„გირგვლიანის შესწორებებზე” სამართალდამცავი ორგანოს წარმომადგენლებიც იმუშავებენ

ევროკავშირმა გააკრიტიკა აშშ-ის გადაწყვეტილება პალესტინის ადმინისტრაციის წარმომადგენლებისთვის ვიზების გაცემაზე უართან დაკავშირებით და აღნიშნული საერთაშორისო სამართლის დარღვევად მიიჩნია.ევროკავშირის საგარეო საქმეთა მინისტრების არაფორმალური შეხვედრის შემდეგ ევროკავშირის უმაღლესმა წარმომადგენელმა, კაია კალასმა მედიასთან საუბრისას განაცხადა, რომ ამ საკითხზე ევროკავშირის პოზიცია ერთსულოვანია.„გაერო-სა და მისი მასპინძელი სახელმწიფოს შორის არსებული შეთანხმებების გათვალისწინებით, ჩვენ, ყველანი გავცემთ მოწოდებას ამ გადაწყვეტილების გადახედვისკენ საერთაშორისო სამართლისა და გაერო-ს წესდების გათვალისწინებით“, – აღნიშნა კალასმა.ცნობისთვის,  აშშ-მა ნიუ იორკში დაგეგმილი გაერო-ს გენერალური ასამბლეის წინ უარი თქვა პალესტინის ადმინისტრაციის წარმომადგენლებისთვის ვიზების გაცემაზე. „ბიბისის“ ცნობით, ეს გადაწყვეტილება შეეხება პალესტინის ავტონომიის ლიდერს, მაჰმუდ აბასსა და კიდევ 80 პალესტინელ ოფიციალურ პირს, რომელთაც აშშ-ის ვიზები გაუუქმდათ.

აშშ-ის პრეზიდენტმა, დონალდ ტრამპმა განაცხადა, რომ ვლადიმერ პუტინსა და ვოლოდიმირ ზელენსკის შეხვედრა ახლო მომავალში ნაკლებად სავარაუდოა. ამის შესახებ ტრამპმა Daily Caller-თან ინტერვიუში ისაუბრა და დასძინა, რომ შესაძლოა, ევროპას ამერიკული თვითმფრინავები დასჭირდეს ომის დასრულების უზრუნველსაყოფად.„სამმხრივი შეხვედრა მოხდებოდა. ორმხრივი არ ვიცი, მაგრამ სამმხრივი აუცილებლად მოხდება, მაგრამ ზოგჯერ ადამიანები ამისთვის მზად არ არიან. ანალოგს ვიყენებ, რომელიც რამდენჯერმე გამოვიყენე – გყავს შვილი და ეზოში, სათამაშო მოედანზე კიდევ ერთი ბავშვია. მათ ერთმანეთი სძულთ და იწყებენ ხელების ქნევას, გინდა, რომ შეჩერდნენ, თუმცა ისინი ჩხუბს განაგრძობენ. ცოტა ხნის შემდეგ ისინი ძალიან ბედნიერები არიან, რომ ჩერდებიან. გესმით ეს? თითქმის ასეა. ზოგჯერ მათ ცოტა ხანს უწევთ ჩხუბი, ვიდრე შეაჩერებ. მაგრამ ეს დიდი ხანია, გრძელდება. ბევრი ადამიანი დაიღუპა“, – აღნიშნა დონალდ ტრამპმა.დონალდ ტრამპმა ასევე განაცხადა, რომ მზადაა, დაეხმაროს უკრაინას უსაფრთხოების გარანტიებით.აშშ-ის  პრეზიდენტის განმარტებით, ახლა ამერიკა აღარ ხარჯავს ასობით მილიარდ დოლარს ამ ომში.„ჩვენ ვყიდით აღჭურვილობას ნატო-ს. არ ვყიდით უკრაინას – ვყიდით ნატო-ს. ისინი იხდიან აღჭურვილობისთვის, ჩვენ არ ვხარჯავთ ფულს ომში“, – აღნიშნა აშშ-ის პრეზიდენტმა.დონალდ ტრამპის თქმით, ომის შესაჩერებლად უსაფრთხოების გარანტიები საჭიროა, თუმცა დასძინა, რომ ამერიკელი სამხედროები ბრძოლაში არ ჩაერთვებიან.

სოციალურ ქსელში ხარაგაულიდან საგანგაშო კადრები ვრცელდება.გარემოს ეროვნული სააგენტოს ინფორმაციით, ხარაგაულის მუნიციპალიტეტში, სოფლებში ხემაღალსა და ღვერკში კვლავ გააქტიურდა არსებული მეწყერი.„მეწყრულმა მასებმა ნაწილობრივ გადაკეტა მდ. კორნებასღელე. დამატებითი საფრთხეების შეფასების მიზნით, გარემოს ეროვნული სააგენტოს სპეციალისტებმა ოპერატიულად მოახდინეს სიტუაციის შეფასება. წინასწარი ინფორმაციით მოსახლეობას საფრთხე არ ემუქრება. სააგენტოს გეოლოგები ამ დრომდე ადგილზე იმყოფებიან. მათ მიერ, შესაბამის უწყებებთან ერთად გაიცა რეკომენდაციები, რაც გულისხმობს შეგუბების უბანზე გაწმენდით სამუშაოებს, ასევე, მეწყრის ზონაში მონიტორინგის დაწესებას“, - წერია სააგენტოს მიერ 23 აგვისტოს გავრცელებულ განცხადებაში.

GPS ტრეკერით აღჭურვილ დედალ შევარდენმა სამხრეთ აფრიკიდან ფინეთამდე იფრინა. დღეში საშუალოდ 230 კილომეტრის სიჩქარით, ის თითქმის სწორი ხაზით დაფრინავდა აფრიკის კონტინენტზე, სანამ ჩრდილოეთ უდაბნოებს არ მიაღწევდა. უზარმაზარ ხმელთაშუა ზღვაზე ფრენის ნაცვლად, ის მიჰყვებოდა ნილოსის მდინარეს სუდანისა და ეგვიპტის გავლით - სავარაუდოდ, წყალზე უფრო მარტივი წვდომისთვის. შემდეგ მან სირია და ლიბანი გაიარა, განზრახ აარიდა თავი შავ ზღვასაც, რადგან იცოდა, რომ იქიდან წყლის დალევა არ შეეძლო. 42-დღიანი ფრენის შემდეგ, ის საბოლოოდ ჩავიდა ფინეთში - დაასრულა არაჩვეულებრივი მიგრაცია, სადაც იგი როგორც ინსტინქტს, ასევე ინტელექტს ავლენდა!

შვედეთის საგარეო საქმეთა სამინისტრო შვიდი ქართული არასამთავრობო ორგანიზაციის ანგარიშების დაყადაღებას ეხმაურება.„საქართველოში სამოქალაქო საზოგადოების ორგანიზაციებზე მზარდი ზეწოლა შემაშფოთებელია, მათ შორის აქტივების ბოლოდროინდელი გაყინვა. ეს გადაწყვეტილება კიდევ ერთი ნაბიჯია არასწორი მიმართულებით საქართველოს დემოკრატიისთვის. შვედეთი ინარჩუნებს თავის მტკიცე მხარდაჭერას საქართველოს სამოქალაქო საზოგადოების მიმართ“, – ნათქვამია განცხადებაში.ცნობისთვის, პროკურატურაში მიმდინარე გამოძიების ფარგლებში რამდენიმე არასამთავრობო ორგანიზაციის საბანკო ანგარიშებს ყადაღა დაედო. პროკურატურის ცნობით, საუბარია გამოძიებაზე, რომელიც ეხება საბოტაჟს, დამამძიმებელ გარემოებაში საბოტაჟის მცდელობას, უცხოეთის ორგანიზაციისა და უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარებას, საქართველოს კონსტიტუციური წყობილების, ეროვნული უშიშროების საფუძვლების წინააღმდეგ მიმართული საქმიანობისთვის ფინანსების მობილიზებას. პროკურატურის ინფორმაციით, გამოძიებით დადგენილია, რომ სამართალდამცავთა წინააღმდეგ ძალადობრივი ქმედებების განმახორციელებელი აქციის მონაწილეთა სპეციალური საშუალებებით აღჭურვა კოორდინირებულად ხდებოდა, მათ შორის, არასამთავრობო ორგანიზაციების სახსრებით.