„დედას ცეკვაზე უნდა წავეყვანე, მაგრამ მამამ დაასწრო…“ – გიორგი სარდალაშვილი პირველ ნაბიჯებზე

საბერძნეთში ქალმა ქმართან განქორწინება გადაწყვიტა მას შემდეგ, რაც ChatGPT-მ ყავის ნალექზე მკითხაობისას კაცი სავარაუდო ღალატში ამხილა.მედიის ინფორმაციით, ყველაფერი იმით დაიწყო, რომ ქალმა ოჯახის მომავლის გაგება გადაწყვიტა. მან ყავა მოიდუღა, ნალექის ფოტოები კი ChatGPT-ში ატვირთვა და ხელოვნურ ინტელექტს მათი ინტერპრეტირება სთხოვა.ChatGPT-მ ივარაუდა, რომ მომავალში მისი ქმარი ახალგაზრდა ქალს გაიცნობს და ცოლს უღალატებს. ხელოვნურმა ინტელექტმა ნალექში შესაძლო საყვარლის ინიციალებიც კი გამოყო. ამის შემდეგ ქალმა ქმარი სახლიდან გააგდო, 3 დღის შემდეგ კი განქორწინებაზე შეიტანა განცხადება.„მე ამ ყველაფერზე მეცინებოდა, თუმცა ჩემმა ცოლმა ყველაფერი სერიოზულად აღიქვა. წასვლა მთხოვა, ჩვენს შვილებს კი უთხრა რომ ვშორდებით. შემდეგ ადვოკატმა დამირეკა. სწორედ მაშინ მივხვდი, რომ ეს უბრალო ლაპარაკი არ იყო“, - განუცხადა ჟურნალისტებს პოტენციურმა მოღალატემ.წყვილი ერთად 12 წლის განმავლობაში იყო.ეს პირველი შემთხვევა არ არის, როდესაც ChatGPT ოჯახის დანგრევის მიზეზი ხდება. მანამდე ამერიკაში ქალმა 20-წლიანი ქორწინების შემდეგ მიატოვა ქმარი ხელოვნურ ინტელექტთან ურთიერთობის გამო. ქალი ამტკიცებდა, რომ სწორედ ხელოვნურ ინტელექტთან იგრძნო პირველად რას ნიშნავს, როცა ვიღაცას უყვარხარ.

სეტყვამ ახმეტის მუნიციპალიტეტი დააზარალა.ადგილობრივების ინფორმაციით, ძლიერი ქარი და სეტყვა დაახლოებით 20 წუთს გაგრძელდა და სასოფლო-სამეურნეო სავარგულები დააზიანა.უხვი ნალექის გატარება ვერ შეძლო სანიაღვრე არხებმა, რის გამოც სოფელ მატანსა და ჩაჩხრიალოში  დაიტბორა რამდენიმე საცხოვრებელი სახლის პირველი სართულები და ეზოები.ახმეტის მუნიციპალიტეტის მერის, ალექსი ფიცხელაურის განმარტებით, სტიქიით მიყენებულ ზარალს შესაბამისი სამსახურები დაითვლიან.

დღეს, 23:00 ევროვიზია 2025-ის პირველი ნახევარფინალი გაიმართება.მაყურებლის წინაშე 15 ქვეყნის წარმომადგენლები იმღერებენ: ისლანდია, პოლონეთი, სლოვენია, ესტონეთი, უკრაინა, შვედეთი, პორტუგალია, ნორვეგია, ბელგია, იტალია, აზერბაიჯანი, სან მარინო, ალბანეთი, ნიდერლანდები, ხორვატია და კვიპროსი. მათგან ფინალურ შოუზე მხოლოდ 10 ქვეყანა გადავა.სცენაზე ასევე წარდგება „დიდი ხუთეულის” ორი ქვეყანა: იტალია, ესპანეთი და მასპინძელი – შვეიცარია.შეგახსენებთ, რომ საქართველოს წარმომადგენელი, მარიამ შენგელია 15 მაისს, ევროვიზია 2025-ის მეორე ნახევარფინალურ შოუზე მე-10 ნომრად წარდგება.წლევანდელი ევროვიზია შვეიცარიის ქალაქ ბაზელში იმართება. პირდაპირ ტრანსლაციას ტრადიციულად პირველი არხი შემოგთავაზებთ. ლაივ შოუს ყურებას 1TVPLAY-ზეც შეძლებთ.კონკურსის წესებიდან გამომდინარე, საკუთარ ქვეყანას ხმას ვერ მისცემთ.2025 წლის კონკურსს სამი წამყვანი ეყოლება. ჰეზელ ბრუგერი და მიშელ ჰუნციკერი 13 და 15 მაისს ნახევარფინალურ შოუებს წარუძღვებიან, ფინალურ შოუზე კი მათ სანდრა სტუდერიც შეურთდება.2025 წლის ევროვიზიაზე მონაწილეობას 37 ქვეყანა მიიღებს. ის St. Jakobshalle-ის დარბაზში გაიმართება, რომელიც 12 000-ზე მეტ მაყურებელს იტევს.

ისრაელის პრემიერ-მინისტრი ბენიამინ ნეთანიაჰუ მადლობას უხდის აშშ-ის პრეზიდენტ დონალდ ტრამპს ისრაელელ-ამერიკელი მძევლის დაბრუნების პროცესში გაწეული დიპლომატიური ძალისხმევისთვის და აცხადებს, რომ ისრაელის სამხედრო ზეწოლა და ტრამპის პოლიტიკური ზეწოლა „გამარჯვების ფორმულაა“.„ამას მივაღწიეთ ჩვენი სამხედრო ზეწოლისა და პრეზიდენტ ტრამპის მიერ გაწეული დიპლომატიური ზეწოლის წყალობით. ეს კომბინაცია არის გამარჯვების ფორმულა. დღეს ველაპარაკე პრეზიდენტ ტრამპს. მან მითხრა: „მე ვალდებული ვარ ისრაელის წინაშე. მე ვალდებული ვარ, განვაგრძო მუშაობა თქვენთან მჭიდრო კოორდინაციით“, რათა მივაღწიოთ ჩვენი ომის ყველა მიზანს: გავათავისუფლოთ ყველა მძევალი და დავამარცხოთ „ჰამასი“. ეს მიზნები ურთიერთდაკავშირებულია“, – აღნიშნა ნეთანიაჰუმ გავრცელებულ ვიდეომიმართვაში.ცნობისთვის, „ჰამასმა“ განაცხადა, რომ ისრაელელ-ამერიკელი მძევალი ედან ალექსანდერი გაათავისუფლეს. ისრაელის თავდაცვის ძალების ცნობით, ალექსანდერი უკვე ისრაელის ტერიტორიაზე იმყოფება.

საქართველოს ხელბურთელთა ეროვნული ნაკრების წევრი, მირიან გავაშელიშვილი კარიერას პოლონურ კლუბ „ოსტროვიაში“ გააგრძელებს. 24 წლის გამთამაშებელი ახალ კლუბს 2025/26 წლების სეზონიდან შეუერთდება.გავაშელიშვილმა პროფესიული კარიერა საქართველოში, თელავის „იმედში“ დაიწყო, ბოლო ორი სეზონი კი სერბულ „მეტალოპლასტიკაში“ თამაშობდა. სერბეთის სუპერლიგაში მან  55 მატჩში 73 გოლი გაიტანა.გავაშელიშვილი საქართველოს ეროვნული ნაკრების ერთ-ერთი ლიდერია, რომლის შემადგენლობაში 22 მატჩი ჩაატარა და 6 გოლი გაიტანა, მათ შორის ორი, 2024 წლის ევროპის ჩემპიონატზე.„გავაშელიშვილი უნივერსალური ტიპის გამთამაშებელია, რომელსაც მოედნის კარგი ხედვა აქვს. გვჯერა, რომ ახალი სეზონიდან ჩვენს გუნდს დიდ სარგებლობას მოუტანს“, – ასე გამოეხმაურა პოლონური კლუბი ქართველი ხელბურთელის ტრანსფერს.