დონალდ ტრამპი და პიტ ჰეგსეტი ირანის გოგონათა სკოლის დაბომბვაში ირანს ადანაშაულებენ

დღეს მასკატიდან თბილისის მიმართულებით დამატებითი სპეციალური რეისი შესრულდა, რითიც დასრულდა საქართველოს იმ მოქალაქეთა სამშობლოში დაბრუნება, რომელთა გამგზავრებას შესაბამისი ავიაკომპანიები დროულად ვერ უზრუნველყოფდნენ, – ამის შესახებ ინფორმაციას საგარეო საქმეთა სამინისტრო ავრცელებს. უწყების ცნობით, საქართველოს 600-ზე მეტი მოქალაქე, ვინც მიმართა საქართველოს შესაბამის საელჩოებს საქართველოს მთავრობის სპეციალური რეისებით სარგებლობის თხოვნით, სამშობლოში უსაფრთხოდ დაბრუნდა მასკატიდან (ომანის სასულთნო) და რიადიდან (საუდის არაბეთი) განხორციელებული სპეციალური რეისით. ახლო აღმოსავლეთის რეგიონში არსებული ვითარებიდან გამომდინარე, რიგი ქვეყნების საჰაერო სივრცის დახურვის გამო შექმნილი სამგზავრო შეფერხებების გათვალისწინებით, საქართველოს მთავრობის გადაწყვეტილებით, განხორციელდა ოთხი სპეციალური რეისი.

ისრაელის პრეზიდენტმა, ისააკ ჰერცოგმა განაცხადა, რომ ირანი სწრაფად მიიწევდა წინ 20 000 ბალისტიკური რაკეტის მარაგის შექმნისკენ.ჰერცოგის თქმით, სწორედ ეს იყო ერთ-ერთი მთავარი მიზეზი, რის გამოც ისრაელმა და შეერთებულმა შტატებმა გადაწყვიტეს „სწრაფად მოქმედება“ და საფრთხის აღმოფხვრა.ისრაელის პრეზიდენტმა აღნიშნა, რომ ირანი საერთაშორისო სამართლის არცერთ ნორმას არ იცავდა.ისრაელის პრეზიდენტს კითხვა დაუსვეს იმის შესახებ,  რატომ ახორციელებს ისრაელი თავდასხმას ირანის ფარგლებს გარეთ, კერძოდ ლიბანზე.„ჩვენ ეს არ გაგვიკეთებია, ჩვენ თავად გვესხმოდნენ თავს“, – უპასუხა ისააკ ჰერცოგმა და აღნიშნა, რომ ისინი ირანის მიერ მხარდაჭერილი ლიბანური დაჯგუფება „ჰეზბოლას“ მხრიდან არსებულ თავდასხმას პასუხობდნენ.

1981 წლის 24 თებერვალს ბუკინგემის სასახლემ პრინცი ჩარლზისა და ლედი დიანა სპენსერის ნიშნობა გამოაცხადა. დღეს ცოტამ თუ იცის, რომ დიანას ნიშნობის ბეჭდით მაშინ ბევრი ადამიანი აღშფოთდა.ერთი შეხედვით, იგი ბრიტანულ ტრადიციებს სრულად ეწინააღმდეგებოდა. ​ტრადიციული ფოტოსესიის გამოქვეყნებას დიდი სკანდალი მოჰყვა. ბეჭდის არჩევანით პრესა გაოცდა და არაერთი ხმაურიანი სათაური გამოაქვეყნა. ​უპირველეს ყოვლისა, ნიშნობის ბეჭდისთვის ჩვეული ბრილიანტის ნაცვლად, დიანამ უპირატესობა საფირონს მიანიჭა. უფრო მეტიც, გავრცელებული ხმების თანახმად, მან ნიშნობის ბეჭედი თავადვე შეარჩია. როგორც ცნობილია, ნიშნობამდე ცოტა ხნით ადრე მას სხვადასხვა სტილისა და ზომის ბეჭდებით სავსე ყუთი მიართვეს, ლედი დიმ კი არჩევანი სწორედ 12-კარატიანი შრი-ლანკური საფირონით დამშვენებულ სამკაულზე შეაჩერა.​გარდა ამისა, ჟურნალისტურმა გამოძიებამ აჩვენა, რომ დიანას ნიშნობის ბეჭედი უნიკალური სულაც არ იყო. როგორც ირკვეოდა, სამკაული საიუველირო ბრენდ Garrard-ის ჩვეულებრივ კოლექციას ეკუთვნოდა, რომელიც იმ პერიოდში არა მხოლოდ სამეფო ოჯახის წევრებისთვის, არამედ ნებისმიერი მსურველისთვის ხელმისაწვდომი იყო. ​მაშინ ითვლებოდა, რომ სამეფო ოჯახის წარმომადგენლებს ექსკლუზიურად მათთვის შექმნილი ბეჭდები უნდა აერჩიათ. ბევრმა ეს პრინცესა დიანას მხრიდან პროტესტის გამოხატვად და წესების უგულებელყოფად შეაფასა.თუმცა წლების განმავლობაში ბეჭდის მიმართ დამოკიდებულება შეიცვალა. დღეს მსგავსი დიზაინი ნამდვილ კლასიკად ითვლება, მსოფლიოს გარშემო კი მილიონობით პატარძალი სწორედ ასეთ ბეჭედზე ოცნებობს.ახლა პრინცესა დიანას ნიშნობის ბეჭედს ქეით მიდლტონი ატარებს.

ირანში აშშ-ის სახმელეთო ჯარების გაგზავნა შესაძლებელია, მაგრამ ამისთვის ძალიან სერიოზული მიზეზი იქნება საჭირო, – ამის შესახებ აშშ-ის პრეზიდენტმა, დონალდ ტრამპმა განაცხადა.„ახლა ამაზე საუბარიც კი არ მინდა. ვფიქრობ, ეს შესაბამისი კითხვა არ არის; თქვენ იცით, რომ ამაზე პირდაპირ პასუხს არ გავცემ. შეიძლება, ასეთი რამ მოხდეს? შეიძლება, მაგრამ ამისთვის ძალიან სერიოზული მიზეზი იქნება საჭირო. ვიტყოდი, რომ თუ ოდესმე ამას გავაკეთებთ, ისინი იმდენად განადგურებულები იქნებიან, რომ მიწაზე ბრძოლას ვეღარ შეძლებდნენ”,- განაცხადა ტრამპმა.

ისრაელის სამხედროები აპირებენ დაარტყან ხამენეის მემკვიდრეს და ლიდერის შერჩევის პროცესში ჩართული პირებს. ამის შესახებ კვირას გავრცელებულ გაფრთხილებაშია ნათქვამი, იუწყება CNN-ი."ტირან ხამენეის დამხობის შემდეგ, ირანის ტერორისტული რეჟიმი ცდილობს გადაჯგუფებას და ახალი უზენაესი ლიდერის არჩევას“, - წერს ისრაელის თავდაცვის ძალები."გვინდა ხაზგასმით აღვნიშნოთ, რომ ისრაელის სახელმწიფო გააგრძელებს მემკვიდრის და ყველა იმ პირის დევნას, ვინც მის დანიშვნას შეეცდება“, - ნათქვამია განცხადებაში.ისრაელის თავდაცვის ძალებმა მემკვიდრის შერჩევის შეხვედრაზე დამსწრე პირებიც გააფრთხილა: "ჩვენ, უყოყმანოდ, თქვენც ამოგიღებთ სამიზნეში. ჩათვალეთ, რომ გაფრთხილებული ხართ", - ნათქვამია განცხადებაში.ცნობისთვის, ირანის სახელმწიფო მედიამ გაავრცელა ინფორმაცია, რომ ირანი ახლოსაა უზენაესი ლიდერის არჩევასთან.