გურამ მაჭარაშვილი: იმ ფონზე, როცა თავად ელისაშვილმა აღიარა ჩადენილი ქმედება – ტერორისტული აქტი, ALDE-ს პასუხი შეიძლება ვთარგმნოთ ასე: „ტერორისტია, მაგრამ ჩვენია“

„საქართველოს ტექნიკურ უნივერსიტეტში ტაშკენტის ტურინის პოლიტექნიკური უნივერსიტეტის დელეგაციის ვიზიტი, ორ ინსტიტუციას შორის არსებული პარტნიორული კავშირების შემდგომი გაღრმავებისა და ახალი თანამშრომლობის ფორმების შემუშავების პროცესში, უმნიშვნელოვანეს ეტაპს წარმოადგენს. ორმხრივი დიალოგი, რომელიც მიზნად ისახავს ინოვაციური იდეების წახალისებისა და ტექნოლოგიური მიმართულებების განვითარების მიმართულებით გამოცდილების გაცვლასა და საერთო სამეცნიერო ინტერესების განსაზღვრას, ქმნის მყარ საფუძველს ერთობლივი საგანმანათლებლო და კვლევითი პროექტების განხორციელებისთვის”, - ამის შესახებ საქართველოს ტექნიკური უნივერსიტეტის ვიცე-რექტორმა, პროფესორმა თამარ ლომინაძემ ტაშკენტის ტურინის პოლიტექნიკური უნივერსიტეტის (TTPU) რექტორ ოიმჟონ ტუიჩიევთან შეხვედრისას განაცხადა. ინფორმაციას სტუ ავრცელებს.მისივე ცნობით, საქართველოს ტექნიკური უნივერსიტეტის ვიცე-რექტორები, პროფესორები თამარ წერეთელი და თამარ ლომინაძე ტაშკენტის ტურინის პოლიტექნიკური უნივერსიტეტის რექტორს ოიმჟონ ტუიჩიევს და უნივერსიტეტის დელეგაციას შეხვდნენ. ვიზიტის მიზანი იყო ინსტიტუციურ თანამშრომლობის გაღრმავება, გამოცდილების გაზიარება და ერთობლივი ინჟინერიული და ტექნოლოგიური მიმართულებების განვითარებაზე მსჯელობა.შეხვედრაზე, რომელსაც ესწრებოდნენ სტუ-ის სატრანსპორტო სისტემებისა და მექანიკის ინჟინერიის ფაკულტეტის დეკანი, პროფესორი ბორის გითოლენდია და ორივე უნივერსიტეტის ადმინისტრაციის წარმომადგენლები, მხარეებმა განიხილეს ერთობლივი საგანმანათლებლო პროგრამების, სამეცნიერო კვლევებისა და სტუდენტთა გაცვილითი პროგრამების შესახებ საკითხები.როგორც პროფესორმა თამარ ლომონაძემ აღნიშნა, საქართველოს ტექნიკური უნივერსიტეტი ერთ-ერთი წამყვანი უნივერსიტეტია აღმოსავლეთ ევროპის და კავკასიის რეგიონში, რომელიც აქტიურად ავითარებს საერთაშორისო პარტნიორობასა და ინოვაციურ მიდგომებს, რაც ხელს უწყობს ქვეყნის ტექნოლოგიურ, ინდუსტრიულ და ლოჯისტიკურ პროგრესს.„საქართველოს ტექნიკური უნივერსიტეტი ინარჩუნებს ლიდერის პოზიციას რთულად კონკურენტულ ტექნოლოგიურ გარემოში, აქტიურად უწყობს ხელს საერთაშორისო სტანდარტებთან შესაბამისი ინჟინერიული განათლების განვითარებას და სტუდენტების პროფესიული მომზადების გაღრმავებას. უნივერსიტეტი ეფუძნება დასავლურ აკადემიურ პრაქტიკებსა და საერთაშორისო სტანდარტებს, რაც საშუალებას გვაძლევს ეფექტურად გავაზიაროთ დაგროვილი გამოცდილება და ერთობლივად შევიმუშაოთ ინოვაციური მოდელები განათლებისა და კვლევების გასაძლიერებლად. ჩვენ ვთვლით, რომ მომავალი თანამშრომლობა მნიშვნელოვან წვლილს შეიტანს არა მხოლოდ ჩვენი ინსტიტუციების აკადემიურ განვითარებაში, არამედ რეგიონში საინჟინრო და ტექნოლოგიური განათლების ხარისხის გაუმჯობესებაში. შესაბამისად, მზად ვართ, აქტიურად ჩავირთოთ სამუშაო ჯგუფების ფორმირებაში და ხელი შევუწყოთ იმ სამომავლო ინიციატივების რეალიზაციას, რომლებიც საერთო სამეცნიერო და საგანმანათლებლო მიზნებს დაეფუძნება,“- განაცხადა თამარ ლომინაძემ.სტუ-ის ცნობით, ორ უნივერსიტეტს შორის თანამშრომლობა ხელს უწყობს რეგიონული მასშტაბით ინჟინერიისა და ტექნოლოგიების დანერგვასა და განვითარებას. შეხვედრის მონაწილეებმა ერთხმად აღნიშნეს მზადყოფნა, გააქტიურდეს ალიანსი, დაგეგმილ იქნას ერთობლივი საგანმანათლებლო და კვლევითი პროექტები.ინფორმაციისთვის: ტაშკენტის ტურინის პოლიტექნიკური უნივერსიტეტი (TTPU), რომელიც იტალიის ტურინის პოლიტექნიკური უნივერსიტეტის ოფიციალური ფილიალია, სპეციალიზირებულია მაღალკვალიფიციური კადრების მომზადებაში მექანიკური ინჟინერიის, აერონავტიკული ინჟინერიის, საინფორმაციო ტექნოლოგიების, კომპიუტერულ ინჟინერიისა და სამოქალაქო ინჟინერიის მიმართულებით.

"ბოლო 8 წლის განმავლობაში, თქვენ ვერ მოიყვანთ ვერცერთ შემთხვევას ადვოკატის მიმართ, სადაც, თავისი საქმიანობის წარმოების ფარგლებში, ადვოკატის მიმართ განხორციელებულიყო სისხლისსამართლებრივი დევნა და დღეს იმყოფებოდეს პენიტენციურ დაწესებულებაში. ასეთი შემთხვევა, უფლებრივი დაცვის თვალსაზრისით, არ არსებობს", - განაცხადა "საქართველოს ადვოკატთა ასოციაციის" თავმჯდომარეობის კანდიდატმა ირაკლი ყანდაშვილმა "ღამის კურიერის" ეთერში საუბრისას.მისივე თქმით, ადვოკატთა ასოციაცია ყოველთვის უნდა იყოს ორიენტირებული ადვოკატთა უფლებების დაცვაზე."ჩემი თავმჯდომარედ არჩევის შემთხვევაში, პირდაპირ, სრული პასუხისმგებლობით შემიძლია გითხრათ, ადვოკატის უფლებების დაცვა იქნება უპირველეს ამოცანა და უფლების ნებისმიერი დარღვევის მიმართ ჩემი რეაგირება იქნება ხისტი და პირდაპირი", - განაცხადა ირაკლი ყანდაშვილმა.

საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ, აკადემიური საბჭოს გადაწყვეტილების საფუძველზე, უნივერსიტეტის წინაშე გაწეული განსაკუთრებული დამსახურებისთვის, საგანმანათლებლო და კვლევით სფეროში გამორჩეულ თანამშრომლებს საპატიო ჯილდოები გადასცა. ამის შესახებ ინფორმაციას საქართველოს ტექნიკური უნივერსიტეტი ავრცელებს.მისივე ცნობით, სტუ-ის ოქროს მედლით დაჯილდოვდა მთის მდგრადი განვითარების ფაკულტეტზე მოქმედი სასწავლო-კვლევითი ბაზის მეცნიერ-კოორდინატორი, პროფესორი თეიმურაზ კუნჭულია, რომლის წვლილი სამთო მეცნიერებების, თანამედროვე კვლევებისა და ფაკულტეტზე ინოვაციური საგანმანათლებლო მოდელების განვითარებაში განსაკუთრებულად მნიშვნელოვანია. გარდა ამისა, წარმატებული სამეცნიერო მოღვაწეობისა და უნივერსიტეტის კვლევითი მიმართულებების გაძლიერებაში შეტანილი განსაკუთრებული წვლილისთვის სტუ-ის საპატიო დიპლომები გადაეცათ: აგრარული მეცნიერებებისა და ქიმიური ტექნოლოგიების ფაკულტეტის პროფესორს, საქართველოს სოფლის მეურნეობის მეცნიერებათა აკადემიის აკადემიკოსს ედიშერ კვესიტაძეს, ხოლო სატრანსპორტო სისტემებისა და მექანიკის ინჟინერიის ფაკულტეტზე მოწვეულ პროფესორს სერგო კარიბოვს, პროფესიული საქმიანობისა და სტუდენტთა საინჟინრო განათლების გაუმჯობესებაში შეტანილი წვლილისთვის.როგორც სტუ-ის რექტორმა თავის გამოსვლაში აღნიშნა, უნივერსიტეტის მხრიდან იმ მეცნიერ-მკვლევართა მხარდაჭერა და შეფასება, რომლებიც უნივერსიტეტის ადგილობრივი თუ საერთაშორისო რეპუტაციის ზრდას უწყობს ხელს, უაღრესად მნიშვნელოვანია - მათი ღვაწლის აღიარება აკადემიური და კვლევითი კულტურის გამყარებას ემსახურება და ამავდროულად, ინსტიტუციის განვითარების მოდელს კიდევ უფრო გამჭვირვალესა და სტაბილურს ხდის.„საქართველოს ტექნიკური უნივერსიტეტი ყოველთვის ეყრდნობოდა იმ ადამიანების დაუღალავ შრომას, რომლებმაც მეცნიერების, განათლებისა და პროფესიული ეთიკის მაღალი სტანდარტი შექმნეს. დღეს განსაკუთრებული მნიშვნელობა აქვს თითოეული ღვაწლმოსილი მეცნიერის, პროფესორისა და მკვლევრის შრომის დაფასებას, რაც არა მხოლოდ მათი პირადი დამსახურების ღირსეული აღიარებაა, არამედ ძალზე მნიშვნელოვანი გზავნილია საუნივერსიტეტო საზოგადოებისგან: რომ ცოდნა, ერთგულება, პროფესიონალიზმი და კეთილსინდისიერება ჩვენი უმთავრესი ღირებულებებია. ჩვენი ვალია, პატივი ვცეთ იმ ადამიანების ღვაწლს, რომლებმაც უნივერსიტეტის განვითარებისა და საერთაშორისო ასპარეზზე მისი ეფექტიანი პოზიციონირებისთვის მყარი საფუძველი შექმნეს. სწორედ ასეთი პიროვნებები განსაზღვრავენ ინსტიტუციის რეალურ ძალას, მის აკადემიურ და სამეცნიერო ავტორიტეტს და მომავალს“, - განაცხადა აკადემიკოსმა დავით გურგენიძემ.სტუ-ის ინფორმაციით, 2022 წლის 19 მაისს დაწესებული ჯილდო - სტუ-ის „ოქროს მედალი” გაიცემა საქართველოს ტექნიკური უნივერსიტეტის წინაშე გაწეული განსაკუთრებული ღვაწლისთვის - რექტორის წარდგინების საფუძველზე და აკადემიური საბჭოს გადაწყვეტილებით. აღნიშნული ჯილდო, დაარსებიდან დღემდე, 70-ზე მეტ მეცნიერ-მკვლევარს გადაეცა, მათ შორის არიან როგორც საქართველოს, ასევე უცხო ქვეყნის მოქალაქეები.

11 დეკემბერი მამა თეიმურაზის დაბადების დღეა - 32 წლის გახდებოდა. მოძღვრის მოულოდნელმა გარდაცვალებამ ძალიან ბევრ ადამიანს გული დასწყვიტა. ის წმ. დოდო გარეჯელი სახელობის ტაძრის ეზოშია დაკრძალული.გთავაზობთ მისი ჩანაწერებიდან შვილისთვის საჯაროდ მიძღვნის წერილს:„ივლისში სხვანაირი მზე ამოგვიბრწყინდა... (შეპირებული წერილი შვილს)ოთხი წელი გავიდა შენი დაბადებიდან ჩემო - პირმომღიმარო. და როგორც შეგპირდი, მე ისევ წერილს გწერ. რადგან, როგორც დაბადებისას გითხარი, სიტყვას ყველაზე დიდ საჩუქრად მივიჩნევ...გჩუქნი ამ სიტყვებს, ჩემო მშვენიერო. როდესაც მე აღარ ვიქნები და შენს დაბადების დღის აღსანიშნავ ახალ წერილს ვეღარ წაიკითხავ, მაშინ შენ მაჩუქე ეს ძვირფასი საჩუქარი ღმერთის წინაშე და ამ საჩუქრით გამიხსენე. გთხოვ, ეცადო, რომ უფრო მეტად მოუსმინო, ვიდრე ისაუბრო. ამით სხვის სიტყვასაც დააფასებ და საკუთარ სიტყვასაც ძალას შესძენ.ეს ერთი წელი დიდი სიხარულით, სიწრფელით და სილაღით განვლე და იმედი მაქვს, რომ მუდამ ასეთად დარჩები. სილაღით - ამ ცხოვრებისეული განსაცდელებით დაღლილ ადამიანის გულს სიხარულს მიანიჭებ (და იქნებ... იმ ერთმა ნაპერწკლად ანთებულმა სიხარულმა, რამხელა ბედნიერების ცეცხლი დაანთოს მასში)...სიწრფელით - ადამიანთა გულებს დააიმედებ და ამით შენ, მათი ბედნიერებით იქნები ბედნიერი (არაფერია იმაზე დიდი ბედნიერება, ვიდრე სხვისი სიხარულით გახარება).რაც შეეხება სიხარულს... მწამს, რომ მწუხარების გაზიარება გეცოდინება. მაგრამ ეცადე სხვისი სიხარულით შენი ბედნიერება განამრავლო - ეს იქნება შენი დიდი ადამიანობის ბეჭედი და ცხოვრების სიხარული.გთხოვ, არასოდეს შეგშურდეს... იცხოვრე შენი ცხოვრებით. შენ საუკეთესო დედა გყავს და კვლავ გთხოვ, რომ მას მიბაძო - დიდ სიყვარულს ისწავლი მისგან...მიყვარხარ! და როგორც ყოველთვის, ახლაც გეტყვი - უმიზეზოდ.გიყვარდეს - უმიზეზოდ...გილოცავ ჩემო!“, - წერდა მამა თეიმურაზი შვილს.

სტრასბურგის სასამართლოს დიდმა პალატამ დღევანდელი გადაწყვეტილებით დაამტკიცა ის, რაც ნოემბრის პროკურატურის ბრიფინგით საზოგადოებისთვის გახდა ცნობილი, რომ შინაგან საქმეთა მაშინდელი მინისტრის, გიორგი გახარიას მხრიდან არასწორად იყო გაცემული დავალებები, როგორ უნდა მომხდარიყო ასეთი ძალადობრივი აქციის დროს რეაგირება, – ამის შესახებ საქართველოს იუსტიციის მინისტრის მოადგილემ, ბექა ძამაშვილმა საია-ს სარჩელზე სტრასბურგის სასამართლოს დიდი პალატის გადაწყვეტილების შეფასებისას განაცხადა.მისი თქმით, სტრასბურგის სასამართლოს გადაწყვეტილება, ერთი მხრივ, პრეცედენტულია, ვინაიდან ზოგადად ადგენს, რომ შტურმის მცდელობისას, სახელმწიფოს აქვს ლეგიტიმური უფლება, გამოიყენოს ძალა, ხოლო მეორე მხრივ, კონკრეტულად 20 ივნისის საქმეზე შსს-ს მაშინდელი ხელმძღვანელების მიერ ძალის არაპროპორციულ გამოყენებაზე მიუთითებს.„დღევანდელი გადაწყვეტილებიდან ერთი ძალიან მნიშვნელოვანი ასპექტი უნდა გამოიკვეთოს. დიდმა პალატამ დაადგინა, რომ როდესაც სახელმწიფო ინსტიტუტებზე, ამ შემთხვევაში პარლამენტზე ხდება თავდასხმა, ასევე სამართალდამცველებზე ხდება თავდასხმა და უფრო მეტიც, შტურმის მცდელობა არის, სახელმწიფოს აქვს ლეგიტიმური უფლება, გამოიყენოს ძალა. ეს არის ძალიან მნიშვნელოვანი გადაწყვეტილება, რომელიც გამოსაყენებელი იქნება ყველა სხვა შემთხვევაზეც. ასევე, დიდმა პალატამ კონკრეტულად 20 ივნისის საქმესთან დაკავშირებით შეფასება გააკეთა, რომ ეს სახელმწიფო ინსტიტუტზე თავდასხმა, მათ შორის, ცალკეული პოლიტიკოსების მიერ იყო წახალისებული და იმ კონტექსტში ვინც მონაწილეობდა ყველა ამ ძალადობრივ ქმედებაში, სახელმწიფოს მიერ გამოყენებული ძალა შეიძლება, ყოფილიყო ლეგიტიმური. ამასთანავე, დიდმა პალატამ შეაფასა, როგორ უნდა მოხდეს ხოლმე სახელმწიფოს რეაგირება ასეთ დროს, როდესაც შეკრება/მანიფესტაცია მიიღებს ძალადობრივ ხასიათს, ის გახდება უკანონო და 20 ივნისის საქმესთან დაკავშირებით ფაქტობრივად დარღვევა დაადგინა იმ ნაწილში, რომ შსს-ს მაშინდელმა ხელმძღვანელებმა არაპროპორციულად გამოიყენეს ძალა მომიტინგეების მიმართ. კერძოდ, დიდი პალატის გადაწყვეტილებიდან დგინდება, რომ დაზიანებები მიღებული აქვს, მათ შორის, იმ ადამიანებსაც, რომლებსაც შესაძლოა, უშუალოდ არ უდასტურდებოდეთ ამ ძალადობრივ ქმედებებში მონაწილეობა და ეს არის მნიშვნელოვანი მითითება. ფაქტობრივად, დიდმა პალატამ დღევანდელი გადაწყვეტილებით დაამტკიცა ის, რაც ნოემბრის პროკურატურის ბრიფინგით საზოგადოებისთვის გახდა ცნობილი, რომ შინაგან საქმეთა მაშინდელი მინისტრის, გიორგი გახარიას მხრიდან არასწორად იყო გაცემული დავალებები, როგორ უნდა მომხდარიყო ასეთი ძალადობრივი აქციის დროს რეაგირება. არ იყო პროპორციული ძალა გამოყენებული და შეიძლება, ითქვას, რომ დიდი პალატის ეს გადაწყვეტილება გარკვეულწილად არის სრულ თანხვედრაში იმასთან, რაც პროკურატურამ უკვე ბრალში გამოკვეთა“, – განაცხადა ბექა ძამაშვილმა.მისივე თქმით, დღევანდელი გადაწყვეტილებიდან ასევე მნიშვნელოვანია ის ფაქტორიც, რომ დიდმა პალატამ ხაზგასმით აღნიშნა, რომ ამ საქმეში სახელმწიფომ სრულად ითანამშრომლა სასამართლოსთან.„38-ე მუხლის დარღვევა არ დადგინდა, ანუ ფაქტობრივად ეს ადასტურებს იმას, რომ სახელმწიფო არის აბსოლუტურად გახსნილი, ტრანსპარენტული იმისთვის, რომ ითანამშრომლოს საერთაშორისო ინსტიტუტებთან, მათ შორის, რა თქმა უნდა, პირველ რიგში, სტრასბურგის სასამართლოსთან და საზოგადოებისთვის ცნობილია, რომ გამოძიება გრძელდება ამ საქმეზე. ის მითითებები, რომლებიც გაკეთდა დღევანდელი დიდი პალატის გადაწყვეტილებაში, ასევე მნიშვნელოვანი საყურადღებო გარემოებები იქნება გამოძიების ფარგლებში. ჩვენ ჯერ კიდევ, როდესაც თებერვალში სხდომა გაიმართა და კითხვის ნიშნები გაჩნდა ამ საკითხზე, სახელმწიფომ ძალიან ეფექტიანად იმუშავა იმისთვის, რომ დროულად მომხდარიყო საგამოძიებო მოქმედებების წარმართვა და ნოემბერში დადგა ის შედეგი, რაც დადგა და დღეს ფაქტობრივად იგივე დაადასტურა დიდმა პალატამ“, – აღნიშნა ძამაშვილმა.მისივე თქმით, დღევანდელი გადაწყვეტილება შინაარსობრივად წინა გადაწყვეტილებისგან განსხვავდება იმით, რომ წინა გადაწყვეტილება აქცენტს აკეთებდა გამოძიების ხარვეზებზე.„დღეს უკვე ფაქტობრივად გამოძიებას გამოკვეთილი აქვს ცალკეული პასუხისმგებელი პირი, იცით თქვენ ამის შესახებ და დიდ პალატასაც ჰქონდა უფრო მეტი საშუალება, რომ შინაარსში შესულიყო. დიდმა პალატამ დაადგინა, რომ მათ შორის, არსებით ნაწილში იყო დარღვეული კონვენციის მუხლები, რომ ცალკეული მომჩივნების მიმართ, დემონასტრანტების მიმართ არასათანადო მოპყრობასაც ჰქონდა ადგილი და მათი გამოხატვის თავისუფლება შეკრება/მანიფესტაციის კონტექსტში შეიძლება, დარღვეული ყოფილიყო იმ მომჩივნების მიმართ, ვინც უშუალოდ არ იყო ჩართული ძალადობრივ საქმიანობაში. ანუ, მთავარი მნიშვნელოვანი აქცენტი არის გაკეთებული იმაზე, რომ თუ დემონსტრანტი მონაწილეობას იღებს ძალადიბრივ ქმედებებში, სახელმწიფოს აქვს უფლება, გამოიყენოს ძალა. ოღონდ ეს ძალა უნდა იყოს გამოყენებული პროპორციულად და უნდა გამოყენებული იყოს შესაბამისი საშუალებები, რაც არის მინიმალური საჭირო იმისთვის, რომ ეს უკანონო ქმედებები შეწყდეს. დიდი პალატის გადაწყვეტილებით დგინდება, რომ იყვნენ ცალკეული ადამიანები, რომელთა უშუალო ჩართულობა შეიძლება, არ დგინდებოდა და შსს-ს მაშინდელმა ხელმძღვანელებმა ძალა ამ ადამიანების მიმართაც გამოიყენეს და შესაბამისად, კონვენციის მუხლები არის დარღვეული ამ ნაწილში“, – განაცხადა ძამაშვილმა.