გიტანას ნაუსედა – რუსეთზე ზეწოლა უნდა გაიზარდოს, ჩვენი ლიდერობა არ არის დამოკიდებული ჩვენს რიტორიკაზე, არამედ დამოკიდებულია ჩვენს გადაწყვეტილებებზე

საქართველოს პრემიერ-მინისტრი ირაკლი კობახიძე, სომხეთის პრემიერ-მინისტრ ნიკოლ ფაშინიანთან ერთად, ერევანში, ვაზგენ სარგსიანის სახელობის სტადიონზე საქართველოსა და სომხეთის ეროვნული ნაკრებების მატჩს დაესწრო.ერთა ლიგის პლეიოფის პირველი შეხვედრა საქართველოს ეროვნული ნაკრების გამარჯვებით, ანგარიშით 3:0 დასრულდა.მატჩს, პრემიერ-მინისტრებთან ერთად, ორი ქვეყნის მთავრობის წევრები დაესწრნენ.პრემიერ-მინისტრის პრესსამსახურის ცნობით, მატჩის შემდეგ, ირაკლი კობახიძე საქართველოს ეროვნული ნაკრების წევრებს შეხვდა და გამარჯვება მიულოცა.საქართველოსა და სომხეთის ეროვნულ ნაკრებებს შორის მეორე შეხვედრა 23 მარტს თბილისში, „დინამო არენაზე“ გაიმართება.

აშშ-ის პრეზიდენტი დონალდ ტრამპი სრულად უჭერს მხარს ისრაელის მიერ ღაზის სექტორში საჰაერო და სახმელეთო ოპერაციების განახლებას, – ამის შესახებ თეთრი სახლის პრესმდივანმა, ქეროლაინ ლივიტმა განაცხადა.ლივიტის თქმით, ტრამპი „სრულად უჭერს მხარს ისრაელსა და „ცაჰალს“, ასევე ქმედებებს, რომლებიც მათ ბოლო დღეებში განახორციელეს“.„პრეზიდენტმა ძალიან მკაფიოდ განუმარტა „ჰამასს“, რომ თუ ისინი არ გაათავისუფლებდნენ ყველა მძევალს, ამისთვის მოუწევდათ საფასურის გადახდა“, – განაცხადა თეთრი სახლის პრესმდივანმა.ქეროლაინ ლივიტმა განაცხადა, რომ არსებული ვითარება არის „ჰამასის“ ბრალი 2023 წლის ოქტომბერში ისრაელზე თავდასხმის გამო.ცნობისთვის, მიმდინარე კვირას ისრაელმა ღაზაზე დარტყმები განაახლა, რითაც 19 იანვარს ცეცხლის შეწყვეტის შესახებ მიღწეული შეთანხმეა დაირღვა.

საქართველოს ნაკრების მთავარმა მწვრთნელმა, ვილი სანიოლმა ერთა ლიგაზე სომხეთთან დამაჯერებლად მოგებული (3:0) მატჩი პრესკონფერენციაზე შეაფასა და განაცხადა, რომ საპასუხო მატჩამდე არაფერია გარკვეული.„რაც შეეხება ლუკა ლოჩოშვილის ტრავმას, როგორც ვიცი, სერიოზული და მძიმე დაზიანება არ არის. თუმცა, არა მგონია, საპასუხო მატჩში მონაწილეობა მიიღოს. ლუკა ბოლო დროს იტალიაში კარგად თამაშობს და დღესაც კმაყოფილი ვარ მისი გამოსვლით. ჩვენ მომავალშიც მისი დიდი იმედი გვაქვს.გავაანალიზეთ სომხეთის თამაში და მივხვდით, რომ მიქაუტაძეს შეტევებისთვის დიდი სივრცეები ექნებოდა. სასიხარულოა, რომ გიორგიმ შანსებით ისარგებლა და წარმატებული თამაში ჩაატარა.დღეს აქცენტი იმაზე გავაკეთეთ, რომ უშეცდომოდ გვეთამაშა და საგოლე მომენტები გამოგვეყენებინა, ეს ჩვენს გუნდს თავდაჯერებას მატებს.იქიდან გამომდინარე, რომ კაშია დისკვალიფიცირებული იყო, შემადგენლობის უნდა გადაგვეხალისებინა. დაცვით კმაყოფილი ვარ, ლოჩოშვილმა და გოგლიჩიძემ დამაჯერებლად ითამაშეს“.საქართველოსა და სომხეთის ნაკრებების დაპირისპირების გამარჯვებული უეფა-ს ერთა ლიგის B დივიზიონში ითამაშებს. 23 მარტს საპასუხო შეხვედრა თბილისში, 18:00 საათზე „დინამო არენაზე“ გაიმართება. მატჩის ტელერეპორტაჟს საქართველოს პირველი არხი, პირველი არხი სპორტი და საქართველოს რადიო შემოგთავაზებთ.

აღდგომის მარხვაში ეკლესიაში ზეთის კურთხევის საიდუმლო ანუ შვიდგზის ზეთისცხება სრულდება. როგორც მამა იოანე მჭედლიშვილი აღნიშნავს, ზეთისცხებასთან დაკავშირებით, აკრძალვა არ არსებობს, მაგრამ ადამიანმა მადლი, რომ შეიგრძნოს ამისთვის ის ქრისტიანულად უნდა ცხოვრობდეს.„შვიდგზის ზეთისცხებასთან დაკავშირებით, არანაირი აკრძალვა არ არსებობს, მაგრამ მადლი, რომ შეიგრძნოს ადამიანმა, ამისთვის მან ქრისტიანულად უნდა იცხოვროს. თუ ქრისტიანულად ადამიანი არ ცხოვრობს, რა აზრი აქვს ზეთს აცხებენ თუ სხვა რამე საშუალებას. ადამიანი თუ თავის ცოდვებს არ ნანობს, აღმსარებელი არ არის, მადლი არ იქნება. როცა ადამიანი აღმსარებელია, ნანობს მის ცოდვებს, ეს უკვე დიდი მადლია და დიდი სიკეთე მოაქვს ზეთისცხებას.მისი თქმით, შვიდგზის ზეთისცხებას დიდი მადლი მოაქვს.„შვიდგზის ზეთისცხება, ეს არის ერთ-ერთი საიდუმლო, რომელიც სრულდება მარხვის პერიოდში. წესი ის იყო, რომ ეს არის ადამიანების საკურნებლად.ზოგადად მარხვა იმისთვის არის, რომ ადამიანი როცა მარხულობს, უფრო მეტი იფიქროს სულიერზე და მოუძლურების ჯამს შვიდგზის ზეთისცხების სახით სრულდება, რომ განიკურნოს ადამიანი. მთელი შინაარსია ამაში და როდესაც მიხვალ, არც ზიარებულხარ, არც აღსარება ჩაგიბარებია და არც მღვდელთან ყოფილხარ ზეთს იცხებ და გგონია რაღაც მოხდება შინაარსი გამოცლილი აქვს ამას.არ ცხოვრობს ადამიანი ქრისტიანულად და ჰგონია, რომ როცა ზეთს იცხებს ყველაფერი კარგად იქნება, თუმცა ვინც მოსულა არავისთვის უარი არ გვითქვამს, მთავარია ამას შინაარსი ჰქონდეს“,- ამბობს მამა იოანე მჭედლიშვილი.

ერთა ლიგის B დივიზიონში დასარჩენად გამართული პლეიოფის პირველ მატჩში, საქართველოს ეროვნული ნაკრები სტუმრად სომხეთს დაუპირისპირდა.„ჯვაროსნებმა“ ბრწყინვალედ ითამაშეს, მეტოქეს შანსი არ დაუტოვეს და 3:0 იმარჯვეს.შეხვედრაში ანგარიში გიორგი ქოჩორაშვილმა გახსნა, რომელმაც საკუთარი გუნდი 32-ე წუთზე დააწინაურა.37-ე და 59-ე წუთებზე, გიორგი მიქაუტაძე გამოირჩა. „ჯვაროსნების“ თავდამსხმელმა დუბლი შეასრულა და Sofascore-მა და Whoscored-მა მატჩის საუკეთესო ფეხბურთელად დაასახელეს.Sofascore-ის შეფასებები: გიორგი მამარდაშვილი (8.0), საბა გოგლიჩიძე (7.1), ოთარ კაკაბაძე (7.2), ლუკა ლოჩოშვილი (6.9), ირაკლი აზაროვი (7.6), გიორგი ქოჩორაშვილი (8.1), ნიკა კვეკვესკირი (6.5), ზურიკო დავითაშვილი (6.8), გიორგი ჩაკვეტაძე (7.5), ოთარ კიტეიშვილი (7.2), გიორგი მიქაუტაძე (8.7), ანზორ მექვაბიშვილი (6.7), გიორგი წიტაიშვილი (6.9), ბუდუ ზივზივაძე (6.7), ლაშა დვალი (6.9), გიორგი გოჩოლეიშვილი (6.7). Whoscored-ის შეფასებები: გიორგი მამარდაშვილი (7.9), საბა გოგლიჩიძე (7.3), ოთარ კაკაბაძე (7.1), ლუკა ლოჩოშვილი (7.0), ირაკლი აზაროვი (7.8), გიორგი ქოჩორაშვილი (7.8), ნიკა კვეკვესკირი (6.7), ზურიკო დავითაშვილი (7.2), გიორგი ჩაკვეტაძე (7.5), ოთარ კიტეიშვილი (7.5), გიორგი მიქაუტაძე (8.8), ანზორ მექვაბიშვილი (6.2), გიორგი წიტაიშვილი (6.0), ბუდუ ზივზივაძე (6.6), ლაშა დვალი (6.3), გიორგი გოჩოლეიშვილი (6.4).ცნობისთვის, ამ გუნდების საპასუხო შეხვედრა თბილისში გაიმართება და მატჩი 23 მარტს, „დინამო არენაზეა“ ჩანიშნული.