დანიის გენერალური შტაბის უფროსი აცხადებს, რომ ევროპული ქვეყნები ომისთვის ჯერ სრულად არ არიან მზად – „ჩვენ უნდა შევცვალოთ მიდგომა, გვჭირდება, რომ მოწინააღმდეგეზე უკეთ ვიყოთ მომზადებული“

ევროკავშირმა უნდა შეცვალოს წესები, რათა შესაძლებელი გახდეს ქვეყნების გაწევრიანების ახალი ტალღა, – ამის შესახებ გაფართოების საკითხებში ევროკომისარმა, მარტა კოსმა, „პოლიტიკოსთან“ ინტერვიუში განაცხადა.კოსმა ევროკავშირის წევრ ქვეყნებს მოუწოდა, საკუთარი წინადადებები წარადგინონ, მას შემდეგ, რაც მათ უარი თქვეს ევროკომისიის მიერ პროცესის გამარტივების მიზნით შეთავაზებულ გეგმაზე.როგორც ევროკომისარმა განაცხადა, ევროკავშირის აღმასრულებელმა ორგანომ უკვე წარუდგინა ქვეყნებს სამი ვარიანტი. მისივე თქმით, „მათი გადაწყვეტილების გარეშე წინსვლა ვერ მოხდება“.„პოლიტიკოს“ ცნობით, ვარიანტები შემდეგია: დღეს არსებული სტატუს კვოს შენარჩუნება; სისტემის შეცვლა, რომ ევროკავშირის წევრობის კანდიდატი ქვეყნები წლების განმავლობაში არ იყვნენ „გაჭედილ“ მდგომარეობაში; ე.წ. უკუ (რევერსული) გაფართოება – ეს უკანასკნელი წინადადება, რომელიც ევროკომისიის პრეზიდენტმა, ურსულა ფონ დერ ლაიენმა და მისმა გუნდმა წამოაყენეს გულისხმობს კანდიდატი ქვეყნის მიღებას ევროკავშირში, ვიდრე ისინი რეფორმებს სრულად დაასრულებენ.„პოლიტიკოს“ მიხედვით, ევროკავშირში გაწევრიანების პროცესი უნგრეთის პრემიერ-მინისტრ ვიქტორ ორბანის მიერ უკრაინის წინსვლისთვის საჭირო გადაწყვეტილების მუდმივი ბლოკირების გამოა გართულებული.„უკუ (რევერსული) გაფართოების“ იდეა ბრიუსელში განიხილებოდა, როგორც გზა, რომლითაც კიევს და სხვა კანდიდატ ქვეყნებს სრულ გაწევრიანებამდეც მიეცემათ წვდომა ევროკავშირის ერთიან ბაზარზე და საინვესტიციო სქემებზე.„წევრ სახელმწიფოებთან პირველი განხილვიდან ნათელია, რომ მესამე ვარიანტი მიუღებელია. ეს იქნებოდა რევოლუცია, „პირველი ვარიანტიც, ანუ სტატუს კვოც, ასევე არ არის გამოსავალი“, – აღნიშნა მარტა კოსმა „პოლიტიკოსთან“ საუბარში.მიუხედავად ამისა, ევროკომისრის თქმით, სისტემის გადახედვა, სავარაუდოდ, მაინც მოხდება.„ახლა ვმსჯელობთ, რა მიმართულებით წავიდეთ. როგორ შეიძლება, პროცესი დავაჩქაროთ ეტაპობრივი, გაძლიერებული ინტეგრაციის გზით“, – განაცხადა მარტა კოსმა.„პოლიტიკოს“ ცნობით, მარტის დასაწყისში ელჩებთან გამართულ ვახშამზე, ევროკომისიის პრეზიდენტ ფონ დერ ლაიენის ადმინისტრაცია გააფრთხილეს, რომ ე.წ. უკუ (რევერსული) გაფართოების წინადადებას ევროკავშირის წევრი ქვეყნები არარეალისტურად მიიჩნევენ.გამოცემის ინფორმაციით, დიპლომატები მიუთითებენ ამ წინადადებაში გაწერილ რთულ იურიდიულ მოთხოვნებზე, ასევე საფრთხეზე, რომ ახალმა წევრმა ქვეყნებმა შესაძლოა, დემოკრატიული უკუსვლა განიცადონ და შემდეგ თავადვე დაბლოკონ ევროკავშირის დღის წესრიგი, როგორც ეს უნგრეთმა გააკეთა.„ვფიქრობთ, მხოლოდ ერთი ან ორი ქვეყანა უჭერს მხარს კომისიის ამ წინადადებას, ამიტომ ეს დიდი წარმატება არ არის“, – განაცხადა ერთ-ერთმა დიპლომატმა და აღნიშნა, რომ წევრ ქვეყნებს სურთ, ევროკავშირის გაფართოება მოხდეს ისე, რომ ეს შეესაბამებოდეს მოქმედ სამართლებრივ მოთხოვნებს.როგორც „პოლიტიკო“ წერს, არსებობს უკრაინის ევროკავშირში გაწევრიანების დიდი მხარდაჭერა, მაგრამ ასევე მართალია, რომ თითქმის არცერთი წევრი ქვეყანა არ უჭერს მხარს უკრაინის გაწევრიანებას, ვიდრე მოლაპარაკებები ჩვეულებრივი წესით არ დასრულდება.ოთხმა დიპლომატმა, რომელთაც ანონიმურად ისაუბრეს, „პოლიტიკოსთან“ განაცხადეს, რომ ევროკავშირის წევრი ქვეყნები ახლა საკუთარი წინადადებების შემუშავების პროცესში არიან, რათა კომისიას წარუდგინონ. ეს წინადადებები, სავარაუდოდ, შეეხება ალტერნატიულ მექანიზმებს, რომლებიც კანდიდატ ქვეყნებს მისცემს ევროკავშირის ბაზართან და საინვესტიციო სქემებთან დაახლოების საშუალებას.„პოლიტიკოს“ ცნობით, ხორვატიის შემდეგ ევროკავშირში ამ დრომდე არცერთი ქვეყანა არ გაწევრიანებულა. ეს 2013 წელს მოხდა.გაფართოების საკითხებში ევროკომისარი მარტა კოსი აღნიშნავს, რომ უკრაინის მისწრაფების შესრულება, გახდეს ევროკავშირის წევრი 2027 წლის იანვრისთვის, „შეუძლებელი იქნება“.ამასთან, მისივე თქმით, ისლანდია შეიძლება, იყოს „განსაკუთრებული შემთხვევა“ და „ძალიან სწრაფად“ წავიდეს წინ, თუ ამ ზაფხულს დაგეგმილ რეფერენდუმში ისლანდიელი ამომრჩეველი ევროკავშირში გაწევრიანების შესახებ მოლაპარაკებების განახლებას გადაწყვეტენ.„ისლანდია უკვე ინტეგრირებულია ევროპის ეკონომიკურ სივრცეში. საერთო ბაზარიც აქვს, შენგენშიც არის. ყველაზე რთული საკითხები, რაც რეფორმებს და ევროკავშირში ინტეგრაციას ეხება, მათ უკვე გავლილი აქვთ. დემოკრატიის განვითარების კუთხითაც და ევროპული ღირებულებების მხრივაც, ისინი ძალიან მაღალ დონეზე არიან“, – აღნიშნა კოსმა.

მიმდინარე წლის 23 მარტს საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) საპატრიარქო რეზიდენციაში ალბანეთის მთავარეპისკოპოსი, უნეტარესი იოანე და პროტოპრესვიტერი სპირიდონი მიიღო.საქართველოს საპატრიარქოს საზოგადოებასთან ურთიერთობის სამსახურის ინფორმაციით, შეხვედრას ესწრებოდნენ სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე), ზუგდიდისა და ცაიშის მიტროპოლიტი გერასიმე (შარაშენიძე), გორისა და ატენის მიტროპოლიტი ანდრია (გვაზავა), ამბა ალავერდელი მიტროპოლიტი დავითი (მახარაძე), ბელგიისა და ჰოლანდიის ეპისკოპოსი დოსითეოსი (ბოგვერაძე) და საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე.„მისმა უნეტარესობამ მიტროპოლიტ შიოს, წმინდა სინოდის წევრებსა და სრულიად საქართველოს, კათოლიკოს-პატრიარქ ილია II-ის გარდაცვალების გამო სამძიმარი კიდევ ერთხელ გამოუცხადა.მიტროპოლიტმა შიომ სტუმრებს მადლობა გადაუხადა ძმური თანადგომისათვის.საუბრისას გაიხსენეს ალბანეთის აწ გარდაცვლილი მთავარეპისკოპოსი ანასტასიც, რომელიც დიდი მოღვაწე და ეკლესიის აღმშენებელი გახლდათ.შეხვედრის დასასრულს მასპინძლებსა და სტუმრებს შორის სიმბოლური საჩუქრები გაიცვალა“, – ნათქვამია გავრცელებულ ინფორმაციაში.

რუსეთის მიერ საქართველოს 20%-ის ოკუპაციის ხსენების გამო, რუს ჟურნალისტს რუსეთში დაუსწრებლად 10-წლიანი პატიმრობა მიუსაჯეს. ამის შესახებ ინფორმაციას რუსული დამოუკიდებელი მედია ავრცელებს.კერძოდ, მოსკოვის ტაგანის საოლქო სასამართლომ “დოჟდის” ჟურნალისტს, ვალერია კიჩიგინას დაუსწრებლად 10-წლიანი პატიმრობა მიუსაჯა “ომის ფეიკების” გავრცელებისთვის.აღნიშნულია, რომ რუსეთში ეს პირველი ცნობილი საქმეა, როდესაც ბრალდება ეფუძნება არა უკრაინის წინააღმდეგ რუსეთის აგრესიის კრიტიკას, არამედ 2008 წელს საქართველოს წინააღმდეგ აგრესიას.ცნობისთვის, კიჩიგინამ სოციალურ ქსელ Instagram-ში ე.წ. სთორიზე 2008 წელს რუსეთის მიერ საქართველოს წინააღმდეგ ომზე დაწერა:“დღეს საქართველოში ხუთდღიანი ომის დაწყების წლისთავია. შვიდიდან რვა აგვისტომდე, ღამე რუსეთის სამხედროები შეიჭრნენ ქვეყანაში და მშვიდობიან ქალაქებს ბომბავდნენ. უკვე 15 წელია საქართველოს 20% რუსეთის მიერაა ოკუპირებული”.თავად კიჩიგინას თქმით, საქართველოს წინააღმდეგ აგრესიის შესახებ პოსტი უბრალოდ საბაბი იყო და მას რეალურად ე.წ. “ბაიმაკსკის საქმის” გაშუქებისთვის დევნიან.

ირანის საგარეო საქმეთა მინისტრმა, აბას არაღჩიმ აშშ-ის პრეზიდენტის სპეციალურ წარმომადგენელთან, სტივ უიტკოფთან სატელეფონო საუბრის დროს განაცხადა, რომ ქვეყნის უზენაესმა ლიდერმა, მოჯტაბა ხამენეიმ ვაშინგტონთან მოლაპარაკებებს მხარი დაუჭირა. ამის შესახებ ისრაელის მედია მაღალი რანგის ირანელ ოფიციალურ პირზე დაყრდნობით იუწყება.Ynet-ის ინფორმაციით, უიტკოფისა და არაღჩის საუბარი 19 მარტს გაიმართა.ამასთან, ისრაელი ვაშინგტონსა და თეირანს შორის პირდაპირი კონტაქტების შესახებ ინფორმირებული არ ყოფილა.გამოცემის წყაროს თქმით, არაღჩისთვის მნიშვნელოვანი იყო აშშ-ისთვის ეჩვენებინა, როგორ არის მოწყობილი ძალაუფლება ირანში და ამერიკელებს სცოდნოდათ, რომ თავად არაღჩიც მოქმედი ხელისუფლების წარმომადგენელია.საუბრის დროს არაღჩიმ განაცხადა, რომ ხამენეი მზად არის ომის რაც შეიძლება სწრაფად დასრულებისთვის, თუმცა მხოლოდ თეირანის პირობების შესრულების შემთხვევაში.Ynet-ი აღნიშნავს, რომ საუბარია დაახლოებით ისეთსავე პირობებზე, რომლებიც თეირანსა და ვაშინგტონს შორის ჟენევაში ომამდე გამართულ მოლაპარაკებებზე განიხილებოდა.კერძოდ, ირანი მზად არის, განიხილოს გამდიდრებული ურანის რუსეთში გატანა, თუმცა არ არის მზად, სრულად თქვას უარი ბირთვულ პროგრამასა და ბალისტიკურ რაკეტებზე.ვაშინგტონსა და თეირანს შორის მოლაპარაკებებზე 23 მარტს აშშ-ის პრეზიდენტმა, დონალდ ტრამპმაც ისაუბრა. მან მოლაპარაკებებს „ძალიან კარგი და პროდუქტიული“ უწოდა. ამის ფონზე აშშ-ის პრეზიდენტმა პენტაგონს დაავალა, ხუთი დღით გადაედო ირანის ელექტროსადგურებსა და ენერგეტიკულ ინფრასტრუქტურაზე დარტყმები.ირანი უარყოფს, რომ აშშ-თან რაიმე მოლაპარაკებებს მართავდა.გამოცემა „აქსიოსი“ წყაროზე დაყრდნობით წერს, რომ ვაშინგტონსა და თეირანს შორის მოლაპარაკებებში შუამავლების როლს თურქეთი, ეგვიპტე და პაკისტანი ასრულებდნენ. ორი დღის განმავლობაში სამი ქვეყნის საგარეო საქმეთა მინისტრებმა ცალ-ცალკე გამართეს შეხვედრები როგორც ამერიკულ, ისე ირანულ მხარესთან.

უკრაინის შეიარაღებული ძალების მაიორი აცხადებს, რომ რუსეთი ბელარუსში დრონების გამშვები პუნქტების განთავსებას გეგმავს.უკრაინული მედიის თქმით, მოსკოვის ეს გეგმა თუ განხორციელდება, მაშინ ეს რუსეთის დრონების მართვის დიაპაზონს მნიშვნელოვნად გაზრდის.უკრაინელი ომის ექსპერტი და ყოფილი მაიორი ალექსეი გეტმანი აცხადებს, რომ თანამგზავრული კომუნიკაციის გარეშე ოპერატორს არ შეუძლია დრონის ეფექტურად მართვა დიდ მანძილზე და თუ რუსეთი ასეთ ანტენებს ბელარუსში განათავსებს, ის დრონების მართვის ზონას მნიშვნელოვნად გაზრდის.ექსპერტის თქმით, ბელარუსში ასეთი სისტემების განთავსება კიევისა და სასაზღვრო რეგიონებისთვის დამატებით რისკებს ქმნის, რადგან ეს რუსული ძალებისთვის დრონების დამიზნებას ამარტივებს.უკრაინული მედიის ინფორმაციით, რუსეთი ბელარუსში დრონების მართვის, სულ მცირე, ოთხ შორ მანძილზე მოქმედი სადგურის განთავსებას განიხილავს.