განათლების სამინისტროსთან საპროტესტო აქცია იმართება

ღონისძიება იუსტიციის მინისტრმა პაატა სალიამ გახსნა და მსჯავრდებულთა რესოციალიზაცია-რეაბილიტაციის ხელშეწყობის პროცესში ცენტრის მნიშვნელობაზე ისაუბრა.შეხვედრაზე მოწვეულ სტუმრებს მსჯავრდებულთა პროფესიული მომზადებისა და გადამზადების ცენტრის დირექტორმა თამთა დემურიშვილმა 2020 წლიდან დღემდე განხორციელებული პროექტები გააცნო. ღონისძიებაზე ცენტრის თანამშრომლებს მადლობის სიგელები გადაეცათ. მსჯავრდებულთა პროფესიული მომზადებისა და გადამზადების ცენტრი მსჯავრდებულთა რესოციალიზაცია-რეაბილიტაციის პროცესის მხარდაჭერის მიზნით შეიქმნა. ცენტრის მთავარ ფუნქციას წარმოადგენს მსჯავრდებულთა პროფესიული მომზადება-გადამზადების ხელშეწყობა, მათთვის პროფესიული კურსებისა და დასაქმების პროგრამების შეთავაზება და განხორციელება.

უცნაურია, როგორ განიხილეს საქართველო საკითხი ჰელსინკის კომისიაში, ჩინეთის კომუნისტურ პარტიასთან ურთიერთობას ბიზნესურთიერთობების განვითარება დაარქვეს, როცა თავად ტრამპი პეკინში ჩასვლას აპირებს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისივე თქმით, ჰელსინკის კომისია თავისი პათოსით ასცდა მსოფლიოში მიმდინარე პროცესებს.ამასთან, როგორც ვოლსკმა აღნიშნა, საქართველოსთან დაკავშირებით მოსმენას, რომ არცერთი კონგრესმენი არ დაესწრო, არის მანიფესტაცია, რას წარმოადგენს დღეს ჰელსინკის კომისია.„ჰელსინკის კომისიაში არიან კონგრესმენები, სახელმწიფო უწყებების წარმომადგენლები და ექსპერტები, რომლებიც სიტუაციას აანალიზებენ, გეგმავენ და კონგრესმენებს, ადმინისტრაციას რჩევებს აძლევენ. რას დაემსგავსა საქართველოსთან მიმართებით მათი საქმიანობა? – გამოჩნდა დაფინანსების წყაროები, ლობისტები, ლობისტებისთვის ფინანსების სქემებში ცალკეული გვარები, მათ შორის ჰელსინკის კომისიის წევრის, ჯო უილსონის. ახლა ჰელსინკის კომისიის აღმასრულებელი დირექტორი, საკმაოდ დიდი ფიგურა კორუფციის გამო სერიოზულად უტევს იმ წევრებს, რომლებიც ჰელსინკის კომისიას ლიდერობენ. რასაკვირველია, უცნაურად გამოიყურება ისიც, როგორ განიხილეს საქართველო საკითხი. რას დაუკავშირეს ქვეყანა? – ჩინეთის კომუნისტურ პარტიასთან ურთიერთობას ბიზნესურთიერთობების განვითარება დაარქვეს, როდესაც თავად ტრამპი პეკინში ჩასვლას უახლოეს პერიოდში აპირებს. მთელი ევროკავშირი პეკინისკენ მიისწრაფვის. ჰელსინკის კომისია თავისი შინაარსით, თავისი პათოსით ასცდა იმ პროცესებს, რომელიც მსოფლიოში მიმდინარეობს. ჩვენ კიდევ შემოგვესივნენ იმ ექსპერტების მეშვეობით, რომლებიც არათუ აგინებენ ტრამპს და მოძალადეს უწოდებენ, არამედ აფინანსებენ, ხელფასს აძლევენ პოლიტიკურ ძალებს, რომლებიც ქუჩაში ახალგაზრდების გამოყვანით არიან დაკავებულები. ეს არის დღეს ჰელსინკის კომისია, რომელიც საქართველოს უპირისპირდება. საკითხების განხილვას არც ერთი კონგრესმენი არ დაესწრო, რაც ერთ-ერთი მანიფესტაცია, თუ რას წარმოადგენს და რა შინაარსი აქვს დღეს ჰელსინკის კომისიას“, – განაცხადა ვოლსკიმ.

სოხუმის სახელმწიფო უნივერსიტეტის შენარჩუნებას აქვს მორალური, ჰუმანური და პოლიტიკური მნიშვნელობა, ეს არის აფხაზეთთან ჩვენი ერთიანობის სიმბოლო, – ამის შესახებ პარტია „გახარიას საქართველოსთვის“ წევრმა, დეპუტატმა სოფო ხორგუანმა განაცხადა.მისივე თქმით, სტუდენტთა კვოტების განსაზღვრის გადაწყვეტილებით სოხუმის სახელმწიფო უნივერსიტეტის ლიკვიდაციის პროცესი იწყება, რაც თითოეული დევნილისთვის სილის გაწვნაა.„აფხაზეთი საქართველოა! გვინდა, გამოვეხმაუროთ ირაკლი კობახიძის ანტიეროვნულ, ანტიქართულ გადაწყვეტილებას, რომელიც ზურაბ ადეიშვილის მოადგილემ გივი მიქანაძემ გაახმოვანა. ამ გადაწყვეტილებით იწყება სოხუმის სახელმწიფო უნივერსიტეტის ლიკვიდაციის პროცესი, რეალურად, ლიკვიდაცია ჰქვია, რასაც გვთავაზობენ. არადა, ირაკლი კობახიძემ დადო საჯარო დაპირება, როცა პარლამენტში იყო მოსული და ჩვენს კითხვას უპასუხა, თუ რას უპირებდა ომგადატანილ, დევნილ უნივერსიტეტს. კობახიძემ თქვა, რომ შეინარჩუნებდნენ. აქვე, ყოველ ჯერზე ახსენებდნენ ისტორიული გამოცდილებით არსებულ პროფილს, მაგრამ ირაკლი კობახიძემ ამჯერადაც მოიტყუა. სოხუმის სახელმწიფო უნივერსიტეტი არ არის მხოლოდ განათლების კერა. ჩვენ გვყავს აფხაზეთის მთავრობა დევნილობაში, მაგრამ სოხუმის უნივერსიტეტის მნიშვნელობა ბევრად მეტია. საქართველოს დამოუკიდებლობისა და თავისუფლებისთვის ბრძოლა ყოველთვის იყო განათლების უფლებისთვის ბრძოლასთან გათანაბრებული! სოხუმში ქართული უნივერსიტეტის დაფუძნებას სამშობლოს მოყვარული ადამიანების სიცოცხლე შეეწირა. უკვე ომგადატანილმა დევნილებმა წვალებით 1993 წლის ნოემბერში აღადგინეს თბილისში და დღემდე მოიტანეს. 500-მდე პროფესორ-მასწავლებელი და 3 ათასამდე სტუდენტი ჰყავს დღეს.სოხუმის სახელმწიფო უნივერსიტეტის შენარჩუნებას აქვს მორალური, ჰუმანური და პოლიტიკური მნიშვნელობა. ეს არის მეხსიერების ადგილი, იდენტობის შენარჩუნების და გადარჩენის ადგილი, სიმბოლო ჩვენი ერთიანობის აფხაზეთთან. ეს არის ადგილი, რომელმაც გადაარჩინა ბევრი დევნილი იმ საშინელ წლებში. გადარჩენა მხოლოდ ფიზიკური გადარჩენა არ არის. ეს არის სილის გაწვნა თითოეული დევნილისთვის. დევნილისთვის, რომელიც ყოველ დღე ცხოვრობს იმედით, რომ სახლში, აფხაზეთში დაბრუნდება. რას სთვაზობენ დევნილებს, მიზერულ დახმარებას და წლობით რიგში დგომას ბინებისთვის და ამ პროცესშიც პოლიტიკური კორუფცია გვაქვს. რას ეუბნება ამ გადაწყვეტილებით ირაკლი კობახიძე დევნილებს, რომლებიც ოცნებობენ შინ დაბრუნებაზე, რომ იქ ჩაიტანონ ცოდნა და გამოცდილება, წვლილი შეიტანონ სამშობლოს აღორძინებაში. მოვუწოდებთ ირაკლი კობახიძეს, გაიწვიოს ეს ეროვნული ინტერესების წინააღმდეგ მიმართული გადაწყვეტილება და სოხუმის სახელმწიფო უნივერსიტეტის სტატუსი შენარჩუნდეს იმ ფორმით, რაც მას აქვს დღეს. კიდევ ერთხელ, აფხაზეთი საქართველოა! როგორც ჩანს, ხშირად უნდა შევახსენოთ ძალაუფლების მიმტაცებლებს. ჩვენ დავბრუნდებით აფხაზეთში, დავიბრუნებთ აფხაზებს და ერთად ავაშენებთ ერთიან და განვითარებულ საქართველოს! და საქართველო იმარჯვებს! აფხაზეთი საქართველოა“, – განაცხადა ხორგუანმა.

აშშ საქართველოსთან კონსტრუქციულ ურთიერთობას ესწრაფვის, – ამის შესახებ აშშ-ის სახელმწიფო დეპარტამენტში „ნეტგაზეთს“ განუცხადეს.„ნეტგაზეთის“ ცნობით, აშშ-ს სახელმწიფო დეპარტამენტში განაცხადეს, რომ აშშ-ში განიხილავენ ნაბიჯებს, რომლებიც საქართველოს მთავრობამ შეიძლება გადადგას ქვეყნებს შორის ურთიერთობების განმტკიცებისა და წინსვლის მიმართ სერიოზული დამოკიდებულების დასადასტურებლად.„ამერიკის შეერთებული შტატები 33 წლის განმავლობაში იყო საქართველოსა და ქართველი ხალხის რჩეული პარტნიორი. ჩვენ კვლავაც ვრჩებით საქართველოს დამოუკიდებლობის, სუვერენიტეტისა და ტერიტორიული მთლიანობის მტკიცე მხარდამჭერებად. ამერიკის შეერთებული შტატები საქართველოსთან კონსტრუქციულ ურთიერთობას ესწრაფვის.სამშვიდობო შეთანხმება, რომელსაც პრეზიდენტმა ტრამპმა სომხეთსა და აზერბაიჯანს შორის შუამავლობით მიაღწია, ტრანსფორმაციულ შესაძლებლობებს სთავაზობს მთელ სამხრეთ კავკასიას. საქართველოს შეუძლია, როგორც საკუთარი წვლილი შეიტანოს, ისე დიდი სარგებელი მიიღოს იმ სტაბილურობისა და კეთილდღეობისგან, რომელსაც ეს შეთანხმება ხდის შესაძლებელს.ჩვენ გავაგრძელებთ საქართველოს მთავრობასთან ურთიერთობას იმ საკითხებზე, რომლებიც გავლენას ახდენს ჩვენს ორმხრივ ურთიერთობებსა და საქართველოში არსებულ პოლიტიკურ გარემოზე. ჩვენ ასევე განვიხილავთ იმ კონკრეტულ ნაბიჯებს, რომლებიც საქართველოს მთავრობამ შეიძლება გადადგას ჩვენს ქვეყნებს შორის ურთიერთობების განმტკიცებისა და წინსვლის მიმართ სერიოზული დამოკიდებულების დასადასტურებლად“, – განუცხადეს „ნეტგაზეთს“ აშშ-ის სახელმწიფო დეპარტამენტში.

საქართველოს ხელისუფლებამ რომ მოვინდომოთ და ბრიტანეთში რომელიმე რადიკალური ოპოზიციის პროპაგანდისტური ინსტრუმენტი დავაფინანსოთ, გვეუბნებიან, მკაცრად დაგვსჯიან, ფულს არ დაგვახარჯინებენ, ეს ის წესია, რასაც იღებენ, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისი თქმით, რამდენიმე თვის წინ დიდი ბრიტანეთის ელჩმა შეშფოთება გამოხატა, რომ მას და ბრიტანეთის საელჩოს არ მიეცა საშუალება, დაეფინანსებინა რადიკალური ოპოზიციის პარტიული კედლის გაზეთი „ტაბულა“.„ბავშვმაც კი იცის, რომ „ტაბულა“ პარტიული კედლის გაზეთია. ეს არ არის აფილირებული მედია და ა.შ. ბრიტანეთის ელჩი ცდილობდა, რადიკალების პარტიული კედლის გაზეთი დაეფინანსებინა. დღეს ბრიტანეთისგან ვიგებთ, რომ ჩვენ ბრიტანეთში იმავე, რომ განვახორციელოთ, სასტიკად დაგვსიჯდნენ. ჩვენ გვიყურებენ, როგორც მეორეხარისხოვან ადამიანებს, ხალხს, ქვეყანას.  წარმოუდგენიათ, რომ ეს ყველაფერი მათთან არ უნდა მოხდეს, არავინ უნდა ჩაერიოს, ბრიტანეთმა უნდა გადაწყვიტოს და თურმე, ქართველებს არ გვაქვს უფლება, ბრიტანელ ხალხს მივეხმაროთ დემოკრატიის განვითარებაში. არ შეიძლება, ჩვენგან. რაიმე ისწავლონ და ჩვენ დავაფინანსოთ ბროტანეთში პოლიტიკური აქტივობა? ქართულ ფულს რაიმე მანკი აქვს თუ წუნი? პირიქით, ხარები ვგონივართ. თურმე, აქ ფული უნდა ხარჯონ და ხმაც არ უნდა ამოვიღოთ. მთელი უტიფრობა ისაა, ერთია ფულს რომ ხარჯავენ, მაგრამ არათუ შენიშვნა, კითხვა რომ დაუსვა, შეიცხადებენ და თავს შეურაცცყოფილად გრძნობენ, როგორც გუშინ, შეურაცხყოფილად იგრძნო თავი ევროკავშირის ელჩმა, რომელიც საგარეო უწყებაში იმყოფებოდა, როგორ თუ კითხვებს სვამს ქართველი ხალხი, რაში ხარჯავენ ფულს. როგორ თუ, ქართველი ხალხი იშმუშნება და კითხულობს, რაში იხარჯება დანიელების ფული. დანიამ რა იცის საერთოდ, იციან ვინ ვართ? დანიის მოსახლეობამ რუკა რომ აიღოს, საერთოდ გაიგებს, სადაა საქართველო?“, – განაცხადა შალვა პაპუაშვილმა.მისი თქმით, ეს იმ ფარისევლობას აჩვენებს, რომელიც ყოველთვის კარგად იფუთებოდა, მგრამ დღეს ვერ იფუთება და ბევრჯერ ვამხილეთ.„ჩვენი მთავარი იარაღია მართალი სიტყვა. ამიტომ ცდილობენ ჩვენს დასჯას, რომ გაგვაჩუმონ. მთავარი მიზანია, როგორმე გაგვაჩუმონ. როცა ვიტყვით ხოლმე, სიტყვას დაიჭერენ და ეს საკითხები სკდება, როგორც USAID-ს სკანდალი გასკდა, სხვა საკითხებიც ნაღმივით აუფეთქდათ ხელში. რა ვქნათ, ერთი პატარა ქვეყანა ვართ, არ გვაქვს ბორთვული შეირაღება და ეკონომიკური ბერკეტები სხვაზე ზემოქმედების მიზნით. აღმოჩნდა, რომ ქართული სიტყვა უფრო ძლიერია სხვა ბერკეტებზე“, – განაცხადა შალვა პაპუაშვილმა.