დონალდ ტრამპი – აშშ-მა ხარგის კუნძულზე ახლო აღმოსავლეთის ისტორიაში ერთ-ერთი ყველაზე ძლიერი დაბომბვა განახორციელა, ყველა სამხედრო სამიზნე განადგურდა

რომის პაპმა, ლეო XIV-მ განაცხადა, რომ ქრისტიანმა პოლიტიკურმა ლიდერებმა, რომლებიც ომებს იწყებენ, უნდა ჩააბარონ აღსარება და დაფიქრდნენ, რამდენად მიჰყვებიან იესოს სწავლებას.ამასთან, პონტიფიკოსს კონკრეტული ლიდერები ან კონფლიქტები არ დაუსახელებია.„აქვთ თუ არა იმ ქრისტიანებს, რომლებიც შეიარაღებულ კონფლიქტებში მძიმე პასუხისმგებლობას ატარებენ, საკმარისი თავმდაბლობა და გამბედაობა, რომ სერიოზულად გამოიკვლიონ საკუთარი სინდისი და წავიდნენ აღსარებაზე?“, – განაცხადა პაპმა სასულიერო პირებისადმი მიმართვაში.„როიტერი“ იუწყება, რომ რომის პაპი ბოლო დღეებში უფრო აქტიურად გამოდის ირანში ომის დასრულების მოწოდებებით.ამასთან, როგორც სააგენტო წერს, აშშ-ის პრეზიდენტი დონალდ ტრამპი აღზრდილია პრესვიტერიანული ქრისტიანული ტრადიციით. მისი ადმინისტრაციის რამდენიმე წევრი, მათ შორის, ვიცე-პრეზიდენტი ჯეი დი ვენსი და სახელმწიფო მდივანი მარკო რუბიო კათოლიკეები არიან.

არცერთი რეპრესიული კანონი არ მოქმედებს ჩვენს ქვეყანაში, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტის კითხვის საპასუხოდ განაცხადა, რომელიც ეუთო-ს ანგარიშს ეხებოდა.კობახიძის თქმით, ყველა კანონი ემსახურება ლეგიტიმურ მიზანს და ყველა კანონი არის პროპორციული.„საქართველოში არ მოქმედებს არცერთი რეპრესიული კანონო იმ გაგებით, რა გაგებითაც საუბრობენ კონკრეტული პირები. არცერთი რეპრესიული კანონი არ მოქმედებს ჩვენს ქვეყანაში. ყველა კანონი ემსახურება ლეგიტიმურ მიზანს და ყველა კანონი არის პროპორციული. ჩვენ მზად ვართ, სათითაოდ განვიხილოთ ნებისმიერი კანონი, რაზეც ეს ადამიანები საუბრობდნენ. ყველა კანონი ემსახურება ლეგიტიმურ მიზანს და ყველა კანონი ეფუძნება პროპორციულობის პრინციპს.მათ არ მოსწონთ გამჭვირვალობის კანონი, რომელიც თავიდან ბოლომდე შესაბამისობაშია ლეგიტიმურ მიზანთან, თანაზომიერების პრინციპთან. მათ არ მოსწონთ კანონი არასლუწლოვანთა უფლებების დაცვის შესახებ და ოჯახური ღირებულებების შესახებ. ასეთი კანონმდებლობა არ მოსწონთ.პირდაპირ უწერია ამ ქალბატონს თავის დასკვნაში, რომ თქვენ შეგიძლიათ მიხვიდეთ ბათუმის იუსტიციის სახლში და ჩაეწეროთ კაცად. ეს უწერია ამ ქალბატონს პირდაპირ. ეს ქალბატონი გვაძალებს ერთ რამეს, ვინმეს თუ მოუნდება, თქვენ თუ მოგინდებათ იუსტიციის სახლში მისვლა და გადაწერა კაცად, ჩვენ ამის უფლება უნდა მოგცეთ. ამას გვაძალებს ეს ქალბატონი. არანორმალურია ეს ყველაფერი. ეს ქალბატონი გვაიძულებს, რომ ჩვენ ქალები გადავწეროთ კაცებად და კაცები ქალებად“, –  განაცხადა პრემიერ-მინისტრმა.

საქართველოს პრემიერ-მინისტრი ირაკლი კობახიძე, რეგიონული განვითარების მინისტრ კახა გულედანთან და აჭარის ავტონომიური რესპუბლიკის მთავრობის თავმჯდომარე სულხან თამაზაშვილთან ერთად, „ოცნების ქალაქის“ სამშენებლო სამუშაოების მიმდინარეობას გაეცნო.პრემიერ-მინისტრმა დეტალური ინფორმაცია მიიღო პროექტზე, რომლის დასრულება 2028 წელს იგეგმება.მასშტაბური სოციალური პროექტის მეორე ეტაპის ფარგლებში სამი 8-სართულიანი და ექვსი 13-სართულიანი კორპუსი შენდება, სადაც ბინას 1077 ოჯახი მიიღებს. 8-სართულიანი კორპუსების მშენებლობა უკვე დასრულებულია, ხოლო 13-სართულიანის  უახლოეს მომავალში დასრულდება. ტერიტორიაზე ეწყობა შესაბამისი საინჟინრო ინფრასტრუქტურა. „ოცნების ქალაქში“ ასევე იგეგმება საჯარო სკოლის, საბავშვო ბაღის და საბავშვო მოედნების მშენებლობა.პროექტის პირველ ეტაპზე უკვე აშენდა სამი 12-სართულიანი მრავალბინიანი სახლი, სადაც ბინა საკუთრებაში 582 ოჯახს გადაეცა.ინფორმაციას მთავრობის ადმინისტრაცია ავრცელებს.

საფრანგეთის პრეზიდენტი ემანუელ მაკრონი აცხადებს, რომ ლიბანი მზადაა ისრაელთან მოსალაპარაკებლად.როგორც მაკრონმა აღნიშნა, იგი მზადაა, მხარეებს პარიზში უმასპინძლოს.„ლიბანის მთავრობამ ისრაელთან პირდაპირი მოლაპარაკებების დაწყების სურვილი გამოთქვა. საფრანგეთი მზადაა, ხელი შეუწყოს ამ მოლაპარაკებებს პარიზში მათი მასპინძლობით“, – აღნიშნა მაკრონმა.საფრანგეთის ლიდერმა ასევე განაცხადა, რომ ყველა შესაძლო ნაბიჯი უნდა გადაიდგას, რათა ლიბანი ქაოსში არ ჩაეფლოს.„ისრაელმა უნდა გამოიყენოს ეს შესაძლებლობა, დაიწყოს მოლაპარაკებები და უზრუნველყოს ცეცხლის შეწყვეტა, იპოვოს მდგრადი გადაწყვეტა და ლიბანის ხელისუფლებას მისცეს საშუალება, შეასრულოს თავისი ვალდებულებები სახელმწიფოს სუვერენიტეტისთვის“, – აღნიშნა მაკრონმა.

„ჩვენო „გაღმა“ მეზობლებო...ვერ გავუსწორე თვალი სიბნელეს ჩემი აივნიდან...იქ, სადაც სულ რამდენიმე საათის წინ თქვენი ფანჯრებიდან სინათლე იფრქვეოდა…ახლა მხოლოდ დაუნდობელი სიბნელეა… გული მეწურება იმის გაფიქრებაზე, რომ ერთ წამში ჩამოწოლილმა მიწამ წლების ნაშრომი თან გაიყოლა.იცოდეთ, რომ ამ წყვდიადში მარტო არ ხართ — ყოველი ჩვენგანის გული ახლა თქვენს ეზოებში, თქვენს ნანგრევებთან ფეთქავს.ჩვენო „გაღმა“ მეზობლებო... გაუძელით, გთხოვთ...- ამის შესახებ სოციალურ ქსელში სოფელ კურსების მაცხოვრებელი  წერს და ვიდეოს აქვეყნებს. David NaTia Nishnianidze