დავით სონღულაშვილი – სახელმწიფო პროგრამების დასახვეწად და კერძო სექტორის განსავითარებლად, მნიშვნელოვანია უკუკავშირი მწარმოებლებს, ფერმერებსა და სახელმწიფოს შორის

გარემოს ეროვნული სააგენტოს ცნობით, საქართველოს უმეტეს რეგიონში ხანმოკლე წვიმა და ელჭექია მოსალოდნელი.აღმოსავლეთ საქართველოში სინოპტიკოსები ქარს პროგნოზირებენ. დედაქალაქში დღეს და მომდევნო ორი დღის განმავლობაში, უნალექო ამინდი იქნება.

აშშ-ის პრეზიდენტმა, დონალდ ტრამპმა NBC News-ის ჟურნალისტს საშინელი რეპორტიორი უწოდა. ტრამპის გაღიზიანება გამოიწვია ჟურნალისტ პიტერ ალექსანდერსის შეკითხვამ, რომელიც კატარის მიერ ნაჩუქარ ძვირადღირებულ ბოინგს ეხებოდა.„ეს შესანიშნავი რამაა. ჩვენ ვსაუბრობთ ბევრ სხვა რამეზეც. ეს არის NBC, რომელიც ცდილობს იმ თემიდან გადახვევას, რაც თქვენ ახლახანს ნახეთ“, – თქვა ტრამპმა.ჟურნალისტმა აღნიშნულ საკითხზე ტრამპს კითხვა მაშინ დაუსვა, როდესაც სამხრეთ აფრიკის პრეზიდენტს თეთრკანიანი ფერმერების გენოციდის შესახებ ვიდეოს აჩვენებდა.„იცით, თქვენ საშინელი რეპორტიორი ხართ. პირველ რიგში, თქვენ არ გაქვთ ის, რაც საჭიროა რეპორტიორობისთვის. თქვენ არ ხართ საკმარისად ჭკვიანი“, – განაცხადა ტრამპმა.აშშ-ის პრეზიდენტმა ასევე აღნიშნა, რომ თვითმფრინავის გარდა კატარი 5,1 ტრილიონი დოლარის ინვესტიციას აპირებს აშშ-ში.„თქვენ უნდა დაბრუნდეთ თქვენს სტუდიაში, NBC-ში, რადგან ბრაიან რობერტსი და ის ხალხი, ვინც იმ ადგილს მართავს, გამოძიებას საჭიროებენ. თქვენ სამარცხვინო ხართ. მეტი კითხვა თქვენგან აღარ იქნება“, – აღნიშნა ტრამპმა.

რუსთავში, შარტავას გამზირზე ავტოსაგზაო შემთხვევა მოხდა. ერთმანეთს სამი მანქანა შეეჯახა, რის შედეგადაც სამი ადამიანი დაშავდა.ინფორმაციას „ინფო რუსთავი“ ავრცელებს.ადგილზე მობილიზებული იყო საპატრულო პოლიციისა და სამაშველო სამსახურების ეკიპაჟები.სასწრაფო დახმარების ეკიპაჟმა დაშავებულები კლინიკაში გადაიყვანა.

ისრაელის პრემიერ-მინისტრი ბენიამინ ნეთანიაჰუ მზაობას გამოთქვამს ომის დასასრულებლად იმ მკაფიო პირობებით, რომლებიც უზრუნველყოფს ისრაელის უსაფრთხოებას. ამის შესახებ „ბიბისი“ წერს.„მზად ვარ დავასრულო ომი მკაფიო პირობებით, რომლებიც უზრუნველყოფს ისრაელის უსაფრთხოებას: ყველა მძევალი დაბრუნდება სახლში, „ჰამასი“ დაყრის იარაღს, გადადგება ხელისუფლებიდან, მისი ხელმძღვანელობა გაძევებული იქნება სექტორიდან, ანუ ვინც კი დარჩა მათგან. ღაზა სრულად განიარაღდება და ჩვენ განვახორციელებთ ტრამპის გეგმას, გეგმას, რომელიც სწორია და რევოლუციური“, – თქვა ნეთანიაჰუმ.ის ასევე აღნიშნავს, რომ ღაზაში მცხოვრებლებს, რომლებსაც სურთ იქაურობის დატოვება, შეძლებენ ამის გაკეთებას.ნეთანიაჰუს განცხადებით, აუცილებელია ჰუმანიტარული კრიზისის თავიდან აცილება და ამისთვის სამ ეტაპიანი გეგმა წარადგინა, რაც მოიცავს სექტორში ძირითადი დახმარების საგნების მიწოდებას, აშშ-ის კომპანიების მიერ საკვების დისტრიბუციის პუნქტების გახსნას, რომლებსაც ისრაელის სამხედრო ძალები დაიცავენ და სამოქალაქო პირების დასაცავად ზონის შექმნას ღაზაზე უსაფრთხოების კონტროლის მიღების შემდეგ.

სალომე ზურაბიშვილი, როგორც ოპოზიციის ლიდერი ვერ შედგა, ეს ფაქტია, ზურაბიშვილმა ოპოზიცია ვერ გააერთიანა, მათ შორის თავის ირგვლივაც, – ამის შესახებ „ერთიანობა-ნაციონალური მოძრაობის“ ერთ-ერთმა ლიდერმა, ანა წითლიძე, „პალიტრანიუსის“ გადაცემაში „360 გრადუსი“ განაცხადა.მისივე თქმით, „ნაციონალურ მოძრაობას“, როდესაც სალომე ზურაბიშვილთან სხვა ოპოზიციურ პარტიებთან ერთად შეხვედრებზე მიდიოდა, არ ჰქონდა იმის მოლოდინი, რომ სალომე ზურაბიშვილი „რამეს იზამდა“.მისივე განმარტებით, მიუხედავად მოლოდინებისა და დამოკიდებულებისა „ნაციონალურმა მოძრაობამ“ ერთიანობისთვის ყველაფერი გააკეთა.„ერთიანობისთვის ყველაფერი გავაკეთეთ. არა იმიტომ, რომ სალომე ზურაბიშვილი დედოფალი გვეგონა და ყველაფრის შემძლე იყო. არც იმიტომ, რომ სალომე ზურაბიშვილის წინა ცხოვრებიდან გაკეთებული განცხადებები დაგვავიწყდა, ან ბევრი მისი ქმედება – არა! „ნაციონალურ მოძრაობას“ მიგვაჩნდა, რომ მიუხედავად განსხვავებებისა, სალომე ზურაბიშვილის მიმართ დამოკიდებულებისა, მიხეილ სააკაშვილის მიმართ მისი არასამართლიანი პოზიციისა, ყველაფერი გავაკეთეთ ერთობისთვის, რომ პროცესი ყოფილიყო უფრო ნოყიერი. მიუხედავად პირადი თავდასხმებისა, შეურაცხყოფებისა, მათ შორის შიგნით შეხვედრებზე, ჩვენ ძალიან ბევრი მოვითმინეთ, რადგან გვჯეროდა და გვჯერა, რომ ერთიანი ფრონტი არის ის, რაც ამ რეჟიმს დაამარცხებს.სალომე ზურაბიშვილი, როგორც ოპოზიციის ლიდერი ვერ შედგა, ეს ფაქტია. ზურაბიშვილმა ოპოზიცია ვერ გააერთიანა, მათ შორის თავის ირგვლივაც.ჩვენ, როდესაც სალომესთან შეხვედრებზე დავდიოდით და იქ ვმონაწილეობდით, მაშინაც არ გვქონია მოლოდინი. არანაირი მოლოდინი არ მქონდა და არც „ნაციონალურ მოძრაობას“, მაგრამ ამ საზოგადოებას თავისი უნდა ენახა. მახსოვს, სალომე მიტინგებზე რომ მოდიოდა ეძახდნენ – „დედოფალო“, ეგონათ, სალომე ზურაბიშვილი რამეს იზამდა. მაშინაც, როდესაც „დედოფალო“ ეძახდნენ, არ მქონია იმის მოლოდინი, რომ რამეს იზამდა“, – განაცხადა წითლიძემ.ამასთან, წითლიძემ ადგილობრივ თვითმმართველობის არჩევნებზე ისაუბრა და აღნიშნა, რომ ის პოლიტიკური ძალა, ვინც 4 ოქტომბერს, არჩევნებში მონაწილეობას მიიღებს, იქნება ღალატის ტოლფასი.გარდა ამისა, მისივე მოსაზრებით, ის პარტია, რომელიც ადგილობრივ თვითმმართველობის არჩევნებში მონაწილეობას მიიღებს, თვითონ დაზიანდება და ამასთან ლუსტრაციისთვისაც კარგი იქნება, რადგან ოპოზიციის ველზე ერთხელ და სამუდამოდ ნათელი გახდება, ვინ არის ნამდვილი ოპოზიცია.„ადგილობრივ თვითმმართველობის არჩევნებთან დაკავშირებით ოპოზიციაში მეტი მკაფიოობა უნდა იყოს. ყველა, ვინც განიხილავს არჩევნებში მონაწილეობა მიიღოს იმ მოცემულობით, რაც გვაქვს, ჩემი აზრით, ეს არის ღალატის ტოლფასი ყველა იმ ადამიანთან მიმართებით, ვინც ქუჩაში დგას და იბრძვის, ყველა პოლიტიკური პატიმრის მიმართ, ვინც ციხეში ზის.ამ ბრძოლაში პრინციპული უნდა იყო. ვინც ფიქრობს, რომ მიიღებს ადგილობრივ თვითმმართველობის არჩევნებში მონაწილეობას, დაზიანდება თვითონ და ამომრჩეველთან გადაიხდის ამის ფასს. რეალურად, ეს ლუსტრაციისთვის კარგია, რადგან ოპოზიციის ველზე ერთხელ და სამუდამოდ გახდეს ნათელი, ვინ არის ნამდვილი ოპოზიცია“, – განაცხადა წითლიძემ.