გრიგოლ ლილუაშვილი – საქართველოს უახლესი ისტორიის ერთ-ერთ ყველაზე რთულ პერიოდად შეიძლება, ჩაითვალოს ეს პერიოდი, როცა ქვეყანამ შეძლო მშვიდობიანი და უსაფრთხო განვითარება

ჯაფარიძესა და ხაზარაძეს არაფერი აქვთ სათქმელი, ისინი გაურბიან მისვლას საგამოძიებო კომისიაში, ეს არის მათი არჩევანი, საქართველოში მოქმედებს კანონები და ამ კანონების მიხედვით გაგრძელდება პროცედურები, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.როგორც მთავრობის მეთაურმა აღნიშნა, არის ძალიან მკაფიო შემთხვევები, რასთან დაკავშირებითაც საგამოძიებო კომისიას სურს მეტი ინფორმაციის მიღება."ამ ადამიანებს არაფერი აქვთ სათქმელი, არის ძალიან მკაფიო შემთხვევები, რასთან დაკავშირებითაც საგამოძიებო კომისიას სურს მეტი ინფორმაციის მიღება, გამომდინარე იქიდან, რომ ეს საკითხები არის უხერხულობის შემცველი შესაბამისი ადამიანებისთვის, რომლებიც არიან ეჭვმიტანილი კონკრეტული მძიმე დანაშაულების ჩადენაში, ისინი გაურბიან მისვლას საგამოძიებო კომისიაში, ეს არის მათი არჩევანი. საქართველოში მოქმედებს კანონები და ამ კანონების მიხედვით გაგრძელდება პროცედურები“, - განაცხადა ირაკლი კობახიძემ.

ჩვენთვის გარკვეულწილად საინტერესოც შეიძლება იყოს ოპოზიციის მონაწილეობა თვითმმართველობის არჩევნებში, გამომდინარე იქიდან, რომ კიდევ უფრო მძიმედ დამარცხდებიან ისინი, ვიდრე დამარცხდნენ თუნდაც წინა საპარლამენტო არჩევნებში, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.როგორც მთავრობის მეთაურმა აღნიშნა, დღევანდელი კვლევების თანახმად, „ქართული ოცნების“ რეიტინგი კიდევ უფრო მეტად არის გაუმჯობესებული.„ჩვენ გვაქვს ამბიცია, რომ შეგვიძლია იმაზე მაღალი შედეგის მიღებაც კი, ვიდრე მივიღეთ საპარლამენტო არჩევნებში. დღევანდელი კვლევები ამაზე მიუთითებს. დღევანდელი კვლევების თანახმად, ჩვენი რეიტინგი კიდევ უფრო მეტად არის გაუმჯობესებული. დანარჩენი არის ოპოზიციის საქმე. ასეც და ისეც ოპოზიცია არის განწირული ძალიან მძიმე მარცხისთვის 64-ვე მუნიციპალიტეტში. ჩვენ აუცილებლად მოვიგებთ როგორც მერის, ასევე საკრებულოს არჩევნებს 64-ვე მუნიციპალიტეტში მთელი ქვეყნის მასშტაბით“, - განაცხადა ირაკლი კობახიძემ.

საპარლამენტთაშორისო კავშირის 150-ე ასამბლეის ფარგლებში შეხვედრები გვექნება ევროპელ კოლეგებთან, ევროპული პარლამენტების წარმომადგენლებთან, საუბარი იქნება მიმდინარე უსაფრთხოების გამოწვევაზე, რაც რეგიონშია, – ამის შესახებ პარლამენტის თავმჯდომარემ, შალვა პაპუაშვილმა განაცხასდა."საქართველოს საპარლამენტო დელეგაცია საპარლამენტთაშორისო კავშირის 150-ე ასამბლეაში მონაწილეობს. აქ, პარლამენტებიდან 130 ქვეყნის დელეგაცია არის წარმოდგენილი, 2000-მდე დელეგატია. ჩვენ ამ შესაძლებლობას ყოველთვის ვიყენებთ, რომ ერთ ადგილზე საშუალება გვქონდეს, რომ ბევრ ჩვენს კოლეგას შევხვდეთ და ჩვენთვის მნიშვნელოვან საკითხებზე გავესაუბროთ. როგორც წესი, ჩვენს კოლეგა პარლამენტარებთან შეხვედრებისას, ასეთ ფორმატებს უპირველეს ყოვლისა ვიყენებთ ხოლმე არაღიარების პოლიტიკის გასაძლიერებლად. ამჯერად, შეხვედრები ევროპელ კოლეგებთან, ევროპული პარლამენტების წარმომადგენლებთან გვექნება. რა თქმა უნდა, საუბარი იქნება მიმდინარე უსაფრთხოების გამოწვევაზე, რაც რეგიონშია – იმ სამშვიდობო მიზნებზე, რაც საბოლოო ჯამში მნიშვნელოვანია, რომ უკრაინაში ომის დამთავრების მიმართულებით დასრულდეს. ასევე, იმ გამოწვევებზე ვისაუბრებთ, რაც დღეს არსებობს, რათა ეკონომიკურ თანამშრომლობას სწორი მიმართულება მიეცეს. განსაკუთრებით, იმის გათვალისწინებით, რომ ეს ასამბლეა უზბეკეთში, ტაშკენტში ტარდება, ჩვენთვის მნიშვნელოვანია, როგორც ტრანზიტული ქვეყნის როლის წინ წამოწევა თანამედროვე სამყაროში იმ ეკონომიკური, ახალი შესაძლებლობების გათვალისწინებით, რაც დღესდღეობით ისახება“, – განაცხადა შალვა პაპუაშვილმა.მისი თქმით, შეხვედრა ევროპელ კოლეგებთან ასევე სხვა ქვეყნის წარმომადგენლებთან იქნება."მოხარული ვარ, რომ კიდევ ერთხელ შესაძლებლობა მექნება, უზბეკეთის პარლამენტის ხელმძღვანელობასთან შეხვედრის, ვისთანაც განსაკუთრებული თბილი ურთიერთობა გვაქვს. წინ საინტერესო ასამბლეა გველოდება. ასამბლეის წევრების წინაშე სიტყვით გამოსვლა მექნება. დარწმუნებული ვარ, ბევრი საინტერესო შეხვედრა იქნება. თავისთავად, საქართველოსა და ცენტრალური აზიის ქვეყნებს შორის ეკონომიკური თანამშრომლობა ერთ-ერთი პრიორიტეტია. სულ ახლახან, აზიის ქვეყნებში პრემიერ-მინისტრის ვიზიტი შედგა. მნიშვნელოვანია, ერთის მხრივ, არსებობდეს ის ტრადიციული მეგობრული ურთიერთობები, რაც ჩვენს ქვეყნებს შორისაა და თანამედროვეობაში უკვე საერთო ეკონომიკური ინტერესებია, სწორად განხორციელდეს, როგორც ეკონომიკურ-თანამშრომლობის თვალსაზრისით, ასევე საქართველოს, როგორც ევროპისა და აზიის დამაკავშირებელი დერეფნის პოტენციალის სრულად რეალიზებისთვის“, – განაცხადა შალვა პაპუაშვილმა.

გიორგი გველესიანი ირანის ჩემპიონატის საუკეთესო მცველად დასახელდა- ამის შსახებ ინფორმაციას ეროვნული ნაკრები ავრცელებს.

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის, ვაკე-საბურთალოს, ძველი თბილისისა და ისანი-სამგორის მთავარი სამმართველოების თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 6 პირი დააკავეს. ინფორმაციას შსს ავრცელებს.„დიდი და განსაკუთრებით დიდი ოდენობით სხვადასხვა სახის ნარკოტიკული საშუალების, ნარკოტიკული საშუალება „მარიხუანას“ უკანონო შეძენა-შენახვისა და გასაღების, გასაღების მომზადებისა და მცდელობის ფაქტებზე დაკავებული არიან:1996 წელს დაბადებული მ.კ., უცხო ქვეყნის მოქალაქეები: 2007 წელს დაბადებული კ.რ. , 1990 წელს დაბადებული მ.ბ., წარსულში ნასამართლევები: 1984 წელს დაბადებული ზ.ა., 1995 წელს დაბადებული ლ.ნ. და 1994 წელს დაბადებული გ.კ. დანაშაულები 20 წლამდე ან უვადო თავისუფლების აღკვეთას ითვალისწინებს. პოლიციამ ნარკოტიკების უკანონოდ გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.სამართალდამცველებმა, დაკავებულების პირადი და საცხოვრებელი სახლების ჩხრეკის შედეგად, ასევე, მათ მიერ მითითებული ლოკაციებიდან ნივთმტკიცებად ამოიღეს ნარკოტიკული საშუალებები „ჰეროინი“, „მეთადონი“, „მეფედრონი“, „ბუპრენორფინი" , „ალფა-პვპ“, და „მარიხუანა“ . პოლიციის მიერ ნივთმტკიცებად, ამოღებულია უკანონოდ გაყიდული ნარკოტიკი. ერთ-ერთი ბრალდებულის გ.კ. - ს საცხოვრებელი ბინის ჩხრეკის შედეგად, ასევე, ამოღებულია, სავარაუდოდ, ნარკოტიკების რეალიზაციის შედეგად მიღებული ფული - 15 515 ევრო, 15 500 აშშ დოლარი და 6550 ლარი. გამოძიება სისხლის სამართლის კოდექსის 260-ე, 19- 260-ე, 18-260-ე, 273-ე პრიმა, 19- 273-ე პრიმა მუხლებით მიმდინარეობს", - აღნიშნულია შსს-ს ინფორმაციაში.