გიორგი ვოლსკი ოპოზიციის მიერ ბრიუსელში გაგზავნილ წერილზე: მავნებლობის რა რესურსი უნდა გაგაჩნდეს, რომ შენი საკუთარი ქვეყნის მიმართ სანქციები მოითხოვო

„საჯარო დისკუსიაში ჩართვის ინტერესი გამოთქვეს ყოფილმა პოლიტიკოსებმა, შალვა პაპუაშვილთან ერთად, ვთავაზობ საზოგადოებრივ მაუწყებელს, ხვალ, 4 დეკემბერს, დაგვითმოს ეთერი მათთან საჯარო დისკუსიის გასამართად“, - ამის შესახებ განცხადებას საქართველოს პრემიერ-მინისტრი ავრცელებს. „როგორც საზოგადოებისთვის ცნობილია, უკვე არაერთგზის გამოვხატეთ ჩვენი მზადყოფნა, გავმართოთ საჯარო დისკუსია ადამიანებთან, რომლებიც ჩვენი გუნდის მიერ 28 ნოემბერს გაკეთებულ განცხადებას აპროტესტებენ. ამგვარ საჯარო დისკუსიაში ჩართვის ინტერესი უკვე გამოთქვეს ყოფილმა პოლიტიკოსებმა, მიხეილ (პაპუნა) ჯანელიძემ და თინათინ ხიდაშელმა. საქართველოს პარლამენტის თავმჯდომარესთან, შალვა პაპუაშვილთან ერთად, ვთავაზობ საზოგადოებრივ მაუწყებელს, ხვალ, 4 დეკემბერს, დაგვითმოს ეთერი მათთან საჯარო დისკუსიის გასამართად“, - აცხადებს ირაკლი კობახიძე.

თბილისის მერი კახა კალაძე აცხადებს, რომ დედაქალაქში მიმდინარე აქციებში არასრულწლოვნების ჩართვა და ძალადობრივი ქმედებების წახალისება კატეგორიულად მიუღებელია. ამის შესახებ მან შესაბამისი კითხვის საპასუხოდ განაცხადა და აღნიშნა, რომ ქვეყანაში სიმშვიდე შენარჩუნდება. „წარმოუდგენელია. ყველაფერს კადრულობენ და იყენებენ. როგორ შეიძლება, არასრულწლოვანი, პატარა ბავშვი გამოიყვანო და ხელში მისცე, არ ვიცი, რა საგნები იყო – ხან პეტარდები, „მოლოტოვის კოქტეილები“ და ასროლინო პოლიციელის ან თუნდაც ნებისმიერი ადამიანის მისამართით? როგორ შეიძლება, ეს იკადრო და გააკეთო ჯანსაღად მოაზროვნე, ფხიზელმა ადამიანმა? წარმოუდგენელია უბრალოდ, თუმცა ყველანაირი ზღვარი გადალახეს. ვხედავთ, თუ რა პროცესების განვითარების სურვილი ჰქონდათ ქვეყანაში. „ნაცმაიდანი“ ვერ მოხდება საქართველოში. დღეს სახელმწიფო ძლიერია თავისი ინსტიტუტებით. ჩვენ ქვეყანაში შევინარჩუნებთ სიმშვიდეს, თუმცა, კიდევ ერთხელ მინდა, მივმართო საზოგადოებას: ძალიან ფრთხილად უნდა ვიყოთ, რადგან ეს არის ძალიან ბოროტი ძალა, ყველაფრის მკადრებლები. შესაბამისად, სიფრთხილე გვმართებს ყველას“, – განაცხადა კახა კალაძემ.

მინდა, დავამშვიდო ყველა, უპირველეს ყოვლისა, პაციენტის გულშემატკივრები და ახლობლები, სახელმწიფო ყველაფერს გააკეთებს აქციაზე დაშავებული ბიჭის სამკურნალოდ. უცხოეთში გადაყვანის საჭიროება თუ იქნება, სახელმწიფო აღნიშნულზე სრულად აიღებს პასუხისმგებლობას, – ამის შესახებ ჯანდაცვის მინისტრმა, მიხეილ სარჯველაძემ განაცხადა. მისი განმარტებით, ამ ეტაპზე პაციენტის გადაყვანის საჭიროება არ დგას, დღეს ქართული ჯანდაცვის სისტემა სათანადო სიმაღლეზეა, ამიტომ არცერთ პაციენტს არავის დახმარება არ დასჭირდება. „მე არ მგონია, რომ ეს პაციენტის მხარდაჭერის და დახმარების სურვილით ნაკარნახები იყოს, უფრო მეტად ცალკეულ ადამიანებს თავის გამოჩენის სურვილი აქვთ. კიდევ ერთხელ ვიმეორებ, რომ არავითარი საჭიროება, რასაც სახელმწიფო ვერ გასწვდება და ვერ შეძლებს, დღის წესრიგში არ დგას“, – განაცხადა მიხეილ სარჯველაძემ.

ყველას მოვუწოდებ, გაითვალისწინონ ეუთო/ოდირის მოსალოდნელი საბოლოო ანგარიში, მოვუწოდებ ყველა მხარეს, ჩაერთონ კონსტრუქციულ და ღია დიალოგში ნდობის აღდგენისა და დემოკრატიული ინსტიტუტების გასაძლიერებლად, – ამის შესახებ სამხრეთ კავკასიაში ეუთო-ს საპარლამენტო ასამბლეის საგანგებო წარმომადგენელმა, ლუიშ გრასამ განაცხადა. „როგორც საერთაშორისო სადამკვირვებლო მისიის წინასწარ დასკვნებშია აღნიშნული, არჩევნები ღრმად პოლარიზებულ გარემოში ჩატარდა, რასაც დღესაც ვხედავთ. ამავდროულად, ყველას მოვუწოდებ, გაითვალისწინონ ეუთო/ოდირის მოსალოდნელი საბოლოო ანგარიში, მოვუწოდებ ყველა მხარეს, ჩაერთონ კონსტრუქციულ და ღია დიალოგში ნდობის აღდგენისა და დემოკრატიული ინსტიტუტების გასაძლიერებლად. ეუთო-ს საპარლამენტო ასამბლეა მზადაა, დაეხმაროს დიალოგის ხელშეწყობაში და მხარი დაუჭიროს გადაწყვეტილებებს, რომლებიც მხარს უჭერენ დემოკრატიულ და კონსტიტუციურ წესრიგს, კანონის უზენაესობას და ყველა ქართველის კეთილდღეობას. ეს ასევე მოიცავს, მაგრამ არ შემოიფარგლება, ნებისმიერ ჩართულობას ეუთო/ოდირის საბოლოო ანგარიშში გაწერილი რეკომენდაციების ეფექტიანი განხორციელების უზრუნველსაყოფად, რომლებიც პარლამენტში უნდა განიხილონ. ამ კრიტიკულ მომენტში მოვუწოდებ ყველა მხარეს, ჩაერთონ კონსტრუქციულ და ღია დიალოგში ნდობის აღდგენისა და დემოკრატიული ინსტიტუტების გასაძლიერებლად. ქართველი ხალხი იმსახურებს მშვიდობიან და დემოკრატიულ მომავალს და ჩვენი ასამბლეა ერთგული რჩება ამ მიზნის მისაღწევად მცდელობების მხარდაჭერაში. ეუთო-ს საპარლამენტო ასამბლეის ბუქარესტის დეკლარაციაში, რომელიც მიღებულ იქნა გასული წლის ივლისში, ასამბლეამ მოუწოდა ეუთო-ს და მის წევრ სახელმწიფოებს, ყოვლისმომცველი თვალსაზრისით გადახედონ უსაფრთხოების არქიტექტურას, რათა მხარი დაუჭირონ სახელმწიფოებს, რომლებსაც აქვთ ჰელსინკის საბოლოო აქტითა და გაერო-ს წესდებით გათვალისწინებული უსაფრთხოებისა და დაცვის უფლება, მაგრამ არ გააჩნიათ უსაფრთხოების გარანტიები მათი სრულად აღსრულებისთვის, მათ შორის, ძირითადად, უკრაინაში, მაგრამ ასევე პოტენციურად სხვა „ნაცრისფერი“ ზონის სახელმწიფოებში, როგორებიცაა მოლდოვის რესპუბლიკა, საქართველო და სომხეთი“, – ნათქვამია ეუთო-ს საპარლამენტო ასამბლეის განცხადებაში.

ჩვენ ევროინტეგრაციის გზაზე მივაღწევთ ევროპული ოჯახის სრულფასოვან წევრობას. ეს მარტივი არ იქნება, შეგუებული ვართ და ქართველი ხალხიც ამას შეეგუა, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა. როგორც მდინარაძემ აღნიშნა, მმართველი პარტია საქართველოს ევროპული ოჯახის სრულფასოვან წვერად გახდის, როგორც ამას ქვეყნის წარსული, კულტურა და ქრისტიანული, დემოკრატიული ევროპა ითვალისწინებს. „ევროინტეგრაციის გზაზე ჩვენი სვლა არ იქნება მარტივი, მაგრამ, ღირსეულად, ჩვენს სამშობლოს, ჩვენს ქვეყანას და ხალხს გავხდით ევროპული ოჯახის სრულფასოვან წევრებად, როგორც ამას ჩვენი ისტორიული წარსული, ჩვენი კულტურა, მენტალობა და ქრისტიანული, დემოკრატიული ევროპის აღქმა გვკარნახობს“, – განაცხადა მამუკა მდინარაძემ.