გიორგი შარაშიძე – რეგიონში ვიდრე ასეთი დაძაბული ვითარებაა, მორატორიუმიც კი უნდა გამოვაცხადოთ იმ თემაზე, რომელიც შეიძლება, პოტენციურად საფრთხეს შეიცავდეს საქართველოში მშვიდობისთვის

აშშ-ის ეროვნული დაზვერვის საბჭოს ანგარიშის თანახმად, ნაკლებად სავარაუდოა, ირანის რეჟიმის დამხობას ფართომასშტაბიანმა სამხედრო კამპანიამ გამოიწვიოს. ინფორმაციას ამის შესახებ „ვაშინგტონ პოსტი“ ავრცელებს.როგორც გამოცემა ანონიმურ წყაროზე დაყრდნობით იუწყება, ანგარიში აღნიშნულია, რომ ირანის ოპოზიცია, დიდი ალბათობით, ვერ შეძლებს ხელისუფლების ხელში აღებას იმ შემთხვევაშიც კი, თუ ირანის წინააღმდეგ სამხედრო ოპერაცია მოკლევადიანი ან ხანგრძლივი იქნება.მედიის ცნობით, დოკუმენტი მომზადდა დაახლოებით ერთი კვირით ადრე, ვიდრე 28 თებერვალს, აშშ-მა და ისრაელმა ირანის წინააღმდეგ სამხედრო ოპერაცია დაიწყეს.დოკუმენტში განხილულია ორი სცენარი: შეზღუდული სამხედრო ოპერაცია, რომელიც მხოლოდ ირანის ლიდერებს მიზნად ისახავს, და უფრო ფართო შეტევა, რომელიც სახელმწიფო ინსტიტუტებსაც მოიცავს. ორივე შემთხვევაში დაზვერვა მიიჩნევს, რომ ირანის სამხედრო და სასულიერო ელიტა შეეცდება ძალაუფლების შენარჩუნებას.ანგარიშში ნათქვამია, რომ ირანის უზენაესი ლიდერის, აიათოლა ალი ხამენეის ლიკვიდაციის შემთხვევაში რეჟიმი საკუთარი თავის გადასარჩენად პროტოკოლის თანახმად იმოქმედებდა და ნაკლებად სავარაუდო იყო, რომ ოპოზიცია კონტროლს მოიპოვებდა.როგორც „ვაშინგტონ პოსტი“ წერს, ექსპერტების შეფასებით, ირანის ხელისუფლების სტრუქტურები ათწლეულების განმავლობაში ყალიბდებოდა და საკმაოდ მყარია.

საქართველოს 8-10 მარტს ეუთო-ს საპარლამენტო ასამბლეის მაღალი დონის დელეგაცია ეწვევა.ამის შესახებ ინფორმაციას ეუთო-ს საპარლამენტო ასამბლეის პრესსამსახური ავრცელებს.ეუთო-ს საპარლამენტო ასამბლეის ცნობით, დელეგაციას ასამბლეის პრეზიდენტი პერე ჟოან პონს სამპიეტრო უხელმძღვანელებს. დელეგაციის შემადგენლობაში ასევე არიან: ეუთო-ს საპარლამენტო ასამბლეის ვიცე-პრეზიდენტი და სამხრეთ კავკასიაში სპეციალური წარმომადგენელი ლუის გრაჩა (პორტუგალია); პოლიტიკურ საქმეთა და უსაფრთხოების კომიტეტის ვიცე-თავმჯდომარე იევროსიმა პეიოვიჩი (მონტენეგრო); დემოკრატიის, ადამიანის უფლებათა და ჰუმანიტარულ საკითხთა კომიტეტის ვიცე-თავმჯდომარე კრისტინ ბლოუერი (დიდი ბრიტანეთი) და ეუთო-ს საპარლამენტო ასამბლეის გენერალური მდივანი რობერტო მონტელა.როგორც განცხადებაშია აღნიშნული, ვიზიტი ეუთო-ს საპარლამენტო ასამბლეის წევრებს საშუალებას მისცემს, ჩაერთონ და გაცვალონ მოსაზრებები ქართველ თანამოსაუბრეებთან ბოლოდროინდელ პოლიტიკურ მოვლენებსა და დემოკრატიასთან, უსაფრთხოებასა და რეგიონულ სტაბილურობასთან დაკავშირებულ საკითხებზე.„პარლამენტარები შეხვდებიან პოლიტიკური აქტორების ფართო სპექტრს და სამოქალაქო საზოგადოების წარმომადგენლებს, რათა განიხილონ ეუთო-ს საპარლამენტო ასამბლეის მომავალი თანამშრომლობა საქართველოსთან“, – ნათქვამია განცხადებაში.

,,ნეთანიაჰუ წლების განმავლობაში გაიძახოდა, რომ ისრაელი ირანელი ხალხის მეგობარია, თუმცა მან ორჯერ პირდაპირი თავდასხმა განახორციელა ირანზე, აშშ-სა და სხვა მოკავშირეების მხარდაჭერით. დღეს ასევე ამბობენ, რომ ქართველი ხალხის მეგობრები არიან. მართლა?! სწორედ ირანელებმა იხსნეს ებრაელები ტყვეობისაგან. გთხოვთ, თორა ხელახლა გადაიკითხოთ''-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს

სახელმწიფო უსაფრთხოების სამსახურში მიმდინარე გამოძიების ფარგლებში, სასამართლოში მოსამართლის წინაშე გამოიკითხებიან ყოფილი თავდაცვის მინისტრი თინა ხიდაშელი, „ნაციონალური მოძრაობის“ წევრი გუბაზ სანიკიძე და „ნაციონალური მოძრაობის“ ყოფილი წევრი გიორგი კანდელაკი.ამის შესახებ ინფორმაცია საქართველოს პირველ არხს სუს-ში დაუდასტურეს.„სახელმწიფო უსაფრთხოების სამსახურმა თინა ხიდაშელი, გუბაზ სანიკიძე და გიორგი კანდელაკი დაიბარა, რომლებიც საკუთარი სურვილით სასამართლოში, მოსამართლის წინაშე გამოიკითხებიან“, – განმარტეს სახელმწიფო უსაფრთხოების სამსახურში.სუს-ში აცხადებენ, რომ ბოლო დღეების განმავლობაში სხვადასხვა პირის მიერ საჯაროდ არაერთი ინფორმაცია გახმოვანდა საქართველოში სხვა ქვეყნების მხრიდან კადრების რეკრუტირების შესახებ და, მათ შორის, იყო დადანაშაულება თუ მინიშნებები ტერორიზმის მიმართულებით.როგორც სუს-ში აღნიშნეს, უწყება სწავლობს განცხადებების შინაარსს და დაწყებულია გამოძიება.„ყურადღებით ვაკვირდებით და ვსწავლობთ როგორც ფაქტობრივი მოცემულობის საწინააღმდეგო ამ განცხადებების შინაარსს, ასევე მათი ავტორების მოტივაციას, დაადანაშაულონ საქართველო მსგავს საკითხებში, განსაკუთრებით რეგიონში მიმდინარე საბრძოლო მოქმედებების ფონზე და იმ გარემოების გათვალისწინებით, რომ ასეთი განცხადებების არცერთ ავტორს სამართალდამცველებისთვის არასდროს არანაირი ინფორმაცია არ მოუწოდებია.დაწყებულია გამოძიება და განცხადებების ავტორებს დაესმებათ კითხვები ყველა მიმართულებით, მათ შორის, საშუალება მიეცემათ, გამოძიების ფარგლებში მაინც მიუთითონ რაიმე კონკრეტული ფაქტის შესახებ“, – აცხადებენ სუს-ში.

ჩვენთვის ძალიან მნიშვნელოვანია, რომ თანხმობა შედგეს იმ ადამიანებთან, რომლებიც წელიწადზე მეტია, უწყვეტად იდგნენ და მონაწილეობას იღებდნენ პროტესტში, – ამის შესახებ „ოპოზიციური ალიანსის“ ერთ-ერთმა ლიდერმა, გიორგი ვაშაძემ სამოქალაქო საზოგადოებასთან შეხვედრამდე განაცხადა.მისივე თქმით, ქვეყანაში მოქმედ ბოროტების მანქანა სიკეთის ძალით უნდა დამარცხდეს.„ამ ხალხთან ბევრი საერთო გვაქვს, ვიცავთ ჩვენ ქვეყანას, გვინდა, რომ დასრულდეს ამ ქვეყანაში უსამართლობა და აღდგეს სამართლიანობა. გვსურს, ხელი გავუწოდოთ აბსოლუტურად ყველა ადამიანს და იმ ბოროტების მანქანას, რომელიც დღეს ქვეყანაში მოქმედებს, ერთიანი ძალებით დავუპირისპირდეთ. დავუპირისპირდეთ არა ბოროტებით, არამედ სიკეთით, რადგან ბოროტებას მხოლოდ სიკეთე ამარცხებს და ეს არის ჩვენი შინაგანი განწყობა. დღეს, რა თქმა უნდა, პირველი ნაბიჯია ამ ტიპის შეხვედრის, მოვისმენთ მოსაზრებებს, მოვისმენთ მათ პოზიციებს. ჩვენთვის ძალიან მნიშვნელოვანია, რომ, პირველ რიგში, თანხმობა შედგეს იმ ადამიანებთან, ვინც დღეს ამ შეხვედრაზე არიან; იმ ადამიანებთან, ვინც წელიწადზე მეტია, უწყვეტად იდგნენ და მონაწილეობას იღებდნენ იმ პროტესტში, რომლის საბოლოო მიზანიც არის ერთიანი, ძლიერი, ევროკავშირის წევრი საქართველო“, – განაცხადა ვაშაძემ.