დონალდ ტრამპი – ბევრს ვმუშაობ, რომ სუდანში ომი დავასრულო, ეს იქნება მეცხრე ომი, თუ მანამდე რუსეთისა და უკრაინის ომს არ დავასრულებთ

აშშ-ის პრეზიდენტი დონალდ ტრამპი აცხადებს, რომ აშშ-ში „რელიგია დაბრუნდა“ და ქვეყანაში რწმენა კვლავ გაძლიერდა. ამის შესახებ აშშ-ის პრეზიდენტმა ეროვნული ლოცვის საუზმეზე სიტყვით გამოსვლისას განაცხადა.ამასთან, მისივე თქმით, წელს „ამერიკა 250“-ის ღონისძიების აღნიშვნის ფარგლებში, 17 მაისს ეროვნულ მოედანზე ლოცვის დღე გაიმართება, რომლის დროსაც სხვადასხვა სარწმუნოების წარმომადგენლები სალოცავად შეიკრიბებიან.„დღეს, როდესაც ჩვენ შევიკრიბეთ, ბევრი ნიშანია იმისა, რომ რელიგია ბრუნდება… ის ძალიან ძლიერად ბრუნდება. თქვენ იცით, რომ თქვენი ეკლესიები ივსება. ორი წლის განმავლობაში ეს არ ხდებოდა. კოვიდმა ზიანი მიაყენა. დემოკრატები საშინლად მოგექცნენ.სიამოვნებით გაცნობებთ, რომ 2026 წლის 17 მაისს, ჩვენ ვიწვევთ ამერიკელებს მთელი ქვეყნის მასშტაბით, შეიკრიბონ ჩვენს ეროვნულ მოედანზე ლოცვისთვის, მადლიერების გამოსახატავად… ჩვენ ხელახლა ვაკურთხებთ ამერიკას, როგორც ერთიან ერს ღმერთის ქვეშ… მე ყოველთვის ვამბობდი, რომ უბრალოდ ვერ გექნება დიდი ქვეყანა, თუ რელიგია არ გაქვს. რაღაცის უნდა გჯეროდეს”,- განაცხადა ტრამპმა.სიტყვით გამოსვლისას ტრამპმა გააკრიტიკა დემოკრატები, დაადანაშაულა ისინი 2020 წლის პანდემიის დროს ეკლესიების დახურვის აგრესიულ ტაქტიკაში და ასევე გააკრიტიკა მემარცხენეები რელიგიაზე თავდასხმებისთვის.„არ ვიცი, როგორ შეიძლება, მორწმუნე ადამიანმა ხმა მისცეს დემოკრატს. ნამდვილად არ ვიცი. ახლა რელიგიურ ლიდერებს ისევე ან უფრო მეტად სცემენ პატივს, ვიდრე მსოფლიოს ნებისმიერ წერტილში ნებისმიერი ტიპის ლიდერს. და ასეც უნდა იყოს “, – თქვა ტრამპმა.სიტყვით გამოსვლისას აშშ-ის პრეზიდენტმა ასევე განაცხადა, რომ ალბათ, სამოთხეში მოხვდება.„მე ნამდვილად ვფიქრობ, რომ ალბათ, უნდა, მოვხვდე. მე არ ვარ იდეალური კანდიდატი, მაგრამ ბევრი სიკეთე გავაკეთე იდეალური ადამიანებისთვის, ეს ნამდვილად ასეა“,- განაცხადა აშშ-ის პრეზიდენტმა.

„საუზ ჩინა მორნინგ პოსტის“ ცნობით, ჩინეთში რვა წლის ბიჭმა, ლიუ ჩუსიმ, 55 დღე კომაში გაატარა და თანაკლასელების ხმის გაგონების შემდეგ გაიღვიძა. 2025 წლის ნოემბერში ბავშვი ავტოკატასტროფაში მოყვა და ფილტვებისა და ტვინის დაზიანებები მიიღო.ექიმებმა მისი გამოჯანმრთელების შანსები უკიდურესად მცირედ შეაფასეს. თუმცა, ლიუ ჩუსიმ უარი თქვა დანებებაზე და ქვეყნის მასშტაბით სხვა სამედიცინო დაწესებულებებში კონსულტაციები გაიარა. ერთ-ერთმა ექიმმა ივარაუდა, რომ ბავშვი შესაძლოა კომიდან ნაცნობი ხმების გამო გამოფხიზლებულიყო. დედამ მას სკოლის მელოდიების სხვადასხვა ჩანაწერი ჩაურთო, მასწავლებელმა კი გადაწყვიტა, თანაკლასელების სურვილების ვიდეო გადაეღო.გაისმა დაშავებული ბავშვის ერთ-ერთი ნაცნობის ნათქვამი: „ჩუსი, მალე გონს მოდი, ფეხბურთი ვითამაშოთ“. კიდევ ერთმა მოსწავლემ შეახსენა, რომ მალე გამოცდები მოდიოდა: „ძალიან მოგვენატრე. თუ გესმის, გთხოვ, გაახილე თვალები. გამოცდები ახლოვდება, გელოდები, ერთად ვისწავლით“. ბავშვები ასევე მღეროდნენ მეგობრების საყვარელ სიმღერებს და უყვებოდნენ სასაცილო ისტორიებს თავიანთი კლასიდან.ლიუ ჩუსის დედა ყოველდღე ატარებდა ასეთ ვიდეოებსა და გაკვეთილების ჩანაწერებს. კომის 45-ე დღეს ბავშვმა ქუთუთოების მოძრაობა დაიწყო და რამდენიმე დღის შემდეგ მასწავლებლის ხმის გაგონებაზე გაიღიმა. 55-ე დღეს ბიჭი გონს მოეგო და მარცხენა ხელის მოძრაობა შეძლო.

საქართველოს პრეზიდენტი მიხეილ ყაველაშვილი მეუღლესთან და თანმხლებ დელეგაციასთან ერთად, საქართველოს სახელით მოასპარეზე ფიგურულ მოციგურავეებს შეხვდა.პრეზიდენტმა შეხვედრაზე სპორტსმენებს მადლობა გადაუხადა ევროპის ჩემპიონატზე მიღწეული წარმატებისთვის.„მე, როგორც ყოფილმა სპორტსმენმა, ვიცი თქვენი განცდები, რას ფიქრობთ, როგორია წინასწარი მომზადების თემა,  მთელი კონცენტრაცია არის გამოსვლაზე. ჩვენი ხალხის სახელით, მინდა, მადლიერება გამოვხატო იმ სიხარულისთვის, რომელიც ჩვენ ევროპის ჩემპიონატზე განვიცადეთ და მივიღეთ. ეს დასაწყისია, უდიდესი საქმე გააკეთეთ. ხომ იცით, ქართველებს როგორ უყვართ სპორტი, როგორი რეაქცია აქვთ გამარჯვებაზე და ეს დიდი პატივია თქვენთვისაც, რომ ამხელა სიხარული მიანიჭეთ ჩვენს ერს, ხალხს. ამისთვის კიდევ ერთხელ გიხდით მადლობას თითოეულ თქვენგანს“, – აღნიშნა მიხეილ ყაველაშვილმა.როგორც მიხეილ ყაველაშვილმა განაცხადა, სპორტსმენების წარმატება არის მაგალითი და მოტივაცია ახალგაზრდებისთვის.„დარწმუნებული ვარ, ბევრი ბავშვი, გოგონები და ბიჭები, დაიწყებს ფიგურულ სრიალზე სიარულს. ეს ყოველთვის გადამდებია . მარტო ის კი არ არის წარმატება, რომ თქვენ ჩემპიონები ხდებით, არამედ ეს არის იმის საფუძველიც, რომ ჩვენმა მომავალმა თაობამ დაინახოს ეს წარმატება, სურვილი გაუჩნდეს სპორტზე სიარულის. თქვენ ხართ ამის მაგალითი“, – აღნიშნა მიხეილ ყაველაშვილმა.მისივე თქმით, დარწმუნებულია, რომ საქართველოს ოლიმპიური დელეგაცია  წარმატებით იასპარეზებს.„დიდი მოტივაცია მქონდა, რომ შეგხვედროდით. მინდა იცოდეთ, რომ მთელი ქვეყანა თქვენ გვერდით დგას. ეს დამატებითი სტიმული და მოტივაცია იქნება. თქვენ მაღალი დონის პროფესიონალები ხართ. თქვენ გვერდით ვართ, წარმატებას გისურვებთ და გვჯერა კიდეც, რომ წარმატებით იასპარეზებთ“, – განაცხადა საქართველოს პრეზიდენტმა.ზამთრის ოლიმპიურ თამაშებში საქართველოდან რვა სპორტსმენი ორ სახეობაში – ფიგურულ ციგურაობასა და სამთო-სათხილამურო სპორტში იასპარეზებს. საქართველოს ოლიმპიური დელეგაციიდან სამთო მოთხილამურეები კორტინაში იმყოფებიან, სადაც ასპარეზობები სლალომსა და გიგანტურ სლალომში გაიმართება.ვიზიტის ფარგლებში ,მიხეილ ყაველაშვილი ზამთრის XXV ოლიმპიურ თამაშებზე ფიგურული ციგურაობის გუნდურ შეჯიბრებაზე საქართველოს წარმომადგენლებს უგულშემატკივრებს.ოლიმპიადის გახსნამდე კი, საქართველოს პრეზიდენტი ზამთრის XXV ოლიმპიური თამაშების გახსნის ცერემონიაზე დამსწრე უცხო სახელმწიფოების მეთაურების პატივსაცემად იტალიის პრეზიდენტის, სერჯო მატარელას სახელით გამართულ ვახშამს დაესწრება.საქართველოს პრეზიდენტი ასევე დაესწრება საერთაშორისო ოლიმპიური კომიტეტის პრეზიდენტის, კირსტი ქოვენთრის მასპინძლობით გამართულ ვახშამს.ინფორმაციას საქართველოს პრეზიდენტის ადმინისტრაცია ავრცელებს.

რუსეთის საგარეო საქმეთა მინისტრი სერგეი ლავროვი აცხადებს, რომ სომხეთის მიმართ ჩრდილოეთიდან მომავალი საფრთხის შესახებ გაკეთებულ განცხადებებს მოსკოვი უცნაურად მიიჩნევს.„ჩვენთვის ცოტა უცნაურია პერიოდული განცხადებების მოსმენა ჩრდილოეთიდან სომხეთის წინააღმდეგ მომზადებულ მითიურ თავდასხმებზე, კოლექტიური უსაფრთხოების ხელშეკრულების ორგანიზაციის (ОДКБ) მხრიდან ეგზისტენციალური საფრთხის შესახებ და ამ მხრივ, ასევე აღვნიშნავდი ჩვენი საერთო ისტორიის კითხვის ნიშნის ქვეშ დაყენების მცდელობებს.თქვენ იწყებთ საპარლამენტო არჩევნებისთვის მოსამზადებელ კამპანიას. გარწმუნებთ, რომ როდესაც საზღვარგარეთიდან მოდის სიგნალები, რომ ვიღაც გეგმავს ჩარევას, რუსეთის ფედერაციაზე მკაფიო მითითებით და როდესაც ერევნიდან ევროკავშირისკენ მოწოდებები ისმის – „დაგვეხმარეთ ასეთი ჩარევის თავიდან აცილებაში“ – ეს ჩვენთვის უცნაურია., – განაცხადა ლავროვმა სომხეთის ეროვნული ასამბლეის სპიკერ ალენ სიმონიანთან შეხვედრაზე.ცნობისთვის, სომხეთში საპარლამენტო არჩევნები 2026 წლის 7 ივნისს არის დაგეგმილი. არჩევნებამდე ნახევარი წლით ადრე, ერევანმა ბრიუსელს არჩევნებში უცხოური ჩარევისა და ჰიბრიდული საფრთხეების წინააღმდეგ ბრძოლაში დახმარებისთვის მიმართა.

აშშ-ის ვიცე-პრეზიდენტი ჯეი დი ვენსი აცხადებს, რომ გარკვეულ სფეროებში ვაშინგტონი რუსეთთან თანამშრომლობას არ გამორიცხავს.ჯეი დი ვენსმა ჟურნალისტ მეგინ კელისთან ინტერვიუში განაცხადა, რომ რომ მსგავსი თანამშრომლობა უკრაინაში ომთან დაკავშირებით აშშ-ის პოზიციას არ ეწინააღმდეგება.„ხალხი ამბობს, თქვენ პუტინთან თანამშრომლობა არ შეგიძლიათ არცერთ საკითხზე, რადგან არ ეთანხმებით მის უკრაინაში შეჭრას. პრეზიდენტმა ძალიან ნათლად თქვა, რომ პუტინი არ უნდა შეჭრილიყო უკრაინაში. ჩვენ შევეცდებით ვიმუშაოთ და ეს დავასრულოთ, მაგრამ შესაძლოა არსებობდეს თანამშრომლობის გარკვეული სფეროები რუსეთსა და შეერთებულ შტატებს შორის“, – აღნიშნა ვენსმა ინტერვიუში.აშშ-ის ვიცე-პრეზიდენტმა ასევე აღნიშნა, რომ შეერთებული შტატები შეიძლება არ ეთანხმებოდეს რუსეთს რიგ საკითხებში, მაგრამ ეს არ გამორიცხავს ორმხრივ თანამშრომლობას.„ტრამპის დამოკიდებულება ასეთია, ჩვენ ალიანსებზე ვსაუბრობთ. შეიძლება გვქონდეს ქვეყანა, სადაც ჩვენი ინტერესების 90%-ს ვეთანხმებით, მაგრამ საკითხების 10%-ზე ვერ ვთანხმდებით. ამასობაში, შესაძლოა, რუსეთს ბევრ რამეში არ ვეთანხმებით, მაგრამ ზოგიერთ საკითხზე შეიძლება შევთანხმდეთ. მე ვფიქრობ, რომ ეს ფუნდამენტური რეორიენტაციაა“, – განაცხადა ვენსმა.ორშაბათს, 2 თებერვალს, ცნობილი გახდა, რომ რუსეთმა შეერთებულ შტატებს წარუდგინა წინადადებები ურთიერთობების სრული „ნორმალიზაციისთვის“ „სერიოზული ბარიერების“ მოხსნის შესახებ.ცნობისთვის, „ასოშიეთიდ პრესიმა“ გაავრცელა ინფორმაცია, რომ აშშ და რუსეთი 2021 წელს შეწყვეტილი მაღალი დონის სამხედრო დიალოგის აღდგენაზე შეთანხმდნენ. ამასთან, „აქსიოსის“ ცნობით, აშშ და რუსეთი შეთანხმდნენ, რომ „სტრატეგიული შეიარაღების შემცირების ხელშეკრულების“ განახლების ვარიანტების განხილვას დაიწყებენ.