გუბაზ სანიკიძე: მოქალაქეები, რომლებიც ვერ გარკვეულან მზე საიდან ამოდის და სად ჩადის, უნდა დავარწმუნოთ რა ელოდებათ, თუ ხელისუფლებაში “ოცნება” დარჩება

ჩეხეთის დედაქალაქ პრაღაში მიმდინარე ფიგურული ციგურაობის მსოფლიო ჩემპიონატზე საქართველოს ნაკრების წევრებმა, ანასტასია მეტელკინამ და ლუკა ბერულავამ სპორტულ წყვილებში თავისუფალი პროგრამა წარმოადგინეს.მოკლე პროგრამის შემდეგ მეტელკინა-ბერულავას წყვილი მეორე ადგილზე იყო, მათ თავისუფალი პროგრამა უმაღლეს დონეზე შეასრულეს, მსაჯებისგან 138.96 ქულა დაიმასახურეს, ორი პროგრამის ჯამში კი 218.41 მოაგროვეს და ისტორიაში პირველად, მსოფლიო ჩემპიონატზე ვერცხლის მედლის მფლობელები გახდნენ.კვარცხლბეკი:1. მინერვა ფაბიენ ჰასე-ნიკიტა ვოლოდინი (გერმანია)2. ანასტასია მეტელკინა-ლუკა ბერულავა (საქართველო)3. ლია პერეირა-ტრენტ მიშო (კანადა).

რუსეთი ირანს სადაზვერვო ინფორმაციას გადასცემს, რაც მათ ამერიკელების მოკვლაში ეხმარება, – ამის შესახებ ევროკავშირის უმაღლესმა წარმოამდგენელმა, კაია კალასმა განაცხადა.„პოლიტიკოს“ ცნობით, კალასმა ასევე აღნიშნა, რომ რუსეთის მხარდაჭერა ირანის მიმართ აჩვენებს, თუ რატომ უნდა გააგრძელოს ევროპამ კრემლზე ზეწოლა უკრაინაში ომთან დაკავშირებით.„ჩვენ ვხედავთ, რომ რუსეთი ირანს სადაზვერვო ინფორმაციით ეხმარება ამერიკელების მიზანში ამოღებაში, ამერიკელების მოკვლაში. რუსეთი ასევე უჭერს მხარს ირანს დრონებით, რათა მათ შეძლონ მეზობელ ქვეყნებსა და აშშ-ის სამხედრო ბაზებზე თავდასხმა“, – განუცხადა კაია კალასმა ჟურნალისტებს დიდი შვიდეულის საგარეო საქმეთა მინისტრების შეხვედრის დროს.როგორც „პოლიტიკო“ წერს, მას შემდეგ, რაც შეერთებულმა შტატებმა და ისრაელმა ირანზე სამხედრო დარტყმები დაიწყეს, ახლო აღმოსავლეთი კონფლიქტში, სულ მცირე, 13 ამერიკელი სამხედრო დაიღუპა.

პენტაგონი ახლო აღმოსავლეთში დამატებით 10 000 სამხედროს გაგზავნას განიხილავს. „აქსიოსი“ ინფორმაციას აშშ-ის თავდაცვის მაღალი რანგის წარმომადგენელზე დაყრდნობით ავრცელებს.წყაროს ინფორმაციით, ტრამპის ადმინისტრაცია დამატებითი სამხედროებს გაგზავნას თუ გადაწყვეტს, ეს მნიშვნელოვნად გაზრდის რეგიონში აშშ-ს ჯარისკაცების რაოდენობას.მაღალჩინოსნის თქმით, ეს კიდევ ერთი სიგნალია იმისა, რომ ირანში აშშ-ის სახმელეთო ოპერაცია „სერიოზულად მზადდება“.როგორც „აქსიოსი“ წერს, გადაწყვეტილებას მომავალ კვირას მიიღებენ და ჯარისკაცები არა რეგიონში აქამდე გაგზავნილი ქვედანაყოფებიდან, არამედ სხვა საბრძოლო ქვედანაყოფებიდან იქნებიან.

საქართველოს იუსტიციის სამინისტროს ინფორმაციით, ადამიანის უფლებათა ევროპულმა სასამართლომ საქმე - „თ.ხ. საქართველოს წინააღმდეგ“ დაუშვებლად გამოაცხადა და დაადგინა, რომ სახელმწიფომ სწორად დაიცვა ბალანსი ორ ფიზიკურ პირს შორის არსებული სამართლებრივი დავის მიმდინარეობისას.როგორც ინფორმაციაშია აღნიშნული, საჩივარი ეხებოდა ფიზიკურ პირებს შორის მიმდინარე დავას, რომელიც სოციალურ მედიაში 2016 წელს გამოქვეყნებულ პოსტს უკავშირდებოდა (თავად პოსტი 2011 წელს მომხდარ სავარაუდო ფაქტს ეხებოდა).„სასამართლომ საჩივარი აშკარად დაუსაბუთებლად მიიჩნია და დაუშვებლად ცნო.ევროპულმა სასამართლომ განმარტა, რომ ეს იყო კერძო პირებს შორის არსებული დავა, რომელიც სისხლის სამართლებრივი მექანიზმების გამოყენებას არ მოითხოვდა. სასამართლოს მითითებით, ეროვნულმა უწყებებმა მომჩივანს მკაფიოდ განუმარტეს, რომ საკითხი სამოქალაქო წესით უნდა განხილულიყო, თუმცა მას ამ გზისთვის არ მიუმართავს.სტრასბურგის სასამართლომ ხაზი გაუსვა, რომ განსახილველ საქმეში სისხლის სამართლებრივი მექანიზმების არარელევანტურობის მიუხედავად, საგამოძიებო უწყებებმა 2016 წელს საქმესთან დაკავშირებული მოქმედებები დაუყოვნებლივ ჩაატარეს და საქმის წარმოებისას რაიმე ხარვეზი არ გამოვლენილა.ყოველივე ზემოაღნიშნულის საფუძველზე, ადამიანის უფლებათა ევროპულმა სასამართლომ გაიზიარა იუსტიციის სამინისტროს პოზიცია, საჩივარი აშკარად დაუსაბუთებლად მიიჩნია და დაუშვებლად ცნო“, - ნათქვამია სამინისტროს ინფორმაციაში.

ოთხი შვილის დედას ჰქონდა არჩევანი - დანაშაული არ ჩაედინა, ან აერჩია დანაშაულის გზა, მაგრამ აირჩია ეფიქრა არა ოთხ შვილზე, არამედ - თავის ეპატაჟზე და ჩაედინა დანაშაული, - განაცხადა პარლამენტის თავმჯდომარემ შალვა პაპუაშვილმა გადაცემაში „იმედი LIVE“.პარლამენტის თავმჯდომარე ელენე ხოშტარიასთვის სასამართლოს მიერ გამოტანილი განაჩენის შემდგომ ხელისუფლებისადმი კრიტიკულ განცხადებებს გამოეხმაურა.„ელენე ხოშტარია 6 თვე იყო სასჯელაღსრულებით დაწესებულებაში იმიტომ, რომ ხუთიათას ლარიანი გირაო არ გადაიხადა. ოთხი შვილის დედას ჰქონდა არჩევანი - დანაშაული არ ჩაედინა, ან აერჩია დანაშაულის გზა, მაგრამ აირჩია ეფიქრა არა ოთხ შვილზე, არამედ - თავის ეპატაჟზე და ჩაედინა დანაშაული. მას ჰქონდა არჩევანი გადაეხადა ხუთიათასლარიანი გირაო და ყოფილიყო თავის ოთხ შვილთან, ან გაეგრძელებინა ეპატაჟი და მოხვედრილიყო ევროპარლამენტის რეზოლუციაში. მან აირჩია, რომ ყოფილიყო არა თავის შვილებთან, არამედ - მოხვედრილიყო ევროპარლამენტის რეზოლუციაში. ასე რომ, ეს ყველაფერი არის მისი არჩევანი. სხვაზე გადაბრალება არის ყველაზე დიდი უპასუხისმგებლობა. როდესაც ეს დანაშაული ჩაიდინა, იმ დღეს, ჰოლანდიის ელჩმა საკუთარ სახლში დაპატიჟა და ელჩთან იყო სახლში. ეს არის სწორედ ექსტრემიზმის ნორმალიზება, როდესაც რადიკალებს და ექსტრემისტებს უცხოელი ელჩები სახლებში ეპატიჟებიან და უმასპინძლდებიან.მანამდე 15 სამართალდარღვევა ჩაიდინა, ჯარიმებს არ იხდიდა. შეგნებულად მიიღო გადაწყვეტილება, რომ დანაშაული ჩაედინა, გირაო არ გადაეხადა და შვილებთან კი არ ყოფილიყო, ევროპარლამენტის რეზოლუციაში აღმოჩენილიყო. ამ ყველაფრისკენ გარედან იმიტომ უბიძგებენ, განაჩენი რომ გამოვა, გამოვიდეს შვედეთის ელჩი და ნიანგის ცრემლები დაღვაროს. თუ ვინმეს პატიმარია დღეს ელენე ხოშტარია თუ სხვები, სწორედ ამ უცხოელების პირადი პატიმრები არიან, რადგან სწორედ ისინი აქეზებდნენ, რომ არ ყოფილიყო სინანული, ჩაედინათ დანაშაული, დაერტყათ პოლიციელისთვის, ესროლათ „მოლოტოვის კოქტეილი“, - აღნიშნა პაპუაშვილმა.