გილოცავთ მირქმის დღესასწაულს! დაე, მირქმის დღესასწაულის შემდეგ, ღვთის მადლით ჩვენი გულის თვალებიც გაიხსნას მშვიდობისა და ნათლის საკურთხევლისკენ-ალი მოჯანი

საქართველოს პრემიერ-მინისტრს, ირაკლი კობახიძეს 18 თებერვალს, პარლამენტში, ინტერპელაციის წესით მოუსმენენ. თემა მიგრაციასთან დაკავშირებული საკითხებია. მოსმენა 12:00 საათზე დაიწყება.ცნობისთვის, პრემიერ-მინისტრმა რამდენიმე დღის წინ ვიდეო მიმართვაში მიგრაციასთან დაკავშირებით არსებულ ვითარებაზე ისაუბრა.ირაკლი კობახიძის თქმით, უცხოელების შრომითი საქმიანობა 1-ელი მარტიდან მნიშვნელოვნად იზღუდება.მისივე განმარტებით, გასულ წელს იმაზე მეტი არალეგალი მიგრანტი გააძევეს, ვიდრე 10 წელში ჯამურად.„საქართველო სრულად გათავისუფლდება არალეგალი მიგრანტებისგან“, - განაცხადა კობახიძემ.

აშშ-ის სახელმწიფო მდივანმა, მარკო რუბიომ სირიის საგარეო საქმეთა მინისტრთან, ასაად ალ-შაიბანისთან და სირიელი ქურთების სამხედრო მეთაურთან, მაზლუმ აბდისთან ერთობლივი შეხვედრა გამართა.შეხვედრა მიუნხენის უსაფრთხოების კონფერენციის ფარგლებში ჩატარდა.„ჩვენ შევხვდით სირიის საგარეო საქმეთა მინისტრს და ქურთების სახელით გენერალ მაზლუმს. ეს იყო ისტორიული შეხვედრა. არავის გაუპროტესტებია ის ფაქტი, რომ სირიის გამოწვევა ძალიან, ძალიან მნიშვნელოვანი იქნებოდა“, – აღნიშნა მარკო რუბიომ.რუბიომ ისაუბრა სირიის ჩრდილო-აღმოსავლეთით მუდმივი ცეცხლის შეწყვეტისა და ინტეგრაციის შეთანხმების განხორციელების მნიშვნელობაზე. მარკო მიესალმა სირიის მთავრობის ერთგულებას შეერთებულ შტატებთან სრული თანამშრომლობის მიმართ.სირიის ლიდერმა, აჰმედ ალ-შარამ, რომლის ძალებმაც 2024 წლის ბოლოს დაამხეს ბაშარ ალ-ასადი, პირობა დადო, რომ მთელ სირიას სახელმწიფო კონტროლს დაუქვემდებარებდა, მათ შორის ჩრდილო-აღმოსავლეთში „სირიის დემოკრატიული ძალების“ მიერ კონტროლირებად ტერიტორიებს.

გერმანიაში საპენსიო ასაკის 70-წლამდე გაზრდა სურთ, – ამის შესახებ გერმანული გამოცემა „ბილდი“ წერს.„ბილდის“ ცნობით, საპენსიო კომისია 23 თებერვალს გამართავს შეხვედრას, სადაც განიხილავენ გზებს, როგორ უნდა განახორციელონ რეფორმა. დისკუსია ასევე შეეხება ვადაზე ადრე პენსიაზე გასვლისთვის შენატანების ოდენობას და მუშაობის გაგრძელების წახალისების საკითხს.ამასთან, „ბილდის“ ინფორმაციით, კომისიის რეკომენდაცია შესაძლოა, გაზაფხულზე მზად იყოს.

ირანის საგარეო საქმეთა მინისტრი აბას არაღჩი ჟენევაში ჩავიდა.ცნობილი ხდება, რომ ვიზიტის დროს კონსულტაციების რამდენიმე ეტაპი გაიმართება. ირანის საგარეო უწყების ხელმძღვანელს თან ახლავს დიპლომატიური დელეგაცია.ვიზიტის ფარგლებში არაღჩი შეხვდება შვეიცარიის საგარეო საქმეთა მინისტრს, თავის ომანელ კოლეგას და ატომური ენერგიის საერთაშორისო სააგენტოს გენერალურ დირექტორს, ასევე შვეიცარიაში მყოფ სხვა საერთაშორისო ოფიციალურ პირებს.ასევე, მოსალოდნელია, რომ ირანის საგარეო საქმეთა მინისტრი ჟენევაში სიტყვით გამოვა გაერო-ს განიარაღების კონფერენციაზე.ირან-აშშ-ს შორის მოლაპარაკებების მეორე რაუნდი სამშაბათს, 17 თებერვალს ჟენევაში გაიმართება.

საქართველოს პარლამენტის თავმჯდომარე შალვა პაპუაშვილი სოციალურ ქსელში ეხმაურება „ახალგაზრდა იურისტთა ასოციაციის“ დღევანდელ ბრიფინგს, რომლის მიხედვით, „საია წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებს“.„კამიტი“ და „პირველი მსოფლიო ომის ქიმიური იარაღი“ სად გაქრა?“, – წერს შალვა პაპუაშვილი.