გიორგი გამსახურდია სალომე ზურაბიშვილზე: ჯერ მენშევიკების აგენტი ოჯახი იყო ამისი ოჯახი, მერე ბოლშევიკების, შემდგომში ნაცისტების და მგონი ბოლოს პაატა ზაქარეიშვილივით, ე.წ სამხრეთ ოსეთის კგბ ამუშავებდა

იაპონელმა კაცმა, რომელმაც თითქმის 50 წელი სიკვდილმისჯილთა კამერაში გაატარა და შემდეგ გაამართლეს, კომპენსაციის სახით 217 მილიონი იენი - 1,45 მილიონი აშშ დოლარი მიიღო. ინფორმაციას BBC ავრცელებს.მისი ადვოკატის განმარტებით, ეს უმსხვილესი კომპენსაციაა, რომელიც იაპონიას კრიმინალურ საქმეზე გადაუხდია.89 წლის ივაო ჰაკამატა 1968 წელს, თავისი უფროსის, მისი ცოლისა და მათი ორი შვილის მკვლელობისთვის გაასამართლეს, მაგრამ გასულ წელს, ხელახალი სასამართლო პროცესის შემდეგ გაამართლეს.ჰაკამატას ადვოკატებმა მაქსიმალური კომპენსაცია მოითხოვეს და ამტკიცებდნენ, რომ 47 წლიანმა თავისუფლების აღკვეთამ, რამაც ის მსოფლიოში ყველაზე ხანგრძლივი დროით სიკვდილმისჯილ პატიმრად აქცია, მისი ფსიქიკური ჯანმრთელობა დააზარალა.მოსამართლე კუნი კოშიმ, რომელმაც ორშაბათს შუამდგომლობა დააკმაყოფილა, დათანხმდა იმ მოსაზრებას, რომ ივაო ჰაკამატამ "უკიდურესად მძიმე" ფსიქიკური და ფიზიკური ტკივილი განიცადა.

აშშ-ის გლობალური მედიის სააგენტომ (USAGM) ვალდებულება აიღო, გამოყოს „რადიო თავისუფლებისთვის“ (Radio Free Europe) იმ სახსრების ნაწილი, რომელიც კონგრესმა დაამტკიცა.როგორც „რადიო თავისუფლება“ იუწყება, შესაბამისი გადაწყვეტილება ვაშინგტონში აშშ-ის ფედერალურ სასამართლოში იქნა მიღებული, სადაც „რადიო თავისუფლების“ დაფინანსების შეთანხმების საკითხზე მოსმენა უნდა გაიმართოს.„იმედი გვაქვს, ორი კვირით დაფინანსების გადახდა, რომელიც კონგრესმა „რადიო თავისუფლებისთვის“ გამოყო, საშუალებას მოგვცემს, ვიმუშაოთ, ვიდრე სასამართლო უფრო ფართო საქმეზე გადაწყვეტილებას არ გამოიტანს“, – განაცხადა „რადიო თავისუფლების“ პრეზიდენტმა და მთავარმა აღმასრულებელმა დირექტორმა, სტივენ კაპუსმა.USAGM-მა განაცხადა, რომ მიიღო „დაუყოვნებლივი ადმინისტრაციული ზომები“ სახსრების გადახდის დასაწყებად, რაც 26 მარტამდე უნდა მოხდეს. „რადიო თავისუფლება“ სახსრებს თვის ბოლომდე მიიღებს.„რადიო თავისუფლება“ კვლავ ცდილობს, მიიღოს დანარჩენი სახსრები, რომელიც ეკუთვნის 2025 წლისთვის.ცნობისთვის, 15 მარტს აშშ-ის პრეზიდენტის, დონალდ ტრამპის ადმინისტრაციამ გაავრცელა ინფორმაცია RFE/RL-ის (რადიო თავისუფალი ევროპა/რადიო თავისუფლება) ქსელისთვის დაფინანსების სრული გაუქმების შესახებ. მანამდე „ამერიკის ხმის“ ჟურნალისტები სამსახურიდან გაათავისუფლეს.„რადიო თავისუფლებამ“ და „ამერიკის ხმამ“ დაფინანსების აღსადგენად სარჩელი სასამართლოში შეიტანეს.

სალომე ზურაბიშვილის ვიზიტს არანაირად არ შევაფასებ. რაც იყო, რა ვიზიტებსაც ახორციელებდა, იმავეს აგრძელებს. რასაკვირველია, ქვეყნისთვის პრობლემის შექმნა არის მისი პროფესია, მეორე კი არა, პირველი პროფესია. დიდი ხანია, ამ პროფესიას რეალიზაციას უკეთებს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის საქართველოს ყოფილი პრეზიდენტის, სალომე ზურაბიშვილის ბალტიის ქვეყნებში ვიზიტის შესახებ დაუსვეს კითხვა.„აქ ლიტვის პარლამენტის დამოკიდებულებაა მთავარი. ანუ ბალტიისპირეთის ქვეყნებმა და განსაკუთრებით ლიტვამ, რომლისთვისაც პირველი სავაჭრო პარტნიორი არის რუსეთი, გადაწყვიტა, საქართველო დაადანაშაულოს იმაში, რომ ეკონომიკურ სანქციებს არ უწესებს რუსეთს და თურმე თვითონ არ არის გამტარი უშველებელი რაოდენობის პროდუქციისა, რომელიც სანქციების გვერდის გავლით შედის რუსეთში. ამ შემთხვევაში, ალკოჰოლურ სასმელებზე, ღვინოზე გვაქვს საუბარი, რომელსაც რუსეთს აწვდის. რასაკვირველია პავილიონისისა და კუბილიუსის პრინციპებზე აწყობილი პოლიტიკა არის ზუსტად ის პოლიტიკა, გარემო, სადაც სალომე ზურაბიშვილმა შეიძლება, კარგად იგრძნოს თავი. რეალურად, ეს არის „ნაცმოძრაობის“ გარკვეული სახელმძღვანელო სტრუქტურა, რომელიც დიდი ხანია, შექმნილია და პირდაპირ არის ჩართული „დიფ სთეითის“ სტრატეგიულ გეგმაში. სალომე ზურაბიშვილი, როგორც ერთი ჭანჭიკი, ხან აქეთ, ხან იქით ცდილობს, მოერგოს რომელიმე ბორდს, ეს არის რეალობა“, – განაცხადა გია ვოლსკიმ.

გერმანიასთან გაფუჭებულ ურთიერთობაზე პასუხისმგებლობა სრულად ეკისრება „ქართულ ოცნებას“, რომელსაც თავად, არცთუ ისე დიდი ხნის წინ, ძალიან კარგი პარტნიორობა და თანამშრომლობა ჰქონდა გერმანიასთან, – ამის შესახებ პარტია „გახარია საქართველოსთვის“ წევრმა, ანა ბუჩუკურმა განაცხადა.ანა ბუჩუკურმა კომენტარი გააკეთა გერმანიის საგარეო უწყების განცხადებაზე, რომლის მიხედვითაც, გერმანიამ დამატებითი აკრძალვები შემოიღო იმ ქართველი ოფიციალური პირების ქვეყანაში შესვლაზე, რომლებიც პასუხისმგებლები არიან დარბევებზე.ბუჩუკურის თქმით, ისტორიულად, დამოუკიდებლობის აღდგენის შემდეგ, გერმანია არის საქართველოს მნიშვნელოვანი და ახლო პარტნიორი.„გერმანიის ფედერაცია იყო და არის საქართველოსთვის, როგორც სახელმწიფოსთვის, მრავალი წლის მეგობარი. ეს მეგობრობა არც ამ ხელისუფლების პირობებში დაწყებულა, არც წინა ხელისუფლების პირობებში, ისტორიულად, გერმანია არის დამოუკიდებლობის აღდგენის შემდეგ მნიშვნელოვანი და ახლო პარტნიორი ჩვენი ქვეყნის და ძალიან ბევრი სარგებელი მოუტანია გერმანიასთან თანამშრომლობას საქართველოსა და ქართველი ხალხისთვის. რაც შეეხება კონკრეტულად ამ ხელისუფლების პერიოდს, არცთუ ისე დიდი ხნის წინ, გერმანიის ფედერაცია, პოლიტიკური თვალსაზრისითაც, იყო ერთ-ერთი ყველაზე ახლო პოლიტიკური პარტნიორი „ოცნებისთვის“, როგორც პოლიტიკური პარტიისთვის. მრავალი წლის განმავლობაში ჰქონდათ მათ ეს პარტნიორობა, მაგრამ დღეს უკვე ხედავთ, რომ ის ადამიანები, რომლებსაც ე.წ. „ოცნების“ ლიდერები, რომლებსაც გერმანიაში აქვთ განათლება მიღებული, როგორი ირონიულიც არ უნდა იყოს ეს, შეიძლება, თეორია ისწავლეს სამართლის, მაგრამ ფაქტია ღირებულებები მათ ვერ უსწავლიათ. საბოლოო ჯამში ის, რაც დღეს ჩვენს პარტნიორ ქვეყანასთან ხდება და ამ გაფუჭებულ ურთიერთობაზე პასუხისმგებლობა სრულად ეკისრება „ოცნებას“. სამწუხარო რეალობაა, მე პირადად ეს არ მსიამოვნებს, მაგრამ ამაზე სრულად პასუხისმგებლობა ეკისრება „ოცნებას“, რომელსაც თავად, არცთუ ისე დიდი ხნის წინ, ძალიან კარგი პარტნიორობა და თანამშრომლობა ჰქონდა გერმანიასთან“, – განაცხადა ბუჩუკურმა.მისივე თქმით, პასუხისმგებლობები უნდა იყოს პერსონალური და საქართველოს მოქალაქეებმა არ უნდა აგონ პასუხი იმ დანაშაულებზე, რომელიც კონკრეტულ ინდივიდებს აქვთ ჩადენილი.„ჩვენ ვართ ერთ-ერთი გამონაკლისი პარტია, რომელიც ყოველთვის ეწინააღმდეგებოდა და ახლაც ეწინააღმდეგება და ასევე, ძალიან ბევრი ვიმუშავეთ ჩვენს პარტნიორებთან, რათა საქართველოსა და ქართველი ხალხისთვის ვიზალიბერალიზაცია, ასეთი დიდი სარგებელი, არ გაუქმებულიყო. მომავალში რა იქნება, ნამდვილად ვერ გეტყვით. ისე მიდის და ისე იქცევა ხელისუფლება, თუმცა ჩვენ ვართ ის პარტია, გამონაკლისი, რომელიც ყოველთვის ეწინააღმდეგებოდა და ახლაც ეწინააღმდეგება ვიზალიბერალიზაციის გაუქმებას სახელმწიფოსთვის, საქართველოს მოქალაქეებისთვის, რადგან გვჯერა, რომ საქართველოს მოქალაქეებმა არ უნდა აგონ პასუხი იმ დანაშაულებზე, რომელიც კონკრეტულ ინდივიდებს აქვთ ჩადენილი. პასუხისმგებლობები უნდა იყოს პერსონალური. როდესაც ზოგადად სანქცირებაზე დაიწყო საუბარი ჩვენი გუნდი ყოველთვის ფრთხილად ეკიდებოდა სანქციების საკითხს, რადგან ჩვენ მოგვწონს თუ არ მოგვწონს, სანქციები ყოველთვის არის ქვეყნისთვის რისკების მომტანი, მას თავისი რისკები ყოველთვის აქვს, მაგრამ თუნდაც ვიზალიბერალიზაციის გაუქმებაზე როდესაც ვსაუბრობთ, როდესაც არის ცუდსა და უარეს შორის არჩევანი, ვირჩევთ იმას, რომელიც არის ნაკლებად დამაზიანებელი. შესაბამისად, იმის ნაცვლად საქართველოს და საქართველოს უდანაშაულო მოქალაქეებს გაუუქმდეთ უვიზო მიმოსვლის სარგებელი, ამ პირობებში გვირჩევნია, რომ კონკრეტულ ინდივიდებს დაეკისროთ ეს პასუხისმგებლობა. ჯერ კიდევ როდის ვამბობდით და გახარიაც, რომ პასუხისმგებლობები აუცილებლად იქნებოდა პერსონალური“, – განაცხადა ბუჩუკურმა.

United Airlines-ის თვითმფრინავი Boeing 787, რომელიც ლოს-ანჯელესიდან შანხაიში მიფრინავდა, იძულებული გახდა უკან დაბრუნებულიყო, რადგან თვითმფრინავის ერთ-ერთ პილოტს პასპორტი დაავიწყდა. ინფორმაციას CNN-ი ავრცელებს.თვითმფრინავი ლოს-ანჯელესის საერთაშორისო აეროპორტიდან, შაბათ,ს დაახლოებით ღამის 2 საათზე აფრინდა. ბორტზე 257 მგზავრი და ეკიპაჟის 13 წევრი იმყოფებოდა. თვითმფრინავი ჩრდილო-დასავლეთით, წყნარი ოკეანის გავლით, ჩინეთის უდიდეს ქალაქში მიემართებოდა.FlightAware-ის ვებ-გვერდის თანახმად, თვითმფრინავი აფრენიდან დაახლოებით 2 საათში მოტრიალდა და სან-ფრანცისკოში გადამისამართდა, სადაც დაახლოებით საღამოს 5 საათზე დაეშვა."პილოტს, რომელიც ბორტზე იმყოფებოდა არ ჰქონდა პასპორტი. ჩვენ გამოვყავით ახალი ეკიპაჟი, რომლებმაც ჩვენი კლიენტები დანიშნულების ადგილამდე იმ საღამოსვე ჩაიყვანეს. მანამდე, კლიენტებს კვების ტალონები და კონპენსაცია გადაეცათ", - აღნისნულია ავიაკომპანიის განცხადებაში.