დონალდ ტრამპი – ყველამ ვილოცოთ ჩარლი კირკისთვის, რომელსაც ესროლეს, შესანიშნავი ადამიანი, ღმერთმა დალოცოს

მამა გაბრიელი ბევრი ადამიანის მკურნალია. გთავაზობთ ლოცვას, რომელიც შეგიძლიათ ამ დიდი წმინდანის სახელზე წარმოთქვათ.„ყოველთა სენთა საკურნებელად, შეცოდებულთა სულთა გამომხსნელად, ყოველი ბოროტების შემმუსვრელად და შემაკავებლად გამოჩნდი, ღმერთშემოსილო, ღირსო მამაო გაბრიელ, აღმსარებელო და სალოსო, ევედრე ქრისტესა ღმერთსა შეწყალებად სულთა ჩვენთათვის."

არაფერი იქნება დაფარული, რომ არ გაცხადდეს, არ იქნება საკითხი, რომელზეც პასუხი არ გვექნება, როდესაც საქმის შესწავლას დავასრულებთ , - ამის შესახებ სახალხო დამცველმა, ლევან იოსელიანმა აქციების დროს დაკავებული მოქალაქეების შესახებ სასამართლოს მიერ გამოტანილ განაჩენებზე საუბრისას განაცხადა.ლევან იოსელიანის თქმით, შეხვედრა ჰქონდა დაკავებულების მშობლებთან, რა დროსაც მათ საქმის მასალების გადაცემა თხოვა და მათგან რამდენიმეს შეისწავლის.„სამი ადამიანი, ახობაძე, კაცია და აბრამოვი გამართლდა და დატოვა საპატიმრო, რაც არის მისასალმებელი და ამას გამოვეხმაურე განცხადებით. სხვა საქმეებზე, როდესაც შეხვედრა მქონდა დაკავებულების მშობლებთან, მათაც ვთხოვე, რომ მოეტანათ საქმის მასალები. ჩვენ შევისწავლით, რამდენად მტკიცებულებებზე დაყრდნობითაა ეს საქმე გადაწყვეტილი. ყველას საქმეს ვერ შევისწავლიდით იმიტომ, რომ შეუძლებელია, თითო საქმე რამდენიმე ტომია, მაგრამ რამდენიმე საქმეს შევისწავლიდით. მეც მაინტერესებს, ის განაჩენები, რომელიც გამოვიდა, რამდენად უტყუარ მტკიცებულებებზეა დამყარებული. როცა ამას დავასრულებთ, საზოგადოებას ინფორმაციას მივაწვდით“, - განაცხადა ლევან იოსელიანმა.რაც შეეხება ოპოზიციონერ პოლიტიკოსებთან მის ურთიერთობას, ლევან იოსელიანი აცხადებს, რომ საპატიმროში მყოფი ყველა ოპოზიციონერი პოლიტიკოსი მოინახულა და ჩაერთო ყველა საკითხში, რაშიც დახმარება სჭირდებოდათ.„ოპოზიციის წარმომადგენლები საპატიმროში რომ იყვნენ, მივედი და ყველა მოვინახულე. რაც შემეძლო მომეგვარებინა, დავხმარებოდი, ჯანმრთელობა იქნებოდა თუ სხვა ყოფითი პრობლემები, ბევრ საკითხში ჩავერთე. ადამიანი ციხეში რომ არის, ბევრი რამ ჭირდება. დღეს მაგალითად ხელი მოვაწერე რეკომენდაციას, ნინო დათაშვილის ჯანმრთელობის მიმართულებით კონკრეტული ნაბიჯები გადაიდგას. მუდმივად მიდის მუშაობა ამ ადამიანების მიმართ“, - განაცხადა ლევან იოსელიანმა.

არჩევნებისთვის სამზადისს, ამ პროცესს ვერც უსამშობლო აგენტები შეუშლიან ხელს და ვერც მათი დამკვეთები, – ამის შესახებ დედაქალაქის მერმა, კახა კალაძემ განაცხადა.კალაძემ მხარდამჭერებსა და თანაგუნდელებს მადლობა გადაუხადა.„ჩვენ გვაქვს აღებული პასუხისმგებლობა თბილისის, თბილისელების წინაშე და გაძლევთ პირობას, გაგრძელდება თბილისის განვითარება, გაგრძელდება ყველა რეფორმა, რაც ჩვენი დედაქალაქისთვის სასიცოცხლოდ მნიშვნელოვანია. დღეს უკვე ვთქვი და კიდევ ერთხელ გავიმეორებ: ისინი თუ კეტავენ გზებს და არ აძლევენ მოქალაქეებს თავისუფლად გადაადგილების შესაძლებლობას, ჩვენ ვხსნით რეაბილიტირებულ ქუჩებს, სკვერებს, პარკებს, საბავშვო ბაღებს, სპორტულ მოედნებს. ისინი თუ ზიზღის ენით უპირისპირდებიან ყველას, ვინც მათ გვერდით არ დგას, ჩვენ ვესაუბრებით მოსახლეობას მათ პრობლემებზე და ვცდილობთ, დავძლიოთ დედაქალაქში არსებული გამოწვევები. მინდა, ვისარგებლო შემთხვევით და მადლობა გადავუხადო ყველა ჩვენს მხარდამჭერს, თანაგუნდელს, ვინც ამ დღეების განმავლობაში მოთმინებით პასუხობს მათ აგრესიას და ძალადობრივ ჯგუფებს, რასაც საარჩევნო შტაბთან ვხედავდით. აი, ესაა ჩვენი პასუხი მათ აგრესიაზე, ხოლო მოსახლეობის პასუხი იქნება 4 ოქტომბერს, რომელიც აუცილებლად დასრულდება მხოლოდ და მხოლოდ თბილისის გამარჯვებით. გავაგრძელებთ ამ ქალაქის განვითარებას და ყველა იმ პროექტის განხორციელებას, რომელიც ქალაქისთვის სასიცოცხლოდ მნიშვნელოვანია“, – განაცხადა კალაძემ.

ბიჭები საბრძოლო განწყობაზე არიან, ისტორიული მატჩი გველოდება, პირველად ვართ ევრობასკეტის რვა საუკეთესო გუნდს შორის, – ამის შესახებ საქართველოს კალათბურთის ფედერაციის პრეზიდენტმა, ვიქტორ სანიკიძემ პირველ არხთან ევრობასკეტზე ფინეთთან მოახლოებული შეხვედრის შესახებ განაცხადა.როგორც სანიკიძე აღნიშნავს, გულშემატკივრის ფაქტორი ძალიან მნიშვნელოვანია.„ბიჭები საბრძოლო განწყობაზე არიან, ისტორიული მატჩი გველოდება, პირველად ვართ ევრობასკეტის რვა საუკეთესო გუნდს შორის. მოგების შემთხვევაში ნახევარფინალში გავდივართ და აქედან გამომდინარე, ამ შეხვედრის მნიშვნელობა ძალიან დიდია.ბიჭები თავს კარგად გრძნობენ. გუშინ ბოლო მოსამზადებელი ვარჯიში ჩაატარეს და საბრძოლო განწყობაა. უნდა ვიბრძოლოთ ბოლო წუთამდე, ეს მათ ჩვენი გულშემატკივრისთვის არაერთხელ უჩვენებიათ.რა თქმა უნდა, გულშემატკივრის ფაქტორი ძალიან მნიშვნელოვანი იყო წინა თამაშის დროს. დღესაც რიგაში ორი ჩარტერული რეისი შესრულდა. მათი ყოფნა დამატებითი მოტივაციაა. მადლობა თითოეულ გულშემატკივარს, ვინც ჩამოვიდა. მადლობა პრემიერს, რომელმაც ამ ჩარტერული რეისებით ჩამოსვლის საშუალება მისცა მათ“, – განაცხადა სანიკიძემ.ცნობისთვის, საქართველოსა და ფინეთის ნაკრებების მატჩი თბილისის დროით 18:00 საათზე დაიწყება, ხოლო პირდაპირ რეპორტაჟს პირველი არხი შემოგთავაზებთ.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე პროფესიულ დღეს ულოცავს ენერგეტიკის ფაკულტეტის აკადემიურ პერსონალს, მეცნიერ-მკვლევრებს, სტუდენტებსა და კურსდამთავრებულებს - ენერგეტიკის დარგის სპეციალისტებსა და ექსპერტებს, რომელთა მაღალი პროფესიონალიზმი, შრომისმოყვარეობა და დარგისადმი ერთგულება ეტაპობრივად აყალიბებდა და კვლავაც აყალიბებს ეროვნული ენერგეტიკის საფუძველსა და მომავალს. ინფორმაციას საქართველოს ტექნიკური უნივერსიტეტი ავრცელებს.აკადემიკოს დავით გურგენიძის განცხადებით, საქართველოს ტექნიკური უნივერსიტეტი უმაღლესი საგანმანათლებლო ინსტიტუციაა, რომელიც ენერგეტიკის დარგში მაღალი კვალიფიკაციის სპეციალისტებისა და მკვლევრების მომზადებას უზრუნველყოფს, ხოლო ენერგეტიკის ფაკულტეტი უნივერსიტეტის ერთ-ერთ ყველაზე წარმატებულ და სწრაფად განვითარებად სტრუქტურულ ერთეულად რჩება.„ძვირფასო კოლეგებო, ენერგეტიკის დარგის თვალსაჩინო წარმომადგენლებო, პროფესორებო, მეცნიერ-მკვლევრებო, სტუდენტებო და კურსდამთავრებულებო, გულითადად გილოცავთ ენერგეტიკოსთა დღეს!ენერგეტიკა ჩვენი ქვეყნის სტრატეგიული მიმართულებაა, ეროვნული უსაფრთხოებისა და ეკონომიკური წინსვლის საფუძველია. საამაყოა, რომ ეს უაღრესად მნიშვნელოვანი დარგი დაკომპლექტებულია მთლიანად საქართველოს ტექნიკური უნივერსიტეტის ენერგეტიკის ფაკულტეტის კურსდამთავრებული სპეციალისტებით, რომლებიც ერთიანი ძალისხმევითა და სიყვარულით, პროფესიონალიზმითა და ერთგულებით ეტაპობრივად აყალიბებდნენ ეროვნული ენერგეტიკის საფუძველს, ზრუნავდნენ და ახლაც ზრუნავენ მის განვითარებაზე და ინოვაციური ტექნოლოგიების გამოყენებით ქმნიან საქართველოს ენერგეტიკის მომავალს.ენერგეტიკის ფაკულტეტი ერთ-ერთი უძველესია ჩვენს ქვეყანაში. ის საქართველოს ტექნიკური უნივერსიტეტის დაარსების დღიდან მოქმედებს და საუკუნეზე მეტია უწყვეტად ემსახურება მაღალკვალიფიციური მეცნიერ-მკვლევრებისა და სპეციალისტების მომზადებას, დარგში ახალი ტექნოლოგიების დანერგვა-განვითარებას.აღსანიშნავია, რომ ფაკულტეტზე მოღვაწეობენ ენერგეტიკის დარგის გამორჩეული მეცნიერები და მაღალკვალიფიციური პროფესორ-მასწავლებლები, რომელთა მრავალწლიანი გამოცდილება სტუდენტებისთვის ფასდაუდებელი საგანძურია. ისინი ახალგაზრდებთან ერთად აქტიურად არიან ჩართულნი სამეცნიერო კვლევებში, რითაც მნიშვნელოვანი წვლილი შეაქვთ როგორც ენერგეტიკის, ისე ქვეყნის ეკონომიკის მდგრად განვითარებაში. ფაკულტეტი აღჭურვილია უახლესი ტიპის სასწავლო-კვლევითი ლაბორატორიებითა და მოდერნიზებული სასწავლო სივრცეებით, რაც სტუდენტებს საშუალებას უხსნის დაეუფლონ თანამედროვე ტექნოლოგიებს და პრაქტიკულად განახორციელონ ინოვაციური კვლევები. დღეს მსოფლიოში განსაკუთრებული მნიშვნელობა ენიჭება მწვანე ენერგეტიკას, მდგრადი განვითარების პრინციპების დაცვასა და ეკოლოგიურად სუფთა, ინოვაციური ტექნოლოგიების დანერგვას. ამ კუთხით, საქართველოს ტექნიკური უნივერსიტეტი აქტიურად ახორციელებს როგორც საგანმანათლებლო, ისე სამეცნიერო საქმიანობას. ჩვენი ახალგაზრდები, ენერგეტიკის ტრადიციულ მიმართულებებთან ერთად, ეუფლებიან განახლებადი ენერგიის წყაროების ეფექტიან გამოყენებას, ენერგოეფექტურობის თანამედროვე სტანდარტებზე დაყრდნობით ახორციელებენ ინოვაციურ კვლევებს, რაც უდავოდ უზრუნველყოფს მათ კონკურენტუნარიანობას საერთაშორისო სივრცეში.არსებობის მანძილზე საქართველოს ტექნიკური უნივერსიტეტის ენერგეტიკის ფაკულტეტმა 30 000-მდე სპეციალისტი და მკვლევარი მოამზადა. მათ შორის არიან მსოფლიოში აღიარებული მეცნიერები და ინჟინერ-ენერგეტიკოსები, რომლებმაც თავიანთი მრავალმხრივი მოღვაწეობით უმნიშვნელოვანესი წვლილი შეიტანეს და ახლაც შეაქვთ დარგის განვითარებაში. მჯერა, რომ ენერგეტიკოსთა მომავალი თაობა, რომელიც პროფესიას საქართველოს ტექნიკურ უნივერსიტეტში ეუფლება, ღირსეულად გააგრძელებს იმ დიდ საქმეს, რომელსაც სათავეში მათი წინამორბედი თაობები ჩაუდგნენ.კიდევ ერთხელ გილოცავთ ენერგეტიკოსთა დღეს და წარმატებებს გისურვებთ! თქვენი პროფესიული წვლილი ფასდაუდებელია საქართველოს ეკონომიკური განვითარების, ენერგოდამოუკიდებლობისა და მდგრადი მომავლის უზრუნველყოფის საქმეში“, - აღნიშნულია სტუ-ის რექტორის მილოცვაში.ცნობისათვის, 1922 წლის 10 სექტემბერს, თბილისის გარეუბანში, მდინარე მტკვარზე, მტკვრისა და არაგვის შესართავთან, ინჟინერ ივანე მელიქ-ფაშაევის პროექტით, საფუძველი ჩაეყარა ზემო ავჭალის ჰიდროელექტროსადგურის (ზაჰესის) მშენებლობას, რომელიც იმ დროისთვის პირველი მძლავრი ჰესი იყო ქვეყანაში; ენერგეტიკოსთა პროფესიული დღე კი დამოუკიდებელ საქართველოში პირველად 2002 წლის 10 სექტემბერს აღინიშნა.