გია აბაშიძე თამუნა დემეტრაშვილზე: დავით მათიკაშვილს ვითომ ამუნათებს მძარცველი კეზერაშვილის სატელევიზიო მარიონეტი, ვინმე თამარ დემეტრაშვილი, ქომაგობს შარლატანობაში ეჭვმიტანილ ნანული ჟორჟოლიანს, გაუმძაფრდათ სასოწარკვეთილება

დისკუსიაზე არ მოდიან, რადგან იციან, რომ „ნაცმოძრაობა“ კლავდა, აწამებდა, ბიზნესს აყაჩაღებდა, ომი გააჩაღა და ა.შ., – ამის შესახებ საქართველოს პრემიერ-მინისტრმა, ირაკლი კობახიძემ საზოგადოებრივი მაუწყებლის ეთერში, გადაცემაში – „დღის თემა“ განაცხადა.მისივე თქმით, თუ ადამიანი არ არის „კოლექტიური ნაცმოძრაობის“ მხარდამჭერი, გაუგებარია, რატომ ითხოვს რიგგარეშე არჩევნებს.„თუ არ ხარ „კოლექტიური ნაცმოძრაობის“ მხარდამჭერი, რატომ ითხოვ რიგგარეშე არჩევნებს. ორი შედეგი შეიძლება დაიდოს, ყველაფრის გათვალისწინებით, ორ თვეში რომ ჩატარდეს რიგგარეშე არჩევნები – ერთი არის ის, რომ ისევ იგებს „ქართული ოცნება“ და მეორე თეორიული ვარიანტია, რომ ეს ოთხი პარტია, „კოლექტიური ნაცმოძრაობა“ მოდის ხელისუფლებაში. როცა შენ რიგგარეშე არჩევნებს ითხოვ, თან იმ ეგიდით, რომ არ გინდა „ქართული ოცნება“ დარჩეს, რანაირად არ ხარ „კოლექტიური ნაცმოძრაობის“ მხარდამჭერი, ეს ხომ მათემატიკაა, ორჯერ ორი ოთხია. თუ არ გინდა, „ქართული ოცნება“ დარჩეს და ითხოვ რიგგარეშე არჩევნებს, ესე იგი გინდა, ეს ოთხი პარტია მოვიდეს ხელისუფლებაში, მწამებლები, მკვლელები და ა.შ. რეკეტიორები. ყველაზე მთავარი პრობლემა „კოლექტიური ნაცმოძრაობის“ საშუალო ამომრჩევლის რა არის, იცის, რომ მკვლელს, მწამებელს, რეკეტიორს, ტელევიზიების მიმტაცებელს და ომის გამჩაღებელს აძლევს ხმას, ეს იცის. სხვათა შორის, როდესაც კომპანიას ვუკვეთავთ ხოლმე სოციოლოგიურ კვლევებს, იქ ტარდება ხოლმე ფოკუს ჯგუფებიც და საოცარი შედეგია, პირველად არ მჯეროდა. როცა მოდიან „კოლექტიური ნაცმოძრაობის“ მხარდამჭერები, ისინი ამბობენ, რომ ეს ყველაფერი იციან, მათ შორის, ახალგაზრდებიც, რომლებიც არ მოსწრებიან, გადმოცემით იციან, რომ „ნაცმოძრაობა“ კლავდა, აწამებდა, ბიზნესს აყაჩაღებდა, ომი გააჩაღა, ეს ყველაფერი იციან, შეუძლებელია არ იცოდე, ახალგაზრდა ხარ თუ მოხუცი, როგორ მიიტაცეს „იმედი“, „რუსთავი 2“ როგორ მიითვისეს, 150 კაცი ქუჩაში რომ მოკლეს, ციხეებში პატიმრებს რომ აწამებდნენ, აუპატიურებდნენ, კლავდნენ და ა.შ. 12-ჯერ რომ შემცირდა სიკვდილიანობა ციხეებში, ეს ხომ უნდა იცოდე. ომი რომ გააჩაღეს 2008 წელს და ხელი რომ მოაწერეს ჩვენ დავიწყეთ ომიო, როგორ შეიძლება ეს არ იცოდე და თან პოლიტიკაზე გქონდეს პრეტენზია. ეს ყველაფერი იციან და ამიტომ არ მოდის ის 10 კაციც დისკუსიაზე,“- განაცხადა პრემიერმა.

არის ერთი მარტივი მისია, რომელიც ევროკავშირმა უნდა შეასრულოს, მათ მხარი უნდა დაუჭირონ დონალდ ტრამპის ძალისხმევას მშვიდობის დამყარებაში, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.„უნგრელებს კვლავ ძალიან მტკიცედ სჯერათ, რომ ჩვენ უნდა მივმართოთ ყველა ჩვენი ძალისხმევა და შესაძლებლობა მშვიდობის დასამყარებლად, რაც შეიძლება მალე. პირველ რიგში, ძალიან ქრისტიანული მიზეზის გამო, რადგან ჩვენ ვკარგავთ ათასობით სიცოცხლეს ყოველდღიურად, რაც სრულიად ეწინააღმდეგება ჩვენს ღირებულებებს. მეორე, ეკონომიკურადაც, რადგან ომი ძალიან, ძალიან ძვირია“, – განაცხადა ორბანმა.უნგრეთის პრემიერ-მინისტრის თქმით, ომის გამო ფასები ყველაფერზეა გაზრდილი და უნგრეთმა დაკარგა ექსპორტის შესაძლებლობა რუსეთში.„ახლა, საბედნიეროდ, გვყავს ლიდერი, ვგულისხმობ, პრეზიდენტ ტრამპს, რომელიც იღებს პასუხისმგებლობას, რომ წამოიწყოს სამშვიდობო მოლაპარაკებები. რაც გვჭირდება არის ის, რომ მხარი დავუჭიროთ მას“, – აღნიშნა ორბანმა.ორბანმა ასევე ისაუბრა ტრამპისა და პუტინის სატელეფონო საუბარზე და განაცხადა, რომ ამ ფაქტით მხოლოდ მოხარულია.„მე არ ვესწრებოდი სატელეფონო საუბარს. მე მხოლოდ მიხარია, როდესაც ლიდერები სხდებიან მაგიდასთან, რათა ისაუბრონ მშვიდობაზე, განსაკუთრებით მაშინ, როდესაც საფრანგეთის პრეზიდენტი არ წყვეტს ომზე საუბარს“, – განაცხადა ორბანმა.

როდის გამოჩნდა პირველი სახელი ისტორიაში? ადამიანებმა ერთმანეთის სახელის დარქმევა ასობით ათასი წლის წინ დაიწყეს, მაგრამ ჩვენ ვერასდროს გავიგებთ, როგორ ჟღერდა ეს უძველესი სახელები, რადგან მაშინ არ არსებობდა დამწერლობა. პირადი სახელების პირველი ჩანაწერები მხოლოდ დაახლოებით 5 500 წლის წინ გაჩნდა, როდესაც შუმერებმა მესოპოტამიაში ლურსმული დამწერლობა გამოიგონეს. მათ ერთ-ერთი თიხის ფირფიტაზე, რომელიც თარიღდება ჩვენს წელთაღრიცხვამდე 3 100 წლით, დაფიქსირდა ისტორიაში პირველი სახელი.ადამიანის პირველი სახელი მეცნიერებმა აღმოაჩინეს უძველეს თიხის პატარა ტაბლეტზე, რომლის ზომებია სულ რაღაც 8 სანტიმეტრი. მასში აღირიცხება ტიპური საქმიანი გარიგება: ქერის მიყიდვა ლუდსახარშში. ცენტრში არის ქერის ღერო, გვერდით არის შენობა, სავარაუდოდ თავად ლუდსახარში, მარცხნივ კი ჭურჭელი იგივე ქერით, საიდანაც მოგვიანებით ლუდს ამზადებდნენ. ფირფიტაზე ასევე მითითებულია გადატანილი პროდუქტის რაოდენობა და ვადა – 37 თვე, რომელიც დაშიფრულია სპეციალური სიმბოლოების გამოყენებით. მაგრამ ეს არ არის მთავარი.ტაბლეტის ზედა მარცხენა კუთხეში მეცნიერებმა აღმოაჩინეს ლურსმული ნიშნები, რომლებიც აღნიშნავს სახელს კუ-შიმ. როგორც ჩანს, ეს ის კაცი იყო, რომელმაც ქერი ლუდსახარშს მიაწოდა. უფრო მეტიც, ეს სახელი გვხვდება 18 სხვა მსგავს ტაბლეტზე, ყველა მათგანი დაკავშირებულია მარცვლეულის შენახვასთან, მოყვანასთან და რეალიზაციასთან. თუმცა, არსებობს კიდევ ერთი ვერსია: კუშიმი შეიძლება ყოფილიყო არა სახელი, არამედ თანამდებობა, მაგალითად, ბუღალტერი ან თანამდებობის პირი, რომელიც მარცვლეულის ჩანაწერებს აწარმოებდა. სამწუხაროდ, ამის დარწმუნებით დადგენა შეუძლებელია - ლურსმული ნიშნები არ იძლევა საკმარის კონტექსტს. მაგრამ თუ კუშიმი მართლაც სახელი იყო, მაშინ ჩვენ გვაქვს პირველი ჩაწერილი სახელი კაცობრიობის ისტორიაში.რა ერქვა უძველეს ხალხსსახელი კუშიმი კითხვის ნიშნის ქვეშ რჩება. მაგრამ მეცნიერებს კიდევ სამი პრეტენდენტი ჰყავთ ყველაზე უძველესის ტიტულისთვის. დაახლოებით იმავე პერიოდით დათარიღებული ტაბლეტი შუმერულ ქალაქ შურუპაკში აღმოაჩინეს. მასში მოხსენიებულია ორი მონა, ენ-პაპ X და სუკკალგირი, რომელთა პატრონი იყო კაცი თანაბრად უჩვეულო სახელით გალ-სალი. აქ უკვე აღარ არის ეჭვი: ეს სახელებია და არა თანამდებობები ან წოდებები.საინტერესოა, რომ ისტორიაში ყველაზე ადრეული ცნობილი სახელები არ ეკუთვნის მმართველებს ან გმირებს, არამედ უბრალო ადამიანებს: მონებს, მათ მფლობელს და შესაძლოა ბუღალტერს. საინტერესოა ისიც, რომ  უზბეკეთში ჯერ კიდევ გვხვდება გვარი კუშიმი, რაც მოულოდნელ კავშირს ქმნის თანამედროვეობასა და ძველ სამყაროს შორის.

კანონები არ მოსწონთ კონკრეტულ ძალებს ერთადერთი მიზეზის გამო, ეს არის რევოლუციის საპირისპირო, საწინააღმდეგო კანონები, მათ შორის, რაც შეეხება ადმინისტრაციულ სანქციებს, სხვა ცვლილებებს, რომლებიც შედის სისხლის სამართლის, თუ ადმინისტრაციულ კანონმდებლობაში, – ამის შესახებ საქართველოს პრემიერ-მინისტრმა, ირაკლი კობახიძემ პირველ არხთან ინტერვიუში განაცხადა.პრემიერის თქმით, რადიკალურ ოპოზიციას უნდა, მუდმივ რეჟიმში ხდებოდეს ის, რაც დააორგანიზეს ხუთი დღის მანძილზე 28 ნოემბრიდან.ირაკლი კობახიძის შეფასებით, ეს იყო ნამდვილი ომის იმიტაცია, ძალადობრივი რევოლუციის მოწყობის მცდელობა.„უმძიმესი ვითარება იყო 28 ნოემბრიდან ხუთი დღის განმავლობაში, ვიდრე არ შევიდა ჩვენი სამართალდამცავი სტრუქტურები პარტიულ ოფისებში, ვიდრე არ ამოიღეს შესაბამისი მასალები და ვიდრე არ მიიღეს ზოგადად შესაბამისი ზომები, მანამდე გრძელდებოდა ეს ნამდვილი ომის იმიტაცია და ხელისუფლების ძალადობრივი გზით შეცვლის მცდელობა“, –  განაცხადა პრემიერ-მინისტრმა.

ევროკომისიის პრეზიდენტის, ურსულა ფონ დერ ლაიენის განცხადებით, სტამბოლის მერის, ეკრემ იმამოღლუს დაკავების ფაქტი ღრმა შეშფოთებას იწვევს.მისივე თქმით, თურქეთმა უნდა დაიცვას არჩეული თანამდებობის პირების უფლებები.„როგორც ევროპის საბჭოს წევრმა და როგორც ევროკავშირის კანდიდატმა ქვეყანამ, თურქეთმა უნდა დაიცვას დემოკრატიული ღირებულებები, განსაკუთრებით არჩეული თანამდებობის პირების უფლებები. გვსურს, თურქეთი დარჩეს ევროპისადმი ერთგული, მაგრამ ეს მოითხოვს დემოკრატიული ნორმებისა და პრაქტიკისადმი მკაფიო ერთგულებას,და ძალიან მნიშვნელოვანია, რომ თურქეთმა პატივი სცეს ამ ფუნდამენტურ პრინციპებს“, – განაცხადა ლაიენმა ბრიუსელში გამართულ პრესკონფერენციაზე.ოპოზიციური „სახალხო რესპუბლიკური პარტიის“ წევრი, სტამბოლის მერი ეკრემ იმამოღლუ გამთენიისას საკუთარ სახლში დააკავეს. მას ბრალად ედება კორუფცია და ტერორისტული დაჯგუფების ხელშეწყობა. იმამოღლუს გარდა, დაკავებულია მისი პრესმდივანი და მერიის 100-მდე თანამშრომელი.