უმნიშვნელოვანეს ნაწილს. მიგვაჩნია, რომ სამშენებლო ფაკულტეტის სტუდენტებს უნდა ჰქონდეთ შესაძლებლობა არა მხოლოდ მიიღონ თეორიული ცოდნა ინჟინერიაში, არამედ განივითარონ პროფესიული უნარები, ჩაერთონ მასშტაბურ სამშენებლო პროექტებში, გავიდნენ ობიექტებზე და ადგილზე, რეალურ დროში დააკვირდნენ მშენებლობის პროცესს. არაგვის ხეობაში, ქვეშეთი-კობის საავტომობილო გზის მონაკვეთის მშენებლობაზე ჩატარებული სასწავლო პრაქტიკა ამის თვალსაჩინო მაგალითია. ფაკულტეტის პროფესორ-მასწავლებელთა ჩართულობა და სასწავლო პროცესისადმი საქართველოს ინფრასტრუქტურის სამინისტროს მხარდაჭერა ნამდვილად დასაფასებელია. სწორედ სამინისტროსთან თანამშრომლობით შევძელით სასწავლო პრაქტიკის ორგანიზება ქვეყნისთვის სტრატეგიულად მნიშვნელოვან ერთ-ერთ მშენებარე ობიექტზე. მასპინძლობისა და მეგზურობისთვის ასევე მადლობას ვუხდით საავტომობილო გზების დეპარტამენტს და ობიექტზე მომუშავე პროფესიონალებს.საგულისხმოა, რომ საქართველოს ტექნიკურ უნივერსიტეტში, როგორც სამშენებლო, ისე ყველა სხვა ფაკულტეტზე, რეგულარულად ხორციელდება სასწავლო პრაქტიკები პარტნიორ ორგანიზაციებთან თანამშრომლობით. ფაკულტეტებს მნიშვნელოვან მხარდაჭერას გვიწევს რექტორი, აკადემიკოსი დავით გურგენიძე, უნივერსიტეტის ადმინისტრაცია, ასევე, სტუდენტური სერვისების, კულტურისა და სპორტის დეპარტამენტი და მისი ხელმძღვანელი, დოქტორი ლევან ფიფია, რომელიც აქტიურად მონაწილეობს საკოორდინაციო საკითხების გადაჭრაში. ვფიქრობ, უნივერსიტეტის მხრიდან მსგავსი პრაქტიკული ინიციატივების განხორციელება საშუალებას მისცემს სტუდენტებს, უკეთ გაიაზრონ თავიანთი პროფესიული გზა, შეიძინონ აუცილებელი უნარ-ჩვევები, რათა სამომავლოდ, დარგის პროფესიონალებად და მკვლევრებად ჩამოყალიბდნენ“, - აცხადებს ზურაბ გვიშიანი.სტუ-ის ინფორმაციით, სამშენებლო ფაკულტეტის სტუდენტებისთვის სასწავლო პრაქტიკები სასწავლო წლის ბოლომდე გაგრძელდება.

ვულკანის ამოფრქვევის გამო, ინდონეზიის საკურორტო კუნძულ ბალის მიმართულებით ათეულობით ავიარეისი გადაიდო ან გაუქმდა. შეფერხებულია ბალიდან მომავალი რეისებიც. ინფორმაციას BBC ავრცელებს.ქვეყნის ვულკანოლოგიის სააგენტოს ცნობით, ერთ-ერთი ყველაზე აქტიური ვულკანი - "ლევოტობი ლაქი ლაქი" სამშაბათს, ადგილობრივი დროით 17:35 საათზე ამოიფრქვა, რის შედეგადაც ფერფლის ღრუბელი 11 კილომეტრის სიმაღლეზე აიწია.მსხვერპლის შესახებ ინფორმაცია არ გავრცელებულა. ხელისუფლებამ განგაშის უმაღლესი დონე გამოაცხადა და მოსახლეობას ურჩია, კრატერიდან 7 კილომეტრის რადიუსში აქტივობებს თავი აარიდონ.

ისრაელის სამხედრო-საჰაერო ძალებმა ირანის ქალაქ ქირმანშაჰში მდებარე სამხედრო ბაზა დაბომბა, რის შედეგადაც ხუთი შემტევი ვერტმფრენი განადგურდა. ინფორმაციას ისრაელის თავდაცვის არმია („ცაჰალი“) ავრცელებს.ისრაელის თავდაცვის არმიის მტკიცებით, განადგურებულია AH-1 ტიპის ვერტმფრენები.„ცაჰალის“ განცხადებით, ისრაელური თვითმფრინავები ირანის საჰაერო სივრცეში დილიდან დაფრინავენ და სამხედრო მიზნებს ეძებენ.

„ქართული ოცნების“ უმრავლესობა გააკეთებს იმას, რომ სააკაშვილის კვალი იყოს მხოლოდ ნეგატიური ქართულ ისტორიაში. ეს არ არის ვიღაცაზე გადაკიდება, ეს არის სიმართლე“, – ამის შესახებ პარლამენტის დროებითი საგამოძიებო კომისიის თავმჯდომარემ, თეა წულუკიანმა კომისიის დღევანდელ სხდომაზე განაცხადა.წულუკიანის თქმით, მომავალი თაობა იბრძოლებს, რომ მიხეილ სააკაშვილის სახელი ისტორიის წიგნებიდანაც ამოიშალოს.„დღეს ჩვენი შვილები უკვე არიან პოლიტიკოსები. მათ იციან, რა არის შავი და რა არის თეთრი, ეს მათ ტკივილის შედეგად ისწავლეს და სწავლობენ. ის თაობა, რაც მათ მოასწრეს, შეცვალეს და დღეს გარეთ ყვირიან, „ნაცების“ მობრუნების მცდელობას უწყობენ ხელს. ამის ფონზე, დაიბადა და იქმნება ახალი თაობა, რომელიც ჩვენზე უფრო მეტს იბრძოლებს, რომ სააკაშვილი ისტორიის წიგნებიდანაც ამოიშალოს. თავისი თავი ჩაწერა სახელმძღვანელოებში, როგორც სახელმწიფოს დამფუძნებელი. ჩვენი კომისია ყველაფერს გააკეთებს, რომ რეალობა აღდგეს. „ქართული ოცნების“ უმრავლესობა პარლამენტში ამას გააკეთებს, რომ სააკაშვილის კვალი იყოს მხოლოდ ნეგატიური ქართულ ისტორიაში, რადგან ეს არის სიმართლე. ეს არ არის ვიღაცაზე გადაკიდება, ეს არის სიმართლე“, – განაცხადა წულუკიანმა.

ბოლო წლების დაპირება იყო 200 ერთეული 18-მეტრიანი ავტობუსის შემოყვანა და ეს შესრულებულია, - ამის შესახებ ვიცე-მერმა, გიორგი ტყემალაძემ თბილისის ტრანსპორტისა და ურბანული პოლიტიკის ფარგლებში განხორციელებული პროექტების შეჯამებისას განაცხადა.გიორგი ტყემალაძემ საზოგადოებას წარუდგინა ბოლო წლებში საზოგადოებრივი ტრანსპორტის გაუმჯობესების მიმართულებით განხორციელებული პროექტები.„ჩვენ თავიდანვე დავაანონსეთ, რომ დედაქალაქს 10 სატრანსპორტო დერეფანი ექნებოდა და დღეს ეს ყველაფერი დასრულებულია. გვაქვს შესაძლებლობა, რომ საზოგადოებრივი ტრანსპორტი დავაკავშიროთ ყველა დიდ გამზირს. ეს არეალი კრავს ყველა რაიონს ერთმანეთთან. საუბარია 12 და 18-მეტრიან ავტობუსებზე, რომლებიც კიდევ უფრო კომფორტს ქმნის საზოგადოებრივი ტრანსპორტის მომხმარებლისთვის. წლების წინ გვქონდა ამბიცია, თუმცა იყო გარკვეული შიშებიც, რამდენად შესაძლებელი იქნებოდა ავტობუსების პარკის განახლება. დღეს კი უკვე რეალობაა და 900-ზე მეტი ახალი ავტობუსი გვყავს. ასევე, ბოლო წლების დაპირება იყო 200 ერთეული 18-მეტრიანი ავტობუსის შემოყვანა და ესეც შესრულებულია. ასევე, გვაქვს მიკროავტობუსების განახლებული პარკი“, - აღნიშნა გიორგი ტყემალაძემ.რაც შეეხება მეტროპოლიტენის რეაბილიტაციას, მისი თქმით, მეტროს დაემატა 27 ერთეული ვაგონი; კაპიტალურად შეკეთდა 138 ერთეული ვაგონი; რეაბილიტაცია/რეკონსტრუქცია ჩაუტარდა მეტროსადგურებს „გოცირიძე“ და „ავლაბარი“; გაფორმდა ხელშეკრულება 12 მეტროსადგურის სარეაბილიტაციო სამუშაოების კონცეპტუალური პროექტის მოსამზადებლად.ვიცე-მერის თქმით, უახლოეს მომავალში გაფორმდება შესაბამისი ხელშეკრულება და მეტროს 111 ერთეული ახალი ვაგონი დაემატება.ამასთან, გიორგი ტყემალაძემ ისაუბრა ინტეგრირებული ტარიფისა და უფასო სამგზავრო აბონემენტის პროექტზეც, რომელიც მუნიციპალიტეტმა განახორციელა.„საკმაოდ მნიშვნელოვანია ინტეგრირებული სატარიფო სისტემის დანერგვა, რაც ყველა საზოგადოებრივი ტრანსპორტის გადახდის ერთ აბონემენტში გაერთიანებას გულისხმობს. მთაწმინდის საბაგირო არის ჩვენი ქალაქის ისტორიის ნაწილი და სავიზიტო ბარათი. დღეს უკვე საბაგიროც ინტეგრირებულია სატრანსპორტო სქემაში და ესეც მნიშვნელოვანია“, - განაცხადა თბილისის ვიცე-მერმა.