დონალდ ტრამპი რუსეთის წინააღმდეგ სანქციებს ერთი წლით ახანგრძლივებს

სოფელ ხიდარში, საკრაულას ხეობაში, ტარიელ ხეცაძის და გრიგოლ ბერაძის კოორდინატები სამაშველო ოპერაციის საფუძველზე უკვე დადგინდა.იმერეთის სამხარეო ადმინისტრაციის ინფორმაციით, ამჟამად მიმდინარეობს მერაბ კოჩაძის ადგილსამყოფელის დადგენა.მათივე ცნობით, სამძებრო სამუშაოებში თავდაცვის სამინისტროს ძალები და შინაგან საქმეთა სამინისტროს საგანგებო სიტუაციების მართვის სამსახურის თანამშრომლები ჩაერთო და ტერიტორიების მონიტორინგი დრონებით განხორციელდა.„მათი ადგილსამყოფელი ერთმანეთისგან, დაახლოებით სამი კილომეტრითაა დაშორებული. თოვლის საფარი სამ მეტრზე მეტია.უკვე დადგენილია ორი პირის საცხოვრებელი სახლი, სადაც თოვლზე მოძრაობის კვალია დაფიქსირებული. ამჟამად მესამე პირის საცხოვრებელი ბინის დაკვირვება ხორციელდება, რომელიც მთაში მდებარეობს. მის გადაადგილებას ვარძიის მიმართულებიდან აკვირდებიან.ასევე, გზის გაკვალვას ცდილობს სოფლის საინიციატივო ჯგუფი“, – ნათქვამია სამხარეო ადმინისტრაციის ინფორმაციაში.

სოციალურ ქსელში დავით ორქოპილაშვილი Dantesi Photography წერს, რომ მარტოხელა ქალის დასახმარებლად, რომელსაც ძვორადღირებული პრეპარატები ესაჭიროებოდა, ბუდუ ზივზივაძემ გაუგზავნა თანხა.„გუშინ ავტვირთე მარტოხელა ქალბატონის ვიდეო, რომელსაც ესაჭიროებოდა ძვირადღირებული პრეპარატები და დამიკავშირდა ერთი ოქრო ადამიანი, ყველასთვის საყვარელი პიროვნება ბუდუ ზივზივაძე, დედამისმა მომწერა და გამომიგზავნა თანხა, რომ ეს წამლებიც შევიძინოთ და არამარტო წამლები, სამკურნალოდ და კვლევების ჩასატარებლად გვეყოს თანხა“ — სოციალურ ქსელში ვიდეოს დავით ოქროპილაშვილი ავრცელებს.

რადიკალური ოპოზიციის გაერთიანებაზე ან დაშლაზე საუბარი აჩვენებს, თუ რამდენად არიან იმ დღის წესრიგს აცდენილი, რაც ქვეყნის მოქალაქეებს გააჩნიათ, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა განაცხადა.მისი თქმით, ამ ადამიანებს უკვე საერთოც არაფერი აქვს, მათ შორის, მათ მცირერიცხოვან მხარდამჭერებთანაც კი.„რადიკალური ოპოზიციის გაერთიანებაზე ან დაშლაზე საუბარი უკვე უხერხული და სამარცხვინოა. ეს ყველაფერი იმას აჩვენებს, თუ რამდენად არიან ისინი იმ დღის წესრიგს აცდენილი, რაც საქართველოშია და ასევე იმ ინტერესებს, რაც ქვეყნის მოქალაქეებს გააჩნიათ. ამ ადამიანებს უკვე საერთო არაფერი აქვს, მათ შორის, მათ მცირერიცხოვან მხარდამჭერებთანაც კი. ახლა იმ პროცესს ვუყურებთ, როცა რადიკალური ოპოზიცია დგას გაარაფრების გზაზე და ცოტა ხანში მათგან აღარაფერი აღარ დარჩება“, – განაცხადა რატი იონატამიშვილმა.

საფრანგეთის პრეზიდენტი ევროპელებს აფრთხილებს, რომ „არ იქცნენ აშშ-ს ბედნიერ ვასალებად.“ ამის შესახებ ემანუელ მაკრონმა პორტუგალიაში ვიზიტისას განაცხადა.საფრანგეთის პრეზიდენტმა კიდევ ერთხელ მოუწოდა ევროპელებს, „კვლავ აღმოეჩინათ რისკის, ამბიციისა და ძალაუფლების გემო.“„მე ვხედავ ბევრ ადამიანს ჩვენს ევროპაში, რომლებიც ამბობენ – ჩვენ უნდა ვიყოთ კეთილგანწყობილი ამერიკელების მიმართ, ეს გაივლის, ჩვენ უნდა დავემორჩილოთ, მაგრამ პასუხი არ არის მორჩილებაში და მე არ ვარ ვასალიზაციის მომხრე“, – თქვა მაკრონმა.საფრანგეთის ლიდერის თქმით, ევროპა უნდა დარწმუნდეს ერთ რამეში, რომ მათ ყველაზე მეტად სჭირდებათ ერთიანობა და სიძლიერე და ამისთვის მათ უნდა გააკეთონ ღრმა არჩევანი ტექნოლოგიის, მრეწველობის და თავდაცვის თვალსაზრისით.მაკრონმა დადებითად შეაფასა აშშ-სა და უკრაინას შორის იშვიათ მინერალებზე მიღწეული შეთანხმება, ასევე, გაიხსენა ტრამპთან უკრაინაზე საუბარი.„მე ვცდილობდი, ამეხსნა უკრაინის მნიშვნელობა და მისი ეგზისტენციალური ბრძოლა სუვერენიტეტისა და ევროპის უსაფრთხოებისთვის,“ – აღნიშნა მაკრონმა.

„ევროკავშირთან, რაც არის კიდევ გაფუჭებადი და მოსწრებადი, ესაა ევროკავშირთან უვიზო მიმოსვლა. მე მგონია, რომ ჩვენ ძალიან ახლოს ვართ უვიზო რეჟიმის დაკარგვასთან იმ უბრალო, მარტივი მიზეზის გამო, რომ უვიზო რეჟიმის დაკარგვას კონსენსუსი არ სჭირდება ევროკავშირში და თუ აქ კიდევ უფრო მეტი „წითელი ხაზი“ გადაილახა, უბრალოდ, მათ ხელთ არსებული დასჯის ინსტრუმენტი სხვა არაფერი იქნება, თუ არა ეს. ანუ მე არ წარმომიდგენია ქვეყანა, რომელსაც მაგალითად, ასოცირება ექნება შეჩერებული, სანქციების ქვეშ იქნება, უვიზო არ ექნება და თან „ჰორიზონტის პროგრამა“ ექნება, რომლითაც მეცნიერები დაფინანსდებიან და მაღალი დონის გაცვლითი პროგრამები ექნებათ. ანუ ეს შეიძლება თეორიულად მოხდეს, მაგრამ ურთიერთგამომრიცხავი და კონტექსტიდან ამოგდებული იქნება“, - განაცხადა სერგი კაპანაძემ.