გიორგი ზერეკიძე ჟორჟოლიანზე: კარგია არა ? “ოცნების” აშენებულ საქართველოში დანაშაულს თუ ჩაიდენ, იცი, რომ კანონით მოგეთხოვება და არა ოჯახის განადგურებით ან იმაზე ფიქრით, ციხეში გადარჩები თუ არა?

პსჟ კვარას ინტერვიუს ავრცელებს.  - ხვიჩა, შენ პარიზში რამდენიმე თვის წინ ჩამოხვედი. ადაპტაცია როგორ მიმდინარეობს?- ვფიქრობ, ყველაზე რთული ისაა, რომ ახალი ფეხბურთელის გადმოსვლა შეიძლება ასევე მწვრთნელისთვისაც არ იყოს იოლი, რადგან გუნდს შუა სეზონში უერთდები. გარემოსთან შესაგუებლად ბევრი დრო არ მქონდა, თუმცა მგონია, პროცესმა საკმაოდ კარგად ჩაიარა. ეს პრეზიდენტის, პერსონალის, მწვრთნელის, კლუბის და რა თქმა უნდა, ფეხბურთელების დახმარებით მოხდა, რომლებმაც თბილად მიმიღეს. აქ თავს მართლაც კარგად ვგრძნობ და ეს მხარდაჭერა უკეთ თამაშში მეხმარება.- გულშემატკივრებმა უკვე მიგიღეს...- იმ ფაქტმა, რომ ოჯახში ასე სწრაფად მიმიღეს, თავი მართლაც ბედნიერად და კომფორტულად მაგრძნობინა. ეს ძალიან მეხმარება და ყველაფერს ვაკეთებ, რათა ამით მაქსიმალურად ვისარგებლო. ქომაგების მხრიდან პირველივე წუთებიდან ძლიერი თანადგომა ვიგრძენი. შემდეგ, როდესაც მოედანზე გავედი, თავი ბედნიერად და დიდ ფეხბურთელად ვიგრძენი. ეს ყველაფერი კლუბის დამსახურებაა: ისე მიმიღეს, რომ საკუთარი თავის ვირწმუნე და როგორც ფეხბურთელის როლი შევიცანი. ჩემი პირველი შთაბეჭდილება იყო - თავი მაღალი კლასის მოთამაშედ მეგრძნო, რომელიც დიად კლუბს შუერთდა, რაც ფეხბურთელისთვის ძალიან ბევრს ნიშნავს. ის, თუ როგორ კომფორტულად გაგრძნობინებს კლუბი თავს, სასიცოცხლოდ მნიშვნელოვან როლს თამაშობს.- ქალაქზე რას იტყვი?- ყველასთვის ცნობილია, რომ პარიზი მსოფლიოში ერთ-ერთი ყველაზე ლამაზი ქალაქია. აქ ბედნიერი ვარ და ამ გუნდში თამაში მიხარია. მართალი გითხრათ, ეს რაღაც წარმოუდგენელია. ყველაფერი იდეალურად წარიმართა: შესანიშნავ ქალაქში ვცხოვრობ და დიდებული გუნდის წევრი ვარ.  მგონია, ქალაქი მნიშვნელოვანია, მეტადრე როცა ოჯახი გყავს, რომელიც შენთან ერთად ცხოვრობს. სიმშვიდე და კარგი პირობები მნიშვნელოვანია. თბილი მიღებისთვის მინდა თანაგუნდელებს მადლობა გადავუხადო, აგრეთვე იმისათვის, რომ კლუბზე და ცხოვრების აქაურ წესზე ბევრი რამ მომიყვნენ.- საფრანგეთის ჩემპიონი გახდი. ეს როგორი გრძნობაა?- ცხადია, ტიტულის მოგებამ ძალიან გამახარა. მიუხედავად ამისა, ბევრი მიზანი გვაქვს. ჯერ კიდევ შეგვიძლია ორი ტურნირის მოგება და ამისათვის ყველაფერს გავაკეთებთ.  თავდაუზოგავად ვმუშაობთ იმის მისაღებად, რასაც ვიმსახურებთ. თავს არ ვზოგავთ. მობილიზება მაქსიმალურია. ჯერ არაფერია გადაწყვეტილი. მთელი ძალების დახარჯვა მოგვიწევს.

„ნანუკას ფონდის“ დამფუძნებელი ნანუკა ჟორჟოლიანი “ტვ პირველის” ეთერში საპროტესტო აქციების მნიშვნელობაზე და ხელისუფლების გადადგომის მოთხოვნაზე საუბრობს.ჟორჟოლიანი აცხადებს, რომ აქციები უფრო ხმამაღალი უნდა იყოს და დროა, ყველამ ერთად ხელისუფლების გადადგომა მოითხოვოს.„აქციები უნდა იყოს გაცილებით უფრო ხმამაღალი და დროა, რომ ყველამ ერთად უკვე მოვითხოვოთ არა არჩევნები, არამედ ამ ხელისუფლების გადადგომა და მე ვარ დარწმუნებული, რომ გაცილებით უფრო მნიშვნელოვანი აქციები დაიგეგმება უახლოეს მომავალში”, - განაცხადა ნანუკა ჟორჟოლიანმა.

შეიძლება ითქვას, რომ ჩემთან დაკავშირებით საკმაოდ კორექტულად იქცეოდნენ. მე რაიმე არსებით დარღვევას ვერ გამოვყოფდი, - ასე შეაფასა „ადამიანის უფლებათა ცენტრის“ დირექტორმა, ალეკო ცქიტიშვილმა, მის სახლში ჩატარებული ჩხრეკა, გადაცემაში „ახალი ფორმულა“.ცქიტიშვილის განცხადებით, სახლში ასევე იყო მისი გარდაცვლილი შვილის კომპიუტერი, რომელიც მისი თხოვნის შემდეგ არ წაიღეს და მხოლოდ ადგილზე დაათვალიერეს მასში არსებული ინფორმაცია.„ერთადერთი, რომ ჩემს მეუღლეს აუკრძალეს ვიდეო გადაღება, ანუ არა ლაივში ჩართვა, არამედ ვიდეო გადაღება იმ პროცესის და მე ვუთხარი, რომ ეს იყო უკანონო, მაგრამ მათ განაცხადეს, რომ ჰქონდათ შეზღუდვის უფლება, ნუ ეს შეიძლება საკამათო იყოს. მე ახლაც მიმაჩნია, რომ მეუღლეს ჰქონდა გადაღების უფლება, თუმცა, შემდეგ იყო რომ ძალით მოჰკიდეს ხელი და გადაუგრიხეს. ამ შემთხვევაში მე თვითონაც ჩავერიე და დავაწყნარე სიტუაცია. მე მერჩია, რომ წყნარ სიტუაციაში ჩატარებულიყო ეს ჩხრეკა.ერთი ფაქტორი რაც იყო, რომ ჩემი გარდაცვლილი შვილის კომპიუტერი იყო სახლში და იქ არის მისი საქმიანობის, ცხოვრების ამსახველი ვიდეოები და არ მინდოდა, რომ ამ კომპიუტერისთვის ასე მოეკიდათ ხელი და წაეღოთ ეს ჩემი გარდაცვლილი შვილის არქივი ასე დაკარგულიყო, ამიტომ მერჩია, რომ წყნარად ჩატარებულიყო. ამ კომპიუტერთან დაკავშირებითაც ავუხსენი, დასხდნენ ერთი საათი ნახეს ყველა ფაილი და დარწმუნდნენ, რომ ცენტრის და „ ადამიანის უფლებათა სახლის“ საქმიანობის ამსახველი ფაილები იქ არ იყო, შესაბამისად, ამ კომპიუტერს არ შეეხნენ. ერთადერთი კიდევ რაც მოვითხოვე ადვოკატის თანდასწრება, თუმცა, ადვოკატს არ დაელოდნენ, მაგრამ მაინც დროულად მოვიდნენ ჩემი ორგანიზაციის იურისტები ნესტან ლონდარიძე და ეკა ქობესაშვილი ესწრებოდნენ სახლის ჩხრეკას და შესაბამისად რაიმე პროვოკაციულ ქმედებას მათი მხრიდან ადგილი არ ჰქონია“,- განაცხადა ალეკო ცქიტიშვილმა.

ევროკომისიის პრეზიდენტი ურსულა ფონ დერ ლაიენი აცხადებს, რომ აშშ-ის ადმინისტრაციის „არაპროგნოზირებადი სატარიფო პოლიტიკის“ შედეგად მთელი მსოფლიო დაზარალდება.როგორც გამოცემა „პოლიტიკო“ წერს, ამის შესახებ ურსულა ფონ დერ ლაიენმა ვალენსიაში, „ევროპის სახალხო პარტიის“ ყრილობაზე განაცხადა.„მილიონობით მოქალაქეს მოუწევს, გაუმკლავდეს უფრო მაღალ ფასებს პროდუქტებზე, გაძვირდება მედიკამენტები, ტრანსპორტი უფრო მეტი ეღირება, ინფლაცია გაიზრდება“, – განაცხადა ევროკომისიის პრეზიდენტმა.ამასთან, ურსულა ფონ დერ ლაიენმა აღნიშნა: „ჩვენ არ ვიპყრობთ ჩვენს მეზობლებს და არ ვსჯით მათ“, თუმცა ევროკომისიის პრეზიდენტს არ დაუკონკრეტებია, ვის გულისხმობდა.

შუქრუთის მაღაროს დირექტორი, სამედიცინო დაწესებულებიდან ქუთაისის სამხარაულის სახელობის ექსპერტიზის ბიუროში დაახლოებით 17:00 საათზე გადაიყვანეს. სამუშაო ჯგუფის ხელმძღვანელის ჯანმრთელობის მდგომარეობა დღეს დამძიმდა, ის მკურნალობას ქუთაისის კლინიკაში განაგრძობს.თავდასხმიდან რამდენიმე საათში, იმერეთის პოლიციამ ჯანმრთელობის განზრახ ნაკლებად მძიმე დაზიანების ბრალდებით 4 პირი დააკავა. გამოძიებით დადგინდა, რომ ბრალდებულები ჭიათურის მუნიციპალიტეტში, შუქრუთის მაღაროს დირექტორს ფიზიკურად დაუპირისპირდნენ და სხეულის სხვადასხვა არეში დაზიანება მიაყენეს. დანაშაული 6 წლამდე პატიმრობას ითვალისწინებს.პროტესტის საინიციატივო ჯგუფისა და შუქრუთის მაღაროს პიკეტირების ორგანიზატორები კობერიძეს თავს მას შემდეგ დაესხნენ, რაც წარმოების განახლების მიზნით, სპეციალურმა ჯგუფებმა დახურულ მაღაროებში შესვლა და არსებული ვითარების შეფასება დაიწყეს. სამუშაო ჯგუფის ხელმძღვანელის მანქანას 30 პირმა გზა გადაუკეტა, ავტომობილიდან იძულებით გადმოიყვანეს და ქვები ესროლეს. პიკეტირების ორგანიზატორები მიღებული კომპენსაციების მიუხედავად, პროტესტს და მუქარას ამ დრომდე განაგრძობენ.მომხდარ ინციდენტთან და კომპანიის საქმიანობასთან დაკავშირებით, კომენტარი ჭიათურის საწარმოების ახალმა მენეჯერმა გააკეთა. მიხაილ სოცკიმ ძალადობა დაგმო და თქვა, რომ ნებისმიერ შემთხვევაში სამმხრივი კომისიის შეთანხმება ძალაშია და ჭიათურის მაღაროებში მუშაობა დაგეგმილ ვადებში აღდგება.დამსაქმებლის, პროფკავშირებისა და სახელმწიფოს ჩართულობით, უკვე შედგა მენუგეშება. ახალი საშტატო ნუსხა დამტკიცებულია. ჭიათურის მაღაროებში დასაქმების სურვილი ამ დროისთვის 1000-მდე ადამიანმა გამოთქვა.სამმხრივი კომისიის ჯგუფთან შეთანხმებით, კომპანია სამუშაო პროცესის განახლებას 15-20 მაისიდან გეგმავს.