გიორგი გახარიამ და აშშ-ის თავდაცვის მდივანმა თავდაცვისა და უსაფრთხოების სფეროში აშშ-საქართველოს წარმატებულ თანამშრომლობაზე ისაუბრეს

კრემლის პრესსპიკერი დიმიტრი პესკოვი აცხადებს, რომ ჯერ კიდევ ადრეა უკრაინასთან სამშვიდობო მოლაპარაკებებზე ნებისმიერი, თუნდაც წინასწარი დასკვნების გამოტანა.„ეს მხოლოდ სამუშაოს დასაწყისია. ჩვენ ვსაუბრობთ ექსპერტების დონეზე მუშაობაზე და ის გაგრძელდება. არ იქნება მიზანშეწონილი ამ სამუშაოს სხვადასხვა ასპექტის ფრაგმენტულად და საჯაროდ განხილვა“, – განაცხადა პესკოვმა.ცნობისთვის, რუსეთის, აშშ-ისა და უკრაინის წარმომადგენლებს შორის მოლაპარაკებების ახალი რაუნდი გასულ კვირას არაბთა გაერთიანებულ საემიროებში შედგა.შეხვედრის შემდგომ მოსკოვმა და კიევმა გამოხატეს მზადყოფნა, განაგძონ  დიალოგი. აშშ-ის ოფიციალური წარმომადგენლის თქმით, მოლაპარაკებები მომდევნო კვირას აბუ დაბიში გაგრძელდება.

იაპონელი მეცნიერების თქმით, მარხვა სიცოცხლეს ახანგრძლივებს.  ინფორმაციას უცხოური მედია ავრცელებს. მათი თქმით, მარხვის პერიოდში ადამიანის ორგანიზმი დაზიანებული უჯრედების მოხმარებას იწყებს - ამ პროცესს აუტოფაგია ჰქვია. ის სხეულში უჯრედულ გადატვირთვას იწვევს. ეს რაღაცნაირად შინაგანი განწმენდის პროცესს ჰგავს.როგორც მკვლევრები ამბობენ, მარხვა მეტაბოლიზმის პროცესს სრულად ცვლის. აუტოფაგია აძლიერებს უჯრედების განახლებას, ხელს უწყობს იმუნიტეტის გაძლიერებას და აუმჯობესებს საერთო მდგრადობას.როდესაც სხეული არ არის დაკავებული საკვების მონელებით, ის ყურადღებას ამახვილებს მოვლა-პატრონობაზე და აღდგენაზე, დაზიანებული ნაწილების ახალ, ჯანსაღ კომპონენტებად გადამუშავებაზე.ზოგიერთი კვლევა აჩვენებს კიდეც, რომ აუტოფაგიის გააქტიურებამ შეიძლება შეამციროს დაბერებასთან დაკავშირებული ქრონიკული დაავადებების რისკი.ნობელის პრემიის ლაურეატმა კვლევამ შეცვალა მეცნიერების შეხედულება მარხვაზე და ის მარტივი დიეტური ტენდენციიდან ლეგიტიმურ ბიოლოგიურ გადატვირთვად აქცია.

სანიაღვრე ქსელზე ჩასატარებელი სარეაბილიტაციო სამუშაოების გამო, ორ მისამართზე ღამის საათებში მოძრაობა შეიზღუდება, - ამის შესახებ განცხადებას თბილისის მერია ავრცელებს.„სანიაღვრე ქსელის სარეაბილიტაციო სამუშაოების გამო, 27 იანვარს, 00:00 საათიდან 05:00 საათამდე ორ მისამართზე საგზაო მოძრაობა დროებით შეიზღუდება:საბურთალოს რაიონში საავტომობილო მოძრაობა შეიზღუდება გიორგი სააკაძის დაღმართიდან მარჯვენა სანაპიროსკენ ჩამავალ გზაზე; ხოლო დიდუბის რაიონში შეზღუდვა იმოქმედებს დავით აღმაშენებლის გამზირი N193-ის მიმდებარედ საავტობუსო ზოლში. აღნიშნულ მისამართებზე სანიაღვრე ჭების შეცვლას შპს „თბილსერვის ჯგუფი“ უზრუნველყოფს.თბილისის მერია და „თბილსერვის ჯგუფი“ ბოდიშს გიხდით შეფერხებისთვის!“, - ნათქვამია განცხადებაში

თქვენ თუ ფიქრობთ, რომ ევროკავშირს ან მთლიანად ევროპას შეუძლია, დაიცვას თავი აშშ-ის გარეშე, მაშინ განაგრძეთ ოცნება, – ამის შესახებ ნატო-ს გენერალურმა მდივანმა, მარკ რუტემ განაცხადა.მარკ რუტეს თქმით, აშშ-ის გარეშე ევროპას მოუწევს, თავდაცვის ხარჯები 10%-მდე გაზარდოს, საკუთარი ბირთვული შესაძლებლობები შეიძინოს და მილიარდობით ევრო დახარჯოს.მარკ რუტეს განმარტებით, ევროპას ზუსტად ისევე სჭირდება აშშ, როგორც აშშ-ს ნატო.„აშშ-ის პრიორიტეტების ცვლილების მიუხედავად, აშშ-ის ტრადიციული ყოფნა ევროპაში ყოველთვის ძალიან ძლიერი იქნება“, – აღნიშნა რუტემ.

მნიშვნელოვანი უსაფრთხოების გამოწვევების მიუხედავად, ბოლო წლებში განხორციელებული რეფორმების შედეგად საქართველომ არაერთ სფეროში რეგიონული ლიდერის პოზიცია დაიკავა. ჩვენ შევძელით კანონის უზენაესობის განმტკიცება და ადამიანის უფლებების დაცვის უმაღლესი სტანდარტების ჩამოყალიბება, – ამის შესახებ საქართველოს საგარეო საქმეთა მინისტრის მოადგილემ, ხათუნა თოთლაძემ განაცხადა ჟენევაში, სადაც გაერო-ს უნივერსალური პერიოდული მიმოხილვის ფარგლებში საქართველოში ადამიანის უფლებების დაცვის მდგომარეობის შესახებ საქართველოს ეროვნული ანგარიშის (2021-2025 წლები) განხილვა მიმდინარეობს.მისივე თქმით, ეს ასახულია შესაბამის საერთაშორისო რეიტინგებში.„მაგალითად, 2025 წლის World Justice Project-ის კანონის უზენაესობის ინდექსის მიხედვით, საერთო ქულის საფუძველზე საქართველო მსოფლიოში 143 ქვეყანას შორის 52-ე ადგილს იკავებს. მსურს, ასევე შევეხო ქვეყნის ეკონომიკურ განვითარებასა და ამ მიმართულებით განხორციელებულ რეფორმებს. ბოლო ხუთი წლის განმავლობაში საქართველოს საშუალო ეკონომიკური ზრდის მაჩვენებელი დაახლოებით 9.3 პროცენტს შეადგენს, რაც ევროპის ყველაზე მაღალი მაჩვენებელია. ეს ეკონომიკური წარმატება განხორციელებული ეკონომიკური რეფორმების შედეგია, ისევე როგორც რეგიონში კორუფციის ყველაზე დაბალი დონის არსებობის. ჩვენი ერთ-ერთი მთავარი მიზანია სიღარიბის დონის შემცირება, ეკონომიკურ ზრდასთან ერთად. 2024 წელს სიღარიბის მაჩვენებელი 9.4 პროცენტს შეადგენდა, ხოლო 2028 წლისთვის მიზნად გვაქვს დასახული მისი შემცირება ოთხ პროცენტზე ქვემოთ. ამასთან, საქართველო პირველ ადგილზეა საერთაშორისო რეიტინგებში ბიუჯეტის გამჭვირვალობის კუთხით, რასაც მნიშვნელოვანი წვლილი შეაქვს ჯანსაღი ფისკალური პოლიტიკის შენარჩუნებაში. ანგარიშგების პერიოდში საქართველოს მთავრობამ განაგრძო ნაყოფიერი თანამშრომლობა გაერო-ს ადამიანის უფლებათა უმაღლეს კომისართან და მის ოფისთან, ასევე გაერო-ს ხელშეკრულებით შექმნილ ორგანოებთან და ადამიანის უფლებათა საბჭოსთან, მათ შორის საბჭოს სესიებში აქტიური მონაწილეობით და ადამიანის უფლებების, ჰუმანიტარული რეზოლუციების მხარდაჭერითა და თანასპონსორობით. საქართველო რეგულარულად წარადგენს ეროვნულ ანგარიშებს გაერო-ს ხელშეკრულებით შექმნილ ორგანოებში და განსაკუთრებულ ყურადღებას უთმობს UPR-ისა და ადამიანის უფლებათა სხვა მექანიზმების ფარგლებში მიღებული რეკომენდაციების შესრულებას. აღნიშნული რეკომენდაციები ინტეგრირებულია მთავრობის ადამიანის უფლებათა სამოქმედო გეგმებში მათი ეფექტიანი განხორციელების უზრუნველსაყოფად. ასევე, გაერო-ს ყველა სპეციალური პროცედურის მიმართ გაცემული „ღია მოწვევის“ საფუძველზე, საქართველომ განაგრძო მანდატის მფლობელთა ვიზიტების მიღება. ადამიანის უფლებების დაცვისა და ხელშეწყობისადმი ჩვენი ერთგულების პარალელურად, საქართველო ორჯერ უკვე იყო ადამიანის უფლებათა საბჭოს წევრი და მანდატის დასრულების შემდეგაც აქტიურად რჩება ჩართული მის საქმიანობაში“, – განაცხადა ხათუნა თოთლაძემ.ამასთან, ხათუნა თოთლაძემ ადამიანის უფლებების დაცვისა და ხელშეწყობის მიმართულებით გადადგმულ ნაბიჯებზეც ისაუბრა.„მსურს, გამოვიყენო შესაძლებლობა და მოკლედ გაგიზიაროთ საქართველოს მიერ ანგარიშგების პერიოდში ადამიანის უფლებების დაცვისა და ხელშეწყობის მიმართულებით გადადგმული ნაბიჯები. ადამიანის უფლებათა დაცვის ღონისძიებები ასახულია ეროვნულ პოლიტიკურ დოკუმენტებში, მათ შორის 2022-2030 წლების ადამიანის უფლებათა დაცვის ეროვნულ სტრატეგიასა და 2024-2026 წლების შესაბამის სამოქმედო გეგმაში. აღნიშნული სტრატეგია ქმნის ერთიან ჩარჩოს ქვეყანაში ადამიანის უფლებებისა და ძირითადი თავისუფლებების გაძლიერებისთვის. საქართველოს მთავრობის ერთ-ერთი უმთავრესი პრიორიტეტია მოწყვლადი ჯგუფების დაცვა. ამ მიმართულებით გატარებულია არაერთი ღონისძიება ქალთა მიმართ ძალადობისა და ოჯახში ძალადობის აღმოსაფხვრელად, მათ შორის უფასო იურიდიული დახმარების უზრუნველყოფა გადახდისუუნარო მსხვერპლთათვის, მხარდამჭერი სერვისები – თავშესაფრები და კრიზისული ცენტრები, ასევე ფსიქოლოგიური და სოციალური დახმარება. კიდევ ერთი მნიშვნელოვანი მიმართულებაა ბავშვის უფლებების დაცვა. გადადგმულია ნაბიჯები ბავშვთა სექსუალური ძალადობისგან დაცვის, ფსიქოლოგიური რეაბილიტაციისა და ქუჩაში მცხოვრები და მომუშავე ბავშვების სოციალური ინტეგრაციის უზრუნველსაყოფად. ასევე დასრულებულია მსხვილი ბავშვთა ინსტიტუციების დეინსტიტუციონალიზაციის პროცესი. ჩვენი პრიორიტეტების კიდევ ერთი მიმართულებაა შეზღუდული შესაძლებლობის მქონე პირთა უფლებებისა და დამოუკიდებლობის დაცვა. ამ კუთხით მნიშვნელოვანია 2021 წელს ძალაში შესული შეზღუდული შესაძლებლობის მქონე პირთა უფლებების შესახებ კანონი, რომელიც შემუშავდა შესაბამისი ორგანიზაციების, აქტივისტებისა და თავად შშმ პირთა აქტიური მონაწილეობით. ამასთან, 2021 წელს საქართველოს პარლამენტმა მოახდინა გაერო-ს შეზღუდული შესაძლებლობის მქონე პირთა უფლებების კონვენციის ფაკულტატური ოქმის რატიფიცირება. გარდა ამისა, საქართველოს მთავრობა აგრძელებს მიზნობრივ ღონისძიებებს ქალთა ეკონომიკური და სოციალური გაძლიერების მიმართულებით“, – აღნიშნა ხათუნა თოთლაძემ.