გოგა ხაინდრავა – მერაბიშვილის ბრძანებით, გორის პოლიციაში 40 ოსს მხოლოდ იმიტომ სცემეს, რომ ოსი ეროვნების იყვნენ, ვითარების ესკალაცია, დაძაბვა მიდიოდა, რაც არანაირად გამართლებული არ იყო

აფხაზეთის დე ფაქტო უშიშროება, რუსეთის უშიშროება და საქართველოში უშიშროებაში ჩანერგილი ადამიანები, ერთობლივად მოქმედებდნენ და ისე მოიყვანეს სააკაშვილი ხელისუფლებაში. მოიყვანეს, რადგან პირობა ჰქონდა დადებული, კოდორის ხეობას ჩაბაარებდა უმტკივნეულოდ, – ამის შესახებ კოდორის ხეობაში საქართველოს პრეზიდენტის ყოფილმა რწმუნებულმა, ემზარ კვიციანმა „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებით საგამოძიებო კომისიაზე“ განაცხადა.ამასთან, ემზარ კვიციანმა კოდორის ხეობასთან დაკავშირებით, 2006 წელს პატრიარქთან საუბარი გაიხსენა.„შევედი პატრიარქთან, ჩვენს უწმინდესთან, პირველ რიგში, მინდოდა კურთხევა, დედაჩემის დასაფლავება მინდოდა იქ, სადაც ავაშენეთ ეკლესია ჩვენმა საძმომ და სამეგობრომ, არ მირჩია და, მოკლედ, კურთხევა მომცა, სადაც უნდა დამესაფლავებინა დედაჩემი. მეორე ვუთხარი, თქვენო უწმინდესობავ, ოქრუაშვილი და დღევანდელი ხელისუფლება აპირებს კოდორის ხეობაში თავდაცვის ძალების შემოყვანას-მეთქი, რაც აუცილებლად გამოიწვევს კონფლიქტს და ამ კონფლიქტში რუსები იქნებიან მართლები, რადგან არსებობს 94 წლის შეთანხმება, რომელზეც ხელი გვაქვს მოწერილი, ამას გამოიყენებენ და რუსებს მიეცემათ ლეგიტიმაცია, რომ შემოვიდნენ ხეობაში. მერე გაითამაშებენ ჩვენები-მეთქი, ვითომ რუსებს ვერ შევებრძოლეთ, დატოვებენ ტერიტორიას და გაიქცევიან, იყო უკვე ასეთი შემთხვევა ჩემთან, როგორ გამექცა ყველა იქიდან, იმიტომ, რომ დაგვეტოვებინა იქაურობა. ფაქტებიდან გამომდინარე ვხვდებოდი ამას.პატრიარქი წამოდგა, ადგომას ვაპირებდი, იჯექიო. მოვიდა, მომადო მარცხენა ლოყაზე ხელი: „ემზარ, შვილო, გაკურთხოს უფალმა, არ შეგეშვებიან, სანამ კოდორი არ ჩაბარდება, აფხაზეთი მიცემულია“. სიტყვასიტყვით. მას ბევრად დიდი ინფორმაციები ჰქონდა მაშინაც, ვიდრე მე და ვინმეს გვქონდა. მე ვუთხარი, ყველაფერს გავაკეთებ, რომ რამენაირად კიდევ გაგრძელდეს კოდორის ხეობის შენარჩუნება რამდენიმე წლით, რომ იქნებ გვეღირსოს ისეთი მთავრობა, რომელსაც ენდომება ბოლოსდაბოლოს კოდორის ხეობის შენარჩუნება და აქედან მუშაობა უკვე აფხაზებზე. თან აწყობილი იყო ყველაფერი. ნებისმიერ დროს, როცა გინდა, მაშინ მოვიყვანდი აფხაზებს, დავსვამდი და ვალაპარაკებდი. გამოაგზავნეს არძინბა ლევანი ჩვენთან აქ და მე დავხვდი გადმოსასვლელში, რაც იყო გზავნილი აფხაზებიდან, ერთობლივი ჯგუფი გავაკეთოთ და დავიცვათ ჩვენი სამშობლო ერთად, აფხაზებმა და ქართველებმაო. აქედან წასული ერთ თვეში საკუთარ ჭიშკართან ჩაცხრილეს. აფხაზეთის დე ფაქტო უშიშროება, რუსეთის უშიშროება და საქართველოში უშიშროებაში ჩანერგილი ადამიანები, ერთობლივად მოქმედებდნენ, ერთობლივად მოქმედებდნენ და ისე მოიყვანეს სააკაშვილი ხელისუფლებაში. რატომ მოიყვანეს? იმიტომ, რომ პირობა ჰქონდა დადებული, კოდორის ხეობას ჩაბაარებდა უმტკივნეულოდ“, – განაცხადა ემზარ კვიციანმა.

ეს ყველაფერი იყო კოლექტიური ღალატი, ჩაფიქრებული ჩვენი ქვეყნის წინააღმდეგ, მაგრამ თვითონ საჯარისო ფორმირებები ამის აბსოლუტურად საქმის კურსში არ იქნებოდნენ. არ მგონია, გოგავასაც რამე სცოდნოდა ამის შესახებ. არ მგონია, რომელიმე სარდალს რამე სცდოდნოდა, რადგან ეს იყო შეთანხმებული პოლიტიკური გადაწყვეტილება, – ამის შესახებ კოდორის ხეობის ყოფილმა სახელმწიფო რწმუნებულმა, ემზარ კვიციანმა „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საგამოძიებო კომისიის“ ხელმძღვანელმა, თეა წულუკიანმა კომისიის დღევანდელ სხდომაზე განაცხადა.ემზარ კვიციანის თქმით, ძალიან ბევრი რამ იცის ფაქტებით და ბევრ რამეს აეხდება ფარდა, თუ ამით გამოძიება დაინტერესდება.„კიდევ ერთ საინტერესო ფაქტს გეტყვით, 2006 წლის 13 ივნისს ქალაქ სოჭში ერთმანეთს შეხვდნენ სააკაშვილი და პუტინი. რამე თუ იცით ამის შესახებ? ზღვაში რომ გავიდნენ და ორი საათი იყვნენ იქ. იქიდან რომ დაბრუნდა, ჩამოვიდა საქართველოში და ხელად ორფოლო წამოიწყეს. აი, იქ იყო მოლაპარაკებული ეს ყველაფერი. რვა წელიწადი ვიყავი რუსეთში და ძალიან ბევრი რამ გავიგე, ბევრი რამ ფაქტებით ვიცი და ბევრ რამეს ავხდით კიდევ ფარდას, თუ დაინტერესდება გამოძიება.დააკვირდით, როგორ ამზადებდნენ ჩვენს ტერიტორიებს გასასხვისებლად. ჩვენს ეგრეთ წოდებულ მეგობრებს, რომლებიც ჩვენს მეგობრებად და დამხმარეებად არიან წარმოჩენილი, თუ უნდოდათ, ძლიერი ყოფილიყო ჩვენი ჯარი, ჯარში ისეთი რეფორმა არ უნდა ჩაეტარებინათ, რომ სპეციალისტები მოიშორეს, დილეტანტები მოიყვანეს. აგერ გეჯდათ სარდალი, გაერთიანებული შტაბების უფროსი, გენერალური შტაბის უფროსი, რომელიც გეუბნება, მე რა ვიცოდი, ცხინვალში, კოდორში რა ხდებოდაო. ამისი თქმა უკვე ტრიბუნალია“, – განაცხადა ემზარ კვიციანმა.

„ნაცებთან“ გაერთიანებასთან დაკავშირებით ჩვენი პოზიცია ყოველთვის ძალიან თანმიმდევრული იყო. ეს არის შეუძლებელი, – ამის შესახებ პარტია „გახარია – საქართველოსთვის“ წევრმა, ბექა ლილუაშვილმა განაცხადა.ლილუაშვილის თქმით, პარტიას არც მოლოდინი შეუქმნია, არც დაპირება გაუცია და არც პოლიტიკური პასუხისმგებლობა არ ჰქონდა აღებული.როგორც ლილუაშვილმა აღნიშნა, წარმოუდგენლად მიაჩნიათ იმ ხალხთან გაერთიანება, ვისთანაც არანაირი თანხვედრა არ არსებობს.„ამას ვამბობდით არჩევნებამდე. იმ შემთხვევაში, თუ არ გაყალბდებოდა არჩევნები და ოპოზიცია ხელისუფლებაში მოვიდოდა, ჩვენ „ნაცებთან“ ხელისუფლებაში ყოფნასაც კი არ ვაპირებდით. ამ ყველაფრის მიუხედავად, როცა ქვეყნის ეროვნულ მომავალს შეეხება საკითხი, პოლიტპატიმრების გათავისუფლებისთვის ბრძოლას, ვთქვით, რომ სალომე ზურაბიშვილის პლატფორმაზე ამ ხალხთან კოორდინაცია შესაძლებელია. ჩვენ ამას ვაკეთებთ, მაგრამ გაერთიანება არის აბსურდი.როგორ წარმოგიდგენიათ, ჩვენ ნაბიჯები უნდა გადავდგათ პოლიტპატიმრების გასათავისუფლებლად და პოლიტპატიმარ ანდრო ჭიჭინაძის, ღირსეული ადამიანის გვერდით, პოლიტიკურ სივრცეში „ნაციონალური მოძრაობა“ რომ დააყენებს მიხეილ სააკაშვილის საკითხს, როგორც პოლიტპატიმრის, ეს როგორ წარმოგიდგენიათ? ეს შეუძლებელს ხდის „ნაციონალურ მოძრაობასთან“ რაიმე ერთიანობას. ეს არის ბრძოლა. ჩვენ ასე გვაქვს დაგეგმილი, მივყვევით ამ გეგმას – ბრძოლას რეჟიმის, ივანიშვილის წინააღმდეგ.„ეს ადამიანები თვითონ არ არიან ჩამოყალიბებული. ჯერ გაერთიანებაზე ამბობენ რაღაცას, შემდეგ კოორდინაციაზე, მესამე დღეს – 31-32 მარტზე, რაღაც გაუგებარზე. ეს თუ მათი არათანმიმდევრულობის პრობლემაა, მათი პრობლემაა. ჩვენ ამ საკითხში ყოველთვის თანმიმდევრული და პრინციპული პოზიციით ვიყავით წარმოდგენილი. თავად გაერთიანდნენ, ვინც ადრე ერთმანეთის გვერდით იბრძოდნენ, ერთად იყვნენ, რაღაცისთვის იბრძონდნენ, გაერთიანდნენ. ხომ ამბობენ, რომ ეს მათი ბრძოლის გზაა. ადგნენ და გაერთიანდნენ“, – განაცხადა ბექა ლილუაშვილმა.

დღეს ისტორიული დღეა ჩვენი ქვეყნის ტურიზმისა და ავიაციის ინდუსტრიისთვის, „ბრიტიშ ეარვეისმა“ დღეს შეასრულა პირველი პირდაპირი ფრენა ლონდონი-თბილისის მიმართულებით. ეს იყო საკმაოდ გრძელვადიანი და რთული მოლაპარაკებების პროცესი და ძალიან მოხარული და ამაყი ვარ, რომ ჩვენმა ქვეყანამ შეძლო და ასეთი მნიშვნელოვანი მოლაპარაკება წარმატებით დაასრულა, – განაცხადა ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა გაერთიანებული სამეფოს ფლაგმანი ავიაკომპანიის, „ბრიტიშ ეარვეისის“ მიერ ლონდონი-თბილისის მიმართულებით პირველი პირდაპირი რეისის შესრულებასთან დაკავშირებულ მიღებაზე ჟურნალისტებთან საუბრისას.დღეს თბილისის საერთაშორისო აეროპორტში კომპანიის A320 ტიპის ხომალდმა, 156 მგზავრით, პირველი რეისი შეასრულა. ავიაკომპანია „ბრიტიშ ეარვეისი“ ლონდონი-თბილისი-ლონდონის მიმართულებით პირდაპირ რეგულარულ რეისებს კვირაში ოთხი სიხშირით შეასრულებს.როგორც მინისტრის მოადგილემ აღნიშნა, განსაკუთრებით სასიხარულოა, რომ ბრიტანულმა ავიაკომპანიამ პირველი რეისი თბილისის მიმართულებით სრულად დატვირთული ბორტით შეასრულა. მარიამ ქვრივიშვილის თქმით, არანაკლებ მნიშვნელოვანია, ლონდონში თვითმფრინავი ასევე სრული დატვირთვით დაბრუნდება, რაც უკვე მეტყველებს იმაზე, რომ არსებული პირდაპირი ფრენა ძალიან წარმატებული იქნება.„ჩვენ გვაქვს დაგეგმილი მასშტაბური მარკეტინგული კამპანიები დიდ ბრიტანეთში, რათა საქართველოს, როგორც ტურისტული მიმართულების, ცნობადობა გაიზარდოს. გვაქვს არაერთი პროექტი ავიაკომპანიასთან იმისთვის, რომ კიდევ ერთხელ  წავახალისოთ ჩვენი ქვეყნის ცნობადობა და დარწმუნებული ვარ, რომ „ბრიტიშ ეარვეისის“ შემოსვლა ჩვენი ქვეყნის ტურიზმისა და ავიაციის სექტორისთვის ახალი განაცხადი იქნება“, – განაცხადა მინისტრის მოადგილემ.მისი თქმით, შედეგად, გაიზრდება ტურისტული ნაკადები დიდი ბრიტანეთიდან, რაც, პირველ რიგში, უზრუნველყოფს, რომ გააძლიეროს საქართველოს ტურისტულ ინდუსტრიაში მცირე, საშუალო და მსხვილი მეწარმეები და თავის წვლილს შეიტანს ჩვენი ქვეყნის ეკონომიკის განვითარებაში.„შეგვიძლია, საფუძვლიანად ვივარაუდოთ, რომ მიმდინარე წელი ტურიზმისა და სამოქალაქო ავიაციის ინდუსტრიაში ძალიან წარმატებული იქნება“, – აღნიშნა მარიამ ქვრივიშვილმა.

„ქართული ოცნების“ ხელისუფლება იყო და არის ის ხელისუფლება, რომელმაც შექმნა სპეციალური ჯგუფი. ამ ჯგუფს მე ვხელმძღვანელობდი იუსტიციის მინისტრის რანგში და ჩვენ გადავარჩინეთ ქართული ჯარის ღირსება სტრასბურგშიც და ჰააგის სასამართლოშიც, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საგამოძიებო კომისიის“ ხელმძღვანელმა, თეა წულუკიანმა კომისიის დღევანდელ სხდომაზე განაცხადა.როგორც კომისიის ხელმძღვანელმა განაცხადა, საგამოძიებო კომისია მიხეილ სააკაშვილის კიდევ ბევრ დანაშაულზე გამოავლენს ახალ ფაქტებს.„ამიტომ, აქეთ ამ თემაზე ჩვენ არავითარ შენიშვნას არ მივიღებთ, მაგრამ თქვენ ჩვენ ვერ გაგვაჩერებთ. ჩვენ სააკაშვილის კიდევ ბევრ დანაშაულზე ახალ ფაქტებს გამოვავლენთ. ჩვენ კეზერაშვილის, მერაბიშვილის და სხვა პოლიტიკური პირების ომის პირობებში, თუ საპატიმროში, თუ საკუთრების უფლების მიმართულებით, კიდევ არაერთ დანაშაულებრივ ფაქტს გამოვავლენთ, ელენე ხოშტარიამ რაც არ უნდა იკივლოს ქუჩაში. მით უმეტეს, ირკვევა, რომ 2004 წლიდან სწორედ ელენე ხოშტარია, იმ დროს ჩაცმულ-დახურული ხელმძღვანელობდა ქართული ჯარის განადგურების დასაწყისს, როცა ათასეულობით პროფესიონალი გაუშვეს ქართული ჯარიდან. ასე შეატოვეს რუსეთს და სეპარატისტებს პირისპირ მოქალაქეები და ჯარისკაცები, რეზერვისტები. ამ მიმართულებაზე ჩვენ ვაგრძელებთ მუშაობას“, – განაცხადა თეა წულუკიანმა.