გენერალი დენ კეინი – ირანში საჰაერო უპირატესობის დამყარების შემდეგ, აშშ ახლა დაიწყებს გაფართოებას ქვეყნის შიგნით

გეოპოლიტიკური კატასტროფის დროს, როდესაც მსოფლიო და ჩვენი რეგიონი უბედურების წინაშე დგას, რატომ უნდა გაგიჩნდეს ადამიანს სურვილი, საკუთარი ქვეყანა ტერორიზმის ხელშეწყობაში დაადანაშაულო?, - ასე ეხმიანება „ხალხის ძალის“ წევრი ზურაბ ქადაგიძე, თინა ხიდაშელის განცხადებას, რომელმაც თქვა, რომ „საქართველოში, პრაქტიკულად არალეგალურად ფუნქციონირებს „უნივერსიტეტი“, რომელიც არის ტერორისტების სკოლა და მისი რექტორი იყო თავის დროზე ის ადამიანი, რომელიც ალი ხამენეის მემკვიდრედ გამოცხადდა“.მისი თქმით, ისეთ ადამიანს, რომელიც საკუთარ სახელმწიფოს ტერორიზმის ხელშეწყობაში დაადანაშაულებს, კარგს ვერაფერს უწოდებს საზოგადოება.„გეოპოლიტიკური კატასტროფის დროს, როდესაც მსოფლიო და ჩვენი რეგიონი უბედურების წინაშე დგას, რატომ უნდა გაგიჩნდეს ადამიანს სურვილი, საკუთარი ქვეყანა ტერორიზმის ხელშეწყობაში დაადანაშაულო? მერე იკითხავთ, ხიდაშელი თხემით-ტერფამდე უცხო ქვეყნის აგენტი, რატომ გგონიაო?! მაგრამ ამასაც რომ თავი დავანებოთ, ერთი კითხვა მაქვს ამ გვარით ქართველ ადამიანთან თუ აკრედიტაცია არ აქვს თქვენს მიერ ნახსენებ სასწავლებელს, თუ სახელმწიფოს მხრიდან ვალიდაცია არ გაუვლია, შესაბამისად არასამთავრობო ორგანიზაცია გამოდის და სწავლებისათვის მიღებული რესურსები არ აქვს დადეკლარირებული ხომ? - ასე რომ არ იყოს, ღიად და საჯაროდ იმოქმედებდა.ახლა თუ მიხვდით გვარით ქართველო რომ გამჭვირვალობის კანონი სასიცოცხლოდ მნიშვნელოვანი იყო საქართველოსთვის?! ახლა თუ მაინც დავიდა თქვენს გამრუდებულ ლოგიკამდე, რომ ბოროტების პოტენციური ალბათობა, რომელიც ყველა მხრიდან მოდის, კანონის მეშვეობით უნდა დაიზღვეს? ახლა თუ მაინც მიაგენით თქვენი გაუკუღმართებული ორიენტირით, რომ გამჭვირვალობის კანონის გაპროტესტებით პოტენციურ რელიგიურ-ექსტრემისტულ ორგანიზაციებს, თქვენ თვითონვე ახალისებდით?!თუმცა, ისევ პირველ აბზაცს დავუბრუნდეთ - ბირთვული ომის წინაშე მდგომ მსოფლიოსა და გეოპოლიტიკური კატასტროფის მომასწავებელ რეგიონში, თუნდაც აბსურდული ლოგიკით, საკუთარ სახელმწიფოს რომ ტერორიზმის ხელშეწყობაში დაადანაშაულებ, რა უნდა გიწოდოს საზოგადოებამ“, - წერს ქადაგიძე.

ირანი შეეცადა, მოეკლა პრეზიდენტი ტრამპი, პრეზიდენტი ტრამპი ბოლოს იცინის, – ამის შესახებ აშშ-ის ომის მდივანმა, პიტ ჰეგსეტმა პენტაგონში ბრიფინგისას განაცხადა.მისი თქმით, გუშინ აშშ-მა მიაკვლია და მოკლა დანაყოფის ლიდერი, რომელმაც პრეზიდენტ ტრამპის მკვლელობა სცადა.პიტ ჰეგსეტმა ასევე აღნიშნა, რომ ლიკვიდერებულია ირანის ლიდერები, ე.წ. მმართველი საბჭოს წევრები კი, რომლებმაც ახალი ლიდერი უნდა აირჩიონ, ან მოკლული არიან, ან დაკარგული, ან ბუნკერს აფარებენ თავს.როგორც ომის მდივანმა განაცხადა, აშშ და ისრაელი ირანის ცაზე სრული კონტროლის მოპოვების შემდეგ 500, 1000 და 2000-ფუნტიანი ბომბების ჩამოყრა დაიწყებენ.

ირანს სხვა არჩევანი არ აქვს, გარდა თავდაცვისა, – ამის შესახებ ირანის პრეზიდენტი მასუდ ფეზეშქიანი სოციალურ ქსელში წერს.როგორც ის აღნიშნავს, ირანი პატივს სცემს მეზობელი ქვეყნების სუვერენიტეტს.„თქვენო უდიდებულესობავ, მეგობარი და მეზობელი სახელმწიფოების მეთაურებო, ჩვენ თქვენთან ერთად დიპლომატიის საშუალებით მივისწრაფოდით ომის თავიდან აცილებისკენ, თუმცა ამერიკულ-სიონისტურმა სამხედრო აგრესიამ სხვა არჩევანი აღარ დაგვიტოვა, გარდა თავის დაცვისა. ჩვენ პატივს ვცემთ თქვენი ქვეყნების სუვერენიტეტს. ირანს არჩევანი არ აქვს, გარდა იმისა, რომ თავი დაიცვას. მიგვაჩნია, რომ რეგიონის უსაფრთხოება და სტაბილურობა მიღწეული უნდა იქნას მისი სახელმწიფოების კოლექტიური ძალისხმევით“, – წერს ირანის პრეზიდენტი.

პარტია "გახარია საქართველოსთვის" აღმასრულებელი მდივანი, გიორგი გახარიას ადვოკატი, ბერდია სიჭინავა აცხადებს, რომ ჩორჩანას საქმის არსებით განხილვაზე დაცვის მხარემ ორი შუამდგომლობა დააყენა. კერძოდ, ადვოკატის თქმით, დაცვის მხარე ითხოვდა გიორგი გახარიას სხდომაზე დისტანციურად დასწრებას და მის წინააღმდეგ აღძრული ორი საქმის გაერთიანებას.სიჭინავას განმარტებით, ორივე მოთხოვნა სასამართლომ არ დააკმაყოფილა, რაც მან „უსაფუძვლოდ და არარაციონალურად“ შეაფასა."როგორც იცით, დღეს "ჩორჩანას საქმის" არსებითი განხილვა დაიწყო. დაცვის მხარის მხრიდან წარმოდგენილი იყო ორი შუამდგომლობა: ერთი - გიორგი გახარიას სხდომაზე დისტანციურად დასწრებაზე, რადგან ეს უფლება ევროპული კონვენციით და სისხლის სამართლის საპროცესო კანონმდებლობით არის გარანტირებული, შესაბამისად, ნებისმიერი არგუმენტი, რომელიც საწინააღმდეგოს ამტკიცებს, რა თქმა უნდა, სამართალთან არანაირი კავშირი არ აქვს.მეორე შუამდგომლობა, რომელიც ასევე არ დაკმაყოფილდა სრულიად არარაციონალური ახსნით, თითქოს, საქმეთა გაერთიანების შუამდგომლობა არ იყო არგუმენტირებული, მაშინ, როდესაც ერთი და იგივე ბრალდებულის მიმართ არის ორი სისხლის სამართლის საქმე წარმოებული, ერთი და იგივე ბრალმდებელია პროკურატურა და ერთიანი ცენტრალიზებული სისტემა, ერთსა და იმავე მოსამართლეს აწერია ორივე საქმე. წარმოუდგენელია ორ სხვადასხვა დროს გვიწევდეს სასამართლო პროცესების ჩატარება, როდესაც მოსამართლე ერთია, ბრალდებული ერთია, პროკურატურა ერთია. სრულიად აუხსნელი და ირაციონალურია ამ საქმეების დაყოფა“, - აცხადებს სიჭინავა.სიჭინავას თქმით, თუ ჩორჩანაში განხორციელებული ქმედებები ეროვნული ინტერესების დაზიანებად მიიჩნევა, მაშინ პასუხისმგებლობა ეკისრებათ პირებსაც, რომლებიც იმ პერიოდში სახელმწიფო უსაფრთხოების სისტემაში მაღალ თანამდებობებზე მუშაობდნენ და მოგვიანებით გიორგი გახარიას მთავრობის წევრებიც იყვნენ.მისივე განცხადებით, აღნიშნულ პირებს სასამართლოში მოუწევთ განმარტებების გაკეთება.„რაც შეეხება "ჩორჩანას საქმეს", ამ სისხლის სამართლის საქმეს მართლმსაჯულებასთან არანაირი კავშირი არ აქვს. ეს არის საქართველოს ეროვნული ინტერესების წინააღმდეგ მიმართული საქმე, სადაც ჩემდა სამწუხაროდ, საქართველოს პროკურატურა ეროვნულ ინტერესებს ხელყოფს, ამ საქმეზე დევნის განხორციელებით, ერთი მხრივ, ის პრეტენზიები, რასაც ქართული პროკურატურა გიორგი გახარიას უყენებს, ერთი-ერთში ემთხვევა ე.წ. სამხრეთ ოსეთის დე ფაქტო ცხინვალის საოკუპაციო რეჟიმის რიტორიკას. შესაბამისად, სამართლიანობაზე არ იქნება საუბარი. ჩვენ მიმოვიხილეთ მტკიცებულებები, რომელიც საქმეშია წარმოდგენილი, მათ შორის, სახელმწიფო უსაფრთხოების სამსახურის დასკვნები, ანგარიშები, რომელიც მქუხარე ტაშით იქნა მოწონებული და საქართველოს პარლამენტის მხრიდან დადებითად განხილული.ამ ყველაფერს თავი რომ დავანებოთ, თუ ეროვნული ინტერესების რაღაცა ხელყოფის აქტი განხორციელდა ჩორჩანაში, ქართულ მიწაზე, ქართული მიწის დაცვისთვის, ქართული საპოლიციო საგუშაგოს ჩადგმით, როგორ აირჩიეს გიორგი გახარია ამ ადამიანებმა და როგორ გამოუცხადეს ნდობა პრემიერ-მინისტრის თანამდებობაზე ორჯერ. ამ ადამიანების სიტყვას არც მაშინ ჰქონია ფასი და არც ახლა აქვს ფასი იმიტომ, რომ ზუსტად იმავეს გააკეთებენ, რასაც უბრძანებს ერთი ადამიანი, მათი სუვერენი, მათი პატრონი, ბიძინა ივანიშვილი და, სწორედ მისი შეკვეთით ხორციელდება დღეს მართლმსაჯულება გიორგი გახარიას მიმართ - არა მართლმსაჯულება, არამედ პოლიტიკური მართლმსაჯულება, საქართველოს ეროვნული ინტერესების ღალატის აქტი.რა თქმა უნდა, მოუწევს აქ მობრძანება სახელმწიფო უსაფრთხოების სამსახურის უფროსს და იმის ახსნა თუ როგორ არ იცოდა ინფორმაცია საგუშაგოს აგების შესახებ და საოკუპაციო ხაზს მიღმა ტერიტორიიდან, ცხელი ხაზის მეშვეობით როგორ გაიგო საგუშაგოს აგების შესახებ. თუ ეროვნული ინტერესების ღალატს ჰქონდა ადგილი, მას, როგორც ეროვნული უსაფრთხოების საბჭოში მუდმივ მოქმედ საბჭოს წევრს, რატომ არ აქვს დაყენებული ეს საკითხი ეროვნული უსაფრთხოების საბჭოს სხდომაზე? რატომ დუმდა მთელი ამ პერიოდის განმავლობაში და იმ ადამიანის მთავრობაში რატომ მოიპოვა შინაგან საქმეთა მინისტრის თანამდებობა, როდესაც გიორგი გახარიას პრემიერ-მინისტრის პოზიციაზე ნდობა იქნა გამოცხადებული? რატომ დათანხმდა შინაგან საქმეთა მინისტრის თანამდებობას, თან ერთხელ კი არა, ორჯერ — ეს არ დაგავიწყდეთ. ამ ადამიანებს, მათ შორის არა მხოლოდ უსაფრთხოების სამსახურის უფროსს, ყოფილ თავდაცვის მინისტრს, რომელიც ახლა მრჩეველია რაღაც განათლების საკითხებში, მათ შორის, თავდაცვის ყოფილ მინისტრს, დაზვერვის სამსახურის უფროსს, ფინანსთა მინისტრს, პრემიერ- მინისტრ ბახტაძეს, რომელიც არაფრის საქმის კურსში არ იყო თურმე, მოუწევს აქ მობრძანება და კრიტიკულ შეკითხვებზე პასუხის გაცემა იმიტომ, რომ ეს არ არის გიორგი გახარიას წინააღმდეგ წარმოებული სისხლის სამართლის საქმე მხოლოდ, ეს არის ეროვნული ინტერესების წინააღმდეგ მიმართული აქტი, რომელმაც შეიძლება ამ ქვეყნის ტერიტორიული მთლიანობა და სუვერენიტეტი დააზიანოს", - განაცხადა ბერდია სიჭინავამ.

ჰორმუზის სრუტე თუ არ გაიხსნება, ნავთობის ფასები ყველას გაანადგურებს, – ამის შესახებ სერბეთის პრეზიდენტმა, ალექსანდრე ვუჩიჩმა განაცხადა.სერბეთის პრეზიდენტის თქმით, ნავთობის ფასების უკონტროლოდ ზრდა, არ შეიძლება, იყოს დაშვებული.სერბეთის პრეზიდენტმა განაცხადა, რომ ამჟამინდელ დაძაბულობას, შესაძლოა, სერიოზული გავლენა ჰქონდეს ნავთობისა და გაზის ფასებზე.„ჩემი მიდგომაა, რომ სუბსიდირების მექანიზმებს მომდევნო თვის განმავლობაში განვსაზღვრავთ, რადგან ფასების უკონტროლოდ ზრდის დაშვება არ შეგვიძლია. გაზის ფასები გაიზარდა, გაზი აღარ არის, კატარმა ონკანი გადაკეტა. ჩვენ ძალიან რთულ ფაზაში შევდივართ. ასე თუ გაგრძელდა, ეს ევროპაში ყველასთვის ჯოჯოხეთი იქნება. ჰორმუზის სრუტე თუ არ გაიხსნება, ნავთობის ფასები ყველას გაგვანადგურებს“, – განაცხადა სერბეთის პრეზიდენტმა.