გიორგი ვოლსკი: რუსეთი ოკუპანტი ქვეყანაა და რატომ იზრუნებს იმაზე, რომ შენ უკეთესი პირობები გქონდეს?

საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტზე, საქართველოს გაქრისტიანების 1700 წლისთავისადმი მიძღვნილი ღონისძიებების ფარგლებში, საერთაშორისო სამეცნიერო კონფერენცია – „ქართული სასულიერო არქიტექტურა და ქალაქთმშენებლობის თანამედროვე პრობლემები“ გაიმართა.საქართველოს ტექნიკური უნივერსიტეტის ინფორმაციით, კონფერენციის მიზანი იყო ქართული სასულიერო არქიტექტურის ისტორიული და კულტურული მნიშვნელობის წარმოჩენა, მისი დაცვისა და თანამედროვე ურბანულ გარემოში ინტეგრაციის საკითხების განხილვა, ასევე დარგის მეცნიერებს, მკვლევრებსა და ახალგაზრდა სპეციალისტებს შორის სამეცნიერო თანამშრომლობის გაღრმავება.კონფერენცია საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტის ორგანიზებით ჩატარდა და მასში მონაწილეობდნენ ფაკულტეტის პროფესორ-მასწავლებლები, მკვლევრები, დოქტორანტები და სტუდენტები, ასევე პარტნიორი უმაღლესი საგანმანათლებლო დაწესებულებების წარმომადგენლები. ღონისძიებაში მონაწილეობა მიიღო ჟეშუვის ტექნოლოგიური უნივერსიტეტის პროფესორმა, ანა მარტიკამ, რომელმაც კონფერენციას ონლაინ ფორმატში შეუერთდა და მონაწილეებს საკუთარი სამეცნიერო ხედვა გაუზიარა სასულიერო არქიტექტურის, ისტორიული მემკვიდრეობის დაცვისა და თანამედროვე ქალაქგეგმარებითი გამოწვევების შესახებ.„საქართველოს გაქრისტიანების 1700 წლისთავი ჩვენი ქვეყნის ისტორიისა და კულტურის უმნიშვნელოვანესი თარიღია. ამ იუბილესადმი მიძღვნილი საერთაშორისო სამეცნიერო კონფერენციის ჩატარება საქართველოს ტექნიკური უნივერსიტეტისთვის განსაკუთრებული პასუხისმგებლობა და პატივია, რადგან სწორედ არქიტექტურის სფეროა ის მიმართულება, სადაც ეროვნული იდენტობა, ისტორიული მეხსიერება და თანამედროვე განვითარების ხედვა ერთმანეთს ბუნებრივად უკავშირდება.ქართული სასულიერო არქიტექტურა მსოფლიო კულტურული მემკვიდრეობის გამორჩეული ნაწილია. მისი შესწავლა, დაცვა და თანამედროვე ურბანულ გარემოში სწორი ინტეგრაცია დღეს ერთ-ერთ მნიშვნელოვან პროფესიულ გამოწვევას წარმოადგენს. სწორედ ამიტომ, მსგავსი კონფერენციები განსაკუთრებულ მნიშვნელობას იძენს როგორც სამეცნიერო კვლევების განვითარების, ისე პრაქტიკული გამოცდილების გაზიარების თვალსაზრისით.მოხარული ვართ, რომ კონფერენციაში საქართველოს ტექნიკური უნივერსიტეტის აკადემიურ საზოგადოებასთან ერთად მონაწილეობდნენ პარტნიორი უნივერსიტეტების მეცნიერები და სტუდენტები. მადლობა პოლონეთის ჟეშუვის ტექნოლოგიური უნივერსიტეტის პროფესორს, ანა მარტიკას, საინტერესო თემის წარმოდგენისთვის.ჩვენი ფაკულტეტი ყოველთვის განსაკუთრებულ ყურადღებას უთმობს ეროვნული კულტურული მემკვიდრეობის კვლევას, კონსერვაციასა და თანამედროვე არქიტექტურულ პროცესებთან მის დაკავშირებას. დარწმუნებული ვარ, დღევანდელი კონფერენციის ფარგლებში წარმოდგენილი მოსაზრებები და სამეცნიერო კვლევები მნიშვნელოვან წვლილს შეიტანს როგორც ქართული სასულიერო არქიტექტურის შემდგომ შესწავლაში, ისე იმ პროფესიული ხედვების ჩამოყალიბებაში, რომლებიც ისტორიული მემკვიდრეობის დაცვასა და თანამედროვე ქალაქთმშენებლობის ჰარმონიულ განვითარებას შეუწყობს ხელს.მადლობას ვუხდი ყველა მომხსენებელს, მონაწილეს, სტუდენტსა და პარტნიორ ორგანიზაციას. სწორედ ასეთი სამეცნიერო ღონისძიებები აძლიერებს უნივერსიტეტის აკადემიურ ავტორიტეტს, ხელს უწყობს საერთაშორისო თანამშრომლობას და ახალგაზრდა თაობას უქმნის შესაძლებლობას, ჩაერთოს თანამედროვე არქიტექტურული მეცნიერების აქტუალურ საკითხებზე პროფესიულ დისკუსიაში“, - აცხადებს არქიტექტურის, ურბანისტიკისა და დიზაინის ფაკულტეტის დეკანი, პროფესორი ნუგზარ ხვედელიანი.სტუ-ის ინფორმაციით, კონფერენციის ფარგლებში წარმოდგენილი მოხსენებები შეეხებოდა ქართული ქრისტიანული არქიტექტურის განვითარების ისტორიულ ეტაპებს, ეკლესია-მონასტრების არქიტექტურულ თავისებურებებს, კულტურული მემკვიდრეობის დაცვის თანამედროვე მიდგომებს, ისტორიული ურბანული სივრცეების განვითარების ტენდენციებსა და ქალაქთმშენებლობის იმ გამოწვევებს, რომელთა გათვალისწინებაც აუცილებელია კულტურული იდენტობის შენარჩუნებისა და მდგრადი განვითარების უზრუნველსაყოფად.

საქართველოს პრეზიდენტი მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება.ამის შესახებ ინფორმაციას საქართველოს პრეზიდენტის ადმინისტრაცია ავრცელებს.მათივე ცნობით, მიხეილ ყაველაშვილი დაკრძალვის ცერემონიას რეგიონის ქვეყნების, მათ შორის თურქეთის, აზერბაიჯანის, სომხეთისა და სხვა ქვეყნის ლიდერებთან ერთად დაესწრება.

აჭარის უმაღლესი საბჭოს თავმჯდომარე, ცოტნე ანანიძე, აჭარის მთავრობის სხდომას სოციალურ ქსელში ეხმიანება.ანანიძის განცხადებით, სხდომაზე გამოიკვეთა აჭარის რეგიონის განვითარების ფორმულა „სწორად იდენტიფიცირებული პრიორიტეტები და მიზანმიმართული ძალისხმევა.“„აჭარის მთავრობის სხდომაზე მკაფიოდ გამოიკვეთა რეგიონის განვითარების ფორმულა: სწორად იდენტიფიცირებული პრიორიტეტები და მიზანმიმართული ძალისხმევა. შედეგზე ორიენტირებული მუშაობა — წარმატების საწინდარია.“- წერს ანანიძე.

თბილისის მერი კახა კალაძე აცხადებს, რომ დღეს, წინა წლებისგან განსხვავებით, ქვეყანაში ბიზნესი აბსოლუტურად თავისუფალია, რასაც ქვეყნის ეკონომიკური განვითარებაც ადასტურებს.როგორც კალაძემ ბიზნესის თავისუფლებასთან დაკავშირებით დასმულ შეკითხვაზე განაცხადა, ის ტერორი, რომელსაც აღნიშნული სფეროს წარმომადგენლები განიცდიდნენ, 2012 წელს „ქართულმა ოცნებამ“ დაასრულა.„დღეს ბიზნესი აბსოლუტურად თავისუფალია. ის, რომ ქვეყანა ეკონომიკურად ვითარდება, წინ მიდის, ამ ყველაფერში ბიზნესის როლი განსაკუთრებულია. რა თქმა უნდა, ხელისუფლება თავისი ქმედებებით, გადადგმული ნაბიჯებით, საკანონმდებლო ინიციატივებით ხელს უწყობს, რომ ქვეყანაში ბიზნესგარემო იყოს საინტერესო და მარტივად იყოს შესაძლებელი ამ საქმის წარმოება. ის ყველაფერი, რაც წლების განმავლობაში ხდებოდა – ტერორი, წართმევა, გადაფორმებები, 2012 წელს, როდესაც ხელისუფლებაში მოვედით, წარსულს ჩავაბარეთ. დღეს ბიზნესი არის აბსოლუტურად დაცული და ნებისმიერ ადამიანს ძალიან მარტივად, გამჭვირვალედ, კანონის ფარგლებში შეუძლია, აკეთოს თავისი საქმე ყოველგვარი პრობლემის გარეშე“, – განაცხადა თბილისის მერმა.კახა კალაძის განმარტებით, ნებისმიერ ადამიანს, მათ შორის ბიზნესმენს, შეუძლია, სხვადასხვა საკითხზე საკუთარი კრიტიკული მოსაზრება დააფიქსიროს, თუმცა ეს უნდა იყოს კანონის ფარგლებში და არ შეიცავდეს შეურაცხყოფას.„დღეს ქვეყანაში ნებისმიერ ადამიანს შეუძლია, გამოხატოს თავისი დამოკიდებულება, მოსაზრება აბსოლუტურად ყველა მიმართულებით და ყველა საკითხზე, თუმცა ვიღაცას მიაყენო სიტყვიერი შეურაცხყოფა, კატეგორიულად მიუღებელია. ვიღაცას შეიძლება სხვა დამოკიდებულება აქვს, მაგრამ ეს არ ნიშნავს იმას, რომ შევუვარდე სოცმედიაში და შეურაცხყოფა მივაყენო. ეს არ არის სიტყვისა და გამოხატვის თავისუფლება, ეს არის უზრდელობა და დანაშაული. თუ ადამიანი გამოხატავს თავის მოსაზრებას ნებისმიერ საკითხზე, ეს უნდა იყოს კანონის ფარგლებში და არა გინებით, ბილწსიტყვაობით. გამოხატვის თავისუფლება დაცულია ქვეყანაში ისე, როგორც არასდროს“, – აღნიშნა კახა კალაძემ.დედაქალაქის მერმა განმარტა, რომ, განსხვავებული მოსაზრების მიუხედავად, არ არსებობს არცერთი ფაქტი იმისა, რომ მოქმედ ხელისუფლებას რომელიმე ბიზნესმენისთვის ხელი შეეშალოს.„ყველა ბიზნესსუბიექტი თავად იღებს გადაწყვეტილებას, როგორ იმოქმედოს და რა გააკეთოს. თქვენ როგორ გგონიათ, ბიზნესის 100% „ქართული ოცნების“ მხარდამჭერია? მაგალითად, ავიღოთ ბიზნესმენი, ტელეკომპანია „პირველის“ ერთ-ერთი მთავარი დამფინანსებელი მამუკა ხაზარაძე, რომელიც ფლობს დეველოპერულ კომპანიას დედაქალაქში, ვერ მოიყვანთ ვერცერთ მაგალითს, რომ მას მუნიციპალიტეტის ან სახელმწიფოს მხრიდან ჰქონოდა რაიმე სახის ხელის შეშლა. ეს მეტყველებს იმაზე, რომ დღეს ბიზნესი არის თავისუფალი და ხელშეუხებელი. ეს იმ პოლიტიკის შედეგია, რომელიც, ბიძინა ივანიშვილის ხელმძღვანელობით, „ქართულმა ოცნებამ – დემოკრატიულმა საქართველომ“ გაატარა. გავიხსენოთ წლების წინ რა ხდებოდა – რომელიმე ბიზნესმენს ოპოზიცია დაეფინანსებინოს ღიად და მას რას უზამდნენ, რა მდგომარეობაში ჩააგდებდნენ“, – განაცხადა თბილისის მერმა.

საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტმა ხელოვნური ინტელექტის მიმართულებით მასშტაბურ ჰაკათონს - „BrainHack-AI 2026“, უმასპინძლა. ინტენსიურ, დინამიკურ და ემოციებით სავსე 8-საათიან მარათონში ერთმანეთს ქართული უნივერსიტეტების გუნდები და ინდივიდუალური მონაწილეები ეჯიბრებოდნენ. ჰაკათონის ფარგლებში მონაწილეებმა რეალურ გამოწვევებზე დაფუძნებული AI-ამოცანები გადაჭრეს, წარმოადგინეს ინოვაციური იდეები და საკუთარი ტექნიკური ცოდნა, კრეატიულობა და გუნდური მუშაობის უნარები გამოავლინეს.ინფორმაციას საქართველოს ტექნიკური უნივერსიტეტი ავრცელებს.მისივე ცნობით, „BrainHack-AI 2026“-ში საქართველოს ტექნიკურ უნივერსიტეტთან ერთად მონაწილეობდნენ ქუთაისის საერთაშორისო უნივერსიტეტის (KIU), ქართულ-ამერიკული უნივერსიტეტის (GAU), ბიზნესისა და ტექნოლოგიების უნივერსიტეტის (BTU), კავკასიის საერთაშორისო უნივერსიტეტის (CIU) და შავი ზღვის საერთაშორისო უნივერსიტეტის (IBSU) სტუდენტები.სტუ-ის ვიცე-რექტორის თქმით, ჰაკათონი, ინფორმატიკისა და მართვის სისტემების ფაკულტეტის კიდევ ერთი წარმატებული პროექტია, სადაც მონაწილეები ერთმანეთს უზიარებენ გამოცდილებას. პროფესორ თამარ ლომინაძის განცხადებით, სტუდენტებმა ხელოვნური ინტელექტის თანამედროვე შესაძლებლობები პრაქტიკაში გამოსცადეს და ინოვაციური ტექნოლოგიური გადაწყვეტილებების შექმნაში მიიღეს მონაწილეობა.„საქართველოს ტექნიკური უნივერსიტეტი აგრძელებს იმ საგანმანათლებლო გარემოს შექმნას, რომელიც სტუდენტებს თანამედროვე ტექნოლოგიების პრაქტიკაში გამოყენების შესაძლებლობას აძლევს. BrainHack-AI 2026 სწორედ ასეთი პროექტია, რომელმაც კიდევ ერთხელ დაადასტურა, რომ ხელოვნური ინტელექტის მიმართულებით საქართველოში მაღალი აკადემიური და პროფესიული პოტენციალი არსებობს. განსაკუთრებით აღსანიშნავია, რომ ჰაკათონმა ერთ სივრცეში გააერთიანა სხვადასხვა უნივერსიტეტის სტუდენტები, რაც ცოდნის გაზიარებას, გამოცდილების გაცვლასა და ახალი პროფესიული კავშირების ჩამოყალიბებას უწყობს ხელს.დღევანდელი შედეგები გვაძლევს საფუძველს ვთქვათ, რომ ახალგაზრდები მზად არიან თანამედროვე ტექნოლოგიური გამოწვევებისთვის და საკუთარი იდეების რეალურ პროდუქტებად გარდასაქმნელად. ვულოცავ ყველა მონაწილეს, გამარჯვებულებს, მენტორებსა და ორგანიზატორებს წარმატებულ ჰაკათონს. დარწმუნებული ვარ, BrainHack-AI მომავალში იქცევა პლატფორმად, სადაც დაიბადება ახალი იდეები, ძლიერი გუნდები და ინოვაციური ტექნოლოგიური გადაწყვეტილებები“, - აცხადებს თამარ ლომინაძე.ინფორმატიკისა და მართვის სისტემების ფაკულტეტის დეკანის, პროფესორ თალიკო ჟვანიას თქმით, საქართველოს ტექნიკური უნივერსიტეტი ჰაკათონებს 2022 წლიდან ატარებს. პირველი მასშტაბური ღონისძიება - „ჰაკათონი 2022 - IOT“ - უნივერსიტეტის 100 წლის იუბილეს ფარგლებში გაიმართა. მას შემდეგ ფაკულტეტი თანმიმდევრულად ავითარებს სტუდენტებზე ორიენტირებულ პრაქტიკულ ინიციატივებს, ხოლო BrainHack-AI 2026 ამ ტრადიციის თანამედროვე გაგრძელებაა, რომელიც ხელოვნური ინტელექტის მიმართულებით ახალგაზრდა ინოვატორებს აერთიანებს.„ჩვენთვის განსაკუთრებით მნიშვნელოვანია, რომ ჰაკათონში მონაწილეობდნენ როგორც საქართველოს ტექნიკური უნივერსიტეტის, ისე ქვეყნის წამყვანი უნივერსიტეტების სტუდენტები. ასეთ ფორმატში თანამშრომლობა ხელს უწყობს გამოცდილების გაზიარებას, პროფესიული კონტაქტების გაღრმავებას და ჯანსაღი კონკურენტული გარემოს შექმნას. რვასაათიანი ინტენსიური მუშაობის განმავლობაში მონაწილეებმა წარმოადგინეს საინტერესო და პრაქტიკულად ღირებული გადაწყვეტილებები, რაც კიდევ ერთხელ მოწმობს, რომ საქართველოში იზრდება ახალგაზრდა პროფესიონალების ახალი თაობა, რომელსაც შეუძლია თანამედროვე ტექნოლოგიური გამოწვევების წარმატებით დაძლევა. მადლობას ვუხდი ყველა მონაწილეს, მენტორს, ჟიურის წევრებსა და პარტნიორებს. გამარჯვებულებს ვულოცავ და მონაწილეებს წარმატებებს ვუსურვებ“, - აცხადებს თალიკო ჟვანია.სტუ-ის ინფორმაციით, BrainHack-AI 2026-ის გამარჯვებულები გახდნენ: I ადგილი — დავით ტაკიძე (GTU); II ადგილი - გუნდი „არიქა“ - ბაჩო მირზაშვილი, ნიკა ფარსადანაშვილი, ემილ კირაკოსიანი (BTU); III ადგილი - გუნდი „ოჩოპინტრე“ - ლუკა გულვერდაშვილი, გიორგი ყაზიშვილი, გიგი გიორგაძე, დუდა ელბაქიძე, ნიკოლოზ დვალიშვილი (GAU). კომპიუტერული მეცნიერების პროგრამის სტუდენტს ლუკა ფირცხალავას ნიკო ლომინაძის სახელობის პრიზი გადაეცა, კომპანია „სოფტ მასტერ ტრეიდის“ რჩეულები კი გახდნენ: გუნდი „Foxhound“ (გიორგი შაკიაშვილი და თედო ჯანაშია) და სტუ-ს კომპიუტერული მეცნიერების პროგრამის სტუდენტი გიორგი ხვიჩია.