ევროკომისიამ წარადგინა გეგმა, რომელიც 2027 წლის ბოლომდე ევროკავშირში რუსეთიდან გაზის იმპორტის სრულად შეწყვეტას ითვალისწინებს

პაკისტანში აცხადებენ, რომ ინდოეთმა პაკისტანზე სარაკეტო იერიში მიიტანა, – ამის შესახებ „ბიბისი“ წერს.როგორც პაკისტანის სამხედრო წარმომადგენელი აცხადებს, ინდოეთის შეიარაღებულმა ძალებმა პაკისტანის სამ სხვადასხვა ლოკაციაზე განახორციელეს თავდასხმა.პაკისტანში პირობას დებენ, რომ თავდასხმას უპასუხებენ.როგორც პაკისტანის სამხედრო ძალების წარმომადგენელმა განაცხადა, ისლამაბადი „ამ თავდასხმაზე რეაგირებას მოახდენს მათ მიერ არჩეულ დროსა და ადგილას“.„ეს არის სამარცხვინო და მხდალი თავდასხმა, რომელიც ინდოეთის საჰაერო სივრციდან განხორციელდა“, – აღნიშნულია სამხედრო ძალების წარმომადგენელის განცხადებაში.„ბიბისის“ ცნობით, ინდოეთის მთავრობა ადატურებს, რომ პაკისტანში მდებარე ცხრა ობიექტზე თავდასხმა განახორციელა.მედიაში ვრცელდება ცნობები ინტენსიური დაბომბვისა და ხმამაღალი აფეთქებების შესახებ ქაშმირის რეგიონებში.

სადაზღვევო სექტორში ე.წ. დაშენებული პაკეტების აღდგენის საკითხი გააქტიურდა.გასულ კვირას სადაზღვევო ინდუსტრიის წარმომადგენლები ჯანდაცვის მინისტრის მოადგილეს შეხვდნენ, სადაც მათ შორის, საყოველთაო ჯანდაცვის პროგრამაში შესაძლო ცვლილებები და ე.წ. შემავსებელი პაკეტების დაბრუნების შესაძლებლობა განიხილეს.როგორც BMG-სთან “გლობალ ბენეფიტს ჯორჯიას” სამეთვალყურეო საბჭოს თავმჯდომარემ, ნინო კობახიძემ განაცხადა, ე.წ. დაშენებული პაკეტები პაციენტებისთვის ჯიბიდან გადახდებს შეამცირებს და საბიუჯეტო თანხებსაც დაზოგავს.„ე.წ. დაშენებული პაკეტების აღდგენა პაციენტებისთვის ჯიბიდან გადახდებს შეამცირებს. ავადობების პრევენცია მოხდება, როდესაც მათ კერძო სადაზღვევო სექტორში შეძენილი სხვადასხვა ტიპის სერვისები ექნებათ, როგორიცაა მედიკამენტოზური მკურნალობა, ამბულატორია, პროფილაქტიკური სერვისები. მეორე მხრივ, გაიზრდება სადაზღვევო ბაზარი და კერძო სამედიცინო დაზღვევით მოსარგებლეთა რაოდენობა. მესამე მხრივ, სახელმწიფო დაზოგავს თანხებს არამხოლოდ იმით, რომ მოქალაქის სამედიცინო დაფარვის რისკები გაფართოვდება, არამედ ავადობის პრევენციაც მოხდება. ამიტომ სამმხრივად კარგი ამბავი იქნება, თუ ეს გაკეთდა. პირველ რიგში, ეს მოქალაქის ჯიბიდან გადახდების შემცირებისთვის განკუთვნილი მექანიზმი იქნება“, - განაცხადა ნინო კობახიძემ.ცნობისთვის, უკვე არაერთი წელია სადაზღვევო ინდუსტრია საყოველთაო ჯანდაცვის პროგრამაში ცვლილებებს და ე.წ. შემავსებელი პაკეტების დაბრუნებას ითხოვს. ე.წ. „დაშენებული“ ანუ შემავსებელი სადაზღვევო პაკეტები ჯანდაცვის სამინისტრომ 2017 წელს გააუქმა.შეზღუდვის დაწესება მაშინ საყოველთაო ჯანდაცვის პროგრამის ბიუჯეტის უკონტროლოდ გაზრდილი ხარჯების შეკავების აუცილებლობით აიხსნა. შედეგად, დღეს არსებული მოდელით, თუ მოქალაქეების დიდს ნაწილს, თუკი ისინი კერძო დაზღვევას შეიძენენ, საყოველთაო პროგრამის დატოვება უწევს.

ნიგერიის ნაკრების ყოფილმა ნახევარმცველმა და ყოფილმა მთავარმა მწვრთნელმა, სანდი ოლისემ ხვიჩა კვარაცხელია იმ ხუთ ფეხბურთელს შორის დაასახელა, რომლებიც წელს „ოქროს ბურთის“ ჯილდოს მთავარი პრეტენდენტები არიან.სოციალური ქსელის, X-ის პირად გვერდზე ოლისემ რამდენიმე მოთამაშე შეაქო – მათ შორის, ინგლისელი ბუკაიო საკა, ესპანელი ლამინე იამალი, ქართველი ხვიჩა კვარაცხელია, ბრაზილიელი რაფინია და ფრანგი უსმან დემბელე.„ხვიჩა კვარაცხელიას გასაოცარი თვისებები და მოედნის არაჩვეულებრივი ხედვა აქვს. რაფინია ყველაფერს მარტივად და ზედმეტი ძალისხმევის გარეშე აკეთებს, საკა იმდენად მოქნილია, რომ ეს მშვენიერია, პლუს დემბელე და ლამინე იამალი – ისინი ჩემთვის „ოქროს ბურთის“ მოპოვების კანდიდატები არიან.ამ ფეხბურთელებმა ფეხბურთის ცქერის სიყვარული ხელახლა გამიღვივეს. მათი წყალობით, ისევ შემიძლია ოთხმოცდაათი წუთის განმავლობაში ტელევიზორთან ვიყო მიჯაჭვული“, – წერს ვეტერანი ნიგერიელი მოთამაშე.სანდი ოლისე „აიაქსსა“ და „იუვენტუსში“ ბრწყინავდა, ნიგერიის ეროვნული ნაკრების რიგებში კი აფრიკის თასის გამარჯვებული (1994) და ოლიმპიური ჩემპიონი (1996) გახდა. 1996 წელს ნიგერიის ოლიმპიურმა ნაკრებმა ტურნირის ნახევარფინალში ბრაზილიის დამარცხება (4:3) შეძლო, ხოლო ფინალში არგენტინას (3:2) სძლია.1998 წლის მსოფლიო ჩემპიონატზე ნიგერიის ნაკრები მერვედფინალში ბულგარეთის, პარაგვაისა და ესპანეთის ჯგუფიდან პირველი ადგილით გავიდა. ესპანეთთან პირველივე მატჩი ნიგერიამ 3:2 მოიგო, გადამწყვეტი ბურთი კი ოლისემ გაიტანა და ეს გოლი ტურნირის საუკეთესოთას შორის დაასახელეს.

გარკვეული ადამიანები ასეთ ინფორმაციას აბსოლუტურად შეგნებულად ავრცელებდნენ, რეალურად, არავის უცდია, გადაემოწმებინა, რამე საფრთხე ემუქრება თუ არა C ჰეპატიტის ელიმინაციის პროგრამას, – ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ სტუმრობისას განაცხადა.„მათთვის სამწუხაროდ უნდა ვთქვა, რომ ნიშანწყალიც არ არსებობს იმის, რომ შეიძლება, ეს პროგრამა შეწყდეს. სახელმწიფოა გარანტი, რომ ეს პროგრამა მივა ბოლომდე და საქართველოში რეალურად შესაძლებელი გახდება, ვთქვათ, რომ ელიმინაციის პროცესი და შესაბამისად, ეს პროგრამა წარმატებით დავასრულეთ“, – განაცხადა სარჯველაძემ.როგორც ჯანდაცვის მინისტრმა აღნიშნა, არავითარი მიზეზი არ აქვს არავის, ეთქვა და განცხადება გაეკეთებინა პროგრამის მოსალოდნელ შეწყვეტასთან დაკავშირებით.„ეს იყო მტკნარი სიცრუე. სამწუხაროდ, ოპოზიციურად განწყობილ არაერთ ადამიანს დასჩემდა, რომ ცეცხლის გამჩაღებლების როლში გვევლინებიან და ძალიან ხშირად ცდილობენ, ყალბი ინფორმაციის გავრცელებით ხელოვნური პანიკა დათესონ. ეს იმისთვის, რომ შემდეგ ეს რაღაცნაირად, უარყოფითად აისახოს ქვეყნის სტაბილური განვითარების შესაძლებლობებზე და დააზიანონ ქვეყნის სტაბილური განვითარება. ეს სამწუხარო რეალობაა. რაც არ უნდა კრიტიკულად იყო განწყობილი ხელისუფლების, ან სულერთია, ვინმეს მიმართ, შენი ქვეყნის წინააღმდეგ ასეთი ქმედება და შენი ქვეყნის დაზიანება, რადგან ამაზე ხელი მოითბო და შემდეგ პოლიტიკური დივიდენდი დაიწერო, რა თქმა უნდა, არცერთ შემთხვევაში არ არის გამართლებული. უკადრისი ქმედების ერთ-ერთი ყველაზე თვალსაჩინო მაგალითი იყო ის განცხადებები, რომელსაც ვისმენდით C ჰეპატიტის პროგრამის თითქოსდა, მოსალოდნელი შეწყვეტის თაობაზე. საბედნიეროდ, ეს არც ამ დრომდე ახდა და არც მომავალში არ ახდება. სახელმწიფოა ამის გარანტი“, – განაცხადა მიხეილ სარჯველაძემ.

მსახიობი ირაკლი აფაქიძე აბობს, რომ ქვეყანა ძალიან რთულ სიტუაციაშია და ახლა “ძალიან მნიშვნელოვანია, რომ ის სინათლე არ დაიკარგოს, რომელიც ჯერ კიდევ ბჟუტავს.“იმ რთულ სიტუაციაში, რაშიც ქვეყანა და ხალხია, ძალიან მნიშვნელოვანია, რომ სინათლე არ დავკარგოთ. ამას უფრთხილდება ის ხალხი, რომელიც ყოველდღე რუსთაველზე დგას, სწორედ ისინი უვლიან ამ მბჟუტავ სინათლეს, - ამბობს მსახიობი გადაცემა „რეაქციაში“.აფაქიძე პროპაგანდაზეც საუბრობს და ამბობს, რომ “მას აქვს თავისი ძალა, მაგრამ აქვს საზღვრებიც, შეუძლებელია მან გააკეთოს ყველაფერი, ის არ არის ისეთი საშიში, როგორსაც მას ხატავენ.“შეუძლებელია, ის რასაც ესენი უკვე ხალხს აწვდიან, ამის დაჯერება. ქვეყანაში სიტუაცია შექმნეს, რომ აიძულონ, ხალხი ქვეყნიდან წავიდეს. 175 ათასი კაცი მარტო შარშან წასულა, სადღაც წავიკითხე, რომელთაგან უმეტესობა 30 წლამდე ახალგაზრდობაა. რაც კი აზრი, გონი, ტვინი, ძალა, ენერგიაა, აიძულებენ, რომ ქვეყნიდან წავიდეს, ამ დროს თალიბანს უხსნიან საზღვრებს და უშვებენ ქვეყანაში. რა არის ეს, თუ არა ერის მიზანმიმართული გენოციდი. რათ უნდა ამას ბევრი ტვინი ჭყლეტა, რომ ეს გაიგო,- ამბობს აფაქიძე.