დავით კილაძე ჭაბუკთა შორის ევროპის ჩემპიონია

თვალჭრელიძის ქუჩაზე მდებარე შენობიდან გამოსახლებული და ადმინისტრაციული წესით დაკავებული ორი პირი, რომლებიც არსებული ინფორმაციით, სოციალურად დაუცველები არიან, სასამართლომ 2 000 – 2 000-ლარით დააჯარიმა.თბილისის საქალაქო სასამართლოს მოსამართლე ზვიად ცეკვავამ აღნიშნული პირები ადმინისტრაციულ სამართალდამრღვევად ცნო და ადმინისტრაციული სახდელის სახით ჯარიმა დააკისრა.ცოტა ხნით ადრე, მოსამართლე კობა ჩაგუნავამ ამავე საქმეზე დაკავებული მამა და ორი შვილი სხდომათა დარბაზიდან სიტყვიერი შენიშვნის საფუძველზე გაათავისუფლა.ადმინისტრაციული წესით დაკავებული 4 პირის სასამართლო პროცესი კი გადაიდო.ცნობისთვის, 24 ივლისს, თბილისში, თვალჭრელიძის ქუჩაზე მდებარე შენობიდან რამდენიმე ათეული ოჯახი გაასახლეს. აღნიშნულ პროცესს პოლიციასთან დაპირისპირება და ხმაური მოჰყვა, რა დროსაც, სამართალდამცავებმა ადმინისტრაციული წესით 17 პირი დააკავეს. მათ პოლიციის კანონიერი მოთხოვნის დაუმორჩილებლობას ედავებიან.ნაწილი მათგანის სასამართლო პროცესი თბილისის საქალაქო სასამართლოში ამ წუთებში მიმდინარეობს.

26 ივლისი მთავარანგელოზ გაბრიელის კრების დღეა.გაბრიელი — მაღალი რანგის ანგელოზი სხვადასხვა რელიგიაში. იგი ღმერთის მაცნედ ევლინება ადამიანებს. გაბრიელი პირველად დანიელის წიგნშია ნახსენები ძველ აღთქმაში. მისი სახელი, შესაძლებელია, ნიშნავდეს „ღვთის კაცს“ ან „ღვთის გმირს“. ანგელოზ გაბრიელს ზოგჯერ „ღვთის მარცხენა ხელს“ უწოდებენ.იუდაიზმში გაბრიელი მთავარანგელოზია, რომელიც ღმერთის მაცნეა. ზოგჯერ მას სიკვდილის ანგელოზადაც მიიჩნევენ, ცეცხლისა და მეხის უფლად. უმეტესად ის ღმერთის მთავარი მაცნეა და, ტრადიციულად, ერთადერთი ანგელოზია, რომელსაც სირიულად და ქალდეურად შეუძლია ლაპარაკი. გაბრიელს ხშირად შეცდომით აიგივებენ მიქაელთან, რომელიც ხმლით ხელში დარაჯობს ედემის ბაღს (მოგვიანებით კი — სამოთხეს) და იცავს ადამის, ევასა და მათი შთამომავლებისგან.მთავარანგელოზი გაბრიელი ცნობილია, როგორც გამოცხადების ანგელოზი, რადგან ღმერთი ხშირად ირჩევს გაბრიელს მნიშვნელოვანი გზავნილების გადასაცემად. გაბრიელის სახელი ნიშნავს "ღმერთი ჩემი ძალაა". გაბრიელის სახელის სხვა მართლწერებია ჯიბრილი, გავრიელი, გიბრაილი და ჯაბრაილი.ადამიანები ხანდახან დახმარებას სთხოვენ გაბრიელს, რათა გათავისუფლდნენ დაბნეულობისგან და მიაღწიონ იმ სიბრძნეს, რომელიც მათ სჭირდებათ გადაწყვეტილების მისაღებად, მოიპოვონ ნდობა, რაც გადაწყვეტილებების შესასრულებლად უნდათ, სხვა ადამიანებთან ეფექტური კომუნიკაციისთვის და ბავშვების კარგად აღზრდისთვის ესაჭიროვებათ.მთავარანგელოზი გაბრიელი უფალმა გამოარჩია, რათა ყოვლადწმიდა ქალწულისათვის და მასთან ერთად მთელი ქვეყნიერებისათვის ეხარებინა ძე ღვთისას განხორციელება, ამიტომ ხარების დღესასწაულის მეორე დღეს ეკლესია განადიდებს უფალს და თაყვანს სცემს მის კეთილ მაცნეს - მთავარანგელოზ გაბრიელს.მთავარანგელოზმა გაბრიელმა ძველი აღთქმის კაცობრიობას ძე ღვთისას განხორციელება აუწყა, მოსე წინასწარმეტყველს, შესაქმის დაწერა შთააგონა, დანიელ წინასწარმეტყველს გაუცხადა ებრაელი ერის მომავალი (დან. 8,16; 9,21-24); ეცხადებოდა მართალ ანას და ახარებდა ყოვლადწმიდა ქალწულის შობას; მოუშორებლად ახლდა ყრმა მარიამს იერუსალიმის ტაძარში.გაბრიელ მთავარანგელოზი გამოეცხადა მღვდელმთავარ ზაქარიას და უწინასწარმეტყველა უფლის წინამორბედის – იოანე ნათლისმცემლის შობა. უფალმა გაბრიელი გაუგზავნა დურგალ იოსებს და აუწყა ყოვლადწმიდა მარიამის მიერ ძე ღვთისას შობა, გააფრთხილა ჰეროდეს მზაკვრობაზე და უბრძანა, ეგვიპტეში გაქცეულიყო ყრმა მაცხოვართან და ღვთისმშობელთან ერთად. როდესაც მაცხოვარი გეთსემანიის ბაღში ლოცულობდა, ეკლესიის სწავლებით, მამა ღმერთმა გაბრიელ მთავარანგელოზი გამოუგზავნა განსაძლიერებლად.მთავარანგელოზ გაბრიელისაგან გაიგეს მენელსაცხებლე დედებმა უფლის ბრწყინვალე აღდგომა.მართლმადიდებელი ეკლესია თავის შვილებს მოუწოდებს, სარწმუნოებით ილოცონ წმიდა მთავარანგელოზ გაბრიელისადმი, ითხოვონ მისგან მეოხება და ხილულ და უხილავ მტერთაგან დაცვა.გაბრიელის სიმბოლოებიგაბრიელი ხშირად გამოსახულია ხელოვნებაში რქის დარტყმისას. სხვა სიმბოლოები, რომლებიც წარმოადგენს გაბრიელს, მოიცავს ფარანი , სარკე, ფარი, შროშანა, კვერთხი, შუბი და ზეთისხილის რტო. მისი მსუბუქი ენერგიის ფერია თეთრი.

„ქართული ოცნების“ რეჟიმი თავს ესხმის საქართველოს უახლოესი მეგობრებისა და მოკავშირეების დიპლომატებს, მაშინ როცა მტერს ურიგდება და იმეორებს რუსეთის პროპაგანდას, – ამის შესახებ პარტია „გახარია საქართველოსთვის“ თავმჯდომარე გიორგი გახარია სოციალურ ქსელ X-ზე წერს.მისი თქმით, „ქართული ოცნება“ საქართველოს ევროპული მომავლისთვის ყველაზე დიდი შიდა საფრთხეა.„ჩემი მხარდაჭერა პაველ ჰერჩინსკის, ევროკავშირის ელჩს საქართველოში. „ქართული ოცნების“ რეჟიმი თავს ესხმის საქართველოს უახლოესი მეგობრებისა და მოკავშირეების დიპლომატებს, მაშინ როცა მტერს ურიგდება და იმეორებს რუსეთის პროპაგანდას. ეს არის შეგნებული მცდელობა, რომ დაამცირონ ჩვენი მოკავშირეები, დააზიანონ ევროკავშირის იმიჯი და საქართველო ჩამოაშორონ დემოკრატიულ სამყაროს. „ქართული ოცნება“ საქართველოს ევროპული მომავლისთვის ყველაზე დიდი შიდა საფრთხეა“, – დაწერა გიორგი გახარიამ.

„ხალხის ძალის“ თავმჯდომარის, დიმიტრი ხუნდაძის განცხადებით, საქართველოს ელჩ თამარ ტალიაშვილისა და აშშ-ის პრეზიდენტ დონალდ ტრამპის თეთრ სახლში შეხვედრა არის პოზიტიური პოლიტიკური ნაბიჯი, რაც საქართველო-ამერიკის ურთიერთობებს წაადგება.მისივე შეფასებით, „ოპოზიციას ელდა ეცა, რომ ასეთი მაღალი დონის შეხვედრა შედგა“.„ამ შეხვედრას აქვს მაღალი პოლიტიკური ფასი. ეს არის დასტური, რომ ქართულ-ამერიკული ურთიერთობები პოზიტიურ რელსებზე გადავა. ამისთვის შეხვედრაზე შეთანხმდნენ, რომ კონკრეტული სამოქმედო გეგმა უნდა შემუშავდეს, რასაც ორივე მხარე მიჰყვება. მე მწამს და ამას ვნახავთ, რომ ელდა ეცა ოპოზიციას, მით უმეტეს წინასაარჩევნოდ, რომ ასეთი მაღალი დონის შეხვედრა შედგა. ეს მათ ინტერესებში არ შედის. ეს არა მხოლოდ მათი, არამედ საქართველოს არაკეთილმოსურნე ძალების ინტერესს აბსოლუტურად სცდება, მაგრამ ეს არის მაღალი პოზიტიური პოლიტიკური ნაბიჯი, რაც წაადგება საქართველო-ამერიკის ურთიერთობებს“, – განაცხადა ხუნდაძემ.საქართველოს ელჩმა, თამარ ტალიაშვილმა აშშ-ის პრეზიდენტ დონალდ ტრამპს თეთრ სახლში რწმუნებათა სიგელები გადასცა.

ყაზახეთში მამაკაცმა ორსული ცოლი ცხენზე მიაბა და სიკვდილამდე ათრია. ყაზახეთში მამაკაცი ეჭვმიტანილია 32 წლის ორსული ცოლის სასტიკად მკვლელობაში, მათი ორი წლის ქალიშვილის თვალწინ. მან ქალი ცხენის უნაგირზე მიაბა და რამდენიმე საათის განმავლობაში მინდორში მისდევდა, სანამ მსხვერპლი მტკივნეული სიკვდილით არ გარდაიცვალა. საშინელი ისტორია ადგილობრივმა ჟურნალისტმა, სანდუგაშ დუისენოვამ გაახმაურა.ტრაგედია სოფელ ბალასაზში მოხდა. აიბარ ჟანბოლატს ცოლთან ჩხუბი მოუვიდა. ნათესავების თქმით, აიზატ ჯუმანოვა ძალადობის მსხვერპლი გახდა, რაც შეიძლება შევადაროთ არა უბრალო ცემას, არამედ ნამდვილ წამებას. ამის შემდეგ კაცმა ქალი ცხენზე მიაბა და მინდორში გაუშვა. რამდენიმე საათის შემდეგ, აიზატის სხეულზე თითქმის აღარ დარჩა დაუზიანებელი ადგილი.მოგვიანებით, ექსპერტებმა სხვა საშინელი დაზიანებებიც აღმოაჩინეს.„სამედიცინო დასკვნა წამების მეთოდების ჩამონათვალს ჰგავს: დახურული ქალა-ტვინის ტრავმა, ტვინის დაჟეჟილობა და შეშუპება, თავის ქალას ფუძის მოტეხილობა, კიდურებისა და მენჯის მრავლობითი მოტეხილობები, უხეშ ზედაპირზე თრევის კვალი. „მუხლებზე აქერცლილი კანი, ამოვარდნილი და მოტეხილი თითები, დაწყვეტილი იოგები და სხეულის ისეთი ადგილები, რომლებიც სისხლიდან დაცლამდე იყო დაზიანებული“, - წერს ჟურნალისტი სოციალურ ქსელში.გარდაცვლილის დედის თქმით, მისმა ქმარმა მოაწყო მისი ქალიშვილის სიკვდილით დასჯა, როგორც ეს უძველესი რიტუალების დროს იყო. დამწუხრებულმა ქალმა განმარტა, რომ უძველეს დროში დამნაშავე ადამიანებს სტეპში მანამ ათრევდნენ, სანამ „მხოლოდ გატეხილი ჩონჩხი არ დარჩებოდა“. ახლა აიზატის ოჯახი სამართლიანობის აღდგენას ცდილობს. პოლიციამ ეჭვმიტანილის წინააღმდეგ სისხლის სამართლის საქმე აღძრა, თუმცა გაუფრთხილებლობით გამოწვეული სიცოცხლის მოსპობით გამოწვეული მძიმე ზიანის მიყენების მუხლით. თუმცა, გარდაცვლილის დედა დარწმუნებულია, რომ რეალურ მკვლელობაზეა საუბარი.სირთულე იმაში მდგომარეობს, რომ ეჭვმიტანილი, აიბარ ჟანბოლატი, წარმატებული ბიზნესმენია: მას ცხენების უზარმაზარი ჯოგი ჰყავს და ერთხელ ადგილობრივი თვითმმართველობის არჩევნებშიც კი იყრიდა კენჭს. გარდაცვლილის ორი წლის ქალიშვილმა მკვლელობა საკუთარი თვალით ნახა, თუმცა ჯერ ვერ საუბრობს. ახლა, ნათესავების თქმით, ბავშვი გამუდმებით ტირის და დედას ეძახის.